Достапни линкови

Вести

Русија ги поздрави намерите на Бајден за Нов СТАРТ, но сака детали

Американскиот претседател Џо Бајден по стапувањето на функцијата во Белата куќа

Русија денеска ги поздрави намерите на новиот американски претседател Џо Бајден за продолжување на американско-рускиот договор за контрола на нуклеарното оружје - Нов СТАРТ, но додаде дека Москва сака да види конкретни предлози од Вашингтон.

Белата куќа вчера објави дека Бајден ќе побара петгодишно продолжување на сегашниот договор за контрола на оружјето што го имаат двете земји, што истекува на почетокот на февруари, и е една од првите важни надворешно-политички одлуки на новата американска администрација.

Портпаролот на Кремљ, Дмитриј Песков рече дека е важно да се видат сите детали на американскиот предлог, бидејќи претходната администрација се обиде да обврзе со нови услови за секое обновување, што Москва одбиваше.

види ги сите денешни вести

Власта не знае кога ќе стигнат вакцините, опозицијата обвинува вратен бил авансот

Првата вакцина против ковид-19 ја прими д-р прим. Добринка Наунова Јовановска од Клиниката за Инфективни болести

Министерот за здравство Венко Филипче денеска најави дека во следните неколку денови ќе може точно да каже кога ќе пристигнат двете количини вакцини против Ковид – 19, односно и кинеските и руските. Тој изјави дека не сака да шпекулира, па затоа датумот ќе го соопшти кога ќе биде потврден од двете страни. Филипче изјави дека очекува разговорите да завршат што е можно поскоро.
„ Од Фајзер за којшто го очекуваме драфт договорот. Со руската компанија интензивно разговараме сега овие денови после поптишувањето на договорот и секако со кинеската“, изјави министерот Филипче, кој денеска беше во посета на гостиварската болница каде е пуштен во употреба модуларниот КОВИД центар.


Тој додаде дека преку сајтот и преку матичните лекари се пријавени малку граѓани во онаа прва категорија над 70 години. Филипче апелираше до до матичните лекари да ги пријавуваат граѓаните своите над 70 години со хронични болести со првата следна приоритетна следна група да се пријавуваат и да ги внесуваат податоците во системот мој термин затоа што тие ќе бидат првите веднаш после лекарите и медицинските сестри.


Од друга страна, по прес конференцијата на Филипче, од опозициската партија ВМРО-ДПМНЕ обвинија дека причината за доцнењето на кинеските вакцини лежи во македонската власт. Оттаму обвинуваат дека Владата постојано лаже за набавката на вакцини.

„ Имам информација дека е вратен авансот кој владата го платила до кинеската фирма, па затоа прашуваме јавно дали е вистина дека е вратен авансот за кинеските вакцини и воедно кои се причините доколку е вистина дека е вратен, иако нашите информации говорат дека е вратен и не само што ќе доцнат туку ние нема да добиеме вакцини од кинеската фирма во идниот период, “ изјави портаролот на ВМРО-ДПМНЕ Душко Арсовски.

Во Хрватска регистрирани два случаи од „јужноафриканскиот сој“

Илустрација, архивска фотографија, Хрватска

Првите два случаи на мутацијата на коронавирусот, познати во јавноста како јужноафрискански сој се регистрирани во Хрватска. Дополнително е забележано и значително зголемување на бројот на лица заразени со британскиот сој на вирусот.

„Вчера ги добивме резултатите од секвенционирањето на примероците што ги испративме до Европскиот центар за контрола на болести. Од 300 примероци чии резултати пристигнаа, 60 беа позитивни за британскиот сој, што е 20 проценти позитивни примероци. Тоа е прилично висок процент. Потврдена е и јужноафриканската варијанта кај две лица кои се вратиле од Африка, од Занзибар“, изјави епидемиологот Горанка Петровиќ.

Османи: Не може по секоја средба на комисиите да се очекува спектакуларен резултат

.

Министерот за надворешни работи Бујар Османи на денешната прес конференција изјави дека не може после секоја средба на мешаната македонско – бугарска комисија за историски и образовни прашања да се очекуваат спектакуларни резултати. Затоа е интенцијата овие средби да бидат почести за да се дојде до решенија, додаде тој, по вчерашната средба на која не беше постигнат позначителен напредок за отворените прашања.


„ Имало прогрес вчера, усвојување на записникот, разговарано е отворено, конструктивно, но не е постигнато одредено усогласување за прашањето за препораките во делот на учебниците итн. што не значи дека разговорите од вчерашната и завчерашната средба не се добра основа за следната веќе која што е закажана за месец дена да може да се најде одредено решение,“ рече Османи.


Тој додаде дека во меѓувреме проодлжува и усогласувањето со Софија околу акцискиот план. За тоа пред два дена разговарал во Софија со бугарската колешка Екатерина Захариева со цел да може да се одржи меѓувладината средба.


