Достапни линкови

Трамп нареди забрана на зделки со кинеските сопственици на „TikTok“ и „WeChat“


илустрација

Претседателот на САД, Доналд Трамп издаде извршни наредби со кои се забрануваат трансакции со кинеските сопственици на „TikTok“ и „WeChat“. Трамп ја наведе загриженоста за националната безбедност, односно дека дека TikTok може да се користи за кампањи за дезинформации во корист на кинеската комунистичка партија. Кратката апликација за споделување видео се смета за „закана“ за националната безбедност и Соединетите држави „мора да преземат агресивно дејствување против сопствениците на „TikTok“, се вели во наредбата. Во другата уредба Трамп оценува дека WeChat автоматски опфаќа „огромни информации” од своите корисници. „Оваа колекција на податоци се заканува дека ќе и овозможи на Кинеската комунистичка партија пристап до личните и комерцијалните информации на Американците“, се вели во наредбата.

Трамп: или Тик Ток ќе биде американски или ќе биде забранет во САД

Трамп претходно оваа недела се закани дека ќе го затвори „ТикТок“, освен ако неговите американски операции не бидат купени од американска компанија. „Мајкрософт“ соопшти дека е во разговори за таквата .TikTok е особено популарен кај тинејџерите, кои го користат за создавање и гледање на видеозаписи со кратки форми. Има околу милијарда корисници низ целиот свет. Компанијата инсистира на тоа дека не ги споделува податоците за корисниците со Пекинг.

XS
SM
MD
LG