Достапни линкови

Вести

Шахин: компромиси со фокус врз иднината, наместо заглавување во минатото

Американската сенаторката Џин Шахин
Американската сенаторката Џин Шахин

Покрај искоренување на корупцијата, во предлог-легислативата за помош и поддршка на земјите од Западен Балкан, што минатата недела ја претставија група американски сенатори, се наведува и дека САД ги признаваат јазиците и ќе продолжат да го поддржуваат културното наследство во регионот. Сенаторката Џин Шахин, претседателка на Поткомитетот за Европа и регионална безбедносна соработка, објаснувајќи што предвидува предлог-легислативата за регионот, за Гласот на Америка вели дека државниот секретар на САД ќе може да им нуди техничка помош на државите од Западен Балкан, кои сакаат да развијат национални стратегии за борба против корупцијата. „Справувањето со корупцијата е многу важен дел. А она што го прави легислативата е да го овласти државниот секретар да обезбеди техничка помош на земјите кои бараат помош при адресирање на нивните предизвици со корупција“, рече Шахин.

Ескобар: Прашањето за јазикот и идентитетот на С.Македонија не е прашање за САД

Во врска со делот од предлог-легислативата во однос на јазиците и како гледа на тоа што Бугарија го негира постоењето на македонскиот јазик, Шахин признава дека „постојат долгогодишни историски разлики меѓу етничките групи и земјите во регионот“. „И додека гледаме како да одиме напред во иднината, мислам дека е важно да се обидеме да решиме некои од тие долгогодишни предизвици што постојат, исто како што видовме како Грција и Северна Македонија конечно ги решија нивните разлики околу името и што тоа значеше за културите на двете земји. Треба да видиме повеќе од тие видови компромиси, кои ќе им овозможат на земјите да одат напред и да се фокусираат на иднината, наместо да бидат заглавени во минатото“, изјави Шахин. Според неа, лидерите на Балканот треба да се фокусираат врз интеграцијата во Европската Унија, а не врз промовирање конфликт. „Кога разговараме со луѓето на патувањето на крајот на април и секогаш кога сум била во регионот во минатото, сум слушала од граѓаните во тие земји дека сакаат мир. Тие сакаат стабилност, сакаат да видат крај на конфликтот. Сакаат да имаат можности за себе и за своите семејства. И мојата порака до лидерите од Западен Балкан е да размислат што сакаат нивните граѓани. Размислете за иднината и за тоа што е добро за вашата земја. Патот напред е гледање кон демократијата, гледање кон интеграција со Европската Унија, со Западот и не со продолжување на промоција на конфликтот што во минатото беше толку катастрофален за нивните граѓани, вели Шахин.

Саразин: Германија и САД имаат заеднички интерес во регионот на Западен Балкан

Таа нагласува дека обновување на фокусот кон демократски напредок е особено важно во време на етнички тензии и напори од страна на Русија да поттикне конфликт во регионот. „Додека Русија гледа каде би можела да оди по Украина, секако Западен Балкан е едно од тие места, и затоа војната во Украина е толку критична. Размислуваме за тоа како ќе направиме се што е можно за да ја поддржиме Украина и нејзините напори против бруталната неиспровоцирана војна на Русија. Не можам да замислам дека некој, каде било во светот, а особено во Европа и на Западен Балкан, гледа што се случува во Украина, мислејќи дека би сакале Русија да влезе и да го направи тоа во нивните земји, изјави Шахин. Таа вели дека предлог-легислативата има цел да обезбеди економски напредок и да ја охрабри трговијата на Западен Балкан, не само со САД, туку и со Европа и со соседните земји, како и да создаде средина со можности за вработување на младите.

види ги сите денешни вести

Вања Ѓорчевска пронајдена мртва во околината на Скопје

Исчезнато девојче, Ѓорчевска Вања.
Исчезнато девојче, Ѓорчевска Вања.

Јавното обвинителство вечерва соопшти дека по преземени опсежни мерки и активности од полициските службеници од СВР Скопје, на 3 декември во околината на Скопје било пронајдено безживотното тело на малолетната Вања Ѓорчевска.

Ѓорчевска беше пријавена за исчезната во понеделникот на 27 ноември рано утрината на пат кон училиште. Според извештаите, последниот сигнал од нејзиниот телефон тој ден се изгубил спроти Универзална сала на булеварот „Партизански одреди“ во Скопје.

