Достапни линкови

Вести

Бугарското Собрание поддржа датум за Македонија, ама и кажа што не смее Скопје да прави

Бугарските пратеници денеска ја усвоија Декларација со која се предвидува Бугарија да даде целосна поддршка за отпочнување на преговорите за членство на Република Северна Македонија и Албанија во ЕУ, но со забелешки што не треба Скопје да направи. Како што јави БГНЕС, Декларацијата, која беше прва точка на денешната седница на бугарското Собрание, е усвоена со 129 гласа „за“, четири „против“ и еден „воздржан“, пренесе МИА.

Во Декларацијата се наведува дека европската интеграција „нема да биде на штета на искривување на историските настани, документи и артефакти, како и на улогата и ставовите на лицата од бугарската историја“.

Со Декларацијата Софија го повикува Скопје да го спроведува ефикасно, без одлагање и со добра волја Договорот за пријателство, добрососедство и соработка, што беше потпишан од премиерите на двете земји, Бојко Борисов и Зоран Заев на 1 август 2017 година. Во текстот се посочува дека Бугарија „се залага за прифаќање на историската вистина за заедничка историја што ја споделуваат двете држави и народи“.

Бугарското Собрание бара земјава целосно да го спроведе „договореното и постигнатото во рамки на Заедничката мултидисциплинарна експертска комисија за историски и образовни прашања, како и тие да бидат вклучени во училишните програми и материјали во најкус можен рок“ и се бара „да прекине секаква форма на говор на омраза кон Бугарија и кон граѓаните на Република Северна Македонија со бугарско национално чувство, вклучително и во медиумите и на натписите на спомениците“.

„Да се воздржат од дејствија што се однесуваат на обиди за поддршка и поттикнување на тврдења за признавање на т.н. „македонското малцинство“ во Бугарија, вклучително во меѓународни организации и мултилатерални формати“, стои во едно од барањата до земјава наведени во Декларацијата, пренесе МИА.

види ги сите денешни вести

Ирак во обид да посредува во разговорите меѓу Иран и Саудиска Арабија

Ирачкиот премиер Мустафа ал-Кадими денеска пристигна во Саудиска Арабија на средби од кои очекува дека ќе може да посредува во нови разговори меѓу двата лути ривали, соопштија официјални лица. Предвидено е Кадими да одржи состаноци во Ријад, а потоа да продолжи во главниот град на Иран, Техеран.

Кадими „ќе ги посети Исламската Република и кралството Саудиска Арабија еден до друг, во рок од неколку дена“, соопштија ирачките власти.

Ирачкиот премиер се обидува да ги заживее разговорите меѓу Саудиска Арабија и Иран со посредство на Багдад, изјави за новинската агенција Асошиетет прес официјален претставник кој сакаше да остане анонимен.

Претходната рунда разговори одржана во април во Багдад беше прекината поради зголемените тензии во регионот.

Иран со мнозинство шиити и Саудиска Арабија предводена од сунитите долго време се ривали кои се натпреваруваат за влијание на Блискиот Исток.

Иран ги прекина преговорите со Саудиска Арабија

Саудијците ги прекинаа врските со Иран во 2016 година, откако ирански демонстранти упаднаа во амбасадата на Саудиска Арабија во Техеран по егзекуцијата на шиитски свештеник во Саудиска Арабија.

Крвавата војна во Јемен многумина ја сметаат за прокси војна меѓу Ријад и Техеран. Конфликтот доведе до една од најлошите хуманитарни катастрофи во светот, додека бунтовниците Хути, кои се подредени во Иран, истрелаа проектили кон саудиските аеродроми и нафтените капацитети.

Кога ја презеде функцијата во мај 2020 година, Кадими рече дека Ирак се обидува да има избалансирани односи со Иран и Саудиска Арабија.

Безживотни 17 тела на млади луѓе пронајдени во ноќен клуб во Јужна Африка

Медиуми во потрага по одговори пред полициска станица во Јужна Африја, архивска фотографија

Безживотните тела на најмалку 17 луѓе се пронајдени во ноќен клуб во градот Источен Лондон во Јужна Африка. Полицијата соопшти дека се истражуваат околностите под кои починале луѓето во клубот, додавајќи дека е рано да се утврди причината за смртта.

На сликите објавени на социјалните мрежи, кои засега не може независно да се потврди во целост нивната автентичност, се гледаат тела без видливи траги од повреди кои се наоѓаат на подот од клубот, а полицијата потврди дека се работи за лица на возраст од 18 до 20 години.

