Достапни линкови

Вести

Илјадници граѓани синоќа протестираа во Црна Гора со барање за нови избори

Протест во Подгорица
Протест во Подгорица

Повеќе од десет илјади луѓе синоќа излегоа на протест пред црногорскиот парламент во Подгорица барајќи повлекување на законот за претседателски овластувања и предвремени избори.

Протестот беше организиран од движењето „Нѐ има нас“, кое ја има поддршката на Демократската партија на социјалистите (ДПС) на претседателот Мило Ѓукановиќ и нејзините сојузници.

На митингот учествуваа луѓе од сите делови на Црна Гора, држејќи транспаренти на кои пишуваше „Нѐ има нас, за Црна Гора, за ЕУ“ и „Сакаме избори“. Тие вееја и црногорски национални знамиња, како и знамиња на ЕУ и САД. Немаше инциденти на настанот, кој се одржа во услови на силно полициско присуство.

Говорниците кои се обратија пред толпата упатија обвинувања против партиите кои имаат мнозинство во парламентот предводени од прорускиот Демократски фронт, Демократите и Граѓанското движење на Ура, кои одбиваат да распишат предвремени избори во последните два месеци и кои допрва треба да формираат нова влада.

Пратеникот на Демократската партија на социјалистите Никола Јановиќ го повтори барањето на опозицијата за одржување нови избори.

„Да се измериме пред граѓаните, граѓаните да ги стават сите на свое место и Црна Гора да биде повторно слободна по овие избори. Понижувањето на оваа земја мора да престане“, рече Јановиќ.

Црна Гора е членка на НАТО и кандидат за членство во Европската унија.

Земјата со 620.000 жители прогласи независност од Србија во 2006 година, но околу една третина од нејзиното население се идентификува како Срби, а некои веруваат дека Црна Гора не треба да биде посебна земја.

Небојша Мрваљевиќ од Форумот на слободни граѓани и организатор на протестот рече дека петицијата за одржување на предвремени парламентарни избори досега ја потпишале 30.000 граѓани.

Меѓу политичарите кои учествуваа на митингот имаше функционери од опозициската ДПС, Социјалдемократската партија, Социјалдемократите и Либералната партија.

Со измена на законот за претседателски овластувања, актуелното парламентарно мнозинство се обидува да пренесе дел од овластувањата на Ѓукановиќ за номинирање кандидати за парламентот.

Опозицијата смета дека повикот за предвремени парламентарни избори е излез од политичката криза во која се наоѓа Црна Гора по падот на две влади од почетокот на годинава.

види ги сите денешни вести

Сиљановска-Давкова побарала од Матарела гаранции за македонските евроинтеграции

Гордана Сиљановска-Давкова
Гордана Сиљановска-Давкова

Гаранции за европската иднина на државата, побарала претседателката Гордана Сиљановска-Давкова денеска (24 мај) во Рим на средбата со нејзиниот италијански колега Серџо Матарела.

„Побарав од италијанскиот претседател и од Италија на натамошниот пат да помогнат околу давање гаранции за нашата европска политичка иднина, на што тој одговори дека е подготвен да застане зад нас се разира и во барањето на решенија со соседите“, изјави Сиљановска-Давкова по средбата со Матарела.

Како што јавува МИА, претседателката средбата ја оценила како плодна и конструктивна. На неа било разговарано за сестраната соработка, не само со Северна Македонија, туку и со целиот регион на Западен Балкан.

„Претседателот рече дека Италија ќе продолжи да го поддржува регионот, да не поддржува нас, во секој поглед, не само во евроинтеграциите, туку и во економијата, обраозванието, културата, одбраната, па и италијанското и нашето членство во меѓународни организации“, рече Сиљановска-Давкова.

Со средбата со Матарела таа го завршува официјалниот дел на посетата на Рим и Ватикан во рамки на честувањето на 24 Мај - Денот на сесловенските просветители, на која беше на аудиенција кај папата Франциск, а денеска присуствуваше на молебен на гробот на Свети Кирил во базиликата „Свети Климент“. Покрај тоа таа потоа положи венец пред спомен-плочата на македонски јазик во базиликата „Санта Марија Маџоре“.

Ова е прва првата официјална посета во странство на претседателката Сиљановска-Давкова, по победата на претседателските избори на 8 мај.