„Нашата интенција е дека треба да се вратиме на Договорот, на начелата на Договорот или инструментите коишто ги предвидува Договорот. Мислам дека се повеќе од бугарска страна се потврдува таа интенција дека само Договорот е решението, а Договорот има јасни утврдени насоки кои се разликите и како треба да се надминат разликите. Мислам дека отворање на дополнителни прашања не е во интерес ниту на двете страни,ниту на процесот“, изјави Османи.

Грузиската опозиција на протест со шатори пред Парламентот


Грузиски опозициски активисти и активисти за граѓански права поставија речиси десетина шатори пред зградата на Парламентот во главниот град Тбилиси. Тие преноќија во шаторите по уличните протести кои се одржаа против полициската рација во сеидштето на една опозициска партија и приведувањето на опозициски лидер. Илјадници луѓе со знамиња на Грузија и НАТО протестираа со барање за предвремени парламентарни избори и ослободување на политички затвореници.

Полицијата не ги растера активистите, но ги предупреди да не поставуваат шатори во авенијата Руставели, главната сообраќајница во градот. Заал Удумашвили, водач на Обединето национално движење пред медиумите изјави дека шаторите се „дел од борбата против режимот“.


Причината за протестот беше полициската рација во седиштето на Обединетото национално движење и приведувањето на лидерот Ника Мелија но и на десетина партиски активисти. Мелија е обвинет за поттикнување насилство на антивладините протести во 2019 година.

Првата фаза од пописот почнува в понеделник


Иселениците, вработените во ДКП, како и припадниците на армијата кои се на мисија во странство, потоа затвореници и бездомници се први на листата кои ќе треба да се попишат во првата фаза на пописот која почнува в понеделник. Тоа е еден месец пред официјалниот старт на Пописот на населението, домаќинствата и становите. Министерот за надворешни работи Бујар Османи и директорот на Државниот завод за статистика Апостол Симевски денеска на прес конференција информираа дека оваа целата процедура околу пописот ќе трае од први март до 21 април 2021 година.


МНР ќе спороведе медиумска кампања за мотивирање на лицата за самопопишување или саморегистрација кое ќе се одвива преку веб апликација. Потребно е граѓаните само да се најават со својата веб е-меил адреса. Ќе може да се пристапни само од странство, а безбедноста на личните податоци е осигурана.


Министерот Османи рече дека МНР како одговорно за диајспората, преку ДКП ќе биде вклучено во информирањето на иселениците за можноста онлјан да се попишат преку веб страницата на ДЗС.


Самопопишувањето подразбира пополнување на пописната апликација од страна на самото лице кое е единица на попис. Податоците за домаќинството ги дава полнолетен член во домаќинството кому податоците му се најмногу познати, а за децата до 15 години, еден од родителите, посвоителот или старателот.

Мицкоски позитивен на ковид-19

Лидерот на ВМРО-ДПМНЕ Христијан Мицкоски


Лидерот на ВМРО-ДПМНЕ Христијан Мицкоски е заболен од ковид-19. Тој денеска на својот официјален фејсбук профил напиша дека по забележаните првични полесни симптоми, направил тест кој покажал дека е позитивен на вирусот Ковид-19.


„ Иако ги почитував препораките на здравствените лица, сепак се покажа дека не секогаш тоа е доволно. Чувајте го вашето здравје. Ќе го поминам и ова и на крај ќе победиме за нашата иднина!“ напиша на Фејсбук Мицкоски.

Мицкоски пред точно три месеци во гостиување на ТВ 21 изјави дека последното серолошко тестирање што го направил открило дека има антитела на коронавирусот.

„Имам антитела на вирусот. Можеби сум го поминал на нога што се вели, а да не сум знаел дека го имам. Кај мене двајцата родители беа позитивни. Што ми вели еден доктор, сега имам ковид штит“, рече Мицкоски на крајот од гостувањето во ТВ21.


Одобрен пакетот на Бајден за борба против коронавирусот, на ред е Сенатот

Предложениот пакет мерки од американскиот претседател Џо Бајден во вредност од еден билион и 900 милијарди долари денеска е одобрен од Претставничкиот дом. Предлог законот помина со добиени 219 гласови „за“ наспротив 212 гласови „против“. Ниту еден републиканец не гласаше за нацрт законот.


Предлог законот преминува на разгледување во Сенатот каде што мнозинството се демократи. Но во Сенатот веќе е блокиран клучен елемент, а тоа е звојното зголемување на минималната плата во САД на 15 долари на час.


Бајден водеше кампања за зголемување на националната минимална плата од 7, 25 долари на 15 долари на час. Во пакетот се предвидени пари за зајакнување на испораката на вакцини, да им помогне на училиштата повторно да се отворат, како и директна помош за Американците кои се соочуваат со потешкотии.