Полицискиот бригадир Тембинкоси Кинана изјави дека е премногу рано да се каже што би можело да ги убило младите и додаде дека полицијата отвори истрага.
Локалните медиуми јавуваат за толпа насобрана пред клубот во потрага по одговори и дека полицијата се обидува да ги смири. Клубот се наоаѓа на три километри од центарот на градот.
Источен Лондон е град на плажа на брегот на Индискиот Океан, на околу 1.000 километри од Јоханесбург.

Руското злато е новата мета на Г7 за зголемен притисок врз Русија

Лидерите на Г7

Лидерите од Групата седум индустриски развиени демократии (Г7) кои ќе се соберат на дводневен самит на германските Алпи на 26 јуни најавија дека ќе објават забрана за нов увоз на руско злато за да ги засилат санкциите, соопштија британските и американските власти.

Богатите Руси неодамна купуваа златни шипки за да го ублажат осилото на меѓународните финансиски казни што беа воведени откако руските трупи ја нападнаа Украина на 24 февруари, се вели во соопштението на британската влада.

„Мерките што ги објавивме денеска директно ќе ги погодат руските олигарси и ќе удрат во срцето на воената машина на рускиот претседател Владимир Путин“, изјави британскиот премиер Борис Џонсон.

Лондон соопшти дека извозот на руско злато изнесувал повеќе од 15 милијарди долари минатата година.

Забраната треба да биде објавена на 27 јуни, брзо ќе стапи на сила и ќе се однесува на ново ископуваното или рафинирано злато, соопштија властите.
Американскиот претседател Џо Бајден преку Твитер рече дека забраната за злато претставува дополнителни „невидени трошоци за Путин да му ги ускрати приходите што му се потребни за финансирање на неговата војна против Украина“.

Бајден го нарече златото „голем извоз кој за Русија носи десетици милијарди долари“.

Зошто украинските и руските сили се подготвуваат за долга војна?

Санкциите за руските енергенси имаа непожелен ефект – зголемување на цените на енергијата, што доведе до тоа Русија да заработи повеќе од извозот, и покрај падот. На самитот ќе присуствуваат лидерите на САД, Германија, Франција, Велика Британија, Италија, Канада и Јапонија.

Лидерите на Г7 ќе се состанат почнувајќи на 26 јуни во замокот на германските Алпи, а самитот на НАТО ќе следи на 29 јуни во Мадрид.

Руски проектили погодија станови во Киев

Повеќе експлозии одекнаа во станбена населба во украинскиот главен град рано на 26 јуни, оставајќи луѓе заробени под урнатините и предизвикувајќи пожар во деветкатна станбена зграда која беше меѓу погодените места.

Бомбардирањето на Киев дојде додека украинските одбранбени сили се бореа да се регрупираат по загубата на стратешки град од руските сили на фронтот стотици километри југоисточно, каде што се водат некои од најинтензивните борби четири месеци по целосната инвазија на Русија.

Градоначалникот на Киев, Виталиј Кличко изјави дека спасувачите се упатиле на местото на настанот во една од историските северни населби на градот, каде што најмалку две згради беа погодени од нападите од руските ракети рано наутро.

Зошто украинските и руските сили се подготвуваат за долга војна?

Тој на социјалната платформа напиша дека се експлозии е погодена област каде што се сместени универзитети, галерии и ресторани, како и дека „има луѓе под урнатините“. Тој објасни дека неколку жртви кои се извлечени од под урнатитните се се хоспитализирани.

„Спасувачите извлекле и 7-годишно девојче, таа е жива и сега тие се обидуваат да ја спасат нејзината мајка“ изјави Кличко.

На околу 600 километри југоисточно, украинските сили вчера соопштија дека извршиле „тактичко повлекување“ од градот Северодонецк.

Претседателот Володимир Зеленски во своето ноќно видео обраќање вети дека Украина на крајот ќе ги врати градовите што ги изгуби од почетокот на сеопфатната инвазија на Русија на 24 февруари.

Нема повредени при невремето во Делчево

Невреме во Делчево, 25 јуни 2022

Денеска по синоќешното невремето кое ја зафати територијата на град Делчево, се одржа координативен состанок на Кризниот штаб на кој присуствуваа претставници на локалната самоуправа, Јавното комунално претпријатие, Територијалната противпожарна единица, Центарот за управување со кризи и МВР Делчево.

