Достапни линкови

Вести

Ташкент не ги признава сепаратистичките „републики“ во Украина

Министерот за надворешни работи на Узбекистан Абдулазиз Комилов

Официјален Узбекистан вели дека не ги признава областите под контрола на проруските сепаратисти во Украина, односно Доњецка Народна Република и Народна Република Луганск и повика на „мирно решение“ за да се стави крај на неиспровоцираниот напад на Русија против Украина.

Говорејќи пред узбекистанските пратеници на 17 март, министерот за надворешни работи Абдулазиз Комилов ги повика двете страни да го решат конфликтот „со дипломатски средства“.

„Прво, воените акции и насилството мора веднаш да престанат. Република Узбекистан ја признава независноста, суверенитетот и територијалниот интегритет на Украина. Не ги признаваме републиките Луганск и Доњецк“, рече Комилов, додавајќи дека неговата земја има историски врски и со Украина и со Русија.

„Имајќи ги предвид своите национални интереси, Узбекистан ќе ја продолжи меѓусебната соработка со двете земји“, рече Комилов.

Узбекистан е втората земја во Централна Азија - регион често сојузник со Русија - што ги прекина блиските врски со Москва поради нејзиниот неиспровоциран напад врз Украина.

Претходно во март, Казахстан го одби барањето на Москва да обезбеди војници за офанзивата во Украина и исто така изјави дека не ги признава сепаратистичките „републики“ во Украина поддржани од Русија.
Комилов, исто така, рече дека узбекистанската влада работи на начини да спречи какво било можно влијание на меѓународните санкции наметнати на Русија во последните денови врз узбекистанската економија.

Соединетите Американски Држави, Канада, Велика Британија, земјите-членки на Европската унија и некои други земји и воведоа неколку рунди санкции кон Москва откако започна инвазијата на Украина на 24 февруари.

види ги сите денешни вести

Пендаровски – Руската војна во Украина е војна на автократија против демократија

Македонскиот претседател Стево Пендароски

Македонскиот претседател Стево Пендаровски во рамки на годишниот состанок на Светскиот економски форум во Давос, денеска се обрати на панел сесијата „Одржувањето на безбедноста во Европа“.

Тој во своето обраќање истакнал дека руската инвазија врз Украина како никогаш претходно ја наметнала потребата Европската Унија да се фокусира на интеграцијата на земјите од Западен Балкан, процес кој дополнително ќе ја зајакне стабилноста, безбедноста, демократизацијата на регионот, а со тоа ќе придонесе и кон целокупната безбедност на континентот.

Пендаровски и Вучиќ ја поздравија одлуката на СПЦ за автокефалноста на МПЦ-ОА

„Потребно е да ѝ помогнеме на Украина, да ги убедиме и другите сојузници кои можеби имаат одредена доза на скептицизам. Политиката на „отворени врати“ не треба да важи само за НАТО, туку да се применува и за Европската Унија, вратите и на двете организации да останат отворени за украинскиот народ. Украинците се борат за сопствената слобода, но оваа борба е и за одбрана на демократските вредности. Ова е војна на една автократија против демократија. Доколку Путин успее некако да победи во оваа војна, тогаш нема само да ја победи Украина“, изјави Пендаровски, додавајќи дека Северна Македонија во рамки на своите можности дава поддршка на Украина, од воена до дипломатска помош.

Во фокусот на дискусијата беше војната во Украина, но и чекорите што Европската Унија треба да ги преземе.

Фон Дер Лајен: Русија го користи како оружје ограничувањето на снабдување со храна

На панел дискусијата учествуваа генералниот секретар на НАТО, Јенс Столтенберг, премиерот на Белгија, Александар де Кро, министерката за одбрана на Холандија, Кајса Олонгрен и шефот на претседателската администрација во Украина, Андриј Јермак.

Учесниците на панелот, како што соопштија од Кабинетот на претседателот, ја осудиле руската агресија и изразиле поддршка за украинскиот народ. Била истакната важноста од превенција на ескалација на конфликтот во Украина и неопходноста да се обезбеди заштита на НАТО сојузниците.