Предвидени се надоместоци за невраотеност и мораториум на извршување на банкарски гаранции со иселување на милиони луѓе кои не можат да си ги платат кредитите за домување или киријата. Бајден изјави дека пакетот ќе им помогне на Американците кои се борат со економските последици од здравствената криза. Републиканците тврдат дека пакетот е прекумерен и дека вклучува поотики кои не се повразни со пандемијата.

Над 100 илјади луѓе во земјава се заразија со ковид-19 за една година

Ковид-19 амбуланта во Скопје

Денеска се одбележува една година откако во земјава беше регистриран првиот случај на пациент заболен со коронавирусот. Министерот Венко Филипче во видео порака им се заблагодари на здравствените работници и вели дека тие заслужуваат почит и благодарост. Тој додава дека смета оти во изминатава година здравствениот систем покажл дека има сили знаење и искуство да се справи со најголемиот здравствен предизвик.
Филипче изјави дека набавката на вакицните е наголемиот предизвик за сите земји од светот и дека околу 130 земји се уште го немаат почнато процесот на имунизација.
„Како Влада даваме максимални напори да обезбедиме вакцини што поскоро и доволно за сите граѓани, за што барам трпение и разбирање од сите. Ние успеавме да ја започнеме вакцинацијата на здравствените работници, а многу брзо ќе ја почнеме и вакцинацијата на сите граѓани“ вели тој.

Филипче:Ќе доцнат кинеските вакцини


Од најавуваните три механизми, засега во земјава се стигнати само вакцините „Фајзер“ што ни ги отстапи Србија и се наменети за медицинскиот кадар ангажиран за ковид-пациентите. Нивната имунизација почна пред десет дена, а за помасовна се чекаат пратките од кинескиот „Синофарм“ и вакцините од „Фајзер“ од договорот склучен со овој производител. Дотогаш граѓаните може да пријавуваат само интерес за примање вакцина, на веб-страницата вакцинација.мк и кај матичните лекари.

За една година во земјава беа дијагостицирани 101 762 заболени од ковид-19. Првиот случај беше откриен на 26 февруари, а со тоа и беше означен почетокот на епидемијата. До сега се евидентирани 90 895 оздравени пациенти од коронавирусот, додека од последиците од овој вирус во земјава починаа 3119 пациенти. Од почетокот на годината до сега се направени 516 169 тестирања за КОВИД-19.

По топлиот викенд ќе следува намалување на температурите

Врменска прогноза, време, облаци, облачно, сончево, пролет

Денеска во утринските часови по одделни котлини ќе има појава на магла и ниска облачност. Претпладне се очекува да биде сончево и топло со слаб до умерен северен ветер е наведено во извештајот на УХМР. Попладне облачноста ќе се зголеми и ќе започне да дува умередн долж Повардарието засилен северен ветер, кој ќе предизвика позначителен пад на температурите, така што дневните ќе опаднат за 7-10 степени во однос на утрешната, а утринските од почетокот на следната седмица на повеќе места ќе се спуштат под нулата.


Температурите денеска ќе се движат од 0 до 20 степени во Скопје, најтопло ќе биде во Гевгелија со температури од 4 до 23 максимална температура, додека најладно во Берово од – 2 до 17 степени.

Утре се очекува да биде сончево со умерена облачност, преку денот сончево и посвежо. Ќе дува умерен, вдолж Повардарието засилен северен ветер.

Алијанса за Албанците и Алтернатива- полицијата го спречи правото на протест

Скопје- Протест за случајот Монструм,26.02.2021

Денеска, кога беше предвидено да се одржи најавениот мирен протест против одлуката на монтираниот процес „Монструм“, полицијата на Оливер Спасовски се погрижи да го спречи овој протест и дури со таквото спречување да провоцира несразмерни инциденти, реагира од Алијансата за Албанците и Алтернатива.

„Затоа, за коалицијата Алијанса за Албанците и Алтернатива денешната сцена на скратување на правото за протест е уште еден доказ дека по падот на режимот Груевски-Ахмети, на повидок е новиот режим Заев-Ахмети. Исто како и бандите на Груевски некогаш, така и денес полицијата, наместо да биде на страна на граѓаните, таа ги спречи граѓаните во нивното слободно изразување на јавно мислење и на правото за мирен протест. А оваа појава се именува само како диктатура. Ни помалку ни повеќе“, наведуваат од двете партии.

Протестниот марш за судските казни за петкратното убиство кај Смилковско езеро во 2012 година почна околу 13 часот во Чаир, а беше најавено дека ќе заврши пред владата, но полицијата постави кордон кај Стоковната куќа 26 јули и не им дозволи да продолжат понатаму. На протестот присуствуваа неколку стотици луѓе, а дел од нив и покрај апелите на организаторите, маваа со камења кон полицајците, по што полицијата одговори со шок бомби.

