Достапни линкови

Вести

Бајден ќе формира работна група за борба против коронавирусот

Новоизбраниот претседател на САД Џо Бајден

Новоизбраниот претседател на САД Џо Бајден почна да го формира неговиот тим за транзиција и рече дека денеска ќе објави дека ќе формира работна група на советници за борба против пандемијата на коронавирусот, која повторно се зголемува во САД. Тој најави дека тимот ќе биде составен од научници и експерти за справување со главниот предизвик со кој се соочуваат американските власти. Бајден вели дека тимот ќе работи на план што ќе стапи во сила веќе на 20 јануари 2021 година, на денот на неговата инаугурација. Во САД до саботата имало повеќе од 237 000 смртни случаи, а се пријавени 9,8 милиони случаи на заразени.

Бајден побара единство на нацијата во победничкиот говор

Во меѓувреме, се зголемува притисокот врз актуелниот претседател Доналд Трамп, да ја признае победата на, па дури и да му честита на Бајден. Но, до вчера немаше индикации дали Трамп би направил нешто такво. Трамп, без докази, тврди дека има широко распространета измама при гласањето и се закани дека ќе започне судска постапка. Многу изборни претставници, сепак, рекоа дека какво било пребројување на гласовите веројатно нема да го промени исходот и има малку конкретни докази за поддршка на потенцијалните тужби на Трамп. Има околу 10 недели пред Бајден да биде инаугуриран и да ја преземе функцијата претседател на 20 јануари, период што вклучува состанок на Изборниот колеџ во декември, кога се очекува финализирање на победата на Бајден.

види ги сите денешни вести

Мицкоски: Заев ја негира антифашистичката борба на граѓаните

Претседателот на ВМРО-ДПМНЕ, Христијан Мицкоски

Лидерот на ВМРО-ДПМНЕ, Христијан Мицкоски на денешната прес-конференција изјави дека интервјуто на премиерот Зоран Заев за бугарскиот медиум БГНЕС претставува додворување кон бугарската јавност и подготовка за македонската јавност. Според него, Заев несмасно и грубо изнесува тези кои можат да претставуваат сериозно нарушување на преговарачките позиции, а со тоа и нарушување на европската иднина на Македонија и македонските граѓани.

„Заев во ова скандалозно интервју ја негира антифашистичката борба на граѓаните и нашето право да се повикуваме на тоа наследство. Тој прифаќа дека овде постоела бугарска администрација и практично македонските борци за независна македонска држава кои што се бореле против фашистичкиот окупатор во Втората светска војна ги изедначува со истиот тој окупатор за време на ова скандалозно интервју, па вели дека Скопје, Куманово и Паланка всушност биле ослободени а не биле поробени во Втората светска војна“, рече Мицкоски.

Тој изрази загриженост дека интервју може да се толкува и како прв чекор кон откажување на македонското малцинство во Бугарија, како и кинење на сите пресуди кои што меѓународните судови до сега ги имаат изречено.

„Како што е Судот за човекови права во Стразбур, каде што јасно и недвосмислено стојат насоките кои што за жал, на неевропски и нецивилизиран начин нашиот источен сосед до сега ги игнорира и истите тие не ги применува. Морам да изразам сериозна загриженост за една тенденција за менување на карактер и улогата на македонските херои, што е упад и фалсификат на македонската историја“, додаде Мицкоски.

Тој порача и дека Владата не треба да си игра со македонскиот идентитет.

Заев во интервјуто изјави дека имаме заедничка историја со Бугарија и дека Гоце Делчев е револуционер и за Бугарите и за Македонците, кои се бореле за слободата на Македонија и Одринско.

Во ковид-центрите се лекуваат 812 пациенти

Монтажна болница дел од Инфективна клиника, ковид 19 амбуланта .

Министерството за здравство соопшти дека во изминатите 24 часа во ковид – центрите се лекуваат вкупно 812 пациенти позитивни и суспектни на коронавирусот. Според министерството, има околу 150 празни болнички кревети во ковид – центрите, а во текот на денот се прават и исписи на оздравени пациенти со што ќе се ослободат дополнителни легла.

