Достапни линкови

Вести

Разговорите за преговарачката рамка за С.Македонија продолжуваат во петок

Илустрација- знамето на ЕУ

Дипломатите од земјите членки на Европската унија се состанаа утрово во рамките на телото за проширување во Советот на ЕУ, за да разговараат за нацрт-преговарачката рамка за Северна Македонија и Албанија како главна тема на дневен ред, јави дописничката на МИА од Брисел. Ова е првпат земјите-членки да се состанат за да разговараат темелно за преговарачките рамки за двете земји, но и за новата преговарачка методологија на ЕУ, предложена и усвоена во март оваа година.

МИА, повикувајќи се на свои извори, од како што пишува „една од најголемите земји членки на Унијата“ наведува дека Бугарија била “гласна“ на денешниот состанок за прашањата, како јазикот, на пример, кој во предлог рамката е јасно именуван како македонски јазик.

Официјална Софија и досега навести дека има забелешки и преку изјавата прикачена кон записникот на седницата на Советот за општи работи на Европската унија од 25 март на која лидерите на земјите членки се согласија на Северна Македонија и Албанија да им се даде зелено светло за почеток на преговорите за зачленување. Во таа изјава Софија бара Скопје да престане со каква било поддршка на организации кои се декларираат како македонско малцинско во Бугарија, во меѓународни организации земјава да декларира дека нема каква било основа да бара малцински статус за која било група, бара конкретни работи и политичка вклученост во работата на Заедничката комисија за историски и образовни прашања, а јазикот во ЕУ документите и преговарачката рамка да се именува како официјален јазик на Република Северна Македонија.

Инаку МИА јавува дека во петок продолжуваат дискусиите на техничко ниво во ЕУ, а земјите членки во наредниот период планираат темелно да ги разгледуваат и предлог рамките и методологијата, со надеж дека до ноември ќе постигнат компромис.

види ги сите денешни вести

ЕУ нема да нарачува вакцини на АстраЗенека по јуни

илустрација, вакцината на АстраЗенека

Европскиот комесар за единствен пазар Тиери Бретон денеска изјави дека Европската комисија не ги обновила нарачките за вакцини од АстраЗенека по јуни, објави Ројтерс.
Европската Комисија во април поднесе тужба против АстраЗенека за непочитување на одредбите од договорот за набавка на вакцини против коронавирус.
Британско-шведската фармацевтска компанија е критикувана и за тоа што нема „сигурен“ план што би овозможил испорака на дози на време.

ЕУ договорила можна набавка од 1,8 милијарди вакцини на Фајзер

Бретон додаде дека очекува неодамнешната нарачка за нови дози на вакцината на Фајзер/Бионтек да биде поскапа отколку во случајот на претходните верзии.
ЕУ неодамна потпиша нов договор со американско-германскиот производител на вакцини, кој треба да добие 1,8 милијарди дози до 2023 година.

„Можеби ќе чинат малку повеќе, но ќе дозволам компетентни луѓе да зборуваат за тоа во догледно време“, рече Бретон.

Инаку вакцината на АстраЗенека беше третата, заедно со Фајзер, одобрена од Европската агенција за лекови (ЕМА) претходно оваа година. Сепак, од почетокот, земјите од ЕУ се соочија со недоволен број на дози што оваа компанија требаше да ги испорача на ЕУ, што предизвика одложување на масовната кампања за вакцинација низ цела ЕУ.

Мицкоски: Бараме ЕУ да го испорача тоа што ни го вети

Христијан Мицкоски

Датум и преговори веднаш, без условувања и чепкање во националниот идентитет, побара претседателот на опозициската ВМРО-ДПМНЕ, Кристијан Мицкоски на средбата со прилепчани на Могилата на непобедените и Паркот на револуцијата во Прилеп. Мицкоски побара од членките на Енијата тоа да се случи уште на јунскиот европски самит, а паралелно да течат разговорите со источниот сосед.

„На денот на Европа, бараме Европа да го испорача тоа што го вети. Тоа е: датум и преговори веднаш и сега, без дополнителни услови, без дополнителни барања од овој мал народ во срцето на Балканот, кој има чесни луѓе и заслужува да го почне патот кон полноправно членство во Европската Унија. Доста е со политичари лажливци, криминалци. Овој народ заслужува Македонија да седне со сите држави кои се дел од европското семејство, овој народ заслужува да ги споделува европските вредности. Престанете со дополнителни услови. Преговори сега и веднаш, а паралелно со преговорите, нека течат разговорите со источниот сосед“, изјави Мицкоски.

Димитров-Гир: Немаме луксуз да чекаме повеќе, време е да се оди напред

Обраќајќи им се на граѓаните во Паркот на револуцијата во Прилеп, Мицкоски рече дека Македонија денес го живее најтешкото време со лошо образование, испуштени од работа и со задоцнето вакцинирање на населението. Тој додаде дека бизнисот трпи големи последици и дека народот има потреба од визија и надеж.

