Достапни линкови

Вести

Реорганизација на администрацијата - помалку директори и членови на управни одбори

Илустрација - Вработени во државна администрација
Илустрација - Вработени во државна администрација

Спојување на неколку институции во една, трансфери на вработени и затворање на агенции, ова се дел од промените коишто ќе бидат преземени во рамки на реорганизација на администрацијата.

Реорганизацијата се прави во рамки на ИПА-проектот, финансиран и поддржан од Европската Унија, во кој учествува целата Влада, а целта е да се овозможи поекономично и поефикасно работење на администрацијата.

Министерот за информатичко општество и администрација, Адмирим Алити, најави дека неколку институции и агенции ќе бидат споени во едно, бидејќи експертите констатирале дека вршат иста работа, поради што нема потреба да постојат две или три како досега. Некои од агенциите ќе се затворат, односно ќе бидат трансферирани како сектор во некое друго министерство.

„Експертите констатираат дека не мора да има некоја агенција со седум члена на управен одбор и директор, односно само администрацијата е битна во таа агенција. Има и случаи каде, на пример во Министерството за информатичко општество и администрација, ќе креираме нова институција - дигитална агенција. Во оваа агенција ќе бидат префрлени дел од вработените во администрацијата. “, вели Алити.

Работниците ниско ангажирани, газдите слабо мотивирани за инвестиции во кадарот

Министерот тврди дека нема да има отпуштање на вработени, но дека ќе има намалување на бројот на директори и на членови на управни одбори.

„Вработените ќе бидат трансферирани. Значи, со реорганизација нема ниеден вработен да биде отпуштен од работа бидејќи посебно во централна власт ние имаме дефицит на вработени, така што можно е да има прераспределување, меѓутоа вработените ќе останат. А, да ќе има директори кои денеска се директори, а во 2024 штом таа институција нема да има веќе директор нема да бидат директори“, рече тој.

Како пример го посочи постоечкиот Инспекциски совет, кој, со реорганизацијата нема да постои, односно, како што рече, администрацијата што е во Инспекциски совет ќе биде трансферирана во министерството, исто што и МАРНЕТ (Македонската академска истражувачка мрежа), која ќе биде префрлена во Министерството за образование и наука.

види ги сите денешни вести

ОН: Најмалку 670 луѓе загинале при лизгање на земјиште во Папуа Нова Гвинеја

Илустрација, село во Папуа Нова Гвинеја
Илустрација, село во Папуа Нова Гвинеја

Се верува дека повеќе од 670 луѓе загинале по огромно лизгање на земјиштето во Папуа Нова Гвинеја, изјави претставникот на Обединетите Нации,Серхан Актопрак за новинската агенција Франс Прес. Првичните проценки се дека се затрупани најмалку 150 куќи и дека се загинати над 670 луѓе.

„Ситуацијата е ужасна затоа што сè уште се забележува лизгање на земјата. Водата тече и тоа создава огромен ризик за сите вклучени во спасувањето“, додаде Актопрак, кој е со седиште во Порт Морезби.

Некогаш раздвиженото село на ридот во провинцијата Енга беше речиси целосно уништено кога лизгањето на земјиштето се случи во раните утрински часови во петокот, затрупајќи голем број домови и луѓето што спиеја внатре.


„Луѓето користат лопати, но и големи земјоделски вилушки за да ги отстранат телата затрупани под надојдената почвата“, рече Актопрак.

Повеќе од 1.000 луѓе се раселени поради катастрофата, додаде тој, а градините со храна и залихите на вода се речиси целосно збришани.

Агенциите за помош и локалните лидери првично стравуваа дека меѓу 100 и 300 луѓе можеби загинале во катастрофата.

Бројот на жртвите беше ревидиран бидејќи спасувачите на терен сфатија дека во селото живеат повеќе луѓе отколку што беше првично проценето, рече Актопрак.

Станува збор за село кое е дом на повеќе од 4.000 рудари кои бараа злато во регионот на висорамнините.