Големо невреме во Делчево: Урнати покриви, откорнати бандери, поплавени домови...

На состанокот беа дефинирани понатамошните активности за справување со последиците кои ги предизвика силниот ветар и обилниот дожд, а во својата изјава, градоначалникот Горан Трајковски кој исто така беше дел од средбата изјави дека најважно е што досега не е пријавено ниту еден повредено лице како последица на силното невреме.

„Делчево денес го зафати невреме со посериозни размери со ветришта и поголема количина дожд, но за наша среќа нема пријавено ниту еден повреден и тоа е најважно. Има материјална штета на институции и откорнати дрвја но сето тоа ќе се надомести, најважно е ќе повторам што нема ниту еден повреден“, рече Трајковски.

Ситуацијата во моментот како што рече е стабилна, а утврдување на фактичката состојба ќе трае во наредниот период.

Вакво невреме, како што посочи, го нема зафатено Делчево многу години наназад поради што апелираше до граѓаните таму каде што треба помош да се јават до Комуналното претпријатие МВР и Центарот за управување за кризи.

Сончево и топло, попладне со локална нестабилност

Денеска се очекува сончево и топло време со мала до умерена облачност. Ќе дува слаб до умерен, наместа повремено засилен ветер од северозападен правец. Попладне и во вечерните часови ќе има појава на локална нестабилност со пороен дожд, грмежи и засилен ветер.

Максималната температура ќе биде во интервал од 28 до 36 степени. УВ индексот ќе изнесува 8.

Временска прогноза – Сончево и топло, попладне локална нестабилност

Во Скопје сончево и топло со мала до умерена облачност. Ќе дува слаб до умерен ветер од северен правец. Максималната температура ќе достигне до 33 степени.

Во следните денови ќе се задржи сончево и топло време, но во попладневните и вечерните часови ќе има појава на локална нестабилност со пороен дожд, грмежи и засилен ветер.

Големо невреме во Делчево: Урнати покриви, откорнати бандери, поплавени домови...

Невреме во Делчево, 25 јуни 2022

Невремето кое вечерва го зафати Делчево предизвика голема штета на Градскиот пазар, урнат е дел од кровот на училиштето „Ванчо Прке“, повеќе улици се под вода и се непроодни, многу куќи се со оштетени покриви, а дел од градот е се уште без струја.

Поради расчистување на штетите сообраќајот на магистралата А3 од градот кон Македонска Каменица се одвива отежнато. Градскиот пазар во Делчево е во многу лоша состојба по невремето кое се случи денеска околу 19:30 часот. Тезгите се превртени, предизвикана штета е огромна. Во близина е и ОУ „Ванчо Прке“ каде што е урнат дел од кровот од невремето, јави новинската агенција МИА.

Улицата пред училиштето е блокирана поради искршените лимови од силниот ветер паднати на коловозот. Екипи на Комуналното претпријатие се веќе на терен и се интервенира на отстранување на паднати дрвја. Дел од градот нема струја, поточно делот од левата страна на река Брегалница кој е во мрак.


Директорот на Комуналното претпријатие „Брегалница“ Стојче Стојковски за МИА изјави дека според првичните информации од оддлението за ППЗ, од нивните согледувања на терен, како и од информациите од Полициската станица во градот се дека прироритет во моментов е расчистување на коловозите од градот кон граничниот премин, како и на паднати дрвја кои се регистрирани на многу места.

-Во координација сме со сите служби, со Центарот за управување со кризи. Работиме со сите наши капацитети, на терен се сите вработени. Приоритет е расчистување на сообраќајниците, освен таму каде што има паднати електрични столбови каде се работи во координација со кои го одржуваат јавното осветлување за да може безбедно да се пристапи кон нивно отстранување, рече Стојковски, пренесе МИА.

Поплавен дом во невреме во Делчево, 25 јуни 2022
Поплавен дом во невреме во Делчево, 25 јуни 2022


Тој додаде дека засега нема информации дали околните села настрадале од невремето, а засега нема информации ниту за повредени.

Поради невремето, кое е вели, незапаметено досега, без струја е филтер станицата во Тработивиште и водоснабдувањето во моментов се врши исклучиво преку браната Лошана, па се препорачува до граѓаните водата да не ја користат за пиење.