Освен телот на Ѓорчевска, во соопштението на Обвинителството од 3 декември се вели дека во околината Велес било пронајдено тело и на 74-годишно лице од Велес со иницијали (П.Ж) кое на 24 ноември оваа година било пријавено за исчезнато, и дека за двата случи биле приведени исти лица.

„Во врска со двата случаи, осомничени се пет лица, од кои за три се бара мерка притвор, едно е надвор од државата, а едно лице во моментов е во полициска станица“, се вели во соопштението на Обвинителството.

Пет лица на 2 декември беа приведени во врска со случајот за исчезнувањето на девојчето Вања, како што изјави министерот за внатрешни работи, Оливер Спасовски.

Днеска Јавното обвинителство соопшти дека во текот на целиот ден биле преземани дејствија за обезбедување докази во врска со ичезнувањето на 14-годишната Вања Ѓорчевска, а дека за тројца од петтемина приведени во текот на вчерашниот ден, јавен обвинител до Основниот кривичен суд Скопје доставил предлог за определување 48-часовен притвор, со цел да биде обезбедено нивното присуство до целосно расчистување на настанот.

Јавното обвинителство во соопштението на 3 декември вели дека „наспроти шпекулациите и дезинформациите според кои овој случај има етничка заднина, информираме дека сите осомничени се од македонска етничка припадност“.

Од ЈО велат дека претходно, во врска со кривичните дела, било пронајдено опожарено возило „цитроен“ и дека по извршени вештачења биле обезбедени материјални докази за инволвираност на лицата идека за што по целосно документирање на случаите, ќе бидат поднесени соодветни кривични пријави.

„Од спроведените истражни дејствија утврдено е дека и двете убиства се извршени од истите лица, чиј мотив е „користољубие“. Исто така, од реализираните оперативни мерки е утврдено дека малолетничката В.Ѓ. е земена со возило од влезот на живеалиштето, а од обезбедените информации од распитот утврдено е дека била убиена истиот ден (27.11.2023) околу 10.00 часот“, се вели во соопштението на Јавното обвинителство.

Во деновите по исчезнувањето на двете лица, се вели во соопштението, јавните обвинители издале наредби за претреси на повеќе локации, за обезбедување снимки од видео надзор, лоцирање врз основа на базни станици, анализа и вештачења на електронските уреди, вештачења на материјални траги и докази, вклучително и на автомобилот поврзани со настанот.

Биле сослушани лица кои би можеле да имаат определени сознанија за настанот и врз основа на сите прибрани докази настанот бил расчистен во однос на осомничените сторители и нивните мотиви.

„По комплетирање на доказите и наредените вештачења, обвинителството против сите осомничени ќе поведе соодветна постапка“, вели Обвинителството.

Откако Вања Ѓорчевска исчезна во понеделникот на 27 ноември рано наут на пат кон училиште, последниот сигнал од нејзиниот телефон се губи спроти Универзална сала на булеварот „Партизански одреди“ во Скопје, како што објави МВР.

БЕше објавена и нејзина фотографија и опис во листата на исчезнати, а по неа трагаше и Интерпол.

Министерот за внатрешни работи Спасовски рече дека биле преземени низа криминалистички истражни мерки во изминатиот период за пронаоѓање на девојчето.

Американски бродови нападнати во Црвеното Море

Илустративна фотографија - американски бродови во Црвеното Море.
Илустративна фотографија - американски бродови во Црвеното Море.

Американски воен брод и неколку комерцијални бродови биле нападнати во неделата во Црвеното Море, соопшти Пентагон, пренесува Асошиејтед прес.

„Свесни сме за извештаите за напади врз „USS Carney“ и комерцијални бродови во Црвеното Море и ќе обезбедиме информации кога ќе станат достапни“, соопшти Пентагон.

Британската војска претходно објави дека се сомничат нападот со беспилотни летала и експлозиите во Црвеното Море, не наведувајќи детали.

Пентагон не идентификуваше од каде верува дека дошол нападот.

Сепак, јеменските бунтовници Хути започнуваат серија напади врз бродови во Црвеното Море.

Тие исто така лансираат беспилотни летала и проектили насочени кон Израел, додека тој води војна против Хамас во Појасот Газа.