Политички реакции по српскиот благослов за автокефалност на МПЦ-ОА

Денот на сесловенските просветители браќата Кирил и Методиј стана историски ден. Ова е првата реакција од сите политичари во земјата по признавањето на автокефалноста на Македонската православна црква Охридска Архиепископија од Српската православна црква на денешната заедничка литургија во скопскиот храм „Св. Климент Охридски“.

Претседателот Стево Пендаровски со честитка се јави од Давос во придружба на неговиот српски колега Александар Вучиќ.

„Со претседателот на Република Србија, Александар Вучиќ на кратка средба во Давос заеднички ја поздравивме одлуката на СПЦ за прифаќање на автокефалноста на МПЦ – ОА, како чекор во вистинска насока“, објави претседателот Пендаровски на својата Фејсбук страница.

Според него денешната одлука на Српската православна црква, ќе придонесе за исправање на историските неправди и отвора можност за нов и необременет духовен раст на Охридската Архиепископија.

Премиерот Димитар Ковачевски кој денеска со владина делегаија присуствува на чествување на словенските просветители во Рим со видео порака им честиташе на граѓаните за големиот успех.

„Голем е денешниот ден, историски кога ги чествуваме светите браќа Кирил и Методиј да ја добиеме и автокефалноста на нашата држава, како рамноправна со другите и како признание за нејзиното наследство и духвната величина на древната Охридкска Архиепископија и како автентичен дел на македонскиот идентитет“, изјави премиерот.

Владеајчката ДУИ со писмено соопштение им честиташе на православните христијани за денешната вест, додавајќи дека одлуката на СПЦ е важна за стабилноста во целиот регион бидејќи става крај на долгогодишниот спор, кој како што велат, создал многу контроверзии кои ги потресуваа темелите на мирот.

„По Охридскиот и Преспанскиот договор, и овој решен спор е пример за мирен протагонизам на двете страни во време кога демонстрацијата на такво нешто е повеќе од потребно. ДУИ смета дека овој пат на помирување и негување на добрососедски односи со ист епилог, нашата земја треба да го продолжи во спорот со соседна Бугарија за деблокирање на интегративните процеси во семејството на Европската Унија,“ се вели во нивното соопштение.

Биење на камбаните и аплаузи за признавањето на автокефалноста на МПЦ од СПЦ
please wait

No media source currently available

0:00 0:04:42 0:00

Лидерот на опозицијата Христијан Мицкоски изјави дека ова е голем историски ден и честитката ја упати до Синодот и народот.

„Честитки за мудроста, обединетоста и достојноста на Синодот и неговото блаженство г.г. Стефан, за градењето на мостови, за бранењето на нашиот идентитет и вредности во кои веруваме, за премостените децениски и вековни јазови“, изјави Мицкоски.

Заедничко на сите политичари во нивните честитки се изразените очекувања дека наскоро 55 годишниот спор ќе заврши со потпишувањето на Томосот за автокефалност од Вселенскиот Патријарх г.г. Вартоломеј .

Веста што ја обзнани српскиот патријарх Порфориј, стана прва вест и во српските медиуми.

„Патријархот Порфириј ја благослови автокефалноста на Македонската православна црква“, „Соборот на СПЦ едногласно ја одобри автокефалноста на МПЦ“, „Српската православна црква ја призна автокефалноста на МПЦ – Охридска архиепископија, се очекува томос на признавање“, се најчести наслови во српските медиуми кои во живо ја пренесуваа денешната заедничка литургија.

Поглаварот на Српската православна црква господин Порфириј на денешната заедничка литургија на СПЦ и МПЦ - ОА во Скопје ја призна автокефалноста на Македонската православна црква. Тој во својот говор изјави дека сега на чекор се Синодите на двете цркви да ги завршат правните документи околу орагнизацискиот технички аспект, по што ќе биде изготвен официјалниот акт и сите останати православни помесни цркви по канонскиот ред да бидат известени.

Патријархот на СПЦ Порфириј очекува дека сите помесни цркви ќе го прифатат автокефалниот статус на Македонската православна црква - Охридската архиепископија.

