Достапни линкови

Вести

Нов земјотрес во Хрватска: 6,3 степени на 46 километри од Загреб

Петриња, 29 декември 2020

Силен земјотрес со јачина од 6,3 степени по Рихтеровата скала и со епицентар во Петрињa, на 46 километри од Загреб, извести Европско-медитеранскиот сеизмолошки центар (ЕМСЦ). Оттаму наведуваат ека ова е најсилниот земјотрес што ја погоди Хрватска оваа година, и дека земјотреси од вакви размери може да предизвикаат значителна штета во близина на епицентарот.

Земјотресот се почувствувал и во Србија и Босна и Херцеговина, јавуваат репортерите на Радио Слободна Европа (РСЕ).

Хрватскиот Црвен крст објави видео-снимка од Петриња, за каде вели дека ситуацијата е многу сериозна.


Сеизмолошкиот институт на Србија објави дека земјотрес со јачина од 6,2 степени според Рихтеровата скала е регистриран денеска во регионот на Сисак, Хрватска, во 12 часот и 19 минути по локално време. Интензитетот во епицентарот, како што наведува Институтот се проценува на VIII-IX степени од Меркалиевата скала.

И вчера беше регистриран земјотрес со сила од 5,2 степени според Рихтеровата скала во централна Хрватска. Вчерашниот епицентар бил на околу 50 километри југоисточно од главниот град Загреб.

види ги сите денешни вести

Лукашенко со реакција за кривичната пријава во Германија против него

Претседателот на Белорусија Александар Лукашенко

Претседателот на Белорусија Александар Лукашенко ја минимизираше кривичната пријава поднесена во Германија во име на десет Белоруси, во која се тврди дека тој извршил злосторства против човештвото.

Говорејќи два дена пред Белорусија да ја одбележи комеморацијата на победата на Советскиот Сојуз над нацистичка Германија, Лукашенко се осврна на германските адвокати кои го покренаа случајот како „наследници на фашизмот“ и рече дека не се во можност да му судат.

Адвокатите пред два дена изјавија дека, во име на „жртвите на тортура“ поднеле жалба до федералните обвинители во германскиот град Карлсруе против Лукашенко и другите белоруски службеници за безбедност.

"Кои се тие да ми судат? За заштита на вас и на мојата земја? Јас не им замерувам. Но, тие се наследници на генерациите што ја започнаа таа војна", рече Лукашенко.

66-годишниот Лукашенко, која ја води земјата од 1994 година, официјално беше прогласен за победник на претседателските избори на 9 август 2020 година, предизвикувајќи скоро секојдневни протести со барање да се повлече од функцијата и да се одржат нови избори. Опозицијата вели дека гласањето било наместено, а Западот одби да го признае Лукашенко за легитимен лидер на Белорусија.

„Нека распишат Американците предвремени избори и ние ќе распишеме избори во Белорусија истиот ден“, додаде Лукашенко.

Тој смета дека резултатите од минатогодишните претседателски избори во САД се „фалсификувани“. Соединетите држави воведоа санкциите кон Лукашенко и другите високи белоруски функционери. Европската унија го следеше примерот.

Влада: Од Институтот за македонски јазик самите понудија нови толкувања за зборовите

Влада на Република Северна Македонија

Владата денеска соопшти дека „Толковниот речник на македонскиот јазик“ е научен труд и авторско дело на научниците македонисти и лингвисти од Институтот за македонски јазик „Крсте Петков Мисирков“ коишто се единствено стручни за оваа област и имаат и надлежност за содржината на речникот.

Владата, како што се наведува во соопштението, согласно својата програма за унапредување на македонскиот јазик ја реализирала дигитализацијата на вкупниот број лексеми, односно зборови, со единствена цел да им го доближи и да го стави на бесплатно располагање речникот на сите граѓани и на академската јавност во земјата и во светот, за тој редовно да се ажурира, да расте и да се развива, да се дополнува и менува. Од Владата наведуваат дека платформата makedonski.gov.mk понатаму ќе се развива.

„Во комуникацијата со Институтот за македонски јазик откако во јавноста се појавија реакции за одделни лексеми во речникот, првите луѓе на редакцијата и на институтот самите понудија толкувањата на зборовите што предизвикаа реакции да бидат привремено повлечени и многу бргу да во наредниот период бидат заменети толкувања соодветно според современиот лингвистички и општествен контекст“, се наведува во соопштението.

За овој чекор, според Владата, согласност за содржината на соопштението дала и раководителката на проектот „Толковен речник на македонскиот јазик“.

