Достапни линкови

Милион евра, како дошле така отишле - вие коментирате


Нови банкноти од 100 и 200 евра
Нови банкноти од 100 и 200 евра

Украдените речиси милион евра од куќа во Скопје, ширењето на корона вирусот и интервјуто со лидерот на ВМРО ДПМНЕ Христијан Мицкоски предизвикаа огромен број коментари на нашата ФБ страница.

Украдените речиси милион евра од куќа во Скопје предизвикало огромен број коментари на нашата ФБ страница. И претпоставки од каде му се на сопственикот толку пари, па уште и дома и зошто не ги чувал в банка и да ги пријави во УЈП. Никола С Ангелл како коментар ја кажал старата вистина: „Како дошле така отишле“, исто како и Орфеј Нака Ахмедовски само на турски: „Haram geldi haram gitti“, алудирајќи дека се незаконски заработени, па така и ги снемало. Дивна Гешовска постирала: „Браво, да види сега како е да имаш па да немаш“. Љупка Чичевска – Стоевска со задоволство: „Аххх, браво! Еден милион да чуваш дома значи уште 10 имаш по банки. Ништо страшно, со здравје да си ги ужива новиот сопственик“, а Бранко Николовски ѝ одговара: „Така е, алал да му е како дошло така ошло, а тој што ги имал парите сега да се затвори за затајување данок“. „Овој на Боки ташната ја чувал изгледа!“ – шегобијно постирал Владимир Филиповски.

Заради компликации од корона вирусот почина и првиот лекар – Арификмет Деари од Тетово, инаку уролог, кој бил хоспитализиран заради невролошки проблеми, соопшти министерот Венко Филипче. Коментарите главно се сочувства до семејството, но има и од оние во стилот, „лажат, нема корона“, „колку испоумираа, а само 2 милиона народ сме во Македонија“ и други неумесни коментари... Милев Иван резигнирано напишал: „За сите што тресат зелени, не внимаваат, не веруваат, зборуваат небулози, им порачувам дека ʼзимата е назадʻ а животот е ʼтркалоʻ“.

Голем број ваши постови, почитувани, има и по неделното интервју на РСЕ со првиот човек на ВМРО-ДПМНЕ, Христијан Мицкоски, кој покрај другото кажува: „Реалноста за името не ја игнорираме, но македонскиот оган нема да згасне...“

Владата на ВМРО-ДПМНЕ ќе стимулира квалитет на МРТВ
please wait

No media source currently available

0:00 0:12:09 0:00

Љупчо Пинтовски луто постирал два коментара: „Значи, пак лажење... Ако ја прифаќаш реалноста не можеш и да ја негираш, истовремено...“ и „Ами, што тогаш се ку...чиш дека не признаваш договори, дека ќе ги менуваш, дека нема да го употребуваш новото уставно име Република Северна Македонија и тн...???? Или само гол популизам за твоите патриотчињаааа...“ Мицкоски во интервјуто исто така вели: „Ние ја користиме вокативната форма од името Македонија, тоа е Македонијо, зашто сакаме да покажеме еден вид на гордост...“ А Владимир Милчин постирал: „Абдалу е исто така вокативна форма. Абдал во падеж (вокатив)! Инаку, на македонски се вели вид гордост, не вид НА гордост! Покажи еден вид гордост и унапреди го владеењето со мајчиниот македонски јазик“. Посетителите на нашата ФБ страница, во предизборјево, ги вадат на виделина и наводните валкани дејанија на блиски или на претставници на двете најголеми партии. Потпишан со Марко Цепенко објавува линк до ФБ страницата „Слободно Кавадарци“ каде што на 2 мај 2019 година е објавено појаснување за делата на Благој Давков, сопругот на предводничката на ВМРО-ДПМНЕ на една од партиските листи, Гордана Силјановска Давкова, кога бил директор на земјоделско-сточарската задруга „Доне Попов“ и неговото наводно профитерство со задругата. Драган Марковски, пак, го пренесува текстот на Инфомакс, пренесен од порталот Плусинфо дека, наводно, „Цело СДСМ е вклучено во случајот ʼРекетʻ, Заев, Шилегов, Шекеринска, Мила...“ Стојанче Стојанов го коментира интервјуто на Мицкоски за нашево радио: „Абе вмровчиња како тебе нѐ тапкаа 30 години во место и сега ако дојдете на власт ќе враќате Преспански и ќе менувате име. ... Сега сакате пак да бидете на власт и да нѐ вратите од отворените порти што ни ги отворија НАТО и ЕУ. Арам да ви се тие 11 години владеење...“ Трајче Трајковски му одговара: „Нема да го вратат (името), они учествуваа во промената на името“.

  • 16x9 Image

    Горица Попова

    Родена е во Кочани, дипломирала во 1976 год. на Филозофскиот факултет во Скопје. Како новинар работи над 30 години. Почнала во Македонско радио- Радио Скопје во 1978 год. Од јуни 2009 год. е соработник на Радио Слободна Европа.

XS
SM
MD
LG