Од министерството додаваат дека сите одделенија на клиничките болници располагаат со болнички места до кои има довод на кислород. И покрај големиот наплив на пациенти во изминативе десетина дена, како што се наведува во соопштението, Министерството за здравство е во постојан контакт со сите болници и доколку има потреба, капацитетите на ковид одделенијата ќе бидат дополнително проширени.

Заев за БГНЕС: Имаме заедничка историја, Бугарија не е фашизам

Зоран Заев

Имаме заедничка историја. Гоце Делчев е револуционер и за Бугарите и за Македонците, кои се бореа за слободата на Македонија и Одринско. Југославија не разделуваше и ако не ги признаеме слабостите на историјата нема да можеме да ја градиме иднината, вели премиерот Зоран Заев во интервју за бугарската агенција БГНЕС објавено денеска.

Македонскиот премиер додава дека Бугарија не е фашизам, туку дека е наш пријател и дека „ако некој си дозволи да ја оцрни Бугарија со ПР публикации ширум светот, тој ќе сноси одговорност и дека државата не учествува во ова“.

Според Заев, имплементацијата на Договорот со Бугарија ќе биде закон, а т.н. „длабока држава“ останала во ВМРО-ДПМНЕ чии функционери „едно велат дома, а друго надвор“. Во врска со „бугарското негирање на македонскиот идентитет и јазик“, премиерот во интервјуто вели дека Бугарија многу често нагласува дека ја препознава реалноста дека Македонците и македонскиот јазик постојат и се бара да се утврди тој дел од историјата.

На прашањето за „фашистички окупатор“, Заев вели дека веќе се заменети 20-тина табли со таков натпис. Во интервјуто премиерот убедува дека Северна Македонија нема претензии кон Бугарија, ниту малцински претензии, а во врска со изјавата на претседателот Стево Пендароски за (Тодор) Живковистичка политика на Бугарија вели дека Пендаровски „не е толку искусен политичар како Заев и дека сите понекогаш не бираме правилни зборови, но дека Пендаровски е за пријателство со Бугарија.

Царовска: Првото полугодие ќе заврши на крајот на годинава

Мила Царовска

Првото полугодие на учебната 2020/2021 ќе заврши на крајот на годинава, а второто ќе почне на 21 јануари 2021. Предвремен зимски распуст не е потребно зашто во училиштата нема ширење на вирусот, рече министерката за образование и наука Мила Царовска, одговарајќи на прашање за предлогот од опозицијата распустот да почне порано.

Царовска рече дека не слушнала аргументи од опоцизијата со кои тој предлог би бил оправдан, наведувајќи дека бројот на заразени ученици и наставници во наставата со физичко просуство во целата држава е помал од 1 процент.

Османи: "Common" или "shared", Владата нема дилеми дека терминот е „заедничка историја“

Архивска фотогографија - Прес-конференција на Бујар Османи и Екатерина Захариева на самитот на Берлинскиот процес.

Владата и Министерството за надворешни работи (МНР) немаат никаква дилема дека во Договорот со Бугарија се работи за заедничка односно „common“ историја. Терминот „заедничка“ некогаш се преведува како common некогаш како shared, но, според секој толковник, се синоними иако имаат различна политичка или друга димензија. Но, Владата не бега од таа квалификација на историскиот контекст помеѓу Бугарија и Северна Македонија, но тоа се прашања кои подетално комисијата треба да ги надмине.

Ова е одговорот на министерот за надворешни работи на Северна Македонија, Бујар Османи, на прашањето на Радио Слободна Европа на македонски јазик (РСЕ) за забелешките на бугарското МНР дека Скопје го нарушило Договорот за добрососедство, меѓу другото и со, употребата на поимот општа историја место заедничка. Бугарското МНР, поконкретно, како пример го посочува користењето на терминот „shared history“ во преводот на англиски јазик на договорот објавен на интернет страницата на македонското MНР наместо терминот „common history“ употребен во англиската верзија на Договорот што е депониран во Обединетите нации.