Предложен притвор за тројца од петмината приведени за исчезнувањето на Вања

Вања Ѓорчевска
Вања Ѓорчевска

Јавното обвинителство денеска соопшти дека во текот на целиот ден биле преземани дејствија за обезбедување докази во врска со ичезнувањето на 14-годишната Вања Ѓорчевска, а дека за тројца од петтемина приведени во текот на вчерашниот ден, јавен обвинител до Основниот кривичен суд Скопје доставил предлог за определување 48-часовен притвор, со цел да биде обезбедено нивното присуство до целосно расчистување на настанот.

„Јавното обвинителство и МВР ќе ја информираат јавноста веднаш штом се создадат услови кои нема да ја нарушат постапката. Сите шпекулации кои имаат за цел да ја компромитираат истрагата во овој момент ќе бидат најостро санкционирани“, се вели во соопштенито на Јавното обвинителство.

Пет лица вчера беа приведени во врска со случајот за исчезнувањето на девојчето Вања, како што рече министерот за внатрешни работи, Оливер Спасовски.

Вања исчезна во понеделникот(27.11) рано наутр,о на пат кон училиште. Последниот сигнал од нејзиниот телефон се губи спроти Универзална сала на булеварот „Партизански одреди“ во Скопје.

МВР објави и нејзина фотографија и опис во листата на исчезнати, а по неа трага и Интерпол.

Спасовски рече дека биле преземени низа криминалистички истражни мерки во изминатиот период.

Документирани 250 украински споменици загрозени од војната

Катедралата „Преображение“, која беше оштетена при руски ракетен истрел. Одеса, 23 јули 2023 година.
Катедралата „Преображение“, која беше оштетена при руски ракетен истрел. Одеса, 23 јули 2023 година.

Научниците од германските градови Марбург и Хановер, заедно со украинските фотографи, документирале 250 архитектонски споменици кои биле загрозени или оштетени од руската војна во Украина.

Од почетокот на проектот во октомври 2022 година, фотографите направиле вкупно околу 3.700 надворешни и внатрешни фотографии.

Направенит фотографии се од историски и културно значајни згради во градовите, вклучувајќи ги Киев, Одеса и Запорожје, Кристијан Брахт, рече за ДПА директорот на Германскиот центар за документација за уметност и историја.

Тука спаѓа и катедралата „Преображение“ во историскиот центар на Одеса.

Тааљ беше оштетена во руските напади ова лето.

Украина - пукањето на војниците што се предале е руско воено злосторство

Фото архива - Украински трупи се спротивставуваат на руски напад врз Авдијивка. (Илустративна фотографија).
Фото архива - Украински трупи се спротивставуваат на руски напад врз Авдијивка. (Илустративна фотографија).

Украинската војска го осуди убиството на двајца украински војници кои се предале од страна на руските сили и рече дека го смета инцидентот како доказ за воено злосторство.

Снимката од инцидентот со дрон, која се појави на социјалните мрежи на 2 декември, покажува дека очигледно невооружени украински војници го напуштаат засолништето, лежејќи на земја, а потоа како се застрелани од луѓе во потемни униформи.

Наводната егзекуција, наводно, се случила во близина на селото Степове, кое се наоѓа на неколку километри од источниот украински град Авдијевка, каде што се водат тешки борби меѓу руските и украинските сили.

РСЕ не можеше независно да ја потврди автентичноста на видеото или датумот и локацијата на очигледните убиства.

Украинската комисија за човекови права Дмитро Лубинец напиша на Телеграм на 2 декември дека видеото покажува дека украинските војници се разоружани со кренати раце и дека очигледно не претставуваат никаква закана.

„Егзекуцијата на оние што се предале е воено злосторство“, напиша Лубинец. Лубинец рече дека ќе го пријави инцидентот до Меѓународниот комитет на Црвениот крст и до Обединетите нации.

Русија е широко обвинета за воени злосторства и кршење на човековите права во Украина, вклучително и таргетирање на цивили и цивилна инфраструктура, употреба на касетна муниција и тортура на украински воени заробеници.

Русија негираше дека извршила воени злосторства во Украина.

Силен земјотрес на Филипините - еден загинат, паника и предупредување за цунами

Луѓе се собираат во центар за евакуација, како последица на земјотрес, во Хинатуан, Суригао дел Сур, Филипини, 2 декември 2023 година.
Луѓе се собираат во центар за евакуација, како последица на земјотрес, во Хинатуан, Суригао дел Сур, Филипини, 2 декември 2023 година.

Силен земјотрес што го погоди јужниот дел на Филипините уби најмалку еден селанец, а повредени се неколку други.

