Достапни линкови

Пендаровски - Ново одложување на преговорите со ЕУ би било силен удар


Претседателот Стево Пендаровски

Претседателот Стево Пендаровски изјави дека ново одложување на одлуката за почеток на преговорите за членство на Северна Македонија и Албанија во ЕУ би бил многу сериозен удар. Повторувањето на стратегиската грешка од октомври би можело да има многу длабоки, непредвидливи, а можеби и непоправливи последици, оценува претседателот Стево Пендаровски во интервју за германски „Шпигел“.

Пендаровски вели дека добил уверување од францускиот претседател Емануел Макрон оти проблемот не е во Северна Македонија, туку во ЕУ на која и се потребни реформи во однос на преговарачкиот процес, но, нагласува, дека земјата стравува дека може да стане втора Турција која со години е заглавена како постојан кандидат за членство.

Тој вели дека Скопје нема ништо против реформи во преговарачкиот процес, но очекува тие да бидат направени брзо и без натамошни одложувања.

Предупредува дека дистанцирањето на ЕУ од Западниот Балкан може да отвори простор за други играчи и да влијае негативно на реформите во земјите од регионот.

XS
SM
MD
LG