Спасена група со седумгодишно дете која залутала во клисурата кај Пчиња

Директорот на ЦУК со извлечените луѓе кај Пчиња
Директорот на ЦУК со извлечените луѓе кај Пчиња

Спасени се залутани две жени, еден маж и едно седумгодишно момче, доцна синоќа откако заглавиле на исклучително стрмен терен, пред манастирот Мала Богородица по клисурата на реката Пчиња под автопатот Скопје Велес. Спасители со чамец по Пчиња од Катланово стигнале до локацијата каде што биле залутаните лица и безбедно ги извлекле од десниот на левиот брег, а потоа и до автопатот.

„Теренот таму е исклучително стрмен и опасен за движење“, информираа од Центарот за управување со кризи.

Оттаму велат дека тројцата планинари со детето биле спасени доцна во ноќта, после полноќ, со помош на тим на спасители на вода од доброволно друштво од Велес со кое ЦУК соработува за вакви ситуации.

„За жал, водејќи се по џи-пи-ес ја промашиле патеката и се заглавиле на стрмните падини и побараа помош на бројот 112. Спасителите не можеа да дојдат до нив, една карпа не дозволуваше да се пристапи до нив. Но, тие се пробија до десната страна на брегот на реката Пчиња“, вели директорот на ЦУК Стојанчо Ангелов кој синоќа бил дел од спасувачката акција.

Во 2 часот по полноќ лицата беа безбедно префрлени преку реката Пчиња и извлечени горе на автопатот, од каде што со возила се превезоа во нивните домови во Скопје соопштија од Центарот за управување со кризи.

Втор круг претседателски избори во Литванија

Претседателски избори во Литванија, гласа литванската премиерка која е и претседателски кандидат
Претседателски избори во Литванија, гласа литванската премиерка која е и претседателски кандидат

Граѓаните на Литванија денеска избираат нов претседател на државата. Во тек е вториот круг од претседателските избори, во кои се влезени двајца кандидати.

И двајцата кандидати се согласуваат дека членката на НАТО и ЕУ од 2,8 милиони треба да ги зголеми трошоците за одбрана за да се спротивстави на Русија. Актуелниот претседател Гитанас Наузеда (60) е фаворит за освојување на уште еден петгодишен мандат, откако во првиот круг освои 44 од гласачките ливчиња.


Неговата противкандидатка, 49-годишната премиерка Ингрида Симоните, која доби 20 проценти во првиот круг, загуби од Наузеда на последното претседателско гласање.

Обвинител ќе го истражува проблемот со хируршките сали

Илустрација
Илустрација

Обвинителство ќе истражува дали има кривично дело во неработењето на хируршките сали во Клиничкиот центар „Мајка Тереза“. Според првичните информации кои беа објавени изминатава недела, дел од причините поради кои не работат салите е непријатниот мириси кој што се ширел низ вентилацискиот систем, како и проблемот со доводот на кислород.

Од Министерството за здравство една недела не коментираат за причините нити дали се преземени мерки за надминување на проблемот поради кој се затворени хируршките сали во најголемиот медицински комплекс во земјава „Мајка Тереза“. Оттаму известија дека испратиле допис до Обвинителството за затворените хируршки сали.

„Ќе се преземат дејствија за да се провери дали во настанот воопшто има елементи на кривично дело,“ велат од ОЈО.

Ни од раководството на Клиничкиот центар во јавноста не споделија информација дали дефектот поради кој со денови веќе не се вршат операции е решен и кога ќе бидат ставени во функција.

За состојбите на клинички центар вчера на прес-конференција реагираше портпарол на ВМРО-ДПМНЕ, Наум Стоилковски, обвини дека цела недела никој не испитал во што е проблемот, од каде доаѓа непријатната миризба и дали станува збор за загадување кое може сериозно да им наштети на пациентите.