Откорнати дрвја во невремето во Делчево, 25 јуни 2022
Откорнати дрвја во невремето во Делчево, 25 јуни 2022

Тој упати апел до граѓаните да останат смирени и да информираат доколку има потреба за интеревенции од страна на јавното претпријатие.

Пратеничката Соња Михаиловска, која е лекар по професија, за МИА потврди дека според информациите добиени од Итната медициснка помош во Делчево, засега нема повредени.

Се очекува вечерва да се одржи состанок на надлежните институции со цел да се утврдат понатамошните дејствија за санирање на штетите од невремето.

Стотици луѓе излегоа на протестниот марш на "Парада на Гордоста"

Парада на Гордоста во Скопје

Стотици луѓе со знаменца во боите на виножитото и транспаренти во раката "Само кревко его се плаши од еднаквост" и " Гордост, а не предрасуди" излегоа денеска на протестниот марш на третата по ред "Парада на Гордоста" која се одржува во центарот на Скопје. Под мотото "Излези за љубов, достоинство, еднаквост и правда" демонстрантите побараа да се почитуваат нивните права и различности, како и да нема дискриминација по ниту една основа. Тие испратија порака со како што велат, љубов и разбирање за граѓаните во Осло, каде што денеска нема да се одржи Парадата на Гордоста поради инцидентот во ноќниот клуб при што две лица загинаа а 20 -тина други се ранети.

Поддршка на денешната Парада на Гордоста дадоа и министерката за труд и социјална политика Јована Тренчевскс и вице премиерот за европски прашања а Бојан Маричиќ. Претходно на социјалните мрежи пораки за поддршка упатија премиерот Димитар Ковачевски и претседателот Стево Пендаровски.

СЗО предупредува на ризик од колера во Авганистан

Светската здравствена организација (СЗО) предупреди дека постои ризик од ширење на колера низ цел Авганистан, по земјотресот кој ја погоди земјата на 22 јуни. Претставникот на СЗО во Авганистан, Дапенг Луо, рече дека околу 500.000 луѓе во мај имале дијареа, еден од главните симптоми на колера.

Обединетите нации соопштија дека распоредуваат медицински здравствени тимови и обезбедуваат медицински материјали, но рекоа дека немаат можности за пребарување и спасување во Авганистан.

Бројот на загинати во земјотресот во Авганистан се искачи на 1.150

Катастрофата претставува предизвик за владата предводена од талибанците, која е главно изолирана како резултат на нејзините тврдокорни исламистички политики кон човековите права, особено во однос на слободите на жените и девојките. Земјата веќе се бори со тешка хуманитарна катастрофа, влошена со преземањето на земјата од талибанците во август минатата година.

На 24 јуни талибанските власти соопштија дека ги завршиле операциите за пребарување и спасување од големиот земјотрес.

Талибанскиот директор на државната новинска агенција Бахтар, Абдул Вахид Рајан, вчера рече дека бројот на загинати се искачи на 1.150 луѓе, за разлика од претходните извештаи за 1000 жртви. Рајан рече дека има најмалку 1.600 повредени. Во послаб потрес на 24 јуни, пак, загинале уште пет луѓе.

Од Министерство за управување со катастрофи за РСЕ соопштија дека во земјотресот делумно или целосно се уништени 10 илјади куќи.

Земјотрес со јачина од 6,1 степени според Рихтер на 22 јуни погоди регион кој се наоѓа на околу 160 километри југоисточно од Кабул, во планински регион со мали населби. Најпогодени беа провинциите Пактика и Хост.

Полицијата пукала во гуми на автомобил за да спреччи Ресенчанец да прегази полицаец и инспектори

Незаконски продавал производи од возилото, но откако полицијата му наредила да престане и да си замине, со возило се обидел да ги прегази инспекторите. 53 годишен ресенчанец е приведен од прилепската полиција откако денеска нешто после пладне во центарот на Прилеп, пред градскиот пазар, со своето возило комби „мерцедес спринтер” се обидел да прегази комунални инспектори и полициски службеник кои вршеле службени дејства.

За да го запре полицијата пукала со пиштол во гумите на возилото со кое тој се обидел да ги прегази инспекторите. На овој настан посведочеле жителите кои се најдоа во центарот на Прилеп кај градскиот пазар.

„Според пријавеното, во Градскиот пазар Прилеп, додека продавал производи со возилото, тој бил отстранет од инспекцијата“ се вели во соопштението од СВР Битола

Во него е посочено дека Н.К. е приведен во полициска станица, а известен е Одделот за внатрешна контрола, криминалистички истраги и професионални стандарди.

