Достапни линкови

Вучиќ: Ќе бидат заострени мерките, јас сум за полициски час


Српскиот претседател Александар Вучиќ

Српскиот претседател Александар Вучиќ изјави дека утре ќе заседава Кризниот штаб и веројатно нема да биде воведен полициски час, но мерките ќе бидат заострени во Белград, нагласувајќи дека не добил поддршка да се воведе полициски час, но тој и понатаму смета дека тоа треба да се направи.

Вучиќ на прес-конференција истакна дека во последните 24 часа се потврдени 357 новозаразени во Србија, а 11 луѓе починале.

Според него, Белград е најголем проблем и бројот на заболените се зголемува, а во врска со мерките имал тешки разговори со премиерката Ана Брнабиќ и со министерот за здравство Златибор Лончар.

Протести во Белград - демонстранти во српското собрание
please wait

No media source currently available

0:00 0:01:29 0:00

Тој укажа дека и понатаму смета оти полицискиот час е неопходен, имајќи ја предвид тежината на ситуацијата и дека во болниците веќе нема место, но и дека за забрана на движењето е потребно да се воведе вонредна состојба.

„На овој начин се плашам дека им одиме на рака на сите кои сакаат да им се додворат на луѓето, а тоа нема да доведе до брзо оздравување и спречување на заразата“, предупреди Вучиќ, додавајќи дека морал јавно да го изнесе својот став, па дури и да биде мета на напад.

Шефот на српската држава изјави дека „ќе го почитува и прифати мислењето на струката, дури и по она што се случи синоќа“, објаснувајќи дека силата на неговиот тим е во тоа дека не одлучува тој сам, туку го почитува мнозинството и колегите.

По најавите на Вучиќ дека е можно повторно воведување на полициски час во Белград вчера избија протести, а дел од демонстрантите упаднаа во Парламентот. Полицијата употреби сила за да ги растера демонстрантите, а има обвинувања за полициска бруталност и за прекумерна употреба на сила од полицијата.

XS
SM
MD
LG