Променливо облачно време со можност за пороен дожд

Облачно време
Облачно време

Денеска не очекува променливо облачно време, наместа нестабилно со пороен дожд и грмежи, а локално и со услови за краткотрајно невреме. Се очекува да дува слаб до умерен ветер од југоисточен правец. Минималната температура ќе биде во интервал од 8 до 16, а максималната ќе достигне од 20 до 27 степени.

Во Скопје променливо облачно, попладне во делови од котлината нестабилно со пороен дожд и грмежи. Минималната температура ќе се спушти до 14, а максималната ќе достигне до 26 степени.


Од УХМР информираат дека во следните денови ќе има честа појава на пороен дожд и грмежи, особено во попладневните часови. Локално процесите ќе бидат во форма на краткотрајно невреме со интензивен пороен дожд, силен ветер и изолирана појава на град.

Најмалку едно лице загина, четири се повредени при падот на мал авион во близина на Загреб

Илустрација, Спортски авион во авионска несреќа
Илустрација, Спортски авион во авионска несреќа

Едно лице загина, а четворица се повредени при пад на спортски авион недалеку од Загреб, соопшти денеска хрватската полиција на социјалната мрежата Икс (Х) порано позната како Твитер.

На летот биле регистрирани пет патници. Во соопштението е наведена куса информација дека во тек е организација за итна помош на повредените и организирање на нивниот транспорт до болниците.

На местото на несреќата пристигна и премиерот Андреј Пленковиќ кој рече дека сите во авионот се хрватски државјани, објавина својот интернет портал Н1.

Пленковиќ изјавил дека четирите лица кои ја преживеале авионската несреќа не се во животна опасност.

Полицијата нешто пред 16 часот добила информација за пад на авион „Цесна 182“ на подрачјето на Ступник, а во областа веднаш била испратена итна помош.

Израел го бомбардира Појасот Газа и покрај наредбата да сопре од меѓународниот суд

Илустрација
Илустрација

Израел продолжи со бомбардирањето врз Појасот Газа, вклучувајќи го и градот Рафа, на 25 мај, еден ден откако највисокиот суд на Обединетите Нации (ОН) му нареди да ги запре воените операции.

Израел не даде никакви индикации дека пресудата на Меѓународниот суд на правдата (МСП) влијаела на неговото планирање.

„Израел нема да спроведе воени операции во областа Рафа каде што се „создаваат услови за живот што би можеле да предизвикаат уништување на палестинското цивилно население, целосно или делумно“, изјави израелскиот советник за национална безбедност Цачи Ханегби, повторувајќи ја формулацијата најдена во пресудата на МСП.

Исто така, по состанокот меѓу американските и израелските официјални лица во Париз на 25 мај, израелски официјален претставник рече дека Тел Авив се обидува да ги обнови разговорите во наредните денови во обид да постигне договор за ослободување на заложниците во Газа.

„Има намера да се обноват разговорите оваа недела и има договор“, изјави функционерот за новинската агенција Франс прес под услов да остане анонимен.

Рано на 25 мај, неколку часа по одлуката на судот, Израел изврши напади врз Појасот Газа додека борбите меѓу израелските трупи и борците на Хамас, кој беше прогласен за терористичка организација од страна на Соединетите држави и Европската унија, продолжија.

Воздушни напади беа пријавени во Рафа и централниот град Деир ал Балах.

Шефот за европска надворешна политика, Жозеп Борел, напиша на социјалната платформа X, порано позната како Твитер, дека „наредбите на Меѓународниот суд за правда се обврзувачки за страните и тие треба да бидат целосно и ефективно вградени“.

Во својата пресуда од 24 мај, МСП рече дека Израел мора „веднаш да ја прекине“ својата офанзива против Рафах и да преземе итни мерки за решавање на хуманитарната криза во целиот регион. Мерките треба да вклучуваат повторно отворање на граничниот премин Рафа со Египет за да се овозможи проток на помош во Газа.