„Тој документ е на веб страната е од порано, пред да сум јас министер за надворешни работи, така да не можам да прејудицирам дали се работи за начин на превод. Но, можам да кажам дека МНР и Владата немаат никаква дилема по тоа дека во договорот се работи за заедничка или common“, нагласи денеска Османи.

Во врска со другите забелешки од Софија, дека има застој во работата на Меѓувладината комисија и дека Скопје поддржува „малцински претензии“ во Бугарија, Османи рече дека ниедна од тие две забелешки не е точна.

„Меѓувладината комисија е вториот инструмент. Првиот е т.н. историска комисија, а владината комисија, која е водена од министрите за надворешни работи се состанува еднаш годишно и прави пресек на сработеното. Лани имавме средба во Софија, годинава требаше во Скопје, но пред септември ние немавме Влада, имаше избори, пандемија, а потоа почнаа билатерални разговори Бугарија - Северна Македнија кои бараа некој исход кој требаше да го конкретизираме. Јас имам пратено покана дека сме спремни да ја свикаме таа владина комосија уште во демекмври, така што тука нема никаков спор“, одговори Османи на прашањето на РСЕ.

Според Османи, Северна Македонија нема ниту уставно право за „поддршка на македонско малцинство во Бугарија“.

„Ние имаме уставна обврска, која што уште повеќе е зацврстена со уставните измени по Преспанскиот договор, дека македонската држава нема и ништо нема да се интерпретира како мешање во внатрешните прашања на соседите, вклучително тука и Бугарија. Така да, ние немаме ниту уставно право, ниту право кое произлегува од Договорот за вмешување во внатрешните прашања на Бугарија“, одговори Османи.

Шефот на македонската дипломатија негира и дека македонската дипломатија, како што стои во забелешката од Бугарија, „место да го почитува Договорот, ја оцрнувала Бугарија пред членките на Европската унија“.

„Првата моја посета како министер беше во Софија, првата активност беше свикување на Комисијата, одржувавме комуникации во кои немаше трета страна... Ние одржувавме комуникација со нашите пријатели, ги информиравме за нашите ставови, бараме поддршка и не гледам никаков проблем во тоа, вклучително тука и Германија“, вели Османи.

Завчера Радио Слободна Европа ги објави забелешките на бугарското МНР и побара одговор од Министерството за надворешни работи во Скопје, но веднаш не доби одговор. Во меѓувреме, и записниците на заедничката комисија не се потпишани поради терминот македонски.

За 24 часа во Македонија 597 пријави за неносење маска за лице

Илустрација - Скопје, ноември 2020

Во текот на изминатото деноноќие, на територијата на Република Северна Македонија, по однос на мерката за носење лична заштита на лице, регистрирани се 597 прекршоци, соопшти Министерството за внатрешни работи (МВР).

МВР апелира до граѓаните да ги почитуваат мерките и протоколите донесени од Владата со цел справување со Ковид-19. Носењето заштитни маски за лице е задолжително и на отворени јавни места.

Автомобил со политички пораки удри во оградата од кабинетот на Меркел

Возачот е приведен и се утврдува дали намерно удрил во заштитната ограда од зградата каде е кабинетот на германската канцеларка.

Автомобил со слогани испишани на страните влета во портата на канцеларијата на канцеларката Ангела Меркел во Берлин.

„Утврдуваме дали возачот намерно влетал во „портата на канцеларијата“, објави денеска на твитер берлинската полиција и додаде дека возачот бил приведен. Снимките од инцидентот споделени на социјалните мрежи покажаа дека полицајци прегледуваат автомобил пред портата со натписи „Стоп за глобализациската политика“ од едната страна и „Вие проклети убијци на деца и стари лица“ од друга.

Не беше јасно дали Меркел била во зградата за време на инцидентот. Таа денеска треба да одржи видео-конференција со премиерите на 16-те покраини на Германија, на која ќе разговара за одговорот на нацијата кон пандемијата на коронавирусот.