Највисокиот суд на ОН му нареди на Израел да ја прекине офанзивата во Рафа

Меѓународeн суд на правдата
Меѓународeн суд на правдата

Врховниот суд на Обединетите нации (ОН) му нареди на Израел да ја запре воената офанзива во Рафа во јужниот дел на Појасот Газа, во итна пресуда од 24 мај во случајот во кој Јужна Африка го обвини Израел за геноцид.

Судиите во Меѓународниот суд на правдата рекоа дека ситуацијата во Појасот Газа се влошила откако последен пат му наредиле на Израел да преземе итни чекори за олеснување на хуманитарната криза во Газа.

Читајќи ја пресудата на Меѓународниот суд на правдата, претседателот на Меѓународниот суд, Наваф Салам, рече дека привремените мерки што судот ги нареди во март не ја решија целосно ситуацијата во енклавата.

Судот, исто така, му нареди на Израел да го отвори преминот Рафа меѓу Египет и Газа за да дозволи хуманитарна помош и рече дека мора да им дозволи на истражителите пристап до опколената енклава и да известуваат за напредокот во рок од еден месец.

Наредбата беше усвоена од 15 судии од целиот свет со 13 гласа „за“ и два „против.

„Против“ гласаа судиите од Уганда и Израел.

По наредбата на судот, кабинетот на израелскиот премиер Бенјамин Нетанјаху објави дека ќе се одржат телефонски консултации со високи министри.

„Палестинските власти ја поздравија одлуката на Меѓународниот суд на правдата, наведувајќи дека пресудата претставува меѓународен консензус за ставање крај на војната во Појасот Газа“, изјави портпаролот на палестинскиот претседател Набил Абу Рудеина.

Јужна Африка, исто така, ја поздрави наредбата на Меѓународниот суд на правдата и ги повика членките на ОН да ја поддржат наредбата до Израел да ја запре офанзивата врз градот Рафа.

„Верувам дека тоа е многу посилно, во однос на формулацијата, збир на привремени мерки, многу јасен повик за крај“, изјави министерот за надворешни работи на Јужна Африка, Наледи Пандор.

Одлуката на судот ја поздрави и Хамас, организација која САД и ЕУ ја прогласија за терористичка организација. Според Хамас, наредбата на судот се уште не е доволна, но е неопходно да се бара прекин на израелската офанзива во целиот Појас Газа.

Претставниците на Јужна Африка минатата недела побараа од Меѓународниот суд на правдата да нареди „итно“ запирање на израелската кампања, вклучително и во Рафа и да го олесни пристапот до хуманитарна помош.

Израел побара од судот да го одбие барањето, тврдејќи дека присилниот прекин на огнот ќе им овозможи на борците на Хамас да се прегрупираат и да го спречат враќањето на заложниците земени во нападот на 7 октомври 2023 година.

Во пресудата во јануари, судот му нареди на Израел да стори се што е во негова моќ за да спречи геноцидни дејствија во Газа, но не нареди прекин на огнот.

Јужна Африка тврди дека неодамнешната израелска операција во Рафах ја променила ситуацијата на теренот, поради што судот треба да издаде нови итни наредби.

Израел постојано ги отфрла обвинувањата за геноцид како неосновани. Израел пред судот тврдеше дека операциите во Газа биле самоодбрана и дека биле насочени кон борците на Хамас кои го нападнаа Израел на 7 октомври минатата година.

Најкрвавата војна во Газа избувна по нападот на Хамас на 7 октомври 2023, кој резултираше со смрт на повеќе од 1.170 луѓе, од кои повеќето цивили. Милитантите зедоа и 252 заложници.

Во израелската одмаздничка офанзива загинаа најмалку 35.800 луѓе во Газа, од кои повеќето жени и деца, според Министерството за здравство управувано од Хамас.

Израел воведе опсада што остави 2,4 милиони жители на Газа без чиста вода, храна, лекови и гориво.

Тешки борби на северот на Газа, израелски тенкови навлегуваат во Рафа

Газа
Газа

Израелските сили ги засилија воените напади во Појасот Газа, рекоа жителите и медицинските работници, при што беа пријавени тешки борби во Џабалија, во северниот дел на палестинската енклава и тенкови кои продираат подлабоко во јужниот дел на Рафа.

Лекарите рекоа дека најмалку пет Палестинци биле убиени кога биле погодени куќи во Џабалија и дека се верува дека повеќе се затрупани под урнатините, но дека во областа не може да се стигне поради интензитетот на бомбардирањето.

