Достапни линкови

Хоти: Без взаемно признавање, нема нормални односи


Архивска фотографија - Авдула Хоти и Александар Вучиќ

Косовскиот премиер, Авдулах Хоти, денеска изјави дека без договор за меѓусебно признавање не е можна нормализација на односите меѓу Косово и Србија, јави МИА од Приштина. Одговарајќи на вчерашната изјава на српскиот претседател Александар Вучиќ, дека и ако на средбата на челниците на Приштина и Белград на 4 септември во Белата куќа учествува американскиот претседател Доналд Трамп, нема да се разговара за признавање на косовската држава, Хоти изјави дека единствена тема за која се разговара на тие средби е меѓусебното признавање.

На претстојната средба во Белата куќа, ѝ претходеа десетина средби на претставници на Белград и Приштина, кои не завршуваа со конкретно решение за прашањето за меѓусебно признавање. Косово бара директно признавање на косовска независна држава од страна на Србија.

„На секоја средба на која учествуваме единствената тема за која разговараме е во функција на меѓусебното признавање. Инаку, не може да има нормализирање на односите меѓу двете држави“, изјави Хоти.

Тој денеска беше на чествување кај спомен-плочата на исчезнатите од последната војна во Косово, а по повод Светскиот ден на исчезнати лица и рече дека темата за исчезнатите ќе биде главно прашање на каква било спогодба за нормализирање на односите и меѓусебно признавање на двете држави.

XS
SM
MD
LG