Достапни линкови

Вести

Руски фонд: Спутник V е поефикасен против индискиот вид отколку другите вакцини

Руската вакцина Спутник V
Руската вакцина Спутник V

Руската вакцина Спутник V е поефикасна во заштитата од индиски вид на коронавирус отколку вакцините од други производители, објави Рускиот инвестициски фонд (РДИФ). Кон крајот на април, раководителот на Рускиот национален институт за епидемиологија и микробиологија „Гамалеја“, кој ја разви вакцината, Александар Гинтсбург, рече дека Спутник V произведува доволно антитела за борба против индискиот вирус на корона. Русија беше прва во светот што регистрираше вакцина против коронавирусот на 11 август минатата година.

Пристигнаа 20.000 вакцини „Астра Зенека“ од Грција

Спутник V досега е одобрен во 60 земји. Во февруари, медицинското списание „Лансет“ објави студија која покажува дека руската вакцина е ефикасна 90 проценти. Сè уште не е одобрена за употреба од Европската агенција за лекови.

види ги сите денешни вести

Продолжен притворот на американскиот новинар Гершкович во Русија

Американскиот новинар Еван Гершкович, на крајот на март беше уапсен во Русија под обвинение за шпионажа
Американскиот новинар Еван Гершкович, на крајот на март беше уапсен во Русија под обвинение за шпионажа

Судот во Москва во вторникот објави дека до јануари му го продолжил притворот на американскиот новинар Еван Гершкович, кој на крајот на март беше уапсен во Русија под обвинение за шпионажа.

Окружниот суд Лефортово сооошти дека на Гершкович, кој ги негираше обвинувањата, му бил продолжен „периодот на притвор“ за уште два месеци до 30 јануари.

Гершкович, известувач на „Волстрит џурнал“, беше приведен од Федералната служба за безбедност (ФСБ) на 29 март во градот Екатеринбург на Урал под обвинение за шпионажа, што се казнува со затвор до 20 години.

Тој е првиот американски новинар кој е уапсен во Русија под обвинение за шпионажа по Студената војна.

Русија објави дека Гершкович е фатен „на дело“. ФСБ, главниот наследник на КГБ, тврди дека новинарот се обидел да дојде до воени тајни.

Белата куќа ги нарече обвинувањата „смешни“, а претседателот Џо Бајден рече дека притворот на Гершкович е „целосно незаконски“.

„Волстрит џурнал“ ги негира обвиненијата и бара негово итно ослободување.

Русија сè уште не објави никакви докази за овој случај.

Гершкович, кој течно зборува руски, беше во Лондон во февруари кога Русија ја започна својата инвазија на Украина и се подготвуваше да се врати во Русија за да започне да известува за Волстрит журнал, откако претходно работеше за АФП.

Израел доби список на заложници кои Хамас треба да ги ослободи денеска

илустрација
илустрација

Израел доби список на израелски заложници кои денеска треба да ги ослободи Хамас, соопшти кабинетот на премиерот Бенјамин Нетанјаху.

„Списокот на заложници во моментов се разгледува и „во моментов се доставуваат известувања до семејствата на оние кои ќе бидат ослободени по повеќе од 50 дена поминати како заложници во Газа“, се наведува во соопштението.

Бројот на заложниците што ќе бидат ослободени денеска како дел од продолжениот договор за прекин на огнот постигнат во понеделникот не е прецизиран, пишува Тајмс оф Израел.

Од петокот, 50 израелски заложници се ослободени како дел од првичниот договор за четиридневен прекин на огнот во борбите во Газа и ослободување на тројца палестински затвореници за секој израелски заложник.

Како резултат на паралелните преговори водени од Катар, Хамас ослободи и 17 Тајланѓани, еден Филипинец и еден руско-израелски државјанин.

Израел и Хамас вчера се согласија да го продолжат привременото примирје за два дена, отворајќи можност за ослободување на уште околу 20 луѓе кои се заложници на палестинската милитантна група.

Стејт департмент: Блинкен ќе ја истакне улогата на ОБСЕ во обезбедувањето безбедност во регионот

Државниот секретар на САД, Ентони Блинкен
Државниот секретар на САД, Ентони Блинкен

Државниот секретар на Соединетите Држави, Ентони Блинкен ќе учествува на Министерскиот самит на ОБСЕ во Скопје каде ќе зборува за главната улога на Организацијата во промоција на продлабочената безбедност во регионот и ќе се заблагодари на Северна Македонија за нејзината лидерска улога, соопшти во понеделникот вечерта Стејт департментот.

Блинкен денеска учествува на министерскиот состанок на НАТО во Брисел, а во посета на Северна Македонија доаѓа утре каде на 29 и 30 ноември се одржува состанокот на министрите на ОБСЕ, изјави портпаролот Метју Милер.