Израелската војска претходно соопшти дека нејзините сили ја исчистиле Џабалија, најголемиот од осумте бегалски кампови во Газа, но се вратиле таму овој месец, велејќи дека тоа било за да се спречи прегрупирање на исламистичките милитанти.

Жителите рекоа дека тенковите уништиле локалниот пазар и дека булдожерите продолжиле да уништуваат продавници и имот во тесните улички на Џабалија.

Судиите во највисокиот суд на Обединетите нации(ОН) попладне на 24 мај треба да донесат одлука за барањето на Јужна Африка да му нареди на Израел да ја запре офанзиватана Рафа и да се повлече од Појасот Газа, како дел од поширокиот случај во кој Израел се обвинува за геноцид.

Израел го започна нападот врз Газа откако Хамас, кој САД и ЕУ го сметаат за терористичка организација, го нападна јужниот дел на Израел на 7 октомври, убивајќи 1.200 луѓе и земајќи повеќе од 250 заложници, според израелските податоци.

Оттогаш, во израелските напади загинаа повеќе од 35.000 луѓе, според здравствените власти во Газа под контрола на Хамас.

ЕУ го критикува руското отстранување на естонските гранични ознаки

Естонија - Ппоглед на мостот над реката Нарва на граничниот премин со Русија, 16 февруари 2017 година
Естонија - Ппоглед на мостот над реката Нарва на граничниот премин со Русија, 16 февруари 2017 година

Европската унија(ЕУ) ја критикуваше Русија за отстранување на ознаките (пловечки маркери) на реката Нарва што ја означуваат границата со Естонија.

„Овој граничен инцидент е дел од поширокиот модел на провокативно однесување и хибридни дејства од страна на Русија, вклучително и на нејзините поморски и копнени граници во регионот на Балтичкото Море. Таквите дејства се неприфатливи“, рече Жозеп Борел, висок претставник на ЕУ за надворешни работи и безбедност.

Естонија на 23 мај објави дека руските граничари пред зори ги отстраниле ознаките од реката Нарва, која ги дели двете земји.

Русија го оспори поставувањето на пловечките маркери, кои се користат за да ги спречат чамците да залутаат во странски води и не се согласува со планираните локации за околу половина од ознаките, соопшти естонската гранична служба.

Естонската премиерка Каја Калас изјави дека нејзината земја се обидува да ја разјасни ситуацијата со Русија.

Таа рече дека се чини дека тоа е дел од „поширока шема“ на Москва за употреба на „алатки поврзани со границите за создавање страв и вознемиреност“.

Рускиот вршител на должност во Естонија, Ленар Салимулин, на 24 мај беше повикан во естонското Министерство за надворешни работи, кое соопшти дека отстранувањето на пловечките маркери го третира како „провокативен инцидент на границата“ и дека тоа „добро се вклопува во пошироката шема на руската провокативно однесување, вклучително и на границите со соседите“.


Лидерите на Летонија и Финска најавија дека двете земји ќе реагираат мирно и врз основа на факти на ненадејниот руски проект за редефинирање на поморската граница во Балтичкото Море.

„Јасно е дека Русија бара нови начини за хибридни дејства и на нашите граници на ЕУ и НАТО. Се разбира, треба да бидеме внимателни и да реагираме врз основа на фактите“, изјави летонската премиерка Евика Силиња во Рига, по состанокот со нејзиниот фински колега Петри Орпо.

Орпо рече дека земјите ќе продолжат внимателно да го следат развојот на настаните.

„Ние сме и мора да бидеме добро подготвени за сите видови закани кои доаѓаат од Русија“, рече Орпо.

Тој додаде дека е можно да се види „временската поврзаност со сите овие прашања во Финска, во Литванија, во Естонија“.

Руското Министерство за одбрана објави нацрт на контроверзната иницијатива за прилагодување на поморските граници во Финскиот залив и руски Калининград, кој граничи со Литванија, што веднаш предизвика тревога во соседните држави.

Нацртот потоа исчезна од базата на податоци без да се наведе причината.

„Разделба“ не значи независност, туку крај на Република Српска, според амбасадата на САД во БиХ

Мајкал Марфи, амбасадор на САД во Босна и Херцеговина, 36 август 2022 година.
Мајкал Марфи, амбасадор на САД во Босна и Херцеговина, 36 август 2022 година.