Русија воведе санкции за 154 британски пратеници

Илустративна архивска фотографија, рускиот претседател Владимир Путин

Русија соопшти дека донела одлука за санкции против 154 членови на британскиот Парламент како реакција на сличните чекори кои беа преземени од западните земји против голем број на Руси поради неиспровоцираната инвазија на Кремљ врз Украина.

Министерството за надворешни работи во Москва на 24 мај соопшти дека им забранило на британските пратеници меѓу кои е и Вилијам Хејг, поранешен министер за надворешни работи и лидер на Конзервативната партија во опозиција да влезат во Русија.

Фон Дер Лајен: Русија го користи како оружје ограничувањето на снабдување со храна

Во март, британската влада воведе лични санкции за „речиси сите членови“ на горниот дом на рускиот парламент, соопшти Министерството за надворешни работи во оправдувањето на својот потег.

Откако рускиот претседател Владимир Путин испрати војници во прозападна Украина на 24 февруари, Западот воведе низа санкции кон Москва, вклучително и исклучување на неколку банки од системот за пораки SWIFT, ембарго на рускиот извоз, ограничувања на инвестициите, замрзнување на имотот за владини функционери и нивните семејства и забрана за патување за многу високи функционери.

Канада воведе нови санкции за руските олигарси, вклучително и за возачот на Формула 1, Никита Мазепин

Русија минатиот месец го забрани влезот на 287 британски пратеници велејќи дека ги избрала оние кои одиграле „најактивна улога“ во изготвувањето на антируските санкции и придонеле за „русофобна хистерија“. Британскиот Дом на лордовите има околу 800 членови.

Грчкиот министер за надворешни работи Дендиас утре во посета на Скопје

Дополнително зајакнување на билатералните односи во сите области, европската перспектива на Северна Македонија, спроведувањето на Договорот од Преспа, случувањата на Балканот, во Источниот Медитеран, како и ситуацијата во Украина, се очекува да бидат темите за кои министерот за надворешни работи на Грција Никос Дендиас ќе разговара со неговите домаќини во Скопје, соопшти грчкото МНР.

Шефот на грчката дипломатија, утре ќе биде во еднодневна посета на Северна Македонија, ќе се сретне со министерот за надворешни работи Бујар Османи, по што, во попладневните часови ќе следат и изјави за медиумите, ќе биде примен од премиерот Димитар Ковачевски, а ќе присуствува и на работна вечера организирана од Османи и вицепремиерот за европски прашања Бојан Маричиќ.

„За време на посетата на министерот за надворешни работи, се очекува разговорите да се фокусираат на целосното, доследно и добронамерно спроведување на Договорот од Преспа, на дополнителното зајакнување на билатералните односи во сите области, вклучително и економијата, трговијата и енергетиката, како и на европската перспектива на Северна Македонија. Дополнително, во разговорите се очекува да бидат опфатени и случувањата на Западен Балкан и Источниот Медитеран, како и ситуацијата во Украина по руската инвазија“, соопштија од грчкото МНР во пресрет на посетата.

Дополнително, во соопштението е наведено постсетување дека ова е трета посета на Дендиас на Скопје, кој претходно беше во главниот град во ноември 2019 и август 2021 година, а неговиот колега Османи ја посети Атина во јануари 2021.

Претрес во домот на поранешниот проруски молдавски претседател

Поранешниот претседател Игор Додон

Молдавското обвинителство соопшти дека полиција врши претрес во домот на поранешниот претседател Игор Додон, по што ќе биде донесена одлука дали ќе биде приведен 47-годишниот политичар.

Портпаролката на обвинителството Маријана Черпек изјави дека куќата на Додон се претресува во негово присуство. Таа објасни дека Додон кој како политичар поддржан од Москва, беше претседател во период од 2016 до 2020 година бил приведен за време на рацијата 72 часа под сомнение за корупција, недозволено богатење, прифаќање политичко финансирање од криминална организација и предавство.

„Откако претресот ќе биде финализиран, обвинителите ќе одлучат дали тој ќе биде уапсен“, рече Черпек, додавајќи дека Додон не ужива имунитет од гонење како поранешен шеф на државата.

Молдавија забрани истакнување на руски воени симболи

На прес-конференција за ова прашање, членовите на Партијата на социјалистите на Додон рекоа дека акциите биле дел од „евтино шоу“ со цел да се одвлече вниманието на јавноста од сиромаштијата и социјалните прашања.

Додон, близок соработник на рускиот претседател Владимир Путин, кого често го посетуваше во Москва, беше поразен во ноември 2020 година од прозападната Маја Санду, политичарка образована во САД, која се кандидираше за поблиски односи со Западот.

Избори во отцепениот молдавски регион Придњестровие

Кремљ изрази „загриженост“ околу информациите за истрага против Додон, при што портпаролот Дмитриј Песков ги повика молдавските власти да обезбедат почитување на неговите права.

Молдавија, една од најсиромашните земји во Европа, официјално поднесе барање за членство во Европската унија во март по неиспровоцираната инвазија на Русија од Украина. Молдавија, која има население од околу 2,6 милиони луѓе, прими повеќе од 472.000 бегалци од соседна Украина.

Новинар на РСЕ кој е руски затвореник добитник на американска награда

Сопругата на затворениот новинар на РСЕ Владислав Јесипенко, Катерина

Новинарот на РСЕ, Владислав Јесипенко, кој отслужува долга затворска казна во Русија поради обвиненијата за шпионажа што тој и неговите поддржувачи ги отфрлаат, ја доби наградата за слобода на пишување, the PEN/Barbey Freedom to Write Award, која САД ја доделува на политички затвореници.

На Јесипенко, кој моментално отслужува шестгодишна затворска казна во руска казнена колонија за неговото известување во окупираниот од Русија Крим, наградата му беше врачена во отсуство на галата на ПЕН Америка во Њујорк на 23 мај.

Холивудскиот актер Мајкл Даглас им ја врачи наградата на сопругата на Јесипенко, Катерина и неговата ќерка Стефанија.

Неговата сопруга Катерина Јесипенко го започна својот говор за прифаќање на наградата во име на нејзиниот сопруг на англиски јазик, но потоа се префрли на украински поради, како што вели „моќта на овој јазик“, кој доби признание поради неговата употреба од украинскиот претседател Володимир Зеленски во говорите пред светските лидери во врска со руската неисповоцирана војна во Украина.

„Мојот сопруг е зад решетки веќе 15 месеци. И тоа е само затоа што е новинар. Владислав знаеше дека известувањето од окупираниот од Русија Крим е опасно, но беше уверен дека луѓето заслужуваат да знаат што се случува. Да ја дознаете вистината. И јас целосно го поддржувам во тоа“, изјави таа.

Судот на Украина на Крим, наметнат од Русија, го осуди Јесипенко во февруари, по судење зад затворени врати.

Продолжен притворот на дописникот на Радио Слободна Европа на Крим

Јесипенко кој има двојно државјанство руско и украинско известуваше од Крим. Тој беше приведен во март 2021 година под сомнение дека собирал информации за украинските разузнавачи. Пред апсењето тој работеше во Крим пет години известувајќи за социјалната и еколошката состојба на полуостровот.

Јесипенко за време на судското сослушување сведочеше дека руските власти „сакаат да ја дискредитираат работата на хонорарните новинари кои навистина сакаат да ги покажат работите што навистина се случуваат на Крим“.

Претседателот на РСЕ, Џејми Флај, ја нарече пресудата „апсурдна “ во изјавата по објавувањето на казната.

„Како новинар кој не прави ништо повеќе од известување на фактите, тој на прво место никогаш не требаше да биде приведен, а уште помалку да биде подложен на физичка и ментална тортура што ја претрпе во изминатите 11 месеци“, рече Флај.

„Владислав треба веднаш да биде вратен дома кај сопругата и ќерката“ додаде тогаш Флај.