„Во текот на посетата на Северна Македонија, државниот секретар ќе се ангажира со колегите од ОБСЕ за реафирмација на цврстите заложби на САД во ОБСЕ и главната мисија на организацијата да промовира безбедност, стабилност и соработка меѓу државите, со посебен акцент на човековите права и мирно решавање на споровите, рече Милер.

„Блинкен исто така ќе ја истакне главната улога што ОБСЕ ја игра во промоција на продлабочената безбедност низ регионот и ќе се заблагодари на Северна Македонија за нејзината лидерска улога“, се вели во соопштението од Стејт департментот.

Џејмс О’Брајан, помошник државен секретар на САД за Европа и Евроазија вчера на брифинг изјави дека на состанокот Блинкен ќе зборува и за подршката на САД и сојузниците за Украина.

Од Скопје тој ќе опатува на Блискиот исток, во Израел и ОАЕ. Во Израел ќе разговара за правото на Израел да се одбрани од нападите на Хамас согласно меѓународните хуманитарни закони, како и за напорите да се обезбеди ослободување на останатаите заложници. Ќе се раговара и за идното создавање на палестинска држава.

Во Дубаи тој ќе учествува на Климатската конференција на ОН КОП28, каде со глобалните лидери ќе разговара за продолжување на борбата со климетските промени.

Бугарија го отвори воздушниот простор за авионот на Лавров

Рускиот министер за надворешни работи, Сергеј Лавров
Рускиот министер за надворешни работи, Сергеј Лавров

Бугарија го отвори небото за авионот на рускиот министер за надворешни работи Сергеј Лавров доколку тој одлучи да присуствува на министерскиот состанок на ОБСЕ во Скопје, изјави за новинската агенција ТАСС руската амбасадорка во Бугарија, Елеонора Митрофанова.

„Добивме позитивен одговор на нашата нота за летот на авионот на Лавров преку воздушниот простор на Бугарија. Бугарското Министерство за надворешни работи официјално не информираше дека нашиот министер може да лета во воздушниот простор на земјата“, вели Митрофанова за руската агенција.

Рускиот министер за надворешни работи Сергеј Лавров изјави дека ќе учествува на состанокот на ОБСЕ во Северна Македонија доколку Бугарија ја промени одлуката.

Претходно, македонската Влада одлучи да се тргне забраната за прелет на рускиот авион со кој руската делегација, вклучително и шефот на руската дипломатија, Сергеј Лавров, ќе може да слета во Скопје, откако претходно министерствата за одбрана и за надворешни работи ќе дадат одобрение за прелет и слетување.

Пред два дена министерот Бујар Османи рече дека се преговара со Бугарија и Грција да дозволат прелет, но, не гледа причина зошто да не го дозволат тоа.

Русија негира дека ќе има средба меѓу Лавров и Блинкен на самитот на ОБСЕ во Скопје

Американскиот државен секретар Антони Блинкен со рускиот министер за надворешни работи Сергеј Лавров (архивска фотографија)
Американскиот државен секретар Антони Блинкен со рускиот министер за надворешни работи Сергеј Лавров (архивска фотографија)

Американската страна не побарала средба меѓу рускиот министер за надворешни работи Сергеј Лавров и американскиот државен секретар Антони Блинкен на маргините на состанокот на министрите за надворешни работи на ОБСЕ во Северна Македонија.

Ова во изјава за новинарите го кажа заменик-министерот за надворешни работи на Руската Федерација, Сергеј Рјабков, пренесува руската новинска агенција ТАСС.

„Не, (американската страна не побарала) и нема да бара. И нема да има средба“, посочи заменик министерот, одговарајќи на новинарско прашање од ТАСС.

Како што пренесува агенцијата, помошникот државен секретар на САД за европски и евроазиски прашања Џејмс О'Брајан се воздржал од коментари за можноста за релевантни контакти.

Рускиот министер за надворешни работи, Сергеј Лавров, во понеделник (27 ноември) изјави дека ќе учествува на состанокот на ОБСЕ во Северна Македонија доколку Бугарија го отвори својот воздушен простор и дека некои западни земји веќе побарале средби со него.

Тој истакна дека веќе имал неколку барања за средби, вклучително и од западни претставници.

„Ако некој ни пријде, ние никогаш не бегаме и не се криеме“, додаде рускиот шеф на дипломатијата.

Американскиот државен секретар, Ентони Блинкен ќе ги претставува САД на состанокот на Организацијата за безбедност и соработка во Европа (ОБСЕ) во Скопје оваа недела, објави денеска помошникот државен секретар за европски и евроазиски прашања Џејмс О'Брајан.

