Лидерите на Европската унија не успеаја да ги оживеат нивните ветувања за отворање на пристапни преговори со Северна Македонија и Албанија. Ова е екстремно разочарувачки. ЕУ сега треба да расчисти колку сериозни се нивните обврски кон интеграцијата на Западниот Балкан, напиша еврокомесарот за проширување Јоханес Хан на Твитер.
„Им благодарам на сите кои минатата ноќ ја ставија целата своја тежина на постигнување одлука од големо стратегиско значење за ЕУ и праќање сигнал а надеж за граѓаните на Западен Балкан“, напиша Хан.
Хан повтори, како и во Луксембург, дека ова не е момент со кој може да се гордее ЕУ.
„Да се одбие признанието на докажан напредок ќе има негативни последици, вклучително и ризикот од дестабилизација со целосен импакт врз ЕУ“, предупреди Хан.
#EU leaders failed to live up to their commitment to open #accession negotiations with #NorthMacedonia and #Albania at #EUCO. This is a matter of extreme disappointment. #EU #MS now need to clarify how serious their commitment is to the #WesternBalkans’ #EU integration. 1/4
— Johannes Hahn (@JHahnEU) October 18, 2019
Првиот човек на Европската народна партија, најголемата политичка група во Европскиот парламент, Манфред Вебер на својот профил на Твитер напиша дека Северна Македонија и Албанија заслужуваат европска перспектива.
„Во интерес на ЕУ ние треба да избегнеме креирање на нестабилност во регионот во кој стабилноста е многу потребна“, напиша Вебер.
#NorthernMacedonia and #Albania deserve a European perspective. In the #EU%27s own interest, we should avoid creating instability in a region where stability is so much needed. #WesternBalkans #EUCO @EPPGroup
— Manfred Weber (@ManfredWeber) October 18, 2019
Реагираше и италијанскиот премиер Џузепе Конте наведувајќи дека вчерашниот ден ќе биде запаметен како историска грешка.
„Албанија и Северна Македонија чекаат за прием во ЕУ отсекогаш. Се надевам дека разочарувањето нема да стане обезхрабрување. Италија секогаѓ ќе ги брани нив“, наведува Конте.
Известувачот на Европскиот парламент за Косово, Тања Фајон пак наведе дека многу разочарана што е пропуштена уште една можност да се покаже дека проширувањето е важно и да се одржат ветувањата. ЕУ е повторно заложник на Франција која не разбира и продолжува да ги поткопува нашите ЕУ интереси на Балканот.
I am extremly disappointed #EUCO missed yet another opportunity to demonstrate that enlargement matters and that we keep our promises. #EU has again been taken hostage by #France🇫🇷 which does not understand and continues to undermine our own #EU🇪🇺 interest in the Balkans. 1/2
— Tanja Fajon, mag. (@tfajon) October 18, 2019
Реагираа и неколку поранешни политичари. Поранешниот генерален секретар на НАТО Андрес Фог Расмусен на Твитер наведе дека жали поради неможноста Европскиот совет да донесе стратегиска одлука и да ги отвори преговорите со Северна Македонија и Албанија и да ги охрабри реформите. Ваквото краткорочно размислување ќе ги ослаби Европа и Балканот, ќе го поткопа кредибилитетот на ЕУ во регионот и ќе ги засили амбициите на Москва и Пекинг, напиша Расмусен.
Поранешниот грчки премиер Алексис Ципрас наведе „некогаш европските вредности се посилни на Балканот отколку во Брисел“
Sometimes European values are stronger in the Balkans than in Brussels. It is to our peoples that we owe, to continue fighting for the future and unity of Europe.
— Alexis Tsipras (@tsipras_eu) October 18, 2019
Реагираше и поранешниот министер за надворешни работи на Грција Никос Коѕијас кој е и потписник на договорот од Преспа.
„Додека Сирија е во оган, недостига стратегиска визија во ЕУ. Пристапните преговори со Северна Македонија мора д почнат сега. Поддршка на Договорот од Преспа и стабилноста во Северо-источна Европа е императив. Инаку ЕУ ќе биде одговорна за какви било нови комликации во регионот“, напиша Коѕијас.