Активистите за заштита на слободата на печатот, вклучително и Комитетот за заштита на новинарите и репортери без граници, заедно со украинскиот министер за надворешни работи Дмитро Кулеба и Стејт департментот на САД, се меѓу оние кои повикаа на итно ослободување на Јесипенко во отсуство на какви било докази за погрешно постапување.

Москва незаконски го анектираше Крим на почетокот на 2014 година и неколку недели подоцна ја фрли својата поддршка зад проруските сепаратисти на истокот на Украина.

На 24 февруари, Москва започна неиспровоцирана воена инвазија врз Украина. Во последниве недели, таа ги интензивираше своите бомбардирања на области на исток за да ја заостри и прошири контролата врз источните области каде што сепаратистите имаат упориште.

Шведска и Финска ќе присуствуваат на НАТО самитот во Мадрид

Шведска и Финска, кои аплицираа за влез во НАТО, ќе присуствуваат на самитот на алијансата во Мадрид следниот месец, изјави денеска шпанскиот премиер Педро Санчез. Самитот ќе се одржи од 28 до 30 јуни.

„Тие се големи демократии, многу добро воспоставени и консолидирани демократии и мислам дека е исто така многу важно НАТО и Европската унија да ги имаат како сојузници на НАТО“, додаде тој.

Шпанија ќе ја забрза парламентарната процедура за да даде поддршка за влезот на двете нации во алијансата, додаде премиерот.

Шведска и Финска поднесоа барање за приклучување кон Алијанса по руската инвазија на Украина на 24 февруари.

Но, сите 30 членки на НАТО мора да го одобрат проширувањето, а Турција предупреди дека нема да ги поддржи нивните апликации како што стојат работите.

Анкара долго време ги обвинува нордиските земји, особено Шведска, која има силна турска имигрантска заедница за засолниште на забранети курдски милитанти, како и поддржувачи на Фетула Ѓулен, проповедникот со седиште во САД што го обвинува дека стои зад неуспешниот пуч во 2016 година.

Шведска и Финска најавија дека ќе испратат делегации во Анкара оваа недела со надеж дека ќе го решат проблемот.

Кандидатурите на двете земји за влез во НАТО претставуваат една од најзначајните промени во безбедносната архитектура на Европа во последните децении, не само затоа што Финска дели 1.300 километри (800 милји) граница со Русија.

Навални- Путин ќе гориш во пеколот

Московскиот суд ја потврди 9-годишната затворска казна за опозицискиот политичар Алексеј Навални, кој веќе е зад решетки поради претходна пресуда што тој и неговите поддржувачи ја нарекоа политички мотивирана. Навални учествуваше на сослушувањето на 24 мај преку видео-врска од казнената колонија во Владимирската област.

Критичарот на Кремљ, кој беше осуден на 9-годишна казна затвор во март годинава, додека веќе отслужуваше уште една затворска казна за друг случај, ја шансата на сослушувањето за со изјава да да ги осуди руските власти за започнувањето на тековната неиспровоцирана инвазија на Украина и да ги повтори неговите претходни изјави дека сите обвиненија против него се политички мотивирани.

„Вие, вашиот систем и Путин сте предавници на рускиот народ... Подготвен сум да седам во затвор за да докажам дека не се сите во Русија такви“, рече Навални пред судот.

„Она што го прави Путин е бесмислено. Еден луд крадец ја зафати Украина и никој не разбира што сака да прави со неа. Вашето време ќе помине и ќе гориш во пеколот“, додаде тој.

Навални беше осуден на 9-годишна затворска казна на 22 март, откако судот го прогласи за виновен за обвиненијата за проневера и непочитување, кои тој и неговите поддржувачи постојано ги отфрлаа како политички мотивирани.
Неколку соработници на Навални потоа беа обвинети за формирање на екстремистичка група. Многумина од нив ја напуштија земјата поради притисокот на руските власти.

Навални беше уапсен во јануари минатата година по неговото пристигнување во Москва од Германија, каде што беше лекуван од напад со отров кој што европските лаборатории го дефинираа како нервен агенс од советски стил.
Потоа му беше изречена затворска казна од 2 1/2 години за прекршување на условите од претходно условно ослободување поради неговото закрепнување во странство. Првобитната пресуда нашироко се смета за измислен, политички мотивиран случај.