Одбраната на Камчев тврди дека белешката од АНБ е единствен доказ за неговиот притвор

Јордан Камчев пред Кривичниот Суд во Скопје

Јавната обвинителка за организиран криминал Вилма Русковска не ја кажува вистината кога вели дека фамозната белешка која протече од Агенцијата за национална безбедност (АНБ) не е доказ во постапката во која е притворен бизнисменот Јордан Камчев, рече адвокатот Тони Менкиноски на денешната прес-конференција, додавајќи дека предметот за незаконито лишување од слобода на Камчев е веќе предмет на опсервација и разгледување на повеќе меѓународни ентитети на Советот на Европа, чиј мандат е заштита на основните човекови права.

„Ова е една голема лага, а за да се уверите во тоа погледнете ги решенијата на Судот со кои е ограничена слободата на Јордан Камчев, каде што експлицитно еден и единствен доказ е белешката на АНБ. Ние не знаеме дали ги има исплашено содржината на белешката, па сега се обидуваат да лажат дека истата не е доказ во постапката, а како што знаеме и како што виде македонската јавност, белешката е празна и не содржи ништо. Да напоменеме, согласно со македонското позитивно право или поточно со член 43, став 2, од Законот за АНБ, забрането е податоците од АНБ да се користат како докази во кривична постапка. Укажуваме на ова противправно и незаконито дејствување на АНБ и на јавниот обвинител. Но, ниту судијата на претходна постапка, ниту Кривичниот совет, ниту Апелационен суд не сакаат да обрнат внимание и оваа белешка ја сметаат за единствен доказ во нивните одлуки“, рече Менкиновски.

Отворена градежната „пандорина кутија“ за Водно

Тој го постави прашањето дали Јордан Камчев претставува закана по националната безбедност, оти, како што додаде, дури и да ги добиле овие информации, во АНБ имале должност овие сознанија да ги поткрепат со докази кои ќе ги обезбедат преку барање до Врховниот суд да дозволи ПИ мерки за следење на лицето, или, пак, преку оперативно следење.

Адвокатот истакна дека белешката од АНБ сè уште не е доставена до одбраната. Додаде дека одбраната бара фер постапка пред објективен и непристрасен суд во Македонија, каде што низ аргументи и докази ќе се докаже дека Јордан Камчев не е виновен и дека се работи за процес со кој некој сака да му наштети на неговиот углед и репутација како истакнат стопанственик.

Нови 135 случаи на ковид 19, починале 14 лица

илустрација, пациенти во ковид центар

Во последните 24 часа се направени 1.993 тестирања, а регистрирани се 135 нови случаи на КОВИД-19. Најголем број случаи се во Скопје – 74, а потоа следуваат Куманово – 11, Битола – 7, Виница – 6, Прилеп , Тетово и Струмица – по 5, Охрид и Пробиштип – по 3, Велес, Штип, Кичево, Ресен и Радовиш – по 2 ,Кавадраци, Струга, Кочани, Свети Николе, Крива Паланка и Крушево – по 1.

Во изминатото деноноќие регистрирани се 298 оздравени пациенти, а пријавени се 14 починати лица. Сите починале во болнички услови.

Намален бројот на пациенти во ковид-центрите

Досега во земјата се направени вкупно 740.005 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 154.026, бројката на оздравени пациенти е 137.962, на починати е 5.093, а бројот на активни случаи изнесува 10.971.

Заев и Брнс се поклонија пред споменикот на петмина американски пилоти

Зоран Заев и Кејт Мери Брнс пред спомен плочата на петмината американски пилоти во Вратница, Тетовско

По повод 9-ти Мај, Денот на победата над фашизмот во Втората светска војна, премиерот Зоран Заев, заедно со амбасадорката на Соединетите Држави во земјава Кејт Мери Брнс и претставници на Сојузот на борци се поклонија пред споменикот подигнат во чест на петмина американски пилоти, во село Вратница, Тетовско.

Американската амбасадорка ја истакна важноста на денешниот настан и локацијата каде е подигната спомен плочата.

„Ова е место каде што луѓето од обете наши земји можат да се соберат за да слават храброст пред опасностите и конфликтите. Токму на една планина во близина на 26 август 1944 година се урна американски бомбардер Б-24Д откако го погоди непријателски оган додека се враќаше во Италија од Романија. Селаните, изложени на голем личен ризик за себе и за своите семејства, им помогнале на тројцата преживеани по планината и извадиле тела на уште двајца и ги закопале. Тоа беше длабок чин на хуманост за кој мојата земја останува благодарна“, рече Брнс.

Светот го слави Денот на победата над фашизмот

Таа се осврна и на предизвикот со кој целиот свет се соочува во изминатата година.