„Разделба“ од Република Српска(РС) не значи независност на РС или крај на Босна и Херцеговина(БиХ), туку крај на Република Српска, соопшти амбасадата на Соединетите Американски Држави(САД) во БиХ, еден ден откако властите на тој ентитет најавија дека ќе и предложат „мирна разделба“ со другиот босанскохерцеговски ентитет, Федерацијата на Босна и Херцеговина.

Во објава на мрежата Икс (поранешен Твитер), амбасадата на САД соопшти дека овие планови значат отцепување и дека тоа е „опасна, неодговорна, антидејтонска акција која го става територијалниот интегритет, суверенитет и мултиетничкиот карактер на Босна и Херцеговина во ризик“.

Амбасадата на САД посочи дека тоа се клучните интереси на САД и дека ќе ги бранат и штитат, меѓу другото, „со тоа што ќе одговараат на оние кои ги изложуваат на ризик“.

Тие посочуваат дека властите на РС одлуката ја објаснуваат со „група лаги и дезинформации дизајнирани да ја исплашат јавноста“.

„Не постои меѓународен заговор за укинување на РС, а господинот Додик (Милорад, претседател на РС) не може да издвои ниту една изјава на ниту еден американски функционер кој повикува на укинување на РС“, се вели во соопштението.

Од амбасадата на САД додаваат дека „БиХ не е унија на два ентитета“.

„Како што е изрично наведено во Дејтонскиот мировен договор и во Уставот на Босна и Херцеговина, Босна и Херцеговина е држава наследник на Република Босна и Херцеговина. Уставот на Босна и Херцеговина не дава право на отцепување или „разделба“ ниту на ентитетите ниту на која било пониска административна единица. РС може да постои само во рамките на Босна и Херцеговина“, се вели во објавата.

Според американската амбасада во БиХ, активностите на Додик „ја ставаат во опасност иднината во евроатлантските институции што ја сакаат граѓаните на Босна и Херцеговина, вклучително и РС“, и дека патот што тој го предлага „ќе обезбеди граѓаните на РС, нивните деца и внуците да немаат мирен, просперитетен живот во демократијата каков што заслужуваат“.

Владата на Република Српска (РС) по седницата одржана во четвртокот на 23 мај најави дека во следните 30 дена ќе состави договор кој ќе му биде испратен на другиот босанскохерцеговски ентитет, Федерацијата на Босна и Херцеговина, а кој ќе се однесува на „мирна разделба“ во Босна и Херцеговина.

„Ова не е отцепување, мирната разделба не е отцепување, уставно загарантираното право е мирното раздружување. Ние ќе понудиме разделба, бидејќи ако не сметате за геноциден народ, што не сме, тогаш не мораме да живееме заедно“, рече премиерот на РС, Радован Вишковиќ.

На седницата на Владата присуствуваше и претседателот на ентитетот Милорад Додик, кој на прес-конференција рече дека за ваквата одлука ќе побара поддршка од раководството на Србија.

Седницата се одржа во пресрет на Генералното собрание на Обединетите нации, каде беше усвоена Резолуцијата за Сребреница, со која се осудува негирањето на геноцидот и глорификацијата на воените злосторници.

Властите во РС, како и во соседна Србија, не признаваат дека во тој град се случил геноцид во јули 1995 година и велат дека тоа е „страшно злосторство“.

Брнабиќ: Ќе ми биде тешко да соработувам со земјите коспонзори на резолуцијата за Сребреница

Србија - Ана Брнабиќ, претседателка на парламентот на Србија
Србија - Ана Брнабиќ, претседателка на парламентот на Србија

Ќе ми биде исклучително тешко да соработувам со земјите спонзори и коспонзори на резолуцијата за Сребреница, изјави претседателката на парламентот на Србија, Ана Брнабиќ, изјави за Радио и телевизија на Србија (РТС).

„Ќе се чувствувам многу поблиска со земјите кои гласаа против или воздржано или ја напуштија просторијата. Ќе продолжиме да работиме со нашите партнери, Европската унија е во наш интерес, но јас секогаш ќе бидам со земјите кои беа со нас“, рече Брнабиќ.

На седницата на 23 мај, Генералното собрание на Обединетите нации(ОН) усвои резолуција со која 11 јули се прогласува за Меѓународен ден на сеќавање на геноцидот во Сребреница и го осудува негирањето на геноцидот и глорификацијата на воените злосторници.

Претставниците на 84 земји гласаа за усвојување на Резолуцијата за Меѓународниот ден на комеморација и сеќавање на геноцидот во Сребреница на пленарниот состанок на Генералното собрание на ОН, вклучително и сите земји од земјите од „квинтата“ (Франција, Германија, Италија, Велика Британија и Соединетите Американски Држави), голем број земји-членки на Европската унија и сите поранешни југословенски републики(вклучително и Северна Македонија), освен Србија.

Против резолуцијата гласаа 19 земји, а воздржани беа 68 земји.

Ана Брнабиќ оцени дека оние земји што се воздржале претставувале „јасен глас дека не се за резолуцијата“.

Таа додаде дека „во секое време“ ќе биде со земјите што беа со Србија во ОН и им се заблагодари на сите што ги поддржаа позициите на Белград.

Повеќе од 50 луѓе беа осудени на околу 700 години затвор за геноцидот во Сребреница, кој го изврши Армијата на РС и во кој беа убиени најмалку 8.372 Бошњаци.

Според податоците од Меморијалниот центар Поточари од јули 2023 година, пронајдени и закопани се посмртните останки на 6751 жртва на геноцидот во Сребреница, додека по околу илјада жртви сè уште се трага.

Во 2007 година, Меѓународниот суд на правдата во Хаг го окарактеризира злосторството во Сребреница како геноцид, во кое во јули 1995 година беа убиени повеќе од 8.000 мажи и момчиња од тогашната енклава под заштита на Обединетите Нации.

Пресудите на Хаг и домашните судови за виновни за геноцид прогласија поединци, а не колективи, држави или ентитети. Хашкиот суд утврди дека Србија и Црна Гора не се одговорни за геноцидот во Босна и Херцеговина, ниту се соучесници, иако поранешна Југославија не направила ништо за да го спречи тоа.

Радован Караџиќ, првиот претседател на Република Српска, беше осуден во Хаг на доживотна казна затвор за геноцидот во Сребреница, како и за злосторства против човештвото и кршење на законите и обичаите на војната во другите делови на Босна и Херцеговина.

Во истиот суд на доживотен затвор поради геноцид е осуден и главниот командант на ВРС, Ратко Младиќ.

САД ќе ги преиспитаат односите со Грузија поради законот за „странски агенти“

Ентони Блинкен, државен секретар на Соединетите Американски Држави (САД)
Ентони Блинкен, државен секретар на Соединетите Американски Држави (САД)

Соединетите Американски Држави(САД) најавија визни ограничувања за владините претставници на Грузија и сеопфатна ревизија на билатералните односи со Тбилиси поради законот за „странски агенти“ што неодамна го протурка владејачката партија Грузиски сон и покрај неколкунеделните масовни протести.

Законот, формално наречен Акт за транспарентност на странско влијание, се смета дека отсликува слична репресивна мерка што Кремљ ја воведе во Русија, загрозувајќи го патот на земјата кон интеграција во Европската унија (ЕУ) и доближувајќи ја до Москва.

Тоа го осудија САД и ЕУ, велејќи дека е „некомпатибилно“ со долгогодишната кандидатура на Грузија за членство.

„Стејт Департментот спроведува нова политика за ограничување на визниот режим за Грузија, која ќе се однесува на поединци одговорни или соучесници во поткопувањето на демократијата во Грузија, како и на членовите на нивните семејства“, изјави американскиот државен секретар Ентони Блинкен, додавајќи дека ограничувањата важат и за оние кои се одговорни за „потиснување на граѓанското општество и слободата на мирно собирање во Грузија преку кампања на насилство или заплашување“.

Критичарите велат дека законот го воведе владејачката партија Грузиски сон, основана од грузискиот тајкун Бидзина Иванишвили, пријател на Русија, за да ја консолидира партиската моќ пред изборите подоцна оваа година, кои се сметаат за клучни за евроатлантскиот пат на Грузија.

„Секој што ги поткопува демократските процеси или институции во Грузија, вклучително и пред, за време и по изборите во Грузија во октомври 2024 година, може да се смета дека не ги исполнува условите за визи за САД според оваа политика и да му биде забрането да патува во Соединетите држави. предмет на овие ограничувања“, рече Блинкен.

