Украинците продолжуваат да пружаат отпор во опколениот град Мариупол, изјави денеска претседателот Володимир Зеленски што е спротивно на тврдењето на Русија дека го „ослободила“ стратешкото пристаниште на Азовско Море по речиси два месеца интензивно гранатирање кое предизвика илјадници смртни случаи и масовно уништување. Рускиот претседател Владимир Путин вчера изјави дека руските сили го „ослободиле“ Мариупол и не нареди да се нападне комплексот на фабриката за челик Азовстал, каде што се кријат неколку илјади украински војници заедно со уште илјадници цивили.
Путин наместо јуриш нареди опсада на челичарница во Мариупол
Наместо тоа, Путин наредил руски силите да го затворат Азовстал толку цврсто што „дури и мува не може да излезе“, тврдејќи дека „нема потреба“ да се ризикуваат животите на руските војници. Но, Зеленски рече дека борбите продолжуваат. „Тие можат само да го одложат неизбежното - времето кога напаѓачите ќе треба да ја напуштат нашата територија, особено Мариупол, град кој продолжува да се спротивставува на Русија, и покрај се што велат окупаторите“, изјави тој.
Бајден најави нова воена помош за Украина
Во најновото редовно британско ажурирање се наведува дека одлуката на Путин да го блокира Азовстал најверојатно укажува на желбата да се ограничи отпорот во Мариупол. Британската војска, исто така, соопшти дека силното гранатирање продолжило во Донбас додека Русија се обидува да напредува понатаму во источна Украина. Американскиот претседател Џо Бајден, исто така, рече дека руското тврдење за победа во Мариупол е „сомнително“.