„Заедно ќе ги обновиме нашите економии, ќе ги заживееме нашите партнерства и ќе научиме од трагедијата, исто како што ги искористивме ужасите од Втората светска војна за да изградиме нов поредок од урнатините на Европа. Овој поредок служи како камен-темелник на стабилноста и просперитетот за овој континент, кој останува стабилен партнер за Соединетите Држави. Што е најважно, се заснова на единство, соработка и взаемна доверба“, заклучи Брнс.

Како што се наведува во соопштението владината прес-служба, осврнувајќи се на успешната соработка со Соединетите Држави, премиерот Зоран Заев потсети на формалното сојузништво како членки во НАТО, како уште едно признание за вредноста на Договорот за стратешко партнерство од 2008 година.

Лукашенко потпиша декрет за претседателските овластувања

Белорускиот претседател Александар Лукашенко

Претседателот на Белорусија Александар Лукашенко денеска потпиша указ со кој се овозможува пренесување на претседателските овластувања на Советот за национална безбедност, во случај да биде убиен или од која било друга причина да не е во можност да ги извршува претседателските должности.
Многу земји сметаат дека претседателството на Лукашенко е нелегитимно од неговиот контроверзен реизбор во август и бруталното задушување на протестите на опозицијата во Белорусија.

Минатиот месец, Лукашенко објави дека планира да ги промени сегашните механизми на владата, во рамките на кои се предвидува премиерот да ги преземе претседателските овластувања во случај претседателот да не биде во можност да ги извршува своите должности.

Поднесена тужба за тортура против Лукашенко

Со потпишаниот декрет власта ја презема Советот за национална безбедност, со кој ќе раководи премиерот. Советот за безбедност во Белорусија е составен од приврзаници на Лукашенко.

Белоруските безбедносни сили уапсија илјадници демонстранти на антивладините протести кои започнаа по спорните претседателски избори на кои Лукашенко тврди дека победил, а полициските тепања на демонстрантите се документирани. Лукашенко, кој управува со Белорусија од 1994 година, се спротивставува на меѓународните повици да се повлече. Европската Унија, за која смета дека е лажна, воведе санкции кон Белорусија како одговор на репресијата врз демонстрантите, опозицијата и медиумите.

Намален бројот на пациенти во ковид-центрите

илустрација

Вкупната бројка на пациенти позитивни и суспектни на корона вирусот кои се лекуваат на инфективните одделенија во главниот град и во болниците низ земјава е 760 и има околу 915 празни болнички кревети во ковид центрите.

Во изминатите 24 часа во ковид центрите во болниците низ земјава е пријавено дека се лекуваат вкупно 436 пациенти позитивни и суспектни на корона вирусот. Во изминатото деноноќие во ковид центрите во Скопје се хоспитализирани 9 нови пациенти поради компликации од корона вирусот. Вкупно 324 лица сомнителни и потврдени за Ковид 19 се лекуваат на инфективните одделенија во главниот град.

Нови 198 случаи на ковид 19, починале 12 лица

Од другите градови во државата, најмногу пациенти има во Куманово-53 и во Штип-52. На инфективното одделение во Тетово има 11 пациенти, во Велес се лекуваат 50 болни, а во Куманово 53 пациенти позитивни и суспектни на Ковид 19. Во ковид центарот во Охрид има хоспитализирано 50 пациенти, во Прилеп 39, во ковид центарот во Гостивар 15, а во Струга 16 болни. Во болницата во Струмица хоспитализирани се 40 пациенти, во Кочани 19 во Кичево 9, Кавадарци 25, а во Гевгелија 6 лица позитивни и суспектни на корона вирусот.

Од министерството додаваат дека во текот на денот се прават исписи на оздравени пациенти со што се очекува да бидат ослободени уште кревети.

Радев: Указ за привремена влада најрано во вторник

Румен Радев, претседател на Бугарија

Бугарскиот претседател Румен Радев изјави дека ќе стори се што е можно за да се назначи официјалната влада на земјата на најбрз начин.
Како што јави дописникот на МИА од Софија, најраниот датум за ова е 11 мај, вторник.

Според Радев, составот на владата ќе биде избалансиран, така што „привремената влада ќе има многу краток мандат, очекувањата се големи, одговорностите се високи и станува збор за рамнотежа, да се најде најдобрата екипа, која ќе комбинира на оптимален начин да ја исполни оваа тешка задача“.

Радев: предвремени избори во Бугарија на 11 јули

Се очекува во вторник Радев да издаде указ за распуштање на 45-то Национално собрание и да ги закаже предвремените парламентарни избори на 11 јули. Со тоа официјално ќе започне и работата на новата Централна изборна комисија.