Димитров: Случајот со С. Македонија е тест за кредибилитетот на ЕУ на Западен Балкан

Вицепремиерот Никола Димитров


„Огромното мнозинство на земјите-членки на ЕУ поддржува одржување меѓувладини конференции и со Северна Македонија и со Албанија. Јас исто така сметам дека ова е официјална позиција на Европската Комисија. Тоа е и целта на која работиме“, порача вицепремиерот за европски прашања Никола Димитров за Еуроњуз, а неговата изјава на Твитер ја објави новинарот Џек Паррок.

Во врска со изјавата на еврокомесарот за проширување Олвиер Вархеји за одвојување на Албанија и Северна Македонија, Димитров порача дека државата ги исполнила сите поставени услови.

„Како земја што ја потпиша Спогодбата за стабилизација и асоцијација пред 20 години, прва која тоа го направи во регионот, како земја кандидат веќе 16 години, како земја која изминатите години покажа значителен прогрес во реформите и лидерство во решавањето на спорот со името, случајот со Северна Македонија е тест за кредибилитетот на ЕУ во Западен Балкан. Дали ЕУ ќе ги одржи ветувањата?“, изјавил Димитров.

Портпаролката на Европската комисија за проширување Ана Писонеро денеска рече дека ставот на Комисијата е дека и С Македонија и Албанија се подготвени да започнат преговори, но дека одлуката ја носи Советот.

Иран и светските сили на нова рунда преговори за нуклеарниот договор

аЗменик-министерот за надворешни работи на Иран, Абас Аракчи на разговорите во Виена.

Иран денеска го одржа четврти круг разговори на високо ниво со светските сили со цел враќање на САД во историскиот нуклеарен договор од 2015 година.
Преговорите, кои започнаа во Виена на почетокот на април, се фокусираат на создавање патоказ за Вашингтон за укинување на санкциите за Иран и за Техеран да ги врати ограничувањата на својата нуклеарна програма, утврдени во договорот.

Според договорот, Иран вети дека ќе ги ограничи своите нуклеарни активности во замена за олеснување на меѓународните санкции. Но, поранешниот американски претседател Доналд Трамп ги повлече Соединетите држави од пактот во мај 2018 година, велејќи дека треба повторно да се преговара и воведе санкции за Иран.

Иран реагираше со збогатување на ураниум до поголема чистота, складирање повеќе од дозволеното и воведување понапредни центрифуги. Договорот има за цел да го спречи Иран да развие нуклеарно оружје. Иранските власти тврдат дека нуклеарни амбиции се чисто за цивилни цели.

„Информацијата што ни е пренесена од американска страна е дека тие се исто така сериозни во враќањето на нуклеарниот договор и тие досега прогласија подготвеност да укинат голем дел од своите санкции. Но, ова не е адекватно од наша гледна точка и затоа дискусиите ќе продолжат сè додека не ги достигнеме сите наши барања“, рече заменик-министерот за надворешни работи на Иран, Абас Аракчи.

Американскиот претседател Џо Бајден изјави дека сака повторно да се приклучи на договорот, но, дека Иран треба да се врати на усогласеноста.

Рускиот делегат Михаил Улјанов на Твитер објави дека делегациите се согласиле за потребата од интензивирање на процесот и „се чини дека се подготвени да останат во Виена колку што е потребно за да се постигне целта“.

Ален Матон, портпарол на делегацијата на ЕУ во Виена, рече дека експертските разговори ќе продолжат во наредните денови.

Холштајн: Незамисливо е да се даде зелено светло за Албанија, а не и за С. Македонија

Германска амбасадорка Анке Холштајн

Германската амбасадорка во Скопје, Анке Холштајн изјави денеска дека за нејзината земја е незамисливо да се даде зелено светло за преговори со ЕУ само за Албанија, а не и за Северна Македонија.

„За решавачки насоки во процесот на проширување на ЕУ потребна е согласност од сите земји-членки. Исто како што преговарачката рамка може да биде само едногласно прифатена, датум за првата меѓувладина конференција ќе има само кога сите земји-членки ќе дадат согласност. За Германија не е замисливо само за Албанија да се даде зелено светло, а Северна Македонија да се остави. Северна Македонија веќе одамна ги исполни сите услови за започнување на пристапните преговори, нивниот почеток е заслужен и одамна задоцнет. Ова е исто така во интерес на веродостојноста на процесот на проширување и на веродостојноста на ЕУ во регионот“, изјави Холштајн за „Слободен печат“.

Претходно, и германскиот министер за Европа Михаел Рот порача дека Берлин се залага двете земји во јуни заедно да ги почнат пристапните преговори. Според него, земјата ја поддржува целта на португалското претседателство со ЕУ да се одржи првата меѓувладина конференција со Албанија и Северна Македонија во јуни, бидејќи двете земји ги испорачале бараните реформи, а сега мора да испорача и ЕУ.

