Македонскиот претседател Стево Пендаровски ја откажува посетата на Рим и Ватикан по повод чествувањето на Свети Кирил и Методиј на 24 Мај поради состојбата со Ковид-19, соопштија од Кабинетот на Претседателот.
„Државните делегации на Република Северна Македонија и Република Бугарија веќе неколку години заедно оддаваат почит на 24 Mај, Денот на сесловенските просветители светите браќа Кирил и Методиј, положувајќи цвеќе кај базиликата „Санта Маџоре“ како и на гробот на свети Кирил во базиликата „Свети Климент“ во Рим и Ватикан. Имајќи ја предвид пандемијата на Ковид – 19, како и фактот дека Република Италија е една од земјите која се соочува со големи предизвици, кабинетите на претседателот Стево Пендаровски и претседателот на Република Бугарија, Румен Радев донесоа одлука дека одбележувањето ќе го поместат во втората половина на 2020 година кога условите тоа ќе го овозможат, на соодветен ден и датум“, стои во соопштението.
- Функционерите корона не ги бие, може да одат и во странство
- Софија со закана за македонските европски интеграции
- Бечев: Реториката на Бугарија го засилува ВМРО-ДПМНЕ
Одложувањето на чествувањето на сесловенските просветители во Рим и Ватикан е потврдено и од кабинетот на бугарскиот претседател Радев.