Репортерот на германската новинска агенција ДПА на местото на настанот пријавил дека на едно повредено лице му се дава брза помош. Металната порта на канцеларката и возилото се чинеше дека се само малку оштетени.

Европа е во состојба на готовност откако осомничени исламистички милитанти во последните неколку недели убија осум лица во Франција и Австрија.

Кадровски промени во ВМРО-ДПМНЕ, 13 нови општински претседатели

Илустрација - Седиштето на опозициската ВМРО-ДПМНЕ во центарот на Скопје

Доцна синоќа Извршниот комитет на ВМРО-ДПМНЕ донел одлука за избор на нови претседатели на општински комитети и за избор на ново претседателство на Унијата на ветерани, соопштија од партијата.

Според одлуката, нови претседатели на општински комитети се изберени во 13 општини. Овие кадровски промени беа најавени веднаш по парламентарните избори, а со цел, како што тогаш рече претседателот на партијата, Христијан Мицкоски, „за јакнење на партискиот капацитет“.

На овој избор му претходеше јавен оглас од партијата за овие раководни позиции, а минатиот месец беше избрана и нова претседателка на Унијата на жени - Жаклина Пешевска.

Вакцинирањето против Ковид во ЕУ ќе почне пред крајот на годинава

Урсула фон дер Лајен

Претседателката на Европската комисија (ЕК), Урсула фон дер Лајен, најави дека првите граѓани на Европа ќе бидат вакцинирани против Ковид-19 пред крајот на декември оваа година. Во својот говор пред Европскиот парламент, Лајен предупреди дека и покрај „светлото на крајот од тунелот“, не смее да има брзо олеснување на мерките воведени против ширење на вирусот.

“Ситуацијата со пандемијата и натаму е сериозна. Со речиси 3.000 смртни случаи на ден, Ковид-19 беше причина број еден за смрт во ЕУ минатата недела. Болниците се уште се под притисок, знам дека сопствениците на продавници и угостителите сакаат да се укинат ограничувањата, но не смееме да ги повторуваме истите грешки. Премногу брзо и премногу релаксирање ризикува трет бран по Божик”, рече Фон дер Лајен.

Таа нагласи дека овој Божик во ЕУ ќе биде поинаков и потивок, но дека има и добри вести.

За 24 часа 39 нови пациенти во скопските ковид центри

Илустрација - Ковид-19 центар во Скопје

Во изминатите 24 часа во ковид центрите во Скопје хоспитализрани се 39 нови пациенти поради компликации од корона вирусот. Вкупно 486 лица сомнителни и потврдени за КОВИД -19 се лекуваат на инфективните оддели во главниот град, соопшти денеска Министерството за здравство.

Во последното деноноќие, на интерните клиники имало вкупно 15 приеми и тоа тројца пациенти биле хоспитализрани на Институтот за белодробни заболувања и ТБЦ, петмина во ковид центарот на Клниката за Неврологија, тројца болни се хоспитализрани на Клиниката за дерматовенерологија, еден на Клиниката за гастроентерохепатологија, двајца пациенти на Клиниката за очни болести и еден на Клиниката за нефрологија.

Во ковид центарот во ГОБ 8 Септември имало 9 нови приеми на пациенти, а на Инфективната клиника 15 приеми во текот на вчерашниот ден.

Во изминатите 24 часа дома се пуштени 27 оздравени пациенти, соопшти Министерството за здравство.

Бектеши: Две турски компании во трка за изградба на магистралниот гасовод

Крешник Бектеши

Министерот за економија, Крешник Бектеши, соопшти дека две турски компании влегле во конкуренција за изградба на магистралниот гасовод во Северна Македонија - “Акса Догалгас Дагити А.С.“ и „Палмет Енерџи Аноним Ширкети“.