Курти најави дека неговата Влада ќе ја тужи Србија за геноцид

Косовскиот премиер Албин Курти

Косовскиот премиер Албин Курти најави денеска дека неговата Влада ќе поднесе тужба против Србија пред Меѓународниот суд за правда за геноцид во војната во Косово во 1998-99 година.

„Ќе водиме со Србија принципиелен дијалог, кој ќе биде подготвен, со договор за меѓусебно признавање, порача Курти по денешната седница на Владата, на која беше усвоена четиригодишната програма за работа на неговиот кабинет.

Меѓу приоритетите во надворешната политика, според него, ќе биде зближувањето и тесната соработка со Албанија. Образложувајќи ја програмата за работа на Владата во наредните четири години, косовскиот премиер рече дека нејзина главна цел ќе биде справувањето со пандемијата на ковид-19 и „ублажувањето на последиците предизвикани од претходната влада“.

Нови 234 случаи, починати 25, меѓу кои и 27 годишно лице од Виница

Тест за ковид-19. Илустрација.

Во последните 24 часа се направени 2.907 тестирања, а регистрирани се 234 нови случаи на ковид-19. Регистрирани се 786 оздравени пациенти. Пријавени се вкупно 25 починати лица: 10 од Скопје, по 2 лица од Тетово, Штип и Гостивар и по 1 починато лице од Куманово, Прилеп, Охрид, Виница, Струмица, Кочани, Кичево, Струга и Свети Николе.

Најмладиот починат пациент на 27 годишна возраст е од Виница. Од пријавените, 4 лица се починати во домашни услови, а останатите 21 во болнички услови.

Досега во земјата се направени вкупно 734.904 тестирања на ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 153.694, бројката на оздравени пациенти е 137.331, на починати е 5.067, а бројот на активни случаи изнесува 11.296.

Израелската полиција уби двајца палестински напаѓачи

Повредено лице во судирите во Ерусалим. Архивска фотографија.

Двајца Палестинци се убиени, а еден е тешко ранет, откако отвориле оган врз израелската армија на окупираниот Западен брег. Израелската гранична полиција соопшти дека тие пукале кон граничната полициска база Салем, во близина на градот Јенин. Чуварите застрелале двајца од напаѓачите, додека третиот е во критична состојба и е хоспитализиран.

Во меѓувреме израелската полиција соопшти дека уапсила 15 лица по судирите во источен Ерусалим откако денеска биле фрлани камења врз полицајците и возилата во населбата Шеик Jарах.

Насилството доаѓа во време на зголемени тензии во источен Ерусалим, каде десетици Палестинци ризикуваат да бидат иселени по долгата правна битка со израелските доселеници. И доселениците и Палестинците тврдат дека имаат сопственост таму. Во последните неколку недели палестинските демонстранти се судираат со полицијата.

Присилното иселување на Палестинците од нивните домови во последните години постојано предизвикуваше протести, а некои од нив беа насилни.

Филипче: Вакцините на „Астра Зенека“ во земјава се потрошија

Министерот за здравство, Венко Филипче

Вакцините против ковид на производителот „Астра Зенека“, кои ѝ беа на располагање на земјава, се целосно потрошени и тие се аплицираа на граѓани постари од 60 години, информираше министерот за за здравство Венко Филипче на пресс конференција во Владата.

На прашањето дали се размислува за укинување на ограничувањето за тоа кои возрасни групи може да ја примат оваа вакцина, Филипче кажа дека засега нема промена во ставот, односно останува препораката оваа вакцина да може да ја примат само граѓаните постари од 60 години.

Оваа одлука земјава ја донесе откако Канада и Германија ја ограничија вакцината да може да ја примаат само повозрасни граѓани поради можната поврзаност на вакцината со предизвикување тромбоза.

Но, Германија вчера одлучи да го отстрани ограничувањето и сега ќе ја дава вакцината на сите полнолетни граѓани.

„Сите 24 илјади дози од вакцината на ‘Астра Зенека’ што ги имавме веќе им се дадени на повозрасни граѓани. Засега нема промени. Вакцината им е дадена на постарите граѓани, но не се земаат само предвид искуствата од Германија, туку и од други земји. Ќе се анализираат и другите публикации и ставови и врз основа на тоа ќе носиме одлуки. Засега нема промена во ставот“, рече Филипче.

Министерот Филипче прими вакцина од кинескиот Синофарм

За проектот за изградба на нов Клинички центар во општината Ѓорче Петров Филпче рече дека треба да покажеме капацитет за консензус.

Посочи дека премиерот има иницијатива во втората половина на месецов да направи јавна презентација на целокупниот процес досега за сите чинители, не само за пратеници, здруженија на архитекти, лекари, екологисти итн. и повторно секој да даде свое мислење, своја перспектива на гледање на работитe.

