Достапни линкови

Петар Андоновски добитник на европската награда за литература


Петар Андоновски

Македонскиот писател Петар Андоновски за својот роман „Страв од варвари“, во издание на „Или-Или“, е добитник на Европската награда за литература. Заедно со него, лауреати се уште 13 европски писатели.

Покрај Андоновски, во потесната конкуренција за наградата уште тројца македонски писатели - Давор Стојановски со „Утеха за голите“, Ѓорѓи Крстевски со „Другата страна“ и Михајло Свидерски со „Последните денови на Ханс“. Во потесниот избор биле 47 автори од 13 европски земји.

Петар Андоновски е автор и на делата „Ментален простор“ (поезија, 2008), „Очи со боја на чевли“ (роман, 2013, три изданија), „Телото во кое треба да се живее“ (роман, 2015, три изданија).

Досегашни добитници на наградата за литература на ЕУ се Гоце Смилевски за делото „Сестрата на Зигмунд Фројд“, Лидија Димковска за „Резервен живот“ и Ненад Јолдески за „Секој со своето езеро“.

XS
SM
MD
LG