„Врз основа на извештајот на Министерството за економија, вчера Владата донесе одлука со која овие две компании ќе бидат поканети да учествуваат во втората фаза на конкурентен дијалог. Тоа значи дека овие две компании ќе учествуваат во тендерската постапка до третата фаза која значи конечен избор на компанија со која ќе се воспостави јавно- приватно партнерство за финансирање, проектирање, изградба, управување, одржување и развивање на дистрибутивниот систем на природен гас во Северна Македонија“, објави Бектеши на својот Фејсбук.

Германија планира да дозволи 10 луѓе да слават заедно Божиќ

илустрација

Шеснаесетте сојузни германски сојузни држави планираат да дозволат собири на најмногу 10 лица за време на Божиќ и Нова година, нудејќи извесно релаксирање на ограничувањата на коронавирусот за да можат семејствата и пријателите да слават заедно. Премиерите на државите денеска треба да разговараат за своите планови со канцеларката Ангела Меркел. Градоначалникот на Берлин, Мајкл Мулер, за телевизијата АРД изјави дека е уверен оти мерките ќе бидат донесени.

Карантинот ја зауздува пандемијата во Европа, САД во расчекор

Премиерите исто така рекоа дека постои широк договор за продолжување на националното „затворање“ до 20 декември за да се забави ширењето на пандемијата на ковид-19. Германија ги затвори баровите, рестораните и местата за забава на 2 ноември за еден месец. Училиштата и продавниците остануваат отворени додека приватните собири се ограничени на најмногу 10 лица од две домаќинства. Според новите планови, приватните собири би биле ограничени на најмногу пет лица до Божиќниот период. Покрај тоа, огнометот би бил забранет на јавни места на новогодишната ноќ за да се избегне собирање голем број луѓе.

Русија спречила напади на Исламска држава во московскиот регион

илустрација

Руската Федерална служба за безбедност соопшти дека растурила ќелија на екстремистичката група Исламска држава која планирала „акти на саботажа и терор“ во московскиот регион. Безбедносните службеници приведоа член на ќелијата, опишан како „граѓанин на централноазиска земја“, во регионот Владимир, источно од Москва, се вели во соопштението. За време на истрагата е запленета и домашна бомба.

Предизвиците по враќањето на терористички борци од странските боишта

„Другите цели на ќелијата беа регрутирање на нови членови во редовите на Исламската држава и финансиски поддршка на тероризмот“, се наведува во соопштението. Рускиот Врховен суд ја означи групата ИД како терористичка и ја забрани во декември 2014 година.

ЕУ за новиот француски закон: Овозможете им на новинарите да работат слободно

илустрација

Европската унија по повод францускиот нацрт закон за безбедност соопшти дека на новинарите треба да им се дозволи слободно и целосно безбедно да си ја вршат работата. Портпарол на Европската комисија изјави дека членките на ЕУ, „при донесување закони од областа на безбедноста, мора да го почитуваат принципот на пропорционалност“ помеѓу безбедноста и граѓанските слободи, пренесува бриселскиот портал Политико. „Во време на криза, поважно е од кога и да е новинарите да можат слободно и целосно безбедно да си ја вршат својата работа. Европската комисија ќе го провери конечниот текст на законот за да провери дали е во согласност со европското законодавство“, рече портпаролот на ЕК.

СЗО: Можен е трет бран ако владите не го спречат ширењето на вирусот

Контроверзниот предлог-закон, што пратениците на долниот дом на францускиот парламент најверојатно ќе го усвојат денеска, го дефинира како кривично дело објавување фотографии или снимки на полицајци. Француската влада вели дека новиот закон има за цел да ги заштити полицајците од повиците за насилство преку интернет, додека противниците стравуваат дека новата одредба ќе ги загрози новинарите и другите граѓани кои снимаат полицајци на должност, особено за време на насилни демонстрации. Високиот комесаријат за човекови права на ОН ја предупреди Франција дека новиот закон „може да доведе до значително кршење на човековите права и основните слободи, особено на правото на приватност и слобода на изразување“, пренесува Политико. Доколку законот стапи на сила, сторителите можат да бидат осудени на максимум една година затвор и парична казна од 45.000 евра.