Дополни дека засега, во земјава не се размислува за опцијата да се вакцинираат граѓаните без термини и да им се даваат ваучери на вакцинираните како што е тоа случајот во соседна Србија.

"Сега сме во фаза кога апелираме граѓаните да се пријавуваат на сајтот. Количината ва вакцини во Србија како единствена земја во светот која им е на располагање на граѓаните е многу поголема од онаа што ние ја имаме во моментот. Кога ќе го постигнеме тоа ниво, може целосно да ги отвориме пунктовите", рече Филипче.

Соопшти дека сега приоритет во вакцинирањето ќе имаат трансплантираните и пациентите на дијализа и верува дека овој процес тоа ќе се заврши до викендот, а сите останати ќе се вакцинираат согласно Националниот план за имунизација.

Започна средбата помеѓу Пендаровски и Мицкоски

Архивска фотографија. Лидерска средба во вила Водно

Во Вила Водно започна средбата помеѓу претседателот, Стево Пендаровски и лидерот на ВМРО-ДПМНЕ, Христијан Мицкоски на која, според најавите од партијата, ќе се разговара за осудените во случајот „27 април“ и за актуелната политичко-економска состојба

Претседателот Пендаровски по најавата за денешната средба само кусо коментира дека е добро што по девет месеци некомуницирање, се воспоставила комуникација со институцијата претседател на Република Северна Македонија.

Пендаровски - Политичкиот дијалог е важен за земјата

Мицкоски на брифинг со новинарите, рече дека на ваков начин се одмрзнуваат односите меѓу партијата и претседателот Пендаровски," затоа што, на земјава и е итно потребен дијалог меѓу политичките чинители".

Средбата e закажана по телефонскиот разговор што го имале Пендаровски и Мицкоски, на барање на лидерот на опозицијата.

Премиерот Зоран Заев денеска претходно го го поздрави дијалогот на шефот на државата и лидерот на ВМРО-ДПМНЕ, но, кажа дека не очекува ништо од денешната средба за прашањето за настаните од 27 април во Собранието.

"Не очекувам ништо. Убаво е што има дијалог. Дијалогот може да носи резултати. По основ на прашањето за 27 април не очекувам ништо, ниту може претседателот на државата да аболицира или амнестира настани кои се поврзани со терористичко загрозување на уставниот поредок, ниту пак е дозволена таква работа да се направи. Но, од разговор нема зијан. Нека направат муабет, дај Боже да има повеќе консензус во државата и во делокругот на надлежностите на претседателот, како и делокругот на надлежности на опозицијата, пред се, доминантен фокус во Парламентот", изјави Заев, одговарајќи на новинарско прашање по присуството на поставување камен темелник на нова фабрика на ЛЕАР во ТИРЗ Тетово.

Бектеши: Рестораните за свадби можно е да отворат кон крајот на мај

Министерот за економија Крешник Бектеши

Министерот за економија Крешник Бектеши денеска кажа дека можно е рестораните за свадби и свеченост да почнат да работат кон крајот на мај, но дополни дека тоа ќе се случи доколку Комисијата за заразни болести утврди дека бројот на заразени со корона вирусот се намалува.

„Секоја недела носиме полабави мерки во однос на рестриктивните мерки до сега и тие се предложени од Комисијата“, рече Бектеши, одговарајќи на новинарско прашање на прес конференцијата за заем од Светска банка за проекти во образованието и за енергетска ефикасност.

Меѓутоа, тој не дополни на кој начин би работеле рестораните за свадби и дали е изработен посебен протокол за нив.

Во Србија се отворат и затворените делови од кафеаните и рестораните

Претходно Владата одлучи од 5 ти мај полицискиот час да почнува два часа подоцна.

Според решението полицискиот час започнува во 23 наместо во 21 часот и трае до 5.00 часот наредниот ден, а угостителските објекти работат до 22.30 часот, но само во отворени делови, почитувајќи ги постојните мерки и протоколи.

Ограничувањата на движењето на граѓаните во текот на ноќта во Македонија беа воведени на 10 март, откако заразниот британски вид на коронавирус почна да се шири брзо, додека рестораните беа затворени од 5 април.

Писонеро: И Северна Македонија и Албанија се подготвени за преговори, но одлуката ја носи Советот

Илустрација. Знамиња на ЕУ и на Северна Македонија

Портпаролката на Европската комисија за проширување Ана Писонеро денеска рече дека ставот на Комисијата е дека и С Македонија и Албанија се подготвени да започнат преговори, но дека одлуката ја носи Советот јави МИА од Брисел.