Демонстрантите со камења, полицијата со шок-бомби на протестот за Монструм
please wait

No media source currently available

0:00 0:01:57 0:00

Протестот беше организиран од семејствата на осудените за петкратното убиство кај Смиљковското Езеро. Таму во 2012 година беа убиени четири млади момчиња и 45-годишен рибар. Петмина во вторникот беа осудени за тероризам, од кои тројцата директни извршители на убиствата на доживотен затвор, а двајца помагачи на долгогодишни затворски казни. Семејствата на осудените тврдат дека тие се невини и дека случајот е монтиран.

Спасовски-Mијалков не бил во Белград

Министерот за внатрешни работи Оливер Спасовски

Истрагата во овој дел за случајот со Сашо Мијалков мора да покаже за тоа каде е пропустот, во кој дел од системот и системот да се консолидира за да не ни се повторуваат вакви настани во иднина. Истрагата мора да покаже дали некој помогнал и кој е тој и да се види каде е проблемот во целокупниот систем на функционирање, за да бидеме осигурани дека правдата ќе биде задоволена. Ова вечерва го изјави министерот за внатрешни работи Оливер Спасовски во емисијата Трилинг на ТВ 24.

Пресуди за „Таргет-Тврдина“
please wait

No media source currently available

0:00 0:02:42 0:00

Министерот на прашањето дали странски служби и дел од пријателски и влијателни амбасади биле вклучени и помогнале во пронаоѓањето на Мијалков, рече дека институциите на системот во РС Македонија функционираа координирано и заеднички со цел да биде обезбеден и изведен пред правдата. За тоа, пак, дали е категоричен дека не пребегал во Белград, како што тврдат од ВМРО-ДПМНЕ, Спасовски рече „апсолутно не“, нагласувајќи дека Мијалков бил во Македонија.

Поранешниот шеф на Управата за безбедност и контраразузнавање Мијалков денеска е осуден на 12 години казна затвор за масовното нелегално прислушување од 2008 до 2008 година. Тој од неговиот дом во скопската населба Водно со полициска придружба беше спроведен во истражниот затвор во Шуто Оризари каде што ќе биде во затворски притвор.


Претходно неделава Мијалков два дена исчезна па службите не можеа да го пронајдат по што беше распишана домашна и меѓународна потерница. Во вторникот попладнето тој сам се пријави во обвинителството и кажа дека имал температура и бил во самоизолација поради симптоми на коронавирусот по што му беше дадено решение за домашен притвор.

Мијалков спроведен во затворот во Шуто Оризари

Сашо Мијалков со полициска придружба пред Кривичниот суд во Скопје, пред изрекувањето на пресудата за „Таргет-Тврдина“

Од неговиот дом во скопската населба Водно поранешниот шеф на Управата за безбедност и контраразузнавање Сашо Мијалков со полициска придружба е спроведен во истражниот затвор во Шуто Оризари, потврдија од полицијата за МИА.

До ова доаѓа откако судот, по советување и гласање го прифати предлогот на Обвинителството, за укинување на мерката куќен притвор и му одреди ефективен притвор, до правосилност на пресудата.

Пресуди за „Таргет-Тврдина“
please wait

No media source currently available

0:00 0:02:42 0:00

Мијалков денеска беше осуден на 12 години казна затвор за масовното нелегално прислушување од 2008 до 2008 година. Освен Мијалков, во случајот „Таргет-Тврдина“, на по 15 години затвор се осудени поранешните високи службеници во УБК Горан Грујевски и Никола Бошкоски, кои се во бегство во Грција, потоа поранешниот шеф на кабинет на Мијалков, Тони Јакимовски доби казна затвор од шест години, поранешната министерка за внатрешни работи Гордана Јанкулоска беше осудена на четиригодишна затворска казна, поранешна началничка во Министерството за внатрешни работи Надица Николиќ доби три години затвор, а останатите поранешни вработени во УБК добија условни казни.

Бајден- ќе продолжиме со поддршката на Украина

Американскиот претседател Џо Бајден

Американскиот претседател Џо Бајден рече дека Соединетите Американски Држави ќе продолжат да ја поддржуваат Украина против руската агресија и дека никогаш нема да ја признаат анексијата на Крим.

“САД не ја признаваат и никогаш нема да ја признаат руската наводна анексија на полуостровот и ќе се спротиставиме заедно со Украина на руската агресија. Ќе продолжиме да ја сметаме Русија за одговорна за агресивните случувања”, рече Бајден.

Русија во 2014 година го анектираше Крим и ги поддржа сепаратистите во двете провинции на истокот на Украина откако демонстрантите во Киев го урнаа од власт проруски ориентираниот претседател Виктор Јанукович. Во војната во источна Украина досега се убиени повеќе од 13 000 луѓе.

