Најмалку 20 лица се повредени во денешниот земјотрес во Петриња, од кои две лица се тешко повредени, а 18 се полесно повредени, јавија локалните медиуми, повикувајќи се на информации од болницата во Сисак.
Во земјотресот со јачина од 6,3 степени според Рихтеровата скала и со епицентар во хрватскиот град Петриња, кој се наоѓа на 46 километри одалеченост од Загреб загина едно девојче, а урнати се и голем број куќи и јавни објекти во градот.
Пациентите се транспортираат и во болниците во Загреб. Градоначалникот на Петриња Даринко Думбович ја спореди состојбата во градот со Хирошима.