„Позицијата на Европската комисија е многу јасна: сакаме да видиме меѓувладини конференции со двете земји, двете ги исполнуваат условите за ова да се случи, но Советот треба да даде согласност за преговарачките рамки, таму се наоѓаме“, изјави Писонеро.

До ова доаѓа по најавата на еврокомесарот за проширување Оливер Вархеји за Еуроњуз дека Брисел би можел да ги почне пристапните преговори со Тирана, ако Скопје и Софија не изнајдат заеднички прифатливо решение за историскиот спор.

Осврнувајќи се на изјавата на Вархеји портпаролката рече дека еврокомесарот посочил оти е потребна согласност од земјите членки на ЕУ за одржување на меѓувладината конференција, чин што го означува формалниот почеток на преговорите со ЕУ.

„Ако нема договор за Северна Македонија, тогаш оваа опција би можела да се разгледа“, рече Писонеро.

Таа објасни дека доколку земјите членки одлучат дека само Албанија треба да започне преговори, Европската комисија не би се противела на овој став, бидејќи земјата сега ги исполнува сите преостанати услови.

Вархеји: Можно е раздвојување на Скопје и Тирана на патот кон ЕУ

Премиерот Зоран Заев во понеделник треба да се сретне со претседателката на Европската комисија Урсула фон дер Лајен, со која се очекува да биде отворена оваа тема.

Можноста за раздвојување на Македонија и Албанија, еврокомесарот Вархеји ја најави и за време на посетата на Скопје во вторникот.

Пентагон испрати засилување за повлекувањето од Авганистан

Илустрација. Авганистан. Авганистански безбедносни сили.

Пентагон распореди повеќе тешки бомбардери и борбени авиони за да обезбеди заштита за повлекувањето на американските и коалициските трупи од Авганистан, изјави пред новинарите министерот за одбрана Лојд Остин.

„Помалку од една недела, повлекувањето се одвива според планот“, изјави Остин , додавајќи дека досега врз меѓународните сили немало директни напади.

Претседателот на Здружените началници на Пентагон, Марк Мили, рече дека за одбрана на војниците кои заминуваат, наредиле распоредување на шест бомбардери со долг дострел Б-52 и 12 ловци Ф-18 за поддршка.

Изјавите на Остин и Мили доаѓаат во време кога талибанските напади врз владините сили продолжија да ескалираат низ Авганистан, во услови на меѓународно повлекување.

Талибанците ја заземаа клучната брана во Авганистан

Претседателот Џо Бајден минатиот месец нареди конечно повлекување на 2.500 американски службеници и 16.000 цивилни изведувачи, по скоро две децении откако САД го нападнаа Авганистан за да ги отстранат талибанците од власт по нападите од Ал Каеда на 11 септември 2001 година.

Министерот Филипче прими вакцина од кинескиот Синофарм

Министерот за здравство Венко Филипче прими прва доза вакцина против ковид-19 од Синофарм

Министерот за здравство Венко Филипче денеска јас прими првата доза од вакцината против корона вирусот на кинескиот производител "Синофарм" во вакциналниот пунк во спортската сала "Борис Трајковски".

Филипче им порача на сите граѓани да се пријават на сајтот за вакцинација или преку „Мој термин“, како безбеден начин за заштита од опасниот коронавирус.

" Штотуку ја примив вакцината на „Синофарм“ и уште еднаш апелирам до граѓаните да не се плашат, бидејќи сите вакцини се безбедни и сигурни. Вчера беа вакцинирани околу 10.000 граѓани во земјава, вакцинацијата одлично се спроведува. Ние одлучивме Владата да биде една од институциите која ќе се вакцинира веднаш по Собранието, па затоа сите министри во овој период добија свој термин и таа национална стратегија се темели на националните стратегии на другите земји во светот", рече Филипче.

Досега според министерот 24 илјади граѓани се ревакцинирани со една од вакцините кои пристигнаа во земјава, а над 100 илјади граѓани примиле една доза од вакцините.

Со набавката на новите количества на вакцини, Филипче очекува процесот на имунизација непречено да се одвива и наредниот период.

Премиерот Заев прими вакцина од кинескиот Синофарм

Вчера и претседателот на Владата Зоран Заев на вакциналниот пункт во спортската сала „Борис Трајковски“ се вакцинираше против коронавирусот со вакцина од кинескиот производител „Синофарм“.

Германија и Словачка бараат Скопје и Тирана заедно да ги почнат преговорите со ЕУ

Илустрација. Германскиот министер за Европа, Михаел Рот во Скопје / Mihael Roth

Германскиот министер за Европа Михаел Рот и словачкиот министер за надворешни работи Иван Корчок на Твитер објавија дека Германија и Словачка се залагаат С Македонија и Албанија во јуни заедно да ги почнат преговорите за членство во ЕУ.

