Достапни линкови

„Горна Македонија“ го погоди нервот


Посредникот во разговорите за спорот за името, амбасадорот Метју Нимиц.

Прашањето во Хајд паркот - „Дали името Горна Македонија е прифатливо име?, предизвика многу коментари на нашата интернет страница.

Дали постуденото време ве тера повеќе да седите покрај компјутерите, да ги читате нашите информации и да пишувате коментари? Или, пак, понудените теми се доволно провокативни, па на повеќето од нив сте испратиле голем број коментари и мислења?

Ако знаеме дека тоа може да се случи, зошто да ја држиме земјата во изолација уште 2 или 3 децении?

Тоа, најнакрај, не е ни толку важно, важно е што со прашањето во Хајд паркот - „Дали името Горна Македонија е прифатливо име?“ и со вториот прилог на таа тема - очигледно сме погодиле во вашиот нерв. А тоа, впрочем, е и најважно за некоја редакција или новинар.

Има различни коментари, од навредливи за редакцијата на Радио Слободна Европа на македонски јазик, дека „некој како нас и неколку наши истомисленици мислиме дека од уши памет ни тече па го распродаваме“, како што пишува Јовица; дека сме биле „тотална дрска пропагандна машинерија составена од изроди и издаици од тежок калибар“, како што смета Енциклопедија Скопјаника; „Да не местите случајно?“, прашува потпишан со 1948, затоа што интервјуираните луѓе сите биле да се промени името, а коментарите во колумната „се спротивни“. За Столе сме „странски агенти и домашни предавници“ и во нормална држава ваквите луѓе светеле како сијалички на „електрична столица“.

Ако со тоа се реши спорот за името, не гледам проблем во придавката Горна. Тогаш, македонскиот дел во Грција е Долна Македонија!

Инаку, некој Футурист прави пресметки дека по 20-30 години, ние Македонците ќе сме биле околу 50% во државава, па мнозинството можело да реши какво било име да ѝ даде, па „ако знаеме дека тоа може да се случи, зошто да ја држиме земјата во изолација уште 2 или 3 децении?“

За Татко овој народ не смее да дозволи никаква промена на името, а за ММ од Битола промената ќе го „намали интегритетот на државата и на народот“. За Трале предлогот со одредницата „Горна“ е еден од подобрите предлози на медијаторот, зашто со тек на време „Горна“ ќе биде „исфрлено од употреба“.

Бети смета дека предлогот ни одговара, затоа што и сме тоа, ги решаваме сите проблеми и си ја потврдуваме и поткрепуваме историјата и долговековното постоење на нашиот народ. Александар, со историски аргументи и упатувања на антички извори и понова, современа литература потсетува дека и во античко време, градовите спротиводно на Аксиос или на Вардар се нарекувале Горно- македонски градови. Весна Ѓорчева запишала: „Ако со тоа се реши спорот за името, не гледам проблем во придавката Горна. Тогаш, македонскиот дел во Грција е Долна Македонија!“

  • 16x9 Image

    Горица Попова

    Родена е во Кочани, дипломирала во 1976 год. на Филозофскиот факултет во Скопје. Како новинар работи над 30 години. Почнала во Македонско радио- Радио Скопје во 1978 год. Од јуни 2009 год. е соработник на Радио Слободна Европа.

Ваше мислење

Покажи ги коментарите

XS
SM
MD
LG