Достапни линкови

Русија со истрага за отстранување на статуа на советски маршал во Прага


Отстранување на статуата на Иван Конев во Прага

Рускиот истражен комитет соопшти дека ќе отвори случај за отстранувањето на контроверзната статуа на советскиот маршал Иван Конев во Прага, главниот град на Чешката Република. Според комитетот, ќе се испитува наводното „сквернавење на симболите на воената слава на Русија“, што е казниво со парична казна или општествено корисна работа. Случајот може дополнително да ги разлади односите меѓу Русија и Чешката Република.

„Нашите истражители веруваат дека постапувајќи толку цинично, општинската администрација во Прага грубо ги крши обврските преземени од Чешка во рамките на руско-чешките билатерални договори и демонстрираше презир кон споделените спомени и историја на борбата на Советскиот народ против фашизмот, „Изјави портпаролката на истражниот комитет Светлана Петренко.

Општинските власти во Прага на 3 април ја отстранија статуата на Советскиот Маршал Иван Конев, кој ги предводеше трупите на Црвената армија што влегоа во Прага во мај 1945 година, откако градот беше ослободен од нацистите од страна на силите на отпорот.

Споменикот, кој беше подигнат од страна на комунистичката чехословачка влада во 1980 година често е вандализиран од пропаѓањето на комунизмот во 1989 година.



XS
SM
MD
LG