Навални го обвини рускиот претседател Владимир Путин за неговото труење со хемиска супстанца во стилот на Новичок. Кремљ негираше каква било улога во нападот.

Меѓународните организации го сметаат Навални за политички затвореник. Европската унија, американскиот претседател Џо Бајден и други меѓународни претставници побараа од руските власти да го ослободат 45-годишниот критичар на Кремљ.

Финска и Шведска на разговори во Анкара за членството во НАТО

Турскиот претседател Реџеп Таип Ердоган, финскиот претседател Саули Нинисто и шведската премиерка Магдалена Андерсон

Претставниците на Финска и Шведска треба да се сретнат во Анкара на 25 мај на разговори со турските власти во врска со апликациите на двете нордиски земји за членство во НАТО, на кои Турција се противи, изјави денеска финскиот министер за надворешни работи Пека Хависто.

Турскиот претседател Реџеп Таип Ердоган, кој гласно се противи Шведска и Финска да се приклучат на воената алијанса, имаше телефонски разговори со лидерите на двете земји на 21 мај и разговараше со нив во врска со неговите грижи.

„Ги испраќаме нашите делегации да ја посетат Анкара, всушност и Шведска и Финска. Ова ќе се случи утре, така што дијалогот продолжува“, рече Хависто за време на панел дискусијата на Светскиот економски форум во Давос.

Ердоган разговараше со холандскиот премиер за НАТО-патот на Шведска и Финска

Турскиот претседател Реџеп Таип Ердоган изјави дека е против пристапот на двете нордиски земји поради, како што рече, нивната поддршка за „терористичките организации“, повикувајќи се на забранетата Курдистанска работничка партија и таканаречената курдска полиција Единици за одбрана на народот во Сирија.

„Разбираме дека Турција има некои свои безбедносни грижи во однос на тероризмот. Мислиме дека овие прашања можат да се решат. Може да има и некои прашања кои не се директно поврзани со Финска и Шведска, туку повеќе со другите членки на НАТО “, додаде Хависто.

Шефот на НАТО Јенс Столтенберг денеска изјави дека е уверен дека НАТО ќе може да ги пречека Шведска и Финска како членки.

Шојгу - Русија ќе ја зајакне западната одбрана како одговор на ширењето на НАТО

Столтенберг на Светскиот економски форум во Давос изјави дека неиспровоцираната инвазија на Украина на рускиот претседател Владимир Путин имала контраефект, што доведе до резултат спротивен од она што тој го посакувал.

„Тој сакаше помалку НАТО на своите граници и започна војна. И сега добива повеќе НАТО на своите граници и повеќе членки“, изјави Столтенберг.

Пендаровски и Вучиќ ја поздравија одлуката на СПЦ за автокефалноста на МПЦ-ОА

Македонскиот претседател Стево Пендаровски на Економскиот форум во Давос имал куса средба со неговиот српски колега Александар Вучиќ, на која ја поздравиле одлуката на СПЦ за прифаќање на афтокефалноста на МПЦ-ОА.

„Со претседателот на Република Србија, Александар Вучиќ на кратка средба во Давос заеднички ја поздравивме одлуката на СПЦ за прифаќање на автокефалноста на МПЦ – ОА, како чекор во вистинска насока“, објави претседателот Пендаровски на својата Фејсбук страница.

СПЦ ја призна автокефалноста на МПЦ-OA

Претходно, Пендаровски упати честитки по повод донесената одлука од соборот на Српската православна црква за прифаќање на автокефалноста на Македонската православна црква – Охридска архиепископија, истакнувајќи дека ова е радосна вест за сите граѓани на земјава од православна вероисповед.

„Одлуката на Српската православна црква, ќе придонесе за исправање на историските неправди и отвора можност за нов и необременет духовен раст на Охридската Архиепископија“, се наведува во пораката претседателот Пендаровски.

