Во текот на вториот квартал дојде до видно стабилизирање на епидемиолошката состојбa и олабавување на рестриктивните мерки, со што и показателите за глобалната економска активност се поволни, се посочува во најновиот Квартален извештај на Народна банка (НБ) што беше усвоен на редовната седница на Советот на Народната банка.
Главните извори на неизвесност и ризици во глобални рамки, се посочува, и понатаму се поврзуваат со развојот на пандемијата и процесот на имунизација.
„Последните макроекономски показатели од домашната економија главно се движат во очекуваните рамки. Проценетите податоци за БДП за првиот квартал од 2021 година покажуваат намалување од 1,9 отсто, што претставува продлабочување на годишниот пад, коешто беше очекувано и при априлската проекција. Во однос на инфлацијата, просечната годишна стапка на инфлација во првата половина на годината изнесува 2,4 отсто, што е очекувана динамика со оглед на растот на светските цени на примарните производи“, соопшти НБ.
- Владата на СДСМ, за 4 години ја задолжи државата колку претходната за 11
- Економиите по пандемијата - Има ли светло на крајот на тунелот?
Оттаму нагласуваат дека големата променливост на цените на светските пазари и понатаму е главниот извор на неизвесност околу идните движења на домашните цени. Истакнуваат дека кредитната активност на банкарскиот сектор во текот на вториот квартал од годината оствари забрзан квартален раст, што, посочуваат, е вообичаено за овој период на годината.