Грчкиот премиер Кирјакос Мицотакис, денеска, како што е најавено, треба да го соопшти владиниот план за туризмот и економијата. Портпаролот на грчката Влада Стелиос Пецас, претходно рече дека се подготвува кохерентен план за рестартирање на туризмот, во кој ќе бидат вклучени сите аспекти и здравствените и во однос на патувањето, но и економските. Туризмот беше една од главните теми на вчерашната видео конференциска средба, на премиерите на Грција, Бугарија, Романија и претседателот на Србија.
Димитров на „Солун 2020“: Регионот мора да закрепне
Претходно на иницијатива на шефовите на македонската и грчката дипломатија се одржа министерска средба за координација и унапредување на соработката на Министерствата за надворешни работи од земјите од Западен Балкан и земјите од ЕУ од регионот за тековната и идна соработка во врска со можните начини за регулирање на прекуграничните патувања, транспортот и туризмот, исполнувајќи ги потребните медицински критериуми.