Пендаровски -Одлуката на СПЦ ќе придонесе за исправање на историските неправди

Патријархот Порфириј по денешното сослужување на заедничка литургија со арихиепископот охридски и македонски, г.г. Стефан во Соборниот храм во Скопје, рече дека Соборот на Српската православна црква ја благословува и одобрува афтокефалноста на Македонската православна црква – Охридска архиепископија. Тој додаде дека Светиот собор на СПЦ му дал должност на Синодот, во соработка со архиепископот Стефан и неговиот Синод, да разработат техничко-организациски детали, по што ќе следи свеченото прогласување на официјален акт.

Фон Дер Лајен: Русија го користи како оружје ограничувањето на снабдување со храна

Претседателката на Европската комисија Урсула фон дер Лајен денеска ја обвини Русија дека ги користи како оружје резервите на храна бидејќи цените на житото, маслото за јадење и другите прехранбени производи се зголемуваат за време на инвазијата на Москва врз Украина, еден од најголемите светски производители на пченица.

„Во Украина која е окупирана од Русија, армијата на Кремљ ги конфискува резервите на жито и машините. А руските воени бродови во Црното Море ги блокираат украинските бродови полни со пченица и семки од сончоглед“, изјави Фон дер Лајен во нејзиниот говор на Економски форум во Давос.

Таа додаде дека Русија сега го трупа сопствениот извоз на храна како форма на уцена, при што задржува залихите со што придонесува за зголемување на глобалните цени или тргување со пченица во замена за политичка поддршка.

Блинкен ја обвини Русија дека ја користи храната како оружје во Украина

„Ова значи искористување на гладот и житото за да ја зголеми моќта“, вели Фон дер Лајен.

Таа рече дека на некои ова им враќа спомени од „мрачното минато - времињата на запленувањето на земјоделските култури на Советскиот сојуз и разорниот глад од 1930-тите“, период во кој од глад умреа милиони Украинци.

Од друга страна, пак, Русија го обвинува Западот за зголемувањето на цените на храната и недостигот поради воведувањето санкции како одговор на војната.

Германската влада ја обвини Русија за блокирање на можната испорака на околу 20 милиони тони жито од Украина, додека полскиот претседател Анджеј Дуда изјави на панелот во Давос дека недостигот на храна може да предизвика бран мигранти од Северна Африка во Европа.

Фон дер Лајен рече дека начинот за борба против потезите на Русија за нарушување на синџирот на снабдување со храна е преку глобална соработка.

Ковачевски- Автокефалноста на МПЦ го направи денешниот празник историски ден

Macedonia - Government session on the topic - the first 100 days of the Government. Prime Minister Dimitar Kovachevski

Со видео обраќање од Рим, македонскиот премиер Димитар Ковачевски испрати честитка по повод признавање на автокефалноста на Македонската православна црква Охридската Архиепископија.

„Голем е денешниот ден, историски кога ги чествуваме светите браќа Кирил и Методиј да ја добиеме и автокефалноста на нашата држава, како рамноправна со другите и како признание за нејзиното наследство и духвната величина на древната Охридкска Архиепископија и како автентичен дел на македонскиот идентитет“, изјави премиерот.

СПЦ ја призна автокефалноста на МПЦ-OA

Тој на сите православни христијани во државата им го честиташе овој ден.

„Ова со векови очекуваната вест е соопштена денеска на заедничката служба со Српската Православна црква. На сите православни христијани им го честитам овој ден“, додаде Ковачевски.

Мицкоски: Сведоци сме на историја важна за македонскиот народ

Поглаварот на Српската православна црква господин Порфириј на денешната заедничка литургија на СПЦ и МПЦ - ОА во Скопје ја призна автокефалноста на Македонската православна црква. Тој во својот говор изјави дека сега на чекор се Синодите на двете цркви да ги завршат правните документи, по што ќе биде изготвен официјалниот акт и сите останати православни помесни цркви по канонскиот ред да бидат известени.

Патријархот на СПЦ Порфириј очекува дека сите помесни цркви ќе го прифатат автокефалниот статус на Македонската православна црква - Охридската архиепископија.

