Достапни линкови

Кој стриже овци на Фејсбук страницата на УКИМ?


Принт скрин од содржината на хакираната Фејсбук страница на УКИМ

Официјалната Фејсбук страница на Универзитетот „Св. Кирил и Методиј“ повеќе од 24 часа е хакирана и на неа наместо образовни содржини и студентски информации се објавуваат видеа од стрижење овци, лепење плочки, видеа од „жени кои секој маж ги посакува“, детски лудории...

Ваквите постови се проследени со мноштво коментари со прашања - што се случува со страницата?

Принт скрин од содржината на хакираната Фејсбук страница на УКИМ
Принт скрин од содржината на хакираната Фејсбук страница на УКИМ

Од Ректоратот ни изјавија дека се запознаени и дека хакерскиот напад го пријавиле кај надлежните.

„Страницата е хакната и направивме сè што можеше. Известивме и во Министерството за внатрешни работи и секаде обжаливме и чекаме“, изјави за РСЕ, Ректорот на УКИМ, проф. д-р Никола Јанкуловски.

Тој вели дека немаат идеја кој би можел да стои зад ваквиот напад и зошто токму страницата на скопскиот универзитет е мета.

„Сите поинтересни страници се мета, а УКИМ е поинтересна страница. Не би можел да претпоставам кој би можел да биде и зошто“, додаде Јанкуловски.

Од Ректоратот велат дека во моментов немаат пристап до страницата, па затоа не можат да ги избришат објавените видеа и чекаат надлежните нешто да преземат.

„Се извинуваме за настанатите непријатности и се оградуваме од сите објави на неа, до повторно преземање на администрирањето од страна на службите на УКИМ“, се вели во соопштението на УКИМ до јавноста.

  • 16x9 Image

    Емилија Бунтеска Нацоска

    Новинарската кариера ја почнува во 2007-ма година, во А1 телевизија. За време на своето искуство во телевизија, радио и онлајн медиуми, се фокусира на теми од културата, животниот стил, социјални теми и луѓе-приказни. Во тимот на Радио Слободна Европа се вклучи во јуни 2021 година.

XS
SM
MD
LG