ЕУ денеска ќе потпише договор за 160 милиони дози вакцини против ковид-19

Европската унија постигна договор со американската биотехнолошка фирма Модерна за снабдување до 160 милиони дози на нејзиниот кандидат за вакцини против ковид-19, изјави вчера претседателката на Европската комисија. Договорот ќе биде официјално одобрен од извршната власт на ЕУ во среда, рече Урсула фон дер Лајен. „Според резултатите од клиничките испитувања, оваа вакцина може да биде многу ефикасна против ковид-19“, рече таа, додавајќи: „Штом вакцината навистина се докаже како безбедна и ефикасна, секоја земја-членка ќе ја прими во исто време пропорционално“.


Вакцинација со Спутник V ќе чини помалку од 20 долари

Деталите за договорот, вклучително и сите опции за набавка во рамките на 160 милиони можни вкупни дози, ќе бидат објавени кога ќе биде потпишан во среда. Брисел претходно потпиша договори за стотици милиони дози на можни идни вакцини од „Џонсон и Џонсон“, „Санофи-ГСК“, „АстраЗенека“, „Фајзер-БионНТех“ и „КуреВак“.

Запленети 372.000 растенија канабис во Шпанија

илустрација

Шпанската цивилна гарда објави дека откривајќи мрежа на шверцери со дрога, запленила 372 000 растенија канабис, што е скоро третина од вообичаените годишни заплени во земјата. Акцијата, спроведена во текот на октомври и ноември, доведе до откривање на професионална мрежа за одгледување, собирање и продажба на канабис. Истрагата започната во мај годинава откри 52 насади со марихуана во Мадрид и други области со вкупно 372.000 растенија.

Полицијата пронашла мини лабораторија и стебла канабис во Визбегово, приведени три лица

Според Министерството за внатрешни работи, полицијата заплени скоро милион растенија канабис во просек секоја година, чие незаконско одгледување цвета во последно време, до степен Шпанија да стане главен производител во Европската унија. Уапсени се тројца членови на шверцерската мрежа, а тие се обвинети за изнајмување земјоделско земјиште и вработување на сопственици на тие имоти, уверувајќи ги дека станува збор за канабис за медицински цели.

Бајден: САД се подготвени да го водат светот, а не да се повлечат од него

Избраниот претседател Џо Бајден ја отстранува маската за лице при претставувањето на своите наименувани за клучните позии во национална безбедност

Соединетите држави се „подготвени да го водат светот“, рече избраниот американски претседател ЏоБајден денес во Вилмингтон, претставувајќи го дел од тимот на неговата идна влада. „Тоа е тим што го одразува фактот дека Америка се врати, подготвена да го води светот и да не се повлекува од него“, рече Бајден, алудирајќи на пресврт во надворешната политика. Тој ја повтори својата решеност да се бори против климатските промени воведувајќи го својот иден специјален пратеник за ова прашање Џон Кери.

Џон Кери го предводи тимот на Бајден во борбата против климатските промени

„Сакам да бидам јасен. Ниту за секунда не ги потценив тешкотиите во исполнувањето на моите смели обврски кон борбата против климатските промени. Но, во исто време, никој не треба да ја потценува за секунда мојата решеност да го сторам тоа", рече Бајден. Кери ја повика меѓународната заедница да биде поамбициозна во борбата против климатските промени, што е еден од приоритетите на Бајден.

Блинкен најверојатно нов државен секретар на САД

Идниот министер за надворешни работи Ентони Блинкен рече дека ќе се залага за меѓународна соработка во решавањето на светските проблеми. „Не можеме да ги решиме проблемите во светот сами, мора да работиме со други земји“, рече тој. Пред присутните се обрати и идната американска амбасадорка во ОН, Линда Томас-Гринфилд, која рече дека мултилатерализмот се врати во САД.