"Германија ја поддржува целта на португалското претседателство со ЕУ да се одржи првата меѓувладина конференција со Албанија и Северна Македонија во јуни. Двете земји ги испорачаа бараните реформи – сега мора и ЕУ да испорача. Понатамошното одложување ги поткопува кредибилитетот на ЕУ и стабилноста на регионот", напиша Рот.

До ова доаѓа по најавата на еврокомесарот за проширување Оливер Вархеји за Еуроњуз дека Брисел би можел да ги почне пристапните преговори со Тирана, ако Скопје и Софија не изнајдат заеднички прифатливо решение за историскиот спор.

Вархеји: Можно е раздвојување на Скопје и Тирана на патот кон ЕУ

Шефот на дипломатијата на Словачка, Корчок, пак, смета дека Советот на ЕУ треба да го тргне ветото за С Македонија што го стави Бугарија.

"Кредибилна политика за проширување на ЕУ сега значи отфрлање на ветото во Советот, кој треба да го признае напредокот на Северна Македонија и Албанија. Одржувањето на меѓувладините конференции со двете земји веќе многу дозцни", напиша Корчок.

Можноста за раздвојување на Македонија и Албанија, Вархеји ја најави и за време на посетата на Скопје во вторникот.

Совет на амбасадори: Загрижени сме од најавите на Вархеји

Илустарција. Знамиња. Западен Балкан и ЕУ

„Совет на Амбасадори“, во кој членуваат повеќе поранешни дипломати од земјава, денеска преку соопштение искажа загриженост и вчудовиденост во врска со најавата на комесарот за проширување Оливер Вархеји кој за време на неговата турнеја по земјите на Западен Балкан изјави дека е можно Северна Македонија и Албанија да бидат поделени во нивниот пат до полно членство во Европската Унија ако С Македонија и Бугарија не најдат заеднички јазик во решавањето на спорот околу идентитетските прашања.

"Советот на Амбасадори не верува дека изнесениот условен став на комесарот Вархеји може да биде и став на Унијата. По оваа проблематика пред две години негативно се изјаснија некои земји членки на Унијата и не веруваме дека постојат сериозни причини ЕУ да го промени ставот", се наведува во соопштението.

Вархеји: Можно е раздвојување на Скопје и Тирана на патот кон ЕУ

Советот на Амбасадори, е на ставот дека прогресот кон полноправното членство во Унијата на земја кандидат не смее да биде во заложништво на ветото на една земја членка кога се однесува до билатералните нерешени прашања.

Од Советот на амбасадори сметаат дека реализирањето на таквата можна опција ќе даде негативни импликации за земјата и за регионот, ќе го зголеми степенот на евроскептицизмот и песимизмот кај граѓаните и непотребно ќе го оддолжи патот на Република Северна Македонија кон полноправното членство во Унијата.

Можноста за раздвојување на Македонија и Албанија, Вархеји ја најави за време на посетата на Скопје во вторникот.

Во Индија нов корона рекорд и барања за строго затворање

Индија. Коронавирус.

Индија денеска забележа нов рекорд од 414.188 потврдени случаи на ковид 19 во изминатите 24 часа, поради што индискиот премиер Нарендра Моди се соочува со притисок да воведе блокада низ целата земја

Многу медицински експерти, опозициски лидери и некои од судиите на Врховниот суд сугерираат дека затворањето се чини дека е единствената опција поради беснеењето на вирусот во градовите каде што болниците се принудени да ги одвраќаат пациентите додека роднините се обидуваат да најдат кислород.

Крематориумите и погребните места се борат да се справат со мртвите.

Во Индија над 360 илјади новозаразени од корона


Вкупниот број на заразени од корона во Индија досега се искачи на повеќе од 21,4 милиони од почетокот на пандемијата со слаби надежи дека бројот ќе се намали. Министерството за здравство, исто така, објави дека има 3.915 нови смртни случаи, со што вкупниот број на починати од корона вирус достигна 234.083 од почетокот на пандемијата.

На инфективните оддели се лекуваат 883 ковид пациенти

Инфективна клиника, ковид 19 амбуланта

Министерството за здравство соопшти дека 883 пациенти позитивни и суспектни на коронавирусот се лекуваат на инфективните оддели во Скопје и во болниците во другите градови.

Има околу 847 празни болнички кревети во ковид – центрите.

Во изминатото деноноќие во ковид – центрите во Скопје се хоспитализирани 34 нови пациенти поради компликации од коронавирусот. Вкупно 384 лица сомнителни и потврдени за Ковид 19 се лекуваат на инфективните оддели во главниот град. Голем број од пациентите се на кислородна поддршка.