Во соопштението не се споменува име на ниту едно лице кое би можело да биде санкционирано според новите ограничувања.


Вашингтон постојано ја поддржува западната интеграција на Грузија, а Блинкен рече дека започнува „сеопфатен преглед на билатералната соработка меѓу САД и Грузија“.

„Американската поддршка за грузиската демократија е долгогодишна и фундаментална за нашите билатерални односи“, рече Блинкен, предупредувајќи дека САД ќе продолжат да ги следат потезите на грузиската влада.

Грузија доби статус на кандидат за членство во ЕУ на 14 декември, но се уште не ги започнала пристапните преговори, кои би можеле да траат со години. Грузијците добија зелено светло за укинување на визите во Шенген зоната во март 2017 година.

Владејачката партија Грузиски сон инсистираше на тоа дека останува посветена на приклучувањето кон западните институции, а законот требаше само да ја зголеми транспарентноста на финансирањето на невладините организации.

Претседателката на Грузија, Саломе Зурабишвили, која не се согласи со владата, стави вето на законот на 18 мај, но парламентот контролиран од Грузискиот сон има доволно гласови да го отфрли.

Се одбележува 24 мај - Денот на сесловенските просветители Кирил и Методиј

Северна Македонија - споменикот на Свети Кирил и Методиј, Скопје
Северна Македонија - споменикот на Свети Кирил и Методиј, Скопје

Со повеќе настани во Северна Македонија се одбележува 24 мај - Денот на сесловенските просветители светите браќа Кирил и Методиј, основоположници на словенската писменост.

Државно-црковна делегација предводена од претседателката Гордана Сиљановска Давкова престојува во Рим и во Ватикан каде ќе се поклони на гробот на Свети Кирил, во рамки на манифестацијата „Ден на светите Кирил и Методиј“, а имаше и аудиенција кај папата Франциск.

Државниот врв го честита 24 Мај. Претседателката Сиљановска Давкова во честитката порача дека со своето знаење, жед за вистината, правдољубивоста, посветеноста, хуманизмот и благородноста, светите Кирил и Методиј покажале дека можат да се надминат ограничувањата и да се победат неправдите.

„Благодарение на нив, словенските народи добија можност за развој на својата духовност, култура, образование, а македонската јазична и културна самобитност, светогледот и космополитизмот, се втемелени од нивната работа“, пишува во честитката од Сиљановска Давкова.

Техничкиот премиер Талат Џафери испрати две одделни честитки по повод Денот на сесловенските просветители. Едната е до поглаварот на Македонската православна црква-Охридска архиепископија, г.г. Стефан, до Синодот на МПЦ-ОА, свештенството и монаштвото на Црквата и до сите верници, а другата до ректорката на Универзитетот „Свети Кирил и Методиј“ Скопје, Биљана Ангелова, до деканите, продеканите, професорите, сенаторите, до студентите на Универзитетот и до граѓаните.

Во честитката на собранискиот спикер Јован Митрески, пишува дека „делото на светите браќа Кирил и Методиј е темел на македонското јазично и духовно битисување во семејството на словенските народи во Европа и е голем цивилизациски придонес како за македонскиот, така и за сите народи кои ги негуваат словенските културни вредности и традиции“.

Во пресрет на Денот на 24 Мај, владина делегација предводена од министерката за животна средина и просторно планирање Каја Шукова и дополнителниот заменик министер за внатрешни работи Митко Бојмацалиев, вчера положи цвеќе пред споменикот на Свети Кирил и Методиј, на платото пред Универзитетот „Св. Кирил и Методиј“ во Скопје.

По повод Денот на сесловенските просветители, на Православниот-богословски факултет „Св. Климент Охридски“ беа одржани Првите Кирилометодиеви научни средби. Научните средби се во организација на Институтот за национална историја и Православниот-богословски факултет „св. Климент Охридски“ со цел одбележување на патрониот празник на Универзитетот „Св. Кирил и Методиј“, како и зачувување и афирмирање на вековните македонски историски и црковни традиции.

Во согласност со Законот за празници, 24 Мај - Денот на сесловенските просветители светите браќа Кирил и Методиј е државен празник и неработен ден за сите граѓани на Северна Македонија.

Временска прогноза - сончево и топло, попладне пороен локален дожд

Илустрација
Илустрација

Времето денеска ќе биде сончево и топло со мала до умерена облачност. Ќе дува слаб до умерен ветер претежно од северозападен правец. Попладне ќе има изолирана појава на нестабилност со краткотраен пороен дожд и грмежи, соопштија од Управата за хидрометеролошки работи (УХМР).