Владата го утврди текстот на Предлог-законот за Агенцијата за разузнавање

Влада на Република Северна Македонија

Владата го утврди текстот на Предлог-законот за Агенцијата за разузнавање. Како што соопшти владината прес-служба, целта на Законот за Агенција за разузнавање е да се направи јасна дистинкција меѓу АНБ чија надлежност се поклопува со надлежноста на Агенција за разузнавање, согласно постојниот закон. Во новиот закон за Агенцијата за разузнавање, јасно е дефинирана надлежноста на Агенцијата да собира, обработува, анализира, разменува, чува и штити податоци и информации од странство, кои се од значење за безбедноста, одбраната, надворешно – политичките интереси на Република Северна Македонија, стои во соопштението.

Мухамед Зекири е нов генерален секретар на Владата

На оваа седница, Владата ја разгледа и усвои Информацијата за отпочнување процес на кодификација на правото во земјава и го задолжи Генералниот секретаријат на Владата да спроведе постапка за јавна набавка на софтвер и софтверско решение со кој што ќе се изврши кодификација на правото во земјава.

Времето денеска: сончево со локална облачност

Наутро ќе биде студено и понекаде во котлините со појава на магла. Преку денот сончево со мала локална облачност и со слаб претежно северен ветер. Дневната температура ќе биде од 11 до 16 степени. Во Скопје и околината слично време. Дневната температура ќе биде до 9 степени.

Починаа 15 лица од корона вирус, 1039 се новозаразени

Ковид-19 центар во Скопје

Министерството за здравство информира дека во последните 24 часа се направени 3143 тестирања, а регистрирани се 1039 нови случаи на ковид-19 од кои најмногу новозаразени има во Скопје-546.

Починати се 15 лица, шест пациенти од Прилеп (65, 65, 69, 69, 69 и 72г), пациент од Скопје (73г), од Дебар (60г), пациент од Велес (71г), пациент од Битола (64г), од Кавадарци (66г), од Демир Хисар (84г), од Свети Николе (56г), од Кичево (55г) и пациент од Ресен (84г). Сите пациенти се починати во болнички услови.

Денеска Институтот за јавно здравје регистрира 998 оздравени пациенти

Вкупната бројка на ковид дијагностицирани во нашата земја од почетокот на епидемијата изнесува 56164, бројката на оздравени пациенти е 33892, на починати е 1561, а бројот на активни случаи изнесува 20711.

Вонредна инспекција во болницата во Битола

Илустрација. Клиничката болница во Битола.

Министерот за здравство, Венко Филипче најави вонреден инспекциски надзор во болницата во Битола, откако на социјалните мрежи се појавија фотографии на кои се гледа дека додека пациент прима инфузија во истата просторија на други болнички кревети лежат двајца починати пациенти.

Министерот Филипче, денеска рече дека со инспекцијата ќе утврди фактичката состојба во дневната болница.

Претходно, докторката Билјана Гагачовска, директорка на Клиничката болница во Битола, во врска со настанот што се случил вчера во битолската дневна болница кажа дека го информирала Министерството за здравство дека еден од пациентите кој бил во лоша здравствена состојба примал инфузија, а на другите два креветат за време на интервенција, пациентите починале.

„Согласно лекарските овластувања регулирани во член 272 од Законот за здравствена заштита, став 1, преглед на умреното лице се врши, по правило, најрано 2 часа по настапувањето на смртта на местото на смртта, а најдоцна 12 часа по пријавувањето. Од таа причина телото на починатиот не можело да се пренесе во болничката мртвачница, објасни директорката Гагачовска.

Министерството за здравство повторно апелираше доколку членови на семејство на пациент и лично пациенти имаат каков било сомнеж за евентуален лекарски пропуст или за начинот на лекарски третман, да се обратат до ДСЗИ.

Мухамед Зекири е нов генерален секретар на Владата

Поранешниот пратеник и актуелен потпретседател на Владата Мухамед Зекири

Поранешниот пратеник и актуелен потпретседател на Владата Мухамед Зекири е назначен за нов генерален секретар на Владата. Одлуката била донесена на последната владина седница одржана денеска.

Зекири неодамна си поднесе оставка од пратеничката функција, а Собранието веќе ја констатираше оставката. Тој доаѓа на местото на досегашниот генерален секретар на Владата Драги Рашковски.