Примирјето во Газа е продолжено за два дена, објавија Катар и Хамас

Палестинци се движат низ градот Газа во недела, 26 ноември 2023 година, на третиот ден од привремениот прекин на огнот меѓу Хамас и Израел
Палестинци се движат низ градот Газа во недела, 26 ноември 2023 година, на третиот ден од привремениот прекин на огнот меѓу Хамас и Израел

Посредникот Катар во понеделникот (27 ноември) објави дека е постигнат договор за продолжување на примирјето меѓу израелските и силите на Хамас во Газа за два дена, продолжувајќи ја паузата во седумнеделната војна во која загинаа илјадници луѓе и ја опустоши палестинската енклава.

„Постигнат е договор за продолжување на хуманитарниот прекин на огнот за дополнителни два дена во Појасот Газа“, изјави портпаролот на катарското Министерство за надворешни работи на платформата „X“.

Хамас, исто така, соопшти дека се согласил за дводневно продолжување на примирјето со Катар и Египет, што овозможило индиректни разговори меѓу двете страни. Немаше коментар од Израел.

„Постигнат е договор со браќата во Катар и Египет за продолжување на привременото хуманитарно примирје за уште два дена, под истите услови како и во претходното примирје“, изјави претставник на Хамас во телефонски разговор за Ројтерс.

Пред изјавите, шефот на египетската државна информативна служба, Диа Рашван, рече дека договорот за продолжување е близок и ќе вклучува ослободување на 20 израелски заложници меѓу оние кои Хамас ги зароби за време на нападот на 7 октомври на јужен Израел. Во замена, 60 Палестинци ќе бидат ослободени од израелските затвори.

Првобитното примирје требаше да заврши во понеделник навечер.

Бидејќи во понеделник се очекува ослободување на 11 израелски заложници, преговорите се уште траат за ослободување на 33 Палестинци, додаде Рашван.

Според израелските извештаи, примирјето договорено минатата недела беше првиот прекин на борбите во последните седум недели откако Хамас го нападна Израел, при што загинаа 1.200 луѓе и вратија околу 240 заложници во Газа.

Како одговор на тој напад, Израел ја бомбардираше енклавата и започна копнена офанзива на север. Околу 14.800 Палестинци се убиени, соопштија здравствените власти во Газа, а стотици илјади се раселени.

Огромните области на енклавата под контрола на Хамас се срамнети со земја од израелските воздушни и артилериски напади, со продлабочена хуманитарна криза, поради намалување на залихите со храна, гориво, вода за пиење и лекови.

Од фабрика во Гостивар украдени над половина тон марихуана

Марихуана во вреќи (илустрација)
Марихуана во вреќи (илустрација)

Министерството за внатрешни работи информира дека доцна синоќа (26 ноември) во 23.00 часот во ОВР Гостивар било пријавено дека во фабрика за марихуана за медицински цели во атар на с.Чегране, гостиварско, три лица физички нападнале вработен како обезбедување и му одзеле пари и лични предмети, по што со закана со пиштол го затвориле во една просторија.

Според пријавеното, откако крадците си заминале, тој излегол и забележал дека капијата од фабриката била отворена и дека две врати од внатрешниот дел биле искршени.

Во консултација и координација со јавен обвинител, увид извршила екипа од Одделението за внатрешни работи Гостивар и било утврдено дека од внатрешноста на објектот лицата одзеле 41 вреќа со вкупно 552,85 килограми марихуана.

„Имено, на 04.10.2023 од страна на ОКП, по извршена вонредна контрола и претрес со судска наредба, во координација со Комисијата оценување исполнетост на условите во однос на просторот, опремата и кадарот за одгледување на канабис за медицински цели при Министерството за здравство, биле констатирани неправилности во работењето на фабриката. Одземените насади канабис биле предадени на Агенцијата за управување со одземен имот, по што била поднесена кривична пријава против правното и одговорното лице согласно Законот за контрола на опојни дроги и покрената постапка за одземање на лиценцата“, се вели во соопштението на МВР.

Маск и Нетанјаху посетија кибуц нападнат од Хамас

Сопственикот на платформата „Х“, Илон Маск
Сопственикот на платформата „Х“, Илон Маск

Илон Маск, кој се најде на удар на критики поради обвинувањата за антисемитизмот на неговата платформа „X“ (поранешен Твитер), го посети Израел и кибуцот нападнат од екстремистите од Хамас минатиот месец.

Милијардерот и израелскиот премиер Бенјамин Нетанјаху заеднички го посетија кибуц Кфар Аза, кој беше нападнат од екстремистите на Хамас на 7 октомври. Маск, облечен во заштитен елек и придружуван од бројни чувари, користел телефон за да фотографира или да го сними уништувањето, според снимките објавени од канцеларијата на Нетанјаху.