Како што јавува АП, од земјотресот илјадници во паника излегле од своите домови и ги заглавиле патиштата кон повисоките места по издаденото предупредување за цунами, соопштија властите на 3 декември.

Американскиот геолошки институт објави дека земјотресот во саботата вечерта бил со јачина од 7,6 степени и се случил на длабочина од 32 километри.

Пацифичкиот центар за предупредување од цунами соопшти дека очекува бранови од цунами да ги погодат јужните делови на Филипините и делови од Индонезија, Палау и Малезија, но подоцна го отфрли предупредувањето за цунами.

Геолошкиот институт на САД регистрираше дополнителен земјотрес во неделата со јачина од 6,6 степени, источно од општината Хинуатан и на длабочина од 56 километри, но немаше предупредување за цунами.

Филипинската сеизмолошка агенција го опиша како последователен потрес.

Израел ја префрла офанзивата кон јужниот дел на Газа

Палестинци прегледуваат оштетената зграда по израелските воздушни напади врз градот Кан Јунис, Газа, недела, 3 декември 2023 година.
Палестинци прегледуваат оштетената зграда по израелските воздушни напади врз градот Кан Јунис, Газа, недела, 3 декември 2023 година.

Израелската војска нареди евакуација на неколку области во и околу вториот по големина град во Газа, Кан Јунис.

Евакуацијата е наредена бидејќи Израел ја префрла својата офанзива кон јужната половина од територијата каде што вели дека се кријат многу лидери на Хамас.

Силно гранатирање беше забележано во текот на ноќта и во неделата во областа Кан Јунис и јужниот град Рафах.

Истот така гранатирања имаше и во делови од северот кои беа во фокусот на воздушната и копнената кампања на Израел.

Многу од 2,3 милиони жители на територијата се сместени во пренаселениот југ, откако израелските сили им наредија на цивилите да го напуштат северот.

Околу 1,8 милиони луѓе во Појасот Газа се внатрешно раселени, објави на 3 декември Канцеларијата на Обединетите нации за координација на хуманитарни прашања.

ОН додаваат дека во таа палестинска енклава има вкупно 2,2 милиони луѓе и дека е тешко да се добие прецизен број на раселени лица.

Како причина е наведена дека е тешко да се следат оние кои биле принудени да побегнат и да се пресмета вкупниот број на луѓе кои се вратиле дома за време на привремениот прекин на огнот, објави Би-Би-Си.

На почетокот на конфликтот, Израел им нареди на Палестинците во северниот дел на Газа да се евакуираат на југ, што го направија стотици илјади жители. По завршувањето на примирјето на 1 декември, Израел испрати ново предупредување до жителите на источните области околу Кан Јунис да се движат понатаму на југ.

Италијанската премиерка Мелони за првпат во посета на Србија

Србија - Претседателот на Република Србија, Александар Вучиќ со премиерката на Република Италија, Џорџа Мелони
Србија - Претседателот на Република Србија, Александар Вучиќ со премиерката на Република Италија, Џорџа Мелони

Премиерката на Италија, Џорџа Мелони, на 3 декември пристигна во официјална посета на Србија.

На аеродромот „Никола Тесла“ во Белград ја пречека претседателот на Србија, Александар Вучиќ.

После тоа, премиерката на Италија беше пречекана пред Палатата Србија во нов Белград со највисоки државни почести: црвен тепих, интонирање на националните химни на двете земји и почесниот строј на српската гарда.

Покрај Вучиќ, италијанската премиерка беше пречекана и од министерот за надворешни работи Ивица Дачиќ.

Ова е прва посета на Мелони на Србија откако е избрана за премиерка на Италија.

Претседателот на Србија изјави дека му претставува голема чест да биде домаќин на премиерката на Италија и го истакна своето убедување дека оваа посета ќе даде дополнителен импулс на односите меѓу Србија и Италија.

„Италија е еден од најважните политички и економски партнери на нашата земја. Особено сум благодарен што најде време да ја посети Србија и да го поддржи нашиот европски пат“, рече Вучиќ.

Околу 1,8 милиони луѓе внатрешно раселени во Појасот Газа

Палестинците бараат спасувачки предмети во урнатините на зграда уништена за време на израелското бомбардирање во Рафах, на југот на Појасот Газа, на 2 декември 2023 година.
Палестинците бараат спасувачки предмети во урнатините на зграда уништена за време на израелското бомбардирање во Рафах, на југот на Појасот Газа, на 2 декември 2023 година.