„Увид ќе се врши, а по документирање на случајот против сторителот ќе биде поднесен соодветен поднесок,“ стои во соопштението од СВР Битола

Бугарското МНР - Скопје ако го потпише Протоколот, Софија ќе одобри старт на преговори со ЕУ

Илустративна фотографија, бугарската министерка за надворешни работи Теодора Генчовска во оставка

Бугарија е подготвена да го потпише Протколот според член 12 од Договорот за Добрососедство со Македонија и со тоа да ја одобри првата меѓувладина конференција за Северна Македонија со Европската Унија, веднаш штом македонските власти ќе го потпишат билатералниот протокол, се вели во денешното соопштение на бугарското министерство за надворешни работи.

„На ред се одговорните фактори во нашата соседна земја да ја покажат, не со зборови, туку со дела, својата посветеност и желба за сопствената, и за онаа на регионот, европска иднина. Брзината со која Република Северна Македонија ќе пристапи кон членство во Европската Унија зависи од тоа и нема да одложи доколку земјата ги исполни обврските кон европските вредности и добрососедските односи“, се вели во соопштението на бугарското МНР.

Ова соопштение доаѓа откако вчера бугарското Народно Собрание го изгласа предлогот за прифаќање на францускиот предлог со дополнение од четири нови услови и дадоа овластување на Владата во Софија да го крене ветото за усвојување на преговарачката рамка за Северна Македонија а со тоа и Албанија.

Радев обвинува дека пратениците потпишале „ бланко чек “ за Северна Македонија

Тие се ефикасно имплементирање на Договорот за добрососедство, европски гаранции дека бугарските услови ќе биде исполнети, гаранција за правата на Бугарите во Македонија со нивното вклучување во Уставот и дека ништо во пристапниот процес на Македонија нема да биде протолкувано како признавање на македонскиот јазик од страна на Бугарија.

Македонија со три, Бугарија со четири црвени линии за конечен француски предлог

Македонскиот министер за надворешни работи Бујар Османи на заедничката прес конференција со вицепремиерот за европски прашања Бојан Маричиќ по донесувањето на одлуката на бугарското Собрание изјави дека нема да коментира за бугарскиот документ кој е усвоен во Собранието се додека не го погледне детално, затоа што досега објавената верзија на француски предлог е работна верзија со неусогласени прашања. Тој додава дека сега ќе се чека каква ќе биде формулацијата на францускиот предлог по усвоениот бугарски документ и претходно доставените забелешки на македонскиот премиер Димитар Ковачевски во Брисел.

„Останува наредните денови на француското претседателство дали ќе има конечен свој предлог по однос на прашањето. Досега имавме работна верзија во која останаа недефинирани некои прашања а тоа е прашањето за протоколот, затоа што протоколот на некој начин ние симболично го гледаме како парадигма на историските интерпретации. Мислам дека доколку има политичка волја да се разберат нашата сензитивност, може да се најде решение и во наредните неколку денови“, изјави Османи.

Тој додаде дека јазикот, историските прашања надвор од рамката и одредувањето кога да се направат уставните измени се клучните македонски црвени линии, кои ќе одредат дали е прифатлива конечната усогласена верзија на францускиот предлог за отстранување на бугарското вето за преговарачкиот процес на земјава со ЕУ.

Бајден-Трагична грешка е одлуката на Врховниот суд

Американскиот претседател Џо Бајден ја оцени како трагична грешка одлуката на Врховниот суд на земјата, со која се поништува уставното право на абортус. Според него таа одлука е резултат на „екстремистичка идеологија“.

Во петокот, Врховниот суд на САД ја укина уставната одбрана за абортусот што беше во сила речиси 50 години. Ова се случи со поддршка на пет судии избрани од Конзервативната републиканска партија.

Врховниот суд на САД го укина уставното право на абортус

Претседателот Бајден го нарече„ тажен ден “ петокот кога одлуката беше донесена, и тоа не само за Врховниот суд, туку и за целата земја.

„Здравјето и животот на жените во оваа земја сега се во опасност“, рече тој на нацијата. Бајден нагласи дека САД сега се исклучок во светот.

Тој повика борбата да продолжи на мирен начин и правото на абортус и сите други лични слободи да се заштитат од гласачките кутии. Неговиот повик доаѓа неколку месеци пред конