Достапни линкови

Лукашенко се закани со кривични пријави против лидерите на опозицијата


Белорускиот претседател Алeксандaр Лукашенкo претседаva на состанокот на Советот за безбедност во Минск, 19 август 2020 година

Претседателот на Белорусија, Александар Лукашенко, се закани со кривични пријави против лидерите на опозицијата во таа земја и ги повика безбедносните служби да го зголемат притисокот врз демонстрантите. По состанокот на Советот за безбедност, белорускиот лидер ги предупреди членовите на опозицискиот координативен совет дека може да се соочат со кривична одговорност за обидот за создавање „паралелни структури на власт“.

Песков: Нема потреба Русија да ѝ помага на Белорусија

Лукашенко исто така го обвини Западот за поттикнување и финансирање на немирите и им нареди на агенциите да престанат со приливот на пари. Тој нареди белорускиот комитет за државна безбедност, сè уште наречен КГБ, „да ги пронајде и запре поттикнувачите на немирите“. „Не мора да има повеќе немири во Минск. Луѓето се уморни и бараат мир и тишина“, рече Лукашенко.

ЕУ најави дополнителни 53 милиони евра за Белорусија

Незадоволни од заканите, неколку стотици демонстранти се собраа пред седиштето на Министерството за внатрешни работи, и покрај обилниот дожд, барајќи оставка на министерот. За време на првите четири дена на протестот, полицијата уапси скоро 7.000 луѓе и рани стотици со гумени куршуми, фрлајќи солзавец и користејќи палки. Најмалку тројца демонстранти беа убиени.

XS
SM
MD
LG