Во пресудата од 26 јануари, 15-члената комисија одлучи дека Израел мора да стори сé за да спречи геноцид за време на неговата офанзива како одговор на нападот во октомври од страна на Хамас, кој беше прогласен за терористичка организација од Соединетите Држави и ЕУ, но не нареди прекин на огнот.

На 28 март, таа му нареди на Израел да ги преземе сите неопходни и ефективни активности за да обезбеди основни резерви на храна за палестинското население во Газа.

Сепак, гласовите 13-2 со кои се наредува на Израел да ја запре офанзивата во Рафа и да известува за својот напредок во олеснувањето на хуманитарната криза во рок од еден месец, го зголемува притисокот врз Израел и дополнително го изолира.

Пресудата го засили притисокот врз Израел само неколку дена откако Норвешка, Ирска и Шпанија објавија дека ќе ја признаат палестинската држава и откако главниот обвинител на Меѓународниот кривичен суд објави дека ќе бара налози за апсење по обвиненијата за воени злосторства за израелскиот премиер Бенјамин Нетанјаху. Израелскиот министер за одбрана Јоав Галант и неколку врвни лидери на Хамас.

Израел и Хамас се борат од 7 октомври 2023 година, кога борците на Хамас започнаа масовен прекуграничен напад врз Израел. Во нападот загинаа околу 1.200 израелски граѓани, додека други 240 беа земени како заложници, од кои некои се уште ги држи Хамас во Газа.

Фон дер Лајен го брани планот за соработка со десничарските пратенички групи

Претседателката на Европската Комисија Урсула фон дер Лајен
Претседателката на Европската Комисија Урсула фон дер Лајен

Претседателката на Европската комисија Урсула фон дер Лајен повторно одговори на критичарите кои ја осудија нејзината подготвеност да соработува со десничарските групи во Европскиот парламент.

“Станува збор за придобивање на политичките сили кои се толку важни за мнозинството во центарот “, изјави лидерката на ЕУ во интервју за германско радио, пренесува германската новинска агенција ДПА.

Таа рече дека ќе работи со демократските партии и политичари, без разлика на нивната политичка група во парламентот.

„Критериумите за мене се пратениците со кои сакаме да соработуваме да се во корист на Европа, во корист на Украина против Русија и во корист на владеењето на правото“, изјави таа, мислејќи на пратениците.

Прво Фон дер Лајен се соочи со критики во април, откако не успеа да ја исклучи соработката во Европскиот парламент со десничарската група Европски конзервативци и реформисти (ЕЦР), која ја вклучува екстремно десничарската партија „Браќа на Италија“ на италијанскиот премиер Џорџија Мелони.

Германскиот канцелар Олаф Шолц во четвртокот изјави тој е „многу тажен поради двосмисленоста на некои политички изјави“ кои доаѓаат од фон дер Лајен, која се кандидира за втор мандат како претседател на Европската комисија.

„Ќе биде можно само да се воспостави претседателство на комисијата што ќе се заснова на традиционалните партии... Сè друго би било грешка за иднината на Европа“, додаде Шолц.

Изборите за европратеници во земјите членки на Европската Унија че се одржат од 6 до 9 јуни годинава. Изборните правила за европратеник се разликуваат од една до друга земја членка на Унијата, со тоа што во некои места изборниот праг е 5 отсто, а во други нема, додека во некои земји право на глас имаат и малолетници со наполнети 16 години.

Во повеќето европски земји гласањето ќе се одржи на 9 јули. Во Холандија изборите се закажани за 6 јуни, а ден подоцна ќе гласат и Ирците и Чесите, додека на 8 јуни избори за Европскиот парламент се одржуваат во Летонија, Малта, Словачка и Италија. Во Чешка и Италија изборите ќе се одржуваат во текот на два дена.

Мицотакис: Ако се отстапи од Преспанскиот договор, патот кон ЕУ ќе остане затворен

Грчкиот премиер Кирјакос Мицотакис
Грчкиот премиер Кирјакос Мицотакис

Европскиот пат на Северна Македонија минува низ Грција и тој може да остане затворен, ако не се испочитува договореното, повтори грчкиот премиер Кирјакос Мицотакис во интервју за грчкиот весник „Та неа“, јавува новинската агенција МИА.

