Достапни линкови

Нови тензии меѓу САД и Германија за „Северен тек 2“


Германскиот министер за надворешни работи, Хајко Мас му изрази незадоволство на американскиот државен секретар Мајк Помпео поради заканата на САД за санкции во врска со гасоводот „Северен тек 2“. Германско-рускиот проект, со кој треба да донесе руски гас од под Балтикот кон Германија, веќе долго време претставува извор на тензии меѓу САД и Германија.

Најновата причина е писмото на тројца републикански сенатори, кои се заканија со санкции.

Мас и Помпео телефонски разговарале за новиот развој на настаните и Мас изразил зачуденост од потегот на сенаторите кои се од партијата на претседателот Доналд Трамп.

Помпео: ќе сториме се за да го запреме Северен тек 2

Сенаторите Тед Круз, Том Котон и Тед Џонсон минатата недела преку писмо им се заканија на операторите на пристаништето во градот Засниц на балтичкиот остров Риген во Западна Померанија дека ќе им забранат влез во САД и ќе им го замрзнат имотот на американско тло. Во писмото се наведува дека ќе има санкции за „раководството, одборот на директори, службените лица, акционерите и вработените доколку не престанат да даваат стоки, услуги и поддршка за проектот „Северен тек 2“.

Тие го карактеризираат тој проект како „сериозна закана за енергетската безбедност на Европа и американските национални интереси“, пренесе агенцијата АП.

Трамп со години го критикува гасоводот меѓу Германија и Русија.

Проектот е вреден скоро 11 милијарди американски долари и е завршен повеќе до 90 отсто. Но работата е запрена откако Соединетите Држави донесоа закон во декември 2019 со кој се воведоа санкции за бродовите што го поставуваат гасоводот.

XS
SM
MD
LG