Додека беше потпретседател во администрацијата на поранешниот американски претседател Барак Обама, актуелниот претседател Бајден одигра клучна улога во мобилизацијата за американската поддршка на Украина против агресијата на Кремљ.

МВР-осум приведени, седум полицајци повредени на протестот за „Монструм“

Macedonia - Протест на роднините и поддржувачите на осудените во случајот „Монструм“, Скопје 26 февруари 2021

Осум лица се приведени и се уште се работи на случајот, а повредени се седум полицајци во денешниот протест за „Монструм“, потврдија за МИА од МВР.
Организаторите, откако ги испорачаа своите барања во врска со „Монструм“, но и за други судски случаи и откако дел од демонстрантите фрлаа со камења и други предмети кон полициајците, го прогласија протестот за завршен.

Во своите изјави организаторите бараа меѓународни експерти да ги преиспитаат случаите „Монструм“, „Алмир“, „Алфа“, „Харун Алиу“, „Бродец“ и други, а некои од нив побараа од лидерот на ДУИ, Али Ахмети да ја напушти Владата.

Демонстрантите со камења, полицијата со шок-бомби на протестот за Монструм
please wait

No media source currently available

0:00 0:01:57 0:00

Протестот беше организиран поради незадоволството на семејствата на обвинетите во случајот „Монструм“ по изрекување доживотни казни затвор на обвинетите Халил Демири, Африм Исмаиловиќ и Агим Исмаиловиќ, единствена казна затвор од 15 години за обвинетиот Фејзи Азири и единствена казна затвор од девет години на обвинетиот Хаки Азири, обвинети за петкратното убиство на пет лица кај Смилковското Езеро на 12 април 2012 година. За обвинетиот Сами Лута, се одбива обвинението, поради откажување на јавниот обвинител.врз друг наратив.

Народна банка времено им забрани на банките да исплаќаат дивиденда

Народна банка

Народната банка (НБРМ) донесе времена мерка со која им забрани на банките да исплаќаат дивиденда, која ќе важи до крајот на годината, но ако има позитивни сигнали на пазарот можен да биде укината до крајот на септември. Советот на НБРМ одлуката оваа одлука ја донесе како мерка во ковид пандмијата.

„Најновите показатели потврдуваат дека банкарскиот систем успешно ја одржува својата стабилност, при што кредитите и натаму растат, а капиталните позиции на банките се стабилни. Сепак, неизвесноста од корона-кризата сè уште трае. Поради тоа, со Одлуката донесена на денешната седница, којашто е времена мерка, се делува превентивно, за натамошно зголемување на отпорноста на банкарскиот систем и одржување на стабилноста, во услови на неизвесност околу понатамошниот тек на здравствената криза“, стои во соопштението од НБРМ.

Покрај НБРМ, препорака за неисплаќање дивиденда стигна и од Агенцијата за супервизија на осигурување. Испратена е до сите осигурителни компании во земјава. Причина се намалените приходи.

„Еден од клучните фактори за носење на препораката е фактот што вкупните приходи од бруто полисирана премија (БПП) на целиот осигурителен пазар лани се намалени за 5 отсто во споредба со претходната година“, стои во соопштението од АСО.

Ердоган- Турција е против државен удар во Ерменија

Турскиот претседател Реџеп Таип Ердоган

Турскиот претседател Реџеп Таип Ердоган изјави дека Турција се спротивставува на секакви обиди за државен удар во врска со обидот за промена на власта во Ерменија и соборување на премиерот Никола Пашинјан, објави Сабах.

„Ние сме против секаков вид државен удар. Ние едноставно не можеме да прифатиме обиди за државен удар“, рече Ердоган на кратката прес-конференција по молитвата денеска во Истанбул.

Тој истакна дека обидот на ерменската војска е „неприфатлив“, додавајќи дека ерменскиот народ мора да го каже последниот збор доколку се замени сегашната администрација.

Ерменската војска вчера побара оставка од премиерот Никола Пашинјан, а еден ден претходно, ерменскиот претседател Армен Саркисјан, на предлог на Пашинјан, го смени првиот заменик началник на Генералштабот, Тирана Хачатријан.

Генералштабот на вооружените сили на Ерменија смета дека смената на првиот заменик началник на Генералштабот не се заснова на националните и државните интереси на Ерменија, туку на личните ставови. Пашинјан го нарече барањето на армијата обид за пуч и ги повика своите приврзаници да дојдат на Плоштадот на Републиката во Ереван.