Мицкоски: Сведоци сме на историја важна за македонскиот народ

Претседателот на ВМРО-ДПМНЕ Христијан Мицкоски на презентација на сработеното од градоначалниците од таа партија

Лидерот на опозицијата Христијан Мицкоски во честитката до Македонската православна црква посветена на денешната објава за признавање на автокефалноста од Српската православна црква вели дека ова е голем ден. Тој порачува дека денешната одлука значи дека македонската црква мора да е обединета како и народот за да можат сите премрежја и искушенија да станат премостливи.

„Честитки за мудроста, обединетоста и достојноста на Синодот и неговото блаженство г.г. Стефан, за градењето на мостови, за бранењето на нашиот идентитет и вредности во кои веруваме, за премостените децениски и вековни јазови. После одлуката на Вселенската патријаршија, како и оваа денес, сведоци сме на историја важна за нашиот народ и нашата Македонија“, се вели во честитката на Мицкоски.

Поглаварот на Српската православна црква господин Порфириј на денешната заедничка литургија на СПЦ и МПЦ - ОА во Скопје ја призна автокефалноста на Македонската православна црква. Тој во својот говор изјави дека сега на чекор се Синодите на двете цркви да ги завршат правните документи, по што ќе биде изготвен официјалниот акт и сите останати православни помесни цркви по канонскиот ред да бидат известени.

Патријархот на СПЦ Порфириј очекува дека сите помесни цркви ќе го прифатат автокефалниот статус на Македонската православна црква - Охридската архиепископија.

Потврден прв случај на заразен со мајмунски сипаници во Словенија

илустрацуја

Потврден е првиот случајна заразен со мајмунски сипаници во Словенија. Медиумите во Словенија јавуваат дека станува збор за маж кој неодамна се вратил од патување на Канарските Острови.

Пациентот не бил хоспитализиран на Инфективната клиника на Универзитетскиот медицински центар Љубљана и веројатно може да се констатира дека се работи за полесна форма на болеста.

СЗО: Нема потреба од масовна вакцинација по појавата на мајмунски сипаници во Европа и Северна Америка

Словенечкиот национален институт за јавно здравје се очекува денеска да објави повеќе информации.

Пендаровски -Одлуката на СПЦ ќе придонесе за исправање на историските неправди

Претседателот Стево Пендаровски го прими поглаварот на Македонската Православна Црква – Охридска Архиепископија, г.г. Стефан.

Македонскиот претседател Стево Пендаровски упати честитки до поглаварот на Македонската православна црква – Охридска архиепископија (МПЦ-ОА) г.г. Стефан и до сите граѓани од православна вероисповед по повод едногласно донесената одлука од соборот на Српската православна црква за признавање на автокефалноста на МПЦ-ОА.

Тој во својот пост на официјалниот Фејсбук профил напиша дека ова е радосна вест за сите граѓани на земјава од православна вероисповед, која следи по одлуката на Вселенската Патријаршија за прием на МПЦ во канонско единство и во евхаристиско општење.

„Одлуката на Српската православна црква ќе придонесе за исправање на историските неправди и отвора можност за нов и необременет духовен раст на Охридската Архиепископија. Верувам дека целиот процес на признавање на автокефалноста на Македонската православна црква – Охридска Архепископија ќе заврши со скоро потпишување на Томосот од Вселенскиот Патријарх г.г.Вартоломеј, што ќе придонесе за исполнување на еден од нашите национални интереси и за напредок и помирување во македонското општество“, се вли во честитката на Пендаровски.

Поглаварот на Српската православна црква господин Порфириј на денешната заедничка литургија на СПЦ и МПЦ - ОА во Скопје ја призна автокефалноста на Македонската православна црква. Тој во својот говор изјави дека сега на чекор се Синодите на двете цркви да ги завршат правните документи, по што ќе биде изготвен официјалниот акт и сите останати православни помесни цркви по канонскиот ред да бидат известени. Патријархот на СПЦ Порфириј очекува дека сите помесни цркви ќе го прифатат автокефалниот статус на Македонската православна црква - Охридската архиепископија.

Вчитај повеќе

XS
SM
MD
LG