Достапни линкови

Во Кремљ и резиденцијата на Путин поставени тунели за дезинфекција


Резиденцијата на рускиот претседател Владимир Путин во Ново Огарјово

Кремљ инсталирал специјален тунел за дезинфекција со цел да се заштити рускиот претседател Владимир Путин од коронавирусот, јавија медиуми од земјата. Тунелот е поставен во резиденцијата на претседателот во Ново Огарјово. Неговиот портпарол, Дмитри Песков изјави дека такви два тунели биле поставени и во Кремљ.

„Кога станува збор за шефот на државата, дополнителни мерки на претпазливост се оправдани“, изјавин Песков.

Тој додаде и дека тунелите се поставени кога Русија се соочува со замав на вирусот. Тунелот наликува на безбедносните скенери на аеродромите и кога ќе помине одредена личност низ него испушта средство за дезинфекција.

Руските власти денеска соопштија дека се регистрирани нови 7843 случаи на Ковид-19. Вкупно во државата досега се заразиле 553.301 лице, а повеќе од Русија случаи има во САД и Бразил.

XS
SM
MD
LG