Достапни линкови

Грција пак ги заострува корона-мерките заради состојбата кај соседите


Илустрација - Земање примероци за тестирање за Ковид-19 на грчката граница

Поради зголемениот број поминувања кон соседните земји, но и поради зголемениот број позитивни случаи регистрирани на граничните премини, грчката Влада, со одлука на премиерот Кирјакос Мицоакис, а по препорака на надлежните, ги заострува мерките на копнените граници и од 22 јули до 4 август за Грците и оние кои имаат дозвола за престој, влезот и излезот од земјата ќе биде дозволен само од шест гранични премини, соопшти портпаролот Стелиос Пецас наденешниот редовен брифинг со новинарите, јави МИА од Атина.

„Освен она што веќе е одлучено и е во сила за влез од Промахонас, од вторник кон среда 22 јули на полноќ, до 4 август, влезот на грчка територија за есенцијални поминувања дозволено е само од граничните премии Какавиас, Кристалопигис, Евзони, Промахонас, Нимфеас и Кипи“.

Тој дополни дека и грчките граѓани и оние кои имаат дозвола за престој, исто како и туристите, сега веќе ќе бидат обврзани да го пополнат специјалниот образец Passenger Locator Form (PLF).

XS
SM
MD
LG