Тие ги посетија домовите на некои од жртвите, вклучително и семејството на Абигејл Едан, четиригодишно девојче со двојно израелско и американско државјанство, кое Хамас го држеше како заложник откако нејзините родители беа убиени. Таа беше ослободена во неделата во последната рунда размена за време на прекинот на огнот во Газа, кој треба да истече по понеделник.

„Беше непријатно да се види сцената на масакрот“, рече Маск подоцна во разговор со Нетанјаху. Маск рече дека е вознемирен од видеата и фотографиите што премиерот му ги покажа за убиствата на цивили, вклучително и деца.

Маск и Нетанјаху разговараа за конфликтот и други поврзани теми, но, не го допреа антисемитизмот на интернет, пишува Асошиетед прес.

Нетанјаху рече дека се надева оти Маск ќе биде вклучен во изградбата на подобра иднина, на што милијардерот одговори: „Би сакал да помогнам“.

Владиниот портпарол Ајлон Леви одби да каже дали Маск бил поканет или дошол сам. Платформата „X“, порано позната како Твитер, не одговори на барањето за коментар.

Израелскиот министер за комуникации, Шломо Кархи, претходно во понеделникот објави на „Х“ дека е постигнат договор кој неговото министерство го склучило со сателитската интернет компанија на Маск -„Старлинк“.

„Како резултат на овој значаен договор, сателитските единици „Старлинк“ можат да работат во Израел само со одобрение на израелското Министерство за комуникации, вклучително и во појасот Газа“, напиша Кархи, без да наведе детали, пишува АП.

Израел објави дека понудил опција за продолжување на примирјето

Хила Ротем-Шошани, која беше киднапирана од вооружени лица на Хамас за време на нападот на Израел на 7 октомври, се среќава со член на семејството откако беше ослободена.
Хила Ротем-Шошани, која беше киднапирана од вооружени лица на Хамас за време на нападот на Израел на 7 октомври, се среќава со член на семејството откако беше ослободена.

Портпаролот на Владата на Израел, Ајлон Леви, денеска изјави дека земјата и понудила на палестинската милитантна организација Хамас да го продолжи четиридневното примирје коe истекува утре во 7:00 часот по локално време.

„Сакаме да примиме уште 50 заложници почнувајќи од вечерва“, рече портпаролот.

Извор од египетските безбедносни сили рече дека двете страни работат на деталите за продолжување на прекинот на огнот што започна минатиот петок.

Израел, наводно, инсистира примирјето да се обновува од ден на ден, додека странските посредници Катар, САД и Египет предлагаат прекин на конфликтот на „неколку дена“.

Двете страни повторија дека непријателствата се далеку од завршени.

Кампањата за уништување на Хамас и враќање дома на сите заложници ќе продолжи веднаш штом ќе заврши примирјето, објави портпаролот на израелската влада.

Израел, како што рече портпаролот, „целосно ќе продолжи да ги постигнува своите три цели - да го елиминира Хамас, да се осигура дека Појасот Газа никогаш повеќе нема да биде закана за израелската безбедност и да ги ослободи сите заложници“.

Военото крило на Хамас повтори дека борците се „подготвени“ доколку воените дејствија продолжат.

Од петокот се ослободени 58 заложници, меѓу кои 39 Израелци и оние со двојно државјанство и 19 странци надвор од договорот.

Утре посебен сообраќаен режим поради генерална проба за Министерскиот совет на ОБСЕ

Зграда на Министерството за надворешни работи
Зграда на Министерството за надворешни работи

Министерството за внатрешни работи информира дека утре од девет до 12 часот, поради одржување на генерална проба во врска со 30-тиот Министерски совет на ОБСЕ во СРЦ „Борис Трајковски“ кој ќе се одржи од 29 ноември во Скопје, Единицата за безбедност на патниот сообраќај при СВР Скопје ќе преземе мерки за посебен режим на сообраќајот.

„За сообраќај ќе бидат затворени следните бул.„Илинден“ од крстосница со бул.„Св.Климент Охридски“ до крстосница со ул.„Љубљанска“ и бул.„8-ми Септември“ од крстосница со ул.„Скупи“ до крстосница со бул.„Партизански ддреди“, велат од МВР.

МВР апелира до граѓаните да ги почитуваат наредбите што ги издаваат полициските службеници.

На 30 Министерски совет на ОБСЕ, кој ќе се одржува од 29 ноември до 1 декември во земјава, ќе учествуваат 76 делегации од земји членки и партнери на ОБСЕ и се очекуваат 1.000 гости во делегациите.

Вчитај повеќе

XS
SM
MD
LG