Вакцинирани вкупно 107.978 граѓани

Вакцинација против ковид-19 во Спортски центар „Борис Трајковски“ во Скопје

Министерството за здравство информира дека заклучно со вчера вакцинирани се вкупно 107.978 граѓани, а на веб-платформата „vakcinacija.mk“ се пријавиле 279.909 лица.

„Вакцинацијата се одвива непречено на сите пунктови низ државата. Интересот за вакцинација секојдневно се зголемува, а досега бројот на лица кои изразиле желба за вакцинација преку веб платформата „vakcinacija.mk“ е 279.909 граѓани“, соопштуваат од министерството.

Прва доза вакцина вчера примиле 10.845 граѓани, а вчера вкупно се вакцинирале 11.857 граѓани.

Филипче - До крајот на летото очекуваме колективен имунитет

„Во државата вкупно се аплицирани 130.878 дози вакцини, а ревакцинирани се 22.900 граѓани. Со последните бројки околу 30 отсто од населението над 70 години имаат примено барем една доза вакцина“, известуваат од Министерството за здравство.

Оттаму додаваат дека вакцинацијата се спроведува согласно Националниот план за имунизација. Се вакцинираат возрасни лица, граѓани кои искажале интерес за вакцинација на веб страницата vakcinacija.mk а се вакцинираат и лица вработени во критична инфраструктура.

Заев: Неприфатлива е каква било интервенција во македонскиот идентитет

Зоран Заев

Во интервју за гркиот весник Катимерини премиерот Зоран Заев вели дека и покрај позитивните извештаи од Европската Комисија и покрај Договорот за добрососедство со Бугарија, сепак поради ветото од Софија, Северна Македонија не ги започна преговорите со ЕУ.

„Во 21 век да ја одредуваш историјата на друга нација не е во согласност со европскиот дух, бидејќи треба заедно да градиме иднина. За Северна Македонија, за македонскиот народ, за сите граѓани на нашата земја, било каква интервенција во македонскиот идентитет е неприфатлива. Процесот трае веќе подолго време, не сакаме да запреме и нема да запреме, но нема да ги ставиме во опасност нашето достоинство и нашиот идентитет. Верувам дека ќе најдеме заеднички решенија со

Бугарија и ќе изградиме квалитетна иднина за нас и за идните генерации, објаснува премиерот, потенцирајќи дека минатото не треба да се заборави, но „треба да се градат мостови на соработка меѓу сите балкански земји, бидејќи тоа е единствениот пат што води до успех“, вели Заев во инервјуто.

Планот А за ЕУ не функционира, план Б нема

Тој истакнува дека Грција останува „силен медијатор и поддржувач“ на европскиот пат на нашата земја, нешто за што добил уверување и грчкиот премиер.
Заев вели дека три години по попишувањето на Договорот од Преспа може да каже дека и кај нас и во Грција се поклопила „силната политичка волја на лидерите и нивните соработници за промена на сликата на Балканот“.

Димитров-Гир: Немаме луксуз да чекаме повеќе, време е да се оди напред

Никола Димитров, вицепремиер за европски прашања

„Очигледно е дека огромно мнозинство членки сакаат да почнеме преговори што е можно побрзо, тоа е ставот на ЕУ. Северна Македонија е тест дали треба да и веруваме на ЕУ, не само ние, туку и целиот Балкан“, изјави вицепремиерот за европски прашања Никола Димитров на прес конференција со евроамбасадорот Дејвид Гир по повод одбележувањето на Денот на Европа 9-ти мај.

Запрашани за коментар на изјавата на еврокомесарот за проширување Оливер Вархеји дека Албанија може да ги почне пристапните преговори со ЕУ пред Македонија, ако нема договор со Бугарија, евроамбасадорот Дејвид Гир рече дека ЕК работи на тоа да се закаже меѓувладина конференција и со двете земји, но не се дојдени се уште до тој момент.

„Позицијата на ЕК е апсолутно јасна. Комисијата сака да види одржување на меѓувладината конференција, односно почеток на преговорите со Северна Македонија и со Албанија што е можно побрзо. Процесот е заснован на заслуги а двете земји имаат направено многу во однос на тој процес. Време е да се оди напред, т.е. да се направи напредок“, рече Гир.

Димитров: Случајот со С. Македонија е тест за кредибилитетот на ЕУ на Западен Балкан

Околу спорот со Бугарија, Димитров коментираше дека ситуацијата во Бугарија е предизвик, но нема веќе време за чекање.

„Претстои техничка влада, нови избори. Јасно е дека реален политички контекст кој е предизвик. Но истовремено е јасно дека ниту ние, ниту регионот, и нашите соседи, имаме луксуз да чекаме повеќе. Многу време помина. Мислам дека има голем проблем со довербата на европската перпектива во многу земји“, рече Димитров.

Пет лица го прекршиле полицискиот час, 522 не носеле маски

Од синоќа во 23 часот до 5 часот утрово пет лицa не ја почитувале забраната за движење, соопшти МВР.