Оставки на пратениците Зекири, Лукаревска, Бајрами и Дурловски

Мухамед Зекири од СДСМ, заедно со Сања Лукаревска која Владата ја именуваше за директорка на Управата за јавни приходи (УЈП),како и Игор Дурловски од ВМРО-ДПМНЕ и Бајрам Реџепи од ДУИ во последните денови од октомври си поднесоа оставки.

Тие не ја образложи својата оставката пред колегите пратеници.

Италија: 853 починати од корона вирус

Илустарција.Корона вирус.

Италија објави дека денеска има 853 смртни случаи поврзани со ковид 19, што претставува најголемо зголемување на починати во едно деноноќие од 28 март.

Министерството за здравство исто така регистрираше 23.232 новозаразени со коронавирус, за разлика од 22.930 претходниот ден.

Италија беше првата западна земја погодена од вирусот и забележа 51306 жртви на Ковид-19 од избувнувањето на болеста во февруари, и беше втора земја со најголем број на жртва во Европа по Британија.

Додека дневниот биланс на жртви во Италија е најголем во Европа во последните денови, приемот во болници и исполнетоста на интензивната нега се намали.

Бројот на луѓе во болница со Ковид-19 денеска изнесува 34.577, што е пад за 120 пациенти од претходниот ден.

Ковид-19: Во болниците има 1 290 пациенти

Ковид-19 центар во Скопје

Министерството за здравство информира дека бројката на хоспитализирани пациенти кои се позитивни или сомнителни на ковид-19, во земјава изнесува 1 290, а во моментов има околу 130 слободни кревети.

Најголемиот дел од пациентите се примени во болниците од внатрешноста – 814, додека останатите 476 се во Скопје.

295 војници за поддршка на полицијата во здравствените објекти

Најмногу пациенти во болниците надвор од Скопје во моментов има во Куманово – 118 и Охрид – 111, додека во Прилеп се хоспитализирани 104.

Во струмичката болница има 72 пациенти , во Битола 70, во Велес 65, во Штип 56, во Гостивар 49, во Тетово 46, во Кавадарци 44, во Струга 32, во Кочани 20, во Кичево 18, и во Гевгелија 9 пациенти кои се позитивни или сомнителни на ковид-19.

МЕПСО: Прекините на напојувањето во Скопскиот регион резултат на неможноста да се ангажираат хидроелектраните

Macedonia - MEPSO trasnformer, Stip, 23Mar2009

АД Мепсо денеска излезе со соопштение во кое информира дека прекините на напојувањето во Скопскиот регион се резултат на неможноста да се ангажираат системските резерви кои не им биле ставени на располагање од АД ЕСМ

До соопштението доаѓа откако претходно денеска делови од Скопје и Тетово нема струја поради дефект на 110 киловолтниот далекувод на МЕПСО.

"АД МЕПСО немаше можност да изврши благовремено растоварување на електропреносната мрежа и напонска поддрша со ангажирање на хидроелектраните со кои нормално секоја година се обезбедуваат системските резерви неопходни за за обезбедување на сигурна и стабилна работа на електроенергетскиот систем"се наведува во соопштението на компанијата.

Од таму информираат дека со максимален ангажман на стручните екипи на АД МЕПСО во 12:07 часот е вклучен далекуводот ТС Скопје 4 – ТС Скопје 3 со што се подобруваат напонските прилики во регионот и се нормализираат тековите на моќност.

Според информација од ЕВН Дистрибуција, регулационите преклопки на трансформаторите во ТС Запад и ТС Козле останале заглавени во положба за максимална регулација на напон, поради што операторите од ЕВН Дистрибуција не биле во можност да ги вклучат Пратени се екипи на ЕВН Дистрибуција рачно на лице место да ги ослободат регулационите преклопки во ТС Запад и ТС Козле. По интервенцијата, ТС Запад и ТС Козле постепено се обезбедени со напојување со електрична енергија од ЕВН Дистрибуција.

Вчитај повеќе

XS
SM
MD
LG