ВМРО-ДПМНЕ- времето ќе покаже какви договори има меѓу Заев и Мијалков

Седиштето на ВМРО-ДПМНЕ во Скопје

Го поздравуваме секој чин кој значи спроведување на правда, вклучително и оваа пресуда. Лошо е што поради криминалите на Сашо Мијалков во затвор заглавуваат и луѓе кои се колатерална штета. Ова денеска го кажа Дафина Стојаноска, член на извршниот комитет на ВМРО-ДПМНЕ, по изрекувањето на пресудата за случајот „Таргет-Тврдина“ во која поранешниот шеф на Управата за безбедност и контраразузнавање Сашо Мијалков беше осуден не 12 години затвор.

„Ова е пресуда донесена под жесток притисок на јавноста, опозицијата и меѓународниот фактор. Тоа е и причината поради која навидум пропадна првата фаза од договорот Заев – Мијалков со кој удрија шамар на правдата, иако постојат индиции дека можно е апелациониот суд да одлучи и поинаку каде Заев е познато дека има силно влијание. Таа жалбена постапка ќе трае околу една ипол година. Затоа оваа одлука околу која власта крева еуфорија е со цел да ги прикрие задколисните договори, чесно е да се каже дека таа не е правосилна се уште“, рече Стојаноска.

Таа рече дека е потребно дополнително сериозно да се разгледаат прекршувањата на постапката.

„Како лице со меѓународна потерница денес осуден криминалец му беше доделен куќен притвор. Какви договори и повластувања има зад сето ова. А, за кои најдобро може да сведочи Заев. Правда мора да има. Договорите Заев – Мијалков не смеат да ја погребаат правдата“, рече Стојаноска.

Инаку, освен Мијалков, денеска на по 15 години затвор се осудени поранешните високи службеници во УБК Горан Грујевски и Никола Бошкоски, кои се во бегство во Грција, потоа поранешниот шеф на кабинет на Мијалков, Тони Јакимовски доби казна затвор од шест години, поранешната министерка за внатрешни работи Гордана Јанкулоска беше осудена на четиригодишна затворска казна, поранешна началничка во Министерството за внатрешни работи Надица Николиќ доби три години затвор, а останатите поранешни вработени во УБК добија условни казни.

Нови 554 заразени со ковид, осум починати

Ковид-19 центар во Скопје

Министерството за здравство информира дека во последните 24 часа се направени 3.477 тестирања, а регистрирани се 554 нови случаи на ковид-19. Од нив најмногу во Скопје- 258, а потоа следуваат Кавадарци – 51, Прилеп – 41, Куманово –25, Неготино – 22, Охрид – 18, Тетово – 16, Струга – 13, Гевгелија – 12, Битола – 11, Велес, Струмица и Крива Паланка – по десет новозаразени. Во неколку други градови има едноцифрена бројка новозаразени.

Пријавени се вкупно осум починати лица. Во истиот период регистрирани се 210 оздравени пациенти.


Со ова вкупната бројка на ковид дијагностицирани лица во нашата земја од почетокот на епидемијата изнесува 101.762, бројката на оздравени пациенти е 90.895, на починати е 3.119, а бројот на активни случаи изнесува 7.748.

Филипче- се прават анализи, па ќе се одлучи дали ќе се преземат дополнителни мерки

Министерот за здравство Венко Филипче

Анализата на вирусот, односно на геномската секвенца, покажа дека 70 проценти од вкупниот број новодијагностицирани случаи на инфицирани со Ковид-19 се заразени со т.н. британски сој на вирусот, рече денеска министерот за здравство Венко Филипче. Тој додаде дека ќе се анализираат состојбите во одредени градови, посебно во Кавадарци, Прилеп и Охрид. Сега, оцени министерот, има лесно зголемување на бројот на заразени.

„Сведочиме секој ден дека има собири на јавни места и во угостителски објекти. Убавото време ќе натера многу наши сограѓани да не ги носат маските за жал и да не ги почитуваат мерките за препорачаната дистанца. Чекаме да заврши анализата по региони и да видиме дали ќе има некои мерки кои ќе се однесуваат на посебни градови и региони и нешто што ќе важи за територијата на целата држава“, рече Филипче.

Заврши протестот за „Монструм“ - Кордон за демонстрантите, каменување за полицијата

Протест за Монструм

По три часа тензии, заврши протестот за случајот „Монструм“. Дел од демонстрантите, меѓу кои и десетина лица со качулки на главите, останаа и понатаму да го каменуваат полицискиот кордон кој го запре протестниот марш кај поранешната стоковна куќа „26 јули“ на скопски Бит пазар и не им дозволи на неколкуте стотини демонстранти да го продолжат најавениот марш до Кривичниот суд, па до Собранието и до Владата.

Протестот почна од паркот во Чаир, но пред Мавровка бројни полициски сили и окопни транспортери ги запреа демонстрантите. Тие побараа полицијата да се повлече, по што дел од нив почнаа да ја каменуваат полицијата, но беа запрени од обезбедувањето на протестот. Каменувањето на полицијата се случуваше во неколку наврати, при што биле повредени тројца полицајци и интервенирала брзата помош. Нападнати биле и неколку новинари и камермани на должност.

Демонстрантите на штитовите на полицајците залепија постер со ликовите на Бранко Црвенковски, Никола Груевски, Зоран Заев и Али Ахмети и со натпис „Криминална влада на Северна Македонија“. Тензиите и каменувањето на специјалците продолжија, па полицијата ги потисна демонстрантите кон Бит пазар. Претходно, на протестот дојдоа и пратеникот на Алтернатива, Скендер Реџепи и поранешниот пратеник и поранешен припадник на ОНА, Хисни Шаќири, кои на албански разговараа со дел од демонстрантите.

Демонстрантите залепија постер „Криминална влада на Северна Македонија“ на штитовите на полицајците од кордот што го запре протестниот марш
Демонстрантите залепија постер „Криминална влада на Северна Македонија“ на штитовите на полицајците од кордот што го запре протестниот марш

По неколку тензични обиди за директен физички судир со полицијата, организаторот прогласи крај на протестот, но голем дел од демонстрантите останаа и повторно ја каменуваа полицијата. Кратко потоа демонстрантите почнаа да заминуваат.

Учесниците на протестот бараа слобода за неправосилно осудените во предметот Монструм , бидејќи, како што велат, „тие се неправедно осудени без вистински докази“. Со првостепената пресуда која Основниот кривичен суд во Скопје ја изрече на 23 февруари, на доживотен затвор за тероризам беа осудени Алил Демири, Африм и Агим Исмаиловиќ, Хаки Азири на 9, а Фејзи Азири на 15 години за помагање. Сами Љута доби ослободителна пресуда откако Обвинителството се откажа од негово гонење поради немање докази за вмешаност во петкратното убиство.

МНР: Палењето на возилото на нашиот конзулат во Солун нема да влијае на добрососедството

Зградата на Министерство за надворешни работи

Македонското Министерство за надворешни работи (МНР) информираше дека е во редовна комуникација со македонскиот Генерален конзулат на земјава во Солун и со надлежните институции на Грција, во врска со вчерашниот инцидент во кој на вандалски начин беше опожарено возило од нашиот Конзулат.

Претходно грчките медиуми, повикувајќи се на информација на новинската агенција АНА-МПА, јавија дека „возило на македонскиот конзулат во Солун било запалено вчера рано наутро и дека инцидентот се случил во 5.30 часот кога врз возилото паркирано пред конзулатот во центарот на Солун бил фрлен „запаллив материјал“, а потоа бил запален.

„Нашиот Конзулат е известен дека грчките власти направиле соодветен увид и ги преземаат сите потребни мерки и активности за пронаоѓање на сторителите и евентуалните мотиви на овој немил случај, како и дека покрај возилото на нашиот дипломат, во истиот период, било запалено и второ возило на различно место во градот. Исто така, веруваме дека овој вандалски акт на ниту еден начин нема да влијание врз одличните добрососедските односи меѓу двете пријателски земји“, пишува во соопштението на МНР.

Од Министерството додаваат дека двата случаи се предмет на истрага, со цел да се откријат извршителите и мотивите, за кои оценуваат дека на ниту еден начин не се насочени против нашата држава.

Србија ги засилува ковид мерките за време на викендот

Илустрација - Ковид вакцинација во Белград

Кризниот штаб за сузбивање на епидемијата на коронавирус денеска одлучи да и препорача на Владата на Србија угостителските објекти и трговските центри низ целата земја за време на викендот да работат до 14 часот, јави МИА од Белград.

Продавниците, медицинските ординации, ветеринарните ординации и лабораториите ќе работат како и до сега. Фризерските салони можат да продолжат да работат како и обично, како и доставувањето на храна. Бензинските пумпи ќе можат да работат до 14 часот, а од 14 часот ќе можат само да точат гориво.

Нова седница на Кризниот штаб е закажана во понеделник, кога ќе се дискутира за почитување на мерките за време на викендот. Како што беше претходно најавено, податоците за бројот на новозаболени лица во Србија не се охрабрувачки, бидејќи вчера беа регистрирани повеќе од 3.500 нови случаи.

Протест за „Монструм“: Маршот запрен со кордон, каменувана полицијата

Демонстрантите залепија постер „Криминална влада на Северна Македонија“ на штитовите на полицајците од кордот што го запре протестниот марш

Од паркот во Чаир и Бит пазар во Скопје, почна протестот на роднините и поддржувачите на осудените во случајот „Монструм“, односно за петкратното убиство кај Смилковско езеро.

Најавите беа дека демонстрантите ќе маршираат до Основниот кривичен суд, од каде што отидат пред Собранието, а протестот ќе заврши пред Владата. Сепак силни полициски сили со кордон го затворија булеварот кај „26 јули“ и „Мавровка“, на што демонстрантите бурно реагираат извикувајќи „Диктатура“, „Ослободете ни го патот“. Се случија и два помали инциденти кога дел од демонстрантите се обидоа да дојдат до полицискиот кордон, но беа запрени од обезбедувањето на протестот.

На штитовите на полицајците залепија постери со фотографии од Бранко Црвенковски, Никола Груевски, ЗОран заев и Али Ахмети и натпис „Криминална влада на Северна Македонија“. Дел од демонстрантите носеа албански знамиња и извикуваа „Голема Албанија“, а десетина лица, со фантомки, фрлаа со камења кон полицијата, но обезбедувањето на протестот ги запре, но продолжија да фрлаат со камења и други предмети кон полицијата.

Тогаш на протестот дојде пратеникот од Алтернатива, Скендер Реџепи, кој на албански разговараше со дел од демонстрантите. Со нив беше и поранешниот пратеник и поранешен припадник на ОНА, Хисни Шаќири.

Во еден момент поголемиот дел од демонстрантите почна да се враќа назад кон Бит пазар, но стотина од нив се обидоа да се судрат со полицијата, фрлајќи камења, разни предмети и петарди, по што специјалците на МВР и полициските окопни транспортери го поместија кордот во правец на демонстрантите.

Дел од медиумите јавија дека бил нападнат камерманот на Македонската информативна агенција, како и дека има повредени и од двете страни и дека реагирала и екипа на Брза помош.

Организаторите го прогласија протестот за завршен, но поголема група демонстранти остана кај Баит пазар. Полицискиот кордон остана кај поранешната стоковна куќа „26 Јули“.

Учесниците на протестот бараат слобода за неправосилно осудените во предметот Монструм , бидејќи, како што велат, „тие се неправедно осудени без вистински докази“.

Со првостепената пресуда која Основниот кривичен суд во Скопје ја изрече на 23 февруари, на доживотен затвор за тероризам беа осудени Алил Демири, Африм и Агим Исмаиловиќ, Хаки Азири на 9, а Фејзи Азири на 15 години за помагање. Сами Љута доби ослободителна пресуда откако Обвинителството се откажа од негово гонење поради немање докази за вмешаност во петкратното убиство.


Од МВР најавија дека од 13 часот за сообраќај ќе бидат затворени улиците „Христијан Тодоровски-Карпош“, „Џон Кенеди“, „Цветан Димов“, „Крсте Мисирков“, „Гоце Делчев“, „11 Октомври“, „Васил Главинов“, ВМРО, „Илинденска“, како и околните сообраќајници.

Ова е втор протест за случајот „Монструм“. На минатиот протест, кој беше органзиран откако Обвинителството побара највисоки казни за тогаш обвинетите, дел од демонстрантите фрлаа камења и шишиња кон полициските специјалци кои го обезбедуваа протестот и вербално ги навредуваа, а се слушнаа и неколку експлозии од т.н. топовски празнења и шок бомби. По протестот беа оштетени неколку полициски возила и беше направена шетата на неколку јавни објекти за што полицијата уапси неколкумина од демонстрантите.

Светска банка го запре финансирањето проекти во Мјанмар

Светската банка го суспендираше финансирањето на проектите во Мјанмар, по барањата за повлекување средства пристигнаа по воениот удар на 1 февруари, стои во писмото на оваа меѓународна финансиска институција испратено до Министерството за финансии на Мјанмар.

„Од 1 февруари ги суспендиравме плаќањата за проекти во Мјанмар и внимателно ја следиме и проценуваме ситуацијата“, се вели на официјалната веб-страница на Светска банка, пренесува Ројтерс.

Директорката на Светска банка во Мјанмар, Маријам Шерман, информираше за оваа одлука со писмо до тамошното Министерство за планирање, финансии и индустрија, потврди портпаролот на Светска банка.

На веб-страницата на Светска банка се наведува и дека банката ќе плаќа на добавувачи, изведувачи и консултанти од Мјанмар кои поднеле барања за повлекување пред 1 февруари.

Лајчак во март на мини балканска турнеја

Мирослав Лајчак

Специјалниот претставник на Европската унија (ЕУ) за дијалог Белград-Приштина и други прашања од Западен Балкан, Мирослав Лајчак, ќе го посети регионот во првата недела од март, потврди канцеларијата на ЕУ во Приштина.

Посетата ќе започне на Косово од 1 до 3 март, ќе продолжи во Србија на 3 и 4 март, а исто така ќе ја посети Црна Гора на 4 и 5 март.

Како што е најавено, Лајчак планира да се состане со политичките лидери на овие три партнери од Западен Балкан, како и со претставници на ЕУ на терен.

Вчитај повеќе

XS
SM
MD
LG