„Во текот на изминатото деноноќие на територијата на државата за мерката за носење лична заштита на лице, регистрирани се 522 прекршоци“, информираат од полицијата.

Казни од 2000 евра за седум лица кои го прекршиле полицискиот час

Министерството за внатрешни работи апелира до граѓаните да ги почитуваат мерките и протоколите донесени од Владата за спречување на ширењето на Ковид-19.

Шест години од „Диво насеље“

Уништени куќи во вооружената престрелка во Диво насеље 2015 година

Денеска се навршуваат шест години од оружената престрелка во кумановско „Диво Насеље“ во која загинаа осум припадници на безбедносните сили. Во оружената престрелка покрај осумтемина припадници на полициските сили, беа убиени и 10 припадници на вооружената група.

За настаните во „Диво насеље“ од февруари 2016 година во Кривичниот суд се водеше судско рочиште против 29 лица кои се товарат за сторени кривични дела „Терористичка организација” и „Тероризам”. Сите 29 обвинети за кумановските случувања пред Судот се изјаснија дека не се чувствуваат виновни.
Случајот подоцна се спои со „Молња“ во кој се водеше постапка против осум лица помагачи на вооружената група од „Диво насеље“, со што бројот на обвинети се зголеми на вкупно 37.

Муслиу – Сите тајни за „Диво насеље“ не се закопани со смртта на водачите на групата

Од 37 обвинети за тероризам и терористичка организација, 33 лица беа осудени за делата, а за четири лица е донесена ослободителна пресуда. Кривичниот суд во ноември 2017 година на казна доживотен затвор осуди осуммина обвинети за терористичкиот напад во кумановско „Диво насеље“, а 13 обвинети добија казна од 40 години затвор.

На казна затвор од 20 години се осудени петмина обвинети, две години помалку доби еден обвинет, а по двајца обвинети добија казна затвор од 14, 13 и 12 години. Пресудите подоцна ги потврди и Апелацискиот суд во Скопје.

Светот го слави Денот на победата над фашизмот

Воена парада во Москва, 9 мај 2021

Во светот денес се слави Денот на победата над фашизмот во Втората светска војна 9 мај, а церемониите по повод 76-годишнината од капитулацијата на нацистичка Германија се прилагодени на условите на пандемијата на коронавирусот.

Според руското Министерство за одбрана, повеќе од 12.000 војници, 191 единица воена копнена опрема, како и 76 авиони и хеликоптери учествуваат во парадата.
На парадата командува Врховниот командант на копнената армија, генерал на армијата Олег Саyљуков, а присуствува и рускиот државен врв предводен од Владимир Путин и министерот за одбрана Сергеј Шојгу.

Во своето обраќање, рускиот претседател Владимир Путин рече дека Русија ќе ги брани своите „национални интереси“ и го осуди враќањето на „русофобијата“.

„Цврсто ќе ги браниме нашите национални интереси за да ја осигураме безбедноста на нашиот народ“, рече Путин.

Откако дојде на власт пред две децении, Путин, или како претседател или како премиер, се обидува да ги обнови симболите на советското и руското минато за да го поттикне патриотизмот.

Годинашното дефиле се случува во време кога владејачката партија Единствена Русија се соочува со парламентарни избори во септември, а анкетите покажуваат пад на поддршката за партијата за 27 проценти, пренесува сервисот на Радио Слободна Европа на англиски јазик.

Односите на Русија со Западот исто така се затегнати поради апсењето на рускиот опозициски лидер Алексеј Навални, како и конфликтот во Украина.

Пендаровски по повод 9 Мај: нашата определба е да бидеме дел од Европа

Инаку, Денот на победата се слави и низ цела Европа, во спомен на жртвите и крајот на Втората светска војна, но и Денот на Европа поради почетокот на создавањето на заедницата на европските земји, пет години подоцна.

Втората светска војна заврши неколку месеци по 9 мај 1945 година, поточно на 2 септември, со безусловна капитулација на Јапонија откако САД фрлија атомски бомби врз Хирошима и Нагасаки. Војната започна на 1 септември 1939 година со германската инвазија на Полска. Ова е најсмртоносната војна во историјата на човештвото, бидејќи се верува дека загинале меѓу 50 и 75 милиони луѓе.

Остатоците од кинеската ракета паднале во Индискиот океан

Големиот дел од лансираната кинеска ракета „Лонг марч 5Б“, кој неконтролирано се враќаше кон Земјата, најверојатно паднал во Индискиот океан, југозападно од Индија и Шри Ланка. Станува збор за дел од ракета со должина од 30 метри и тежина од 22 тони.