Околу 1,8 милиони луѓе во Појасот Газа се внатрешно раселени, објави на 3 декември Канцеларијата на Обединетите нации за координација на хуманитарни прашања.

ОН додаваат дека во таа палестинска енклава има вкупно 2,2 милиони луѓе и дека е тешко да се добие прецизен број на раселени лица.

Како причина е наведена дека е тешко да се следат оние кои биле принудени да побегнат и да се пресмета вкупниот број на луѓе кои се вратиле дома за време на привремениот прекин на огнот, објави Би-Би-Си.

На почетокот на конфликтот, Израел им нареди на Палестинците во северниот дел на Газа да се евакуираат на југ, што го направија стотици илјади жители. По завршувањето на примирјето на 1 декември, Израел испрати ново предупредување до жителите на источните области околу Кан Јунис да се движат понатаму на југ.

СЗО повторно повика на прекин на огнот

Тедрос Аданом Гебрејесус, директор на Светската здравствена организација (СЗО), повторно повика на прекин на огнот меѓу Израел и Хамас на 3 декември.

„Извештаите за непријателствата и силното бомбардирање во Газа се застрашувачки“, рече Гебрејесус.

Тој објави дека тим на СЗО ја посетил болницата Наср во јужна Газа на 2 декември.

„Беше пренатрупано со 1.000 пациенти, што е три пати повеќе од капацитетот на болницата. Пациентите добиваа медицинска нега на подот, некои врескаа од болка“, рече Гебрејесус.

Израел продолжи со бомбардирањето

Израелската армија го бомбардираше Појасот Газа ноќта меѓу 2 и 3 декември, поради бројните повици од светот за воздржаност за заштита на цивилите.

Палестинското Министерство за здравство соопшти дека биле погодени околу 400 цели, а 240 луѓе биле убиени од обновувањето на борбите на 1 декември кога истече еднонеделниот прекин на огнот.

Военото крило на Хамас и организацијата која себеси се нарекува Исламски џихад објавија дека во саботата на 2 декември испалиле ракети врз израелските градови, вклучително и Тел Авив.

Израелската армија објави дека биле истрелани повеќе од 250 ракети и дека двајца војници загинале.

Владата на Хамас објави дека во израелски напад загинале најмалку седум лица во областа Рафах, во јужниот дел на Појасот Газа.

Израелската армија стационирана на северот на Појасот Газа ги засили воздушните напади на југот на палестинската енклава каде поради конфликтот се засолниле стотици илјади Палестинци, објави Франс прес.

Палестинските медиуми објавија дека артилериски и воздушни напади се во тек низ појасот Газа, а цел е јужниот град Кан Јунис.

Израелските власти тврдат дека воспоставиле механизам за спречување на хуманитарните работници и цивилите во Газа да бидат фатени во вкрстен оган.

Израелската војска соопшти дека нејзините воздушни сили во текот на ноќта погодиле тунели, командни центри и складиштата за муниција на Хамас.

Девет загинати во напад во Пакистан

Пакистан, илустративна фотографија.
Пакистан, илустративна фотографија.

Девет лица, меѓу кои двајца војници, загинаа во напад на милитанти на автобус во Пакистан, додека 26 се повредени, соопшти локалната полиција на 3 декември.

Нападот се случил на северот на земјата на автопатот Каракорам кој ги поврзува Пакистан и Кина.

Тој пат минува низ провинцијата Хајбер Пахтунхва, која во минатото беше жариште на тероризмот поради присуството на пакистанските талибанци и други милитантни групи.

Пакистанските власти соопштија дека во саботата вечерта било пукано на автобус на линијата Гилгит-Равалпинди, дека возачот изгубил контрола и удрил во камион кој се запалил, а дека двајцата возачи загинале на лице место, а повеќе од 20 патници се повредени.

Началникот на полицијата во Гилгит нападот го нарече терористички чин.

Привремениот пакистански премиер Анвар ул-Хак Какар го осуди нападот.

„Нема да им се дозволи на антидржавните елементи да го саботираат мирот во Гилгит Балтистан. Ќе ја продолжиме борбата против терористите“, рече Какар.

Државата формираше специјална единица за да го истражи нападот.

Мухамед Хорасани, портпарол на пакистанските талибанци, негираше дека групата стои зад нападот.

Засега никој не ја презеде одговорноста за нападот на автопатот Каракорам.

Вчитај повеќе

XS
SM
MD
LG