Достапни линкови

Ердоган тврди дека курдските сили не се повлекле од „безбедната зона“


Tурскиот претседател Реџеп Таип Ердоган. 

Курдската милиција не се повлекла од некои области во Сирија по должината на границата и американските сили се уште вршат заеднички патроли со курдските сили, рече денеска турскиот претседател Реџеп Таип Ердоган.

Турција постигна два одвоени договори, првин со САД, а потоа и со Русија, за повлекување на курдските сили од „безбедната зона“ што Анкара планира да ја формира во североисточна Сирија, а за возврат турските сили да ја запрат офанзиватa против курдските сили. САД и Русија соопштија дека курдските борци си заминале, но Турција вели дека не е така.

Ердоган рече дека курдските борци останале во три области и дека Турција ќе се придржува кон договорите сè додека Вашингтон и Москва ги исполнуваат своите ветувања.

XS
SM
MD
LG