Местото на падот е во Индискиот океан, југозападно од Индија и Шри Ланка“, соопшти кинеската агенција за вселенски летови. Сепак, поголемиот дел изгорел при влегувањето во земјината атмосфера, соопшти кинеската вселенска агенција.
Како што претходно се прогнозираше, леталото имаше широка точка на слетување. Можеше да падне и во близина на Њујорк на северната хемисфера, но и во близина на Нов Зеланд на југ.

Кина го лансираше главниот модул во првата постојана вселенската станица

На 29. април, јадрото на ракетата „Долг марш 5Б“ висока 30 метри го лансираше модулот „Небесна хармонија“ за вселенската станица Тијанхе.
Ова беше прв случај од 1990 година во кој некој вселенски објект потежок од 10 тони неконтролирано паѓа кон Земјата.

Времето денеска сончево и ветровито

Времето денеска ќе биде сончево со мала локална облачност. Ќе дува слаб до умерен југоисточен ветер. Минималната температура се движи во интервал од 1 до 10, а максималната ќе достигне од 19 до 25 степени.

Во Скопје ќе биде претежно сончево со слаб до умерен југоисточен ветер. Минималната температура се спушти до 4, а максималната ќе достигне 24 степени.

Во следните денови ќе преовладува сончево време со мала до умерена облачност и со слаб до умерен југоисточен ветер, а дневната температура ќе биде во пораст.

МЗ: Вакцинирани над 97 илјади граѓани

Вакцинација против ковид-19 во Спортски центар „Борис Трајковски“ во Скопје

Министерството за здравство информира дека заклучно со вчера во цела држава вакцинирани се 97.004 граѓани, а преку веб-платформата „vakcinacija.mk“ за вакцинирање се пријавиле 256.346 граѓани.

„Вакцинацијата се одвива непречено на сите пунктови низ државата. Интересот за вакцинација секојдневно се зголемува, а досега бројот на лица кои изразиле желба за вакцинација преку веб платформата vakcinacija.mk е 256.346 граѓани“, велат од Министерството за здравство.

Премиерот Заев прими вакцина од кинескиот Синофарм

Вакцинацијата во Скопје се одвива без проблеми

Оттаму известуваат дека на вакциналните пунктови во државата заклучно со вчера вакцинирани се вкупно 97.004 граѓани.
Вакцинацијата се спроведува согласно Националниот план за имунизација. Се вакцинираат возрасни лица, граѓани кои искажале интерес за вакцинација на веб страницата „vakcinacija.mk“ а се вакцинираат и лица вработени во критична инфраструктура.

Масовна вакцинација се одвива во неколку градови во државата и тоа во А1 СЦ Борис Трајковски во Скопје, во спортсите сали во Кавадарци, Куманово, Тетово, Штип, Битола и Охрид.

Трифонов: Бугарија мора да биде лојален сојузник на ЕУ и НАТО

Слави Трифонов

Лидерот на „Има таков народ“, Слави Трифонов, во своето прво интервју од летото 2020 година, за Бугарското национално радио изјави дека „кога – тогаш“ ќе стане бугарски премиер ако неговата партија победи на предвремените избори на 11 јули.

Партијата „Има таков народ“, според Трифонов, влегла во политиката поради референдумот и особено, за неисполнетите барања на бугарските граѓани.
Сепак, тој избегна директен одговор на прашањето со кои партии е можно да се формира коалиција во новото Национално собрание, велејќи дека тоа ќе стане јасно по 11 јули.

Радев: предвремени избори во Бугарија на 11 јули

Тој ја опиша Бугарската социјалистичка партија како „најслабата опозиција во последните 30 години“. Во однос на надворешно-политичката ориентација на Бугарија – НАТО и ЕУ или Русија, Слави Трифонов рече дека членството на Бугарија во двата сојуза е правилна одлука и земјата мора да биде „лојална, конзистентна и принципиелна“.

Нови 198 случаи на ковид 19, починале 12 лица

илустрација, пациент од ковид 19

Во последните 24 часа во Македонија се потврдени 198 нови случаи на коронавирус, 12 лица починаа, а 333 пациенти оздравеа, соопшти Министерството за здравство. Биле тестирани 3108 луѓе.

Најголем број случаи се потврдени во Скопје – 76. Потоа следуваат Куманово со 25 случаи, Битола – 11,Прилеп – 10, Тетово – 9, Кичево – 7, Струга и Радовиш – по 6, Велес, Охрид, Штип и Струмица – по 5,Виница – 4 ,Неготино, Ресен и Берово – по 3, Гостивар, Кавадарци, Гевгелија, Свети Николе и Македонска Каменица – по 2, Кочани, Крива Паланка, Пробиштип, Валандово и Кратово – по еден случај.

Во болниците во Македонија има 806 ковид пациенти и над 800 слободни места

Пријавени се вкупно 12 починати лица. Сите 12 починале во болнички услови.
Вкупната бројка на Ковид-дијагностицирани лица во нашата земја од почетокот на епидемијата изнесува 153.891, бројката на оздравени пациенти е 137.664, на починати е 5.079, а бројот на активни случаи изнесува 11.148.