„Кога некој го влече јажето, ќе треба да биде подготвен да се скине. И ако отстапува од договорениот тек, да знае дека ќе наиде на затворен пат кон Европа. Пат кој поминува од Грција и почитувањето на меѓународното право“, изјави Мицотакис.

Грчкиот премиер оваа порака ја испраќа до македонските власти во ситуација кога во земјава се менува власта по претседателските и парламентарните избори во кои победи десничарската партија ВМРО-ДПМНЕ.

По шест години од потпишувањето на Преспанскиот договор, уставното име на Северна Македонија се врати во фокусот на надворешната политика на земјава. Ако до 2018, речиси три децении летаа искри меѓу Атина и Скопје за името на државата, изминативе две недели остри реакции се разменуваат околу тоа како и кога треба да се употребува новото уставно име - Северна Македонија.

Лидерот на ВМРО-ДПМНЕ Христијан Мицкоски, како иден премиер, најави дека ќе го следи патот на новата претседателка на државата, Гордана Сиљановска Давкова, која во својата заклетва го користеше само името „Македонија“ и јасно порача дека не се откажува од тоа во јавните настапи бидејќи е нејзино лично право на самоопределување.

И ВМРО-ДПМНЕ и Нова демократија во Грција беа во опозиција кога беше потпишан Договорот во Преспа и се изјаснија дека се против него, но дека ќе го почитуваат како меѓународен договор.

Во меѓувреме опозициската Сириза која е потписник на Преспанскиот договор најави дека во грчкото собрание ќе ги поднесе за ратификација трите меморандуми со Северна Македонија кои веќе шест години чекаат „амин“ од пратениците.

Пораст на бројот на баратели на азил во Британија

Британскиот премиер Руши Сунак на собраниска говорница, архивска фотографија, 20 мај 2024 година
Британскиот премиер Руши Сунак на собраниска говорница, архивска фотографија, 20 мај 2024 година

Над 10.000 баратели на азил пристигнале во Британија со мали чамци од јануари годинава до сега, покажуваат новите владини податоци објавени на 25 мај. Тоа е еден од клучните предизвици со кои се соочува премиерот Риши Сунак пред националните избори на 4 јули.

Бројот на луѓе кои пристигнаа на јужните плажи на Англија откако стана опасен преминот низ англискиот канал се намали за една третина во 2023 година. Но последните податоци покажаа дека 10.170 пристигнале помеѓу јануари и 25 мај, што е повеќе од 7.395 во истиот период минатата година.

Британскиот премиер Сунак, кој го објави датумот на изборите во средата, соопшти дека барателите на азил кои дошле во Британија илегално нема да бидат депортирани во Руанда пред гласањето - што фрла сомнеж врз една од водечките политики на неговата Конзервативна партија.

Планот е заглавен со правни пречки повеќе од две години, а опозициската Лабуристичка партија, која има околу 20 поени предност во анкетите и се гледа на пат да стави крај на 14-годишното владеење на конзервативците, вети дека ќе ја укине политиката доколку победи на изборите.

Министерот за имиграција во сенка на лабуристите, Стивен Кинок, рече дека владата на Сунак не направила доволно за да се справи со ова прашање.

„Бидејќи сите напори на владата сега се насочени кон тоа да се префрлат неколку стотици луѓе во Руанда, тие ги изгубија од вид уште илјадници кои го минуваат Каналот секој месец“, се вели во соопштението на Кинок.

Лабуристите рекоа дека доколку бидат избрани ќе создадат посебно владино тело за гранична безбедност која ќе ги собере вработените од полицијата, домашната разузнавачка агенција и обвинителите за да работат со меѓународните агенции за да се спречи шверцот на луѓе.

Вчитај повеќе

XS
SM
MD
LG