Минималната температура ќе биде во интервал од 7 до 14 целзиусови степени, а максималната ќе достигне од 21 до 29 целзиусови степени.

Во Скопје ќе биде сончево и топло со мала до умерена облачност и со умерен ветер од северозападен правец. Минималната температура ќе се спушти до 10, а максималната ќе достигне до 27 целзиусови степени.

Во деновите од викендот ќе преовладува променливо облачно време, на места нестабилно со пороен дожд, грмежи и локална појава на невреме, соопштија од УХМР.

Во понеделник се очекува преодно стабилизирање на времето, а од вторник во попладневните часови повторно ќе има изолирана појава на пороен дожд и грмежи.

Реакции во Србија по усвојувањето на резолуцијата за геноцидот во Сребреница

Српскиот претседател Александар Вучиќ во српско знаме по усвојувањето на резолуцијата за геноцидот во Сребреница на Генералното собрание на Обединетите нации, 23 мај 2024 година.
Српскиот претседател Александар Вучиќ во српско знаме по усвојувањето на резолуцијата за геноцидот во Сребреница на Генералното собрание на Обединетите нации, 23 мај 2024 година.

Откако Генералното Собрание на Обединетите Нации денеска, 23 мај, ја усвои резолуцијата за геноцидот во Сребреница, вечерва пристигнуваат реакции од претставниците на српската власт.

Резолуцијата беше усвоена со 84 гласа „за“, 19 гласа „против“ и 64 „воздржани“, а тоа значи дека 11 јули се прогласува за Меѓународен ден на сеќавање на геноцидот во Сребреница.

По завршувањето на заседавањето во ОН, претседателот на Србија, Александар Вучиќ, им се заблагодари на сите земји што беа воздржани или гласаа против.

„Ова е големо изненадување, многу луѓе беа шокирани во салата. Од оние кои беа во салата, 87 не гласаа за Резолуцијата. Две третини од жителите на планетата беа на наша страна“, рече Вучиќ.

Особена благодарност Вучиќ упати до Кина, Русија и Обединетите Арапски Емирати.

„Србија никогаш нема да ја заборави поддршката од овие држави, но и од Унгарија, која беше единствена во регионот против“, додаде Вучиќ.

Тој упати благодарност и до српскиот народ, пособено до Србите во Косово, Црна Гора и Република Српска.

Мали: Направено е злосторство против Србија

Вицепремиерот и министер за финансии на Србија, Синиша Мали на својот Инстаграм профил напиша дека е „сторено злосторство“ против Србија.

„На нашиот народ му беше дадена етикета што не ја заслужува, а тоа го направи современиот свет, кој е полн со демократија и развој. Ќе се сеќаваме“, напиша Мали.

Тој додаде дека е горд на претседателот Александар Вучиќ, „кој достоинствено одговорил на многу тежок предизвик на највисоко ниво денеска во Њујорк“.

„Горди сме на Србија, на него, на силата и кредибилитетот што ги покажавме. Горди сме затоа што на целиот свет му ја кажа вистината и затоа што не се плашеше од оние многу поголемите од нас“, напиша Мали.

Петковиќ: Резолуцијата нема да придонесе за помирување

Директорот на Канцеларијата за Косово, Петар Петковиќ, по гласањето напиша дека резолуцијата „нема да придонесе за помирување или смирување на тензиите, туку само ќе биде како ветер во грб за нови насилни претензии и акции“.

Тој додаде дека претседателот Вучиќ покажал „како е да се бранат интересите на меѓународното јавно право“.

„Србија покажа како треба да се брани достоинството на мала суверена земја на Балканот, која не се согласува да ѝ се лепат опасни политички етикети само затоа што тоа и одговара на нечија меѓународна агенда денес“, напиша Петковиќ.

Колони автомобили во Белград во знак на протест

Од друга страна пак, во знак на протест токму против усвојувањето на резолуцијата, десетици автомобили со истакнати српски знамиња во колона се движат по главните улици на Белград.

Автомобили со истакнати српски знамиња минуваат низ главните улици на Белград.
Автомобили со истакнати српски знамиња минуваат низ главните улици на Белград.

Вчитај повеќе

XS
SM
MD
LG