Кабинет на Пендаровски: Ставовите на претседателот за „27 април“ не зависат од Мицкоски

Христијан Мицкоски и Стево Пендаровски

Фактот што по вчерашната средба немаше заедничко соопштение, ниту заедничка прес-конференција, јасно покажува дека секој од соговорниците по средбата ги кажуваше само своите ставови и оценки за тие настани, стои во денешна реакција од претседателот на државата Стево Пендаровски во врска со изјавите од лидерот на ВМРО – ДПМНЕ Христијан Мицкоски за вчера одржаната нивна средба.

„Ставовите на претседателот Стево Пендаровски за настаните од 27 април се кристално јасни на македонската јавност и тие воопшто не зависеа од средбата со господинот Мицкоски“, се наведува во пишаната реакција испратена од кабинетот на шефот на државата.

Мицкоски: Се согласивме за сè на средбата со Пендаровски

Инаку, се посочува во реакцијата, претседателот Пендаровски никогаш во јавноста не коментира детали и барања од своите соговорници, особено оние кои се надвор од темите најавени за разговор, така што тоа нема да го направи ниту овој пат.

Претходно денеска Мицкоски изјави со претседателот се согласиле генерално за се на средбата и дека Пендаровски бил дволичен поради, како што рече, притисокот кој го имал врз него од медиумите под влијание на СДСМ и Зоран Заев.

ЕУ договорила можна набавка од 1,8 милијарди вакцини на Фајзер

Pfizer-BioNTech coronavirus vaccine is being prepared for vaccination at András Jósa Training Hospital on 2 May 2021.

Европската Унија денеска потпишала голем договор за потенцијална набавка на 1,8 милијарди дози вакцини против ковид 19 со компанијата Фајзер/Бионтек до 2023 година, зајакнувајќи ја на тој начин поддршката за компаниите и нивната нова технологија.

Претседателката на Европската комисија Урсула фон дер Лајен во порака на Твитер напиша дека нејзината канцеларија одобрила договор за „гарантирана набавка на 900 милиони дози вакцини на Фајзер/Бионтек, со опција за дополнителни 900 милиони дози.

Фајзер и БиоНТек ќе донираат вакцини за Олимпијадата во Токио

Новиот договор, поддржан од земјите-членки на ЕУ, вклучува не само производство на вакцини, туку исто така гарантира дека сите основни состојки се со потекло од ЕУ. Европската Комисија досега нарача 2,3 милијарди дози вакцини од околу шест компании.

"Ќе следуваат уште договори и други технологии на вакцини“, напиша Фон дер Лајен на Твитер.

Мицкоски: Се согласивме за сè на средбата со Пендаровски а потоа дволичност

Стево Пендаровски и Христијан Мицкоски

Генерално ние се согласивме за сè на средбата, изјави лидерот на ВМРО – ДПМНЕ Христијан Мицкоски, денеска во Делчево, прашан од новинарите во врска со изнесените ставови од претседателот на државата Стево Пендаровски, по вчерашната средба.

„Генерално ние внатре се сложивме за сè , како што кажав и на мојата изјава надвор, откако излегов на состанокот кој го имав со господинот Пендаровски. Тоа што го спомнав надвор, практично се согласивме и внатре за време на средбата, но очигледен е притисокот којшто се врши врз него, од оние би рекол новинарски пера којшто се под директна команда и влијание на СДСМ и Зоран Заев, но и од медиумите каде што влијанието на СДСМ и Зоран Заев, рече Мицкоски.

Она што според Мицкоски е забележливо и оставило трага кај претседателот Пендаровски е како што вели, неговата дволичност.

„Едно лице да имате на средбата, едно да имате надвор пред камерите, но во ред, битно е дури ваков притиснат Пендаровски излезе надвор со став дека сепак доколку имаме нови докази овој случај, како и многу други случаи во минатото, да започне од самиот почеток“, дополни Мицкоски.

Пендаровски и Мицкоски - право и правда за 27 април

Тој додаде да се почека конечно пресудата од второстепениот суд Апелација, да ја добијат осудените лица и нивните бранители и потоа да можат да го користат вонреден правен лек, односно да приложат нови докази.

По вчерашната средба Пендаровски пак рече дека нема простор за помилување, но, судот е тој што треба да одлучи дали ќе се повтори процесот. Пендаровски за настаните од 27 април рече дека помилување за лица кои направиле кривично дело без преседан во современа Европа не доаѓа предвид, затоа што нивната вина била неспорно утврдена во судскиот процес.

