Достапни линкови

Киргистанскиот сервис на РСЕ со замрзната сметка, оти истражуваше корупција


Судот во Бишкек донесе одлука за замрзнување на банкарските сметки на киргистанскиот сервис на Радио Слободна Европа, на еден нивни дописник и на киргистанскиот информативен портал Клуп.

Ова следува по нивното заедничко новинарско истражување за широко распространетата корупција во царинската служба во земјата и масовниот одлив на готовина.

Замрзната е банкарската сметка и на порталот 24.кг, кој ги реобјавил клучните наводи од истражувањето. Тужбата против медиумите е поднесена од неколкумина луѓе кои се жалеле дека со текстовите им се повредува „честа, достоинството и деловната репутација“. Тие бараат стотици илјади долари оштета. Минатиот месец киргистанското обвинителство отвори истрага за да ги потврди наводите што ги објавија медиумите.

XS
SM
MD
LG