Рускиот претседател Владимир Путин во телефонски разговор со неговиот турски колега Реџеп Таип Ердоган повика на соработка меѓу лидерите за прекинување на борбите, соопшти Кремљ.
Двајцата лидери „ја истакнаа итната потреба од заеднички напори да се стави крај на крвопролевањето што е можно поскоро и да се оди кон мирно решавање на проблемот со Нагорно Карабах“, се наведува во соопштението од Кремљ.
Ова е прв телефоснки разговор меѓу Путин и Ердоган по избивањето на борбите во Нагорно Карабах кон крајот на минатата месец.
Азербејџан претходно потврди дека извршил напад врз локација за лансирање на ракети во Ерменија за која Баку тврди дека се користела за таргетирање на цивилни области. Борбите избувнаа во и околу регионот на 27 септември.