Османи: Погрешна е дебатата за раздвојување на Албанија и Македонија во евроинтеграциите

Бујар Османи

Министерот за надворешни работи Бујар Османи денеска изјави оти не мисли дека Северна Македонија и Албанија ќе бидат раздвоени на патот кон ЕУ уште еден период, оти тоа е погрешна дебата, како и дека не треба да се откажеме од можноста да се одржи меѓувладината конференција во јуни и да почнеме со разговори и со евентуална техничка влада во Бугарија за да се изнајде техничко решение, за што веќе има политичка одлука.

„Мислам дека во овој период нема да имаме одвојување, според тоа што јас го знам и го следам. Но тоа не значи дека нашата европска перспектива треба да ја засновуваме на внатрешната динамика и перспектива на Албанија. Ние си имаме наш план и стратегија пред нас и таа треба да ја реализираме“, изјави Османи по настанот организиран во пресрет на Денот на Европа.

Холштајн: Незамисливо е да се даде зелено светло за Албанија, а не и за С. Македонија

Писонеро: И Северна Македонија и Албанија се подготвени за преговори, но одлуката ја носи Советот

Дали ние долго ќе останеме во тој процес, доколку двете држави бидат одвоени, шефот на дипломатијата вели дека ќе зависи од тоа дали сите земји – членки ќе дадат поддршка на почетокот на преговорите и дали Бугарија ќе го тргне ветото.

„Ние го поставуваме прашањето дали ние треба да ги почнеме преговорите сметајќи дека сме ги исполниле сите критериуми дури и сме ги надминале, во поглед на политичките, во поглед на економските и во поглед на транспонирањето на евроското законодавство. Ние ќе продолжиме да работиме за започнување преговори, да ја искористиме шансата во јуни којашто се нуди пред нас. Мислам дека дебатата одвојување е погрешна, малите држави треба да се засновуваат на принципи и вредности, а не на тактики и на стратегии“, изјави Османи.

Во однос на прашањето со Бугарија, министерот за надворешни работи вели дека веднаш по формирањетоп на тамошната Влада ќе бара одржување на Меѓувладината комисија која што произлегува од Договорот за пријателство и добрососедство. Целта на таа Комисија, како што посочи, е да направи објективна проценка на степенот на негова имплементација.

Судири меѓу Палестинците и израелските полицајци во Ерусалим

Најмалку 163 Палестинци и шест израелски полицајци се повредени во вчерашните судири во Ерусалим, соопштија палестинските медицински лица и израелската полиција. Повеќето биле повредени во џамијата Ал Акса, кога израелската полиција истрелала гумени куршуми и водени топови, додека Палестинците фрлале камења и шишиња.

Израелската полиција која го чува пристапот до светилиштето, каде што се наоѓа Ал Акса, третата најважна џамија во исламот, соопшти дека стотици бунтовници фрлале камења, шишиња и други предмети кон полицајците, кои пак возвратиле со оган “.

Израел ја бомбардираше Газа како одмазда за ракетирањето

Судирите избувнаа во време на зголемени тензии во Источен Ерусалим и на Западниот брег, палестински територии окупирани во шестдневната војна во 1967 година. Во тој дел од Ерусалим кој подоцна го анектираше Израел веќе една недела траат демонстрациите и судирите со припадниците на израелските сили.
Спорот во тоа соседство се однесува на сопственоста на земјиштето на кое се изградени куќи на четири палестински семејства, на кои им се заканува евакуација со цел еврејските доселеници да се преселат таму.

Судирите избувнаа на 7 мај, кога израелската полиција го засили присуството во Ерусалим поради муслиманските вечерни молитви, објави Асошиејтед Прес.
Соединетите Држави повикаа на смирување на тензиите во Ерусалим.

„Длабоко сме загрижени за растечката напнатост во Ерусалим“, изјави заменик-портпаролката на американскиот Стејт департмент, Џалина Портер.

Таа додаде дека е загрижена за можното иселување на палестинските семејства во источен Ерусалим, „од кои многумина, се разбира, живеат таму со генерации“.

Отворени плажите во Грција

Под правила и протоколи, со растојанија меѓу лежалките и чадорите, но без музика, како што е во кафулињата, од денеска се отворени плажите и бич баровите во Грција, јави дописничката на МИА од Атина.

Со оглед на тоа што во земјата сè уште не се укинати сите рестрикции наметнати од карантинот, како и за секое движење, така и за на плажа, за граѓаните задолжително е испраќање смс порака.

Отворање на кафеаните во Грција по шест месеци

Чадорите и лежалките треба да бидат на растојание од четири, односно два метри, дозволени се по две лица, освен ако не станува збор за семејство.
Задолжителна е употребата на антисептик и дезинфекција на лежалките. За персоналот, задолжителни се маската и селф тестовите, односно тестовите за домашна употреба.

Отворањето на плажите, доаѓа една седмица пред официјалниот почеток на туристичката сезона во Грција.

Вчитај повеќе

XS
SM
MD
LG