Во ковид – центрите во болниците во другите градови во изминатите 24 часа е пријавено дека се лекуваат вкупно 499 пациенти позитивни и суспектни на коронавирусот.

Досега се вакцинирани и ревакцинирани над 104 илјади граѓани

Бројот на приеми во изминативе денови се намалува и изутрината до 8 часот имало 332 слободни места, а се очекува во тек на денот по направените исписи на оздравените пациенти да се ослободат и дополнителни места.

Сите инфективни одделенија имаат довод на кислород и можат да згрижат пациенти кои имат потреба од кислородна поддршка, стои во соопштението.

Уште еден обвинет призна вина во случајот „Двојник“

Илустрација - Пасоши

Судењето за петмина од обвинетите за случајот „Двојник“, за нелегално издавање пасоши на странски државјани денеска продолжи во Основниот кривичен суд во Скопје.

На денешното судење уште еден обвинет, од вкупно 11, кој е вработен во МВР, призна вина во случајот „Двојник“. Шемседин Јашари рече дека се чувстува виновен.

Судот уште денеска му изрече пресуда во висина од една година од седум месеци и забрана да работи во МВР следните десет години.

Ова е шести обвинет за злоупотреба на службената положба и овластувања кој призна вина во случајот "Двојник"

Изречени првите пресуди за случајот „Двојник“

На првото рочиште од обвинетите 11 лица, петмина признаа вина, а постапката беше раздвоена за обвинетата Наздрие Зековиќ, која од здравствени причини не беше присутна, а која преку својот бранител најави признание на вина.

Постапката продолжува и за обвинетите Фарук Буки, Весна Колевска, Оливера Софрониевска, Бранислава Владичевска. Тие на претходното рочиште рекоа дека не се чувствуваат виновни за делото кое им се става на товар.

Случајот го води судијката Оља Ристевска, а застапник на обвинението е Спасенка Андонова.

Според обвинението, во периодот од јуни 2017 до крајот на 2020 година, биле издадени пасоши на 214 странски и еден македонски државјанин

Во случајот обвинети се 11 лица, од кои десетмина вработени во Одделението за управни работи во МВР се товарат дека го сториле кривичното дело продолжена злоупотреба на службената положба и овластување, а едно лице е обвинето за поттикнување.

Вонредната состојба е продолжена во Токио неколку месеци пред Олимписките игри

Токио. Коронавирус.Олимпијада.

Вонредната состојба поради корона вирусот во Токио и другите делови на Јапонија денеска е продолжена, на помалку од три месеци пред Олимписките игри. Ограничувања исто така се воведени во уште два региона каде што се зголемија инфекциите.

Итните мерки, кои се помалку строги од заклучувањето и карантините во другите земји, требаше да завршат на 11 мај, но сега ќе продолжат до крајот на месецот, рече премиерот Јошихиде Суга.

Фајзер и БиоНТек ќе донираат вакцини за Олимпијадата во Токио

Повеќе од 11.000 спортисти се очекуваат на Олимписките игри во Токио, кои беа одложени минатата година, поради пандемијата.

Олимписките игри во Токио забранети за странски гледачи

Јапонија веќе одлучи да им забрани на гледачите од странство да присуствуваат на Олимписките игри.

Досега се вакцинирани и ревакцинирани над 104 илјади граѓани

Илустрација. Вакцинација против ковид-19 во Спортски центар „Борис Трајковски“ во Скопје - 5 април 2021

Министерството за здравство соопшти дека на вакциналните пунктови во државата, заклучно со завчера вакцинирани се вкупно 74 076 граѓани.

Прва доза вакцина завчера примиле 7 963 граѓани, а вкупно се вакцинирале 9 123 граѓани.

Во државата вкупно вакцина и ревакцина примиле 104.962 граѓани, а две дози примиле 20.650 граѓани.

Со последните бројки 25 отсто од населението над 70 години имаат примено барем една доза вакцина.

Вакцина вчера прими премиерот Зоран Заев, а за денеска е најавено дека ќе се вакцинира и министерот за здравство Венко Филипче, кои постојано апелираат граѓаните да се пријават и да се вакцинираат.

Премиерот Заев прими вакцина од кинескиот Синофарм

Од Министерството за здравство информираат дека вакцинацијата се одвива непречено на сите пунктови низ државата. Интересот за вакцинација секојдневно се зголемува, а во моментов пријавени преку веб платформата vakcinacija.mk се над 256.346 граѓани.

Според последните податоци на МЗ, бројот на хоспитализирани пациенти со Ковид-19 се намали на 926, а за болничко лекување се на располагање 800 слободни кревети.

Полицискиот час од завчера е во сила од 23 часот навечер до 5 часот наредниот ден, продолжено е работното време за терасите на угостителските објекти, а за дополнителни олабавувања на рестриктивните мерки ќе се одлучува на почетокот на следната недела.

Германија сака да вакцинира млади од 12-години до крајот на август

илустрација

Германија ќе може да понуди вакцинација против коронавирус за сите на возраст над 12 години до крајот на август, под услов Европската агенција за лекови (ЕМА) да даде зелено светло за имунизација на таа возрасна група. Министерот за здравство Јенс Шпан изјави дека германската влада и регионалните претставници се согласиле дека вакцинацијата за млади на возраст од 12 до 18 години може да биде понудена до крајот на август. Тој изрази надеж дека ЕМА ќе ја одобри употребата на вакцината Фалзер за таа возраст во јуни.

Канада ја одобри вакцината на Фајзер/БиоНТек и за деца од 12 до 15 години


На 5 мај, канадските власти одобрија употреба на вакцина Фајзер за деца постари од 12 години, а таквата одлука се очекува да биде донесена следната недела од САД, каде вакцината Фајзер веќе е одобрена за малолетници возраст од 16 години.

Црногорскиот премиер вели дека неговата влада нема да апси свештеници

Црногорскиот премиер Здравко Кривокапиќ

Црногорскиот премиер Здравко Кривокапиќ изјави дека неговата влада нема да апси свештеници за непочитување на епидемиолошките мерки и рече дека „не може сè да се сведе на приказната дека постои само земен свет“. „Ако мислевте дека оваа влада ќе апси свештеници, мислам дека не сте во право“, рече Кривокапиќ, коментирајќи го непочитувањето на епидемиолошките мерки за време на велигденските празници.

Русија може да има корист од кризата во Црна Гора

На прашањето кој е одговорен за почитување на строгите епидемиолошки мерки, тој рече дека сè не треба да се сведува на приказната дека постои само земен свет. „Тоа не е точно, фактот дека тие нè научија на тој начин во последните 50 или 70 години е една приказна. Ако нема духовен свет, тогаш најдобро е да не се однесувате вака и да создавате општ хаос“, изјави Кривокапиќ, кој е близок до Српската православна црква, додаде дека треба да се чита Библијата. Црногорскиот премиер е голем верник на Српската православна црква и беше близок со покојниот митрополит Амфилохије. Тој ја започна својата кампања пред изборите во еден од манастирите.

Вархеји: Можно е раздвојување на Скопје и Тирана на патот кон ЕУ

еврокомесарот за проширување и соседска политика, Оливер Вархеји, Скопје

Иако процесите за членство на Северна Македонија и Албанија во ЕУ досега течеа заедно, Брисел би можел да ги раздвои и да ги почне пристапните преговори со Тирана, доколку продолжи бугарската блокадата на Скопје и не се најде заеднички прифатливо решение со Софија, изјави еврокомесарот за проширување и соседска политика, Оливер Вархеји. Тој за Еуроњуз вели дека ако продолжи застојот во случајот со С. Македонија, ќе се разгледа можноста Албанија сама да продолжи на европскиот пат.

Планот А за ЕУ не функционира, план Б нема

„Ако повторно наидеме на тешкотии со Северна Македонија, што значи дека не сме успешни во убедувањето на Бугарија и Северна Македонија за обострано прифатливо решение, тогаш прашањето е дали можеме да одиме напред само со Албанија. И ќе мора да го разгледаме тоа прашање“, рече Вархеји. За тоа дали формалното „раздвојување“ е опција, тој одговори: „Да, тоа би можело да биде опција“. Можноста за раздвојување на Македонија и Албанија, Вархеји ја најави и за време на посетата на Скопје во вторникот.

Димитров денеска во посета на Естонија

Вицепремиерот за европски прашања Димитров

Вицепремиерот за европски прашања Никола Димитров денеска ќе престојува во работна посета на Естонија. Како што е соопштено, предвидени се средби со министерката за надворешни работи Ева-Марија Лииметс, со претставници на естонскиот парламент (Riigikogu) – Марко Микелсон, претседател на Комитетот за надворешни работи и Сиим Каалас, претседател на Комитетот за европски прашања, како и со претставници од кабинетот на премиерката Каја Калас, задолжени за европски прашања.

Дисонантни тонови во владата и со претседателот за надворешната политика

По неодамнешните посети на Вилнус и Рига, со Талин, Димитров ја заокружува балтичката турнеја, надоврзувајќи се на серијата посети на главни градови на ЕУ земји членки, значајни за евроинтегративниот процес на Северна Македонија. На средбите ќе се дискутира и за зајакнување на билатералната соработка меѓу Северна Македонија и Естонија.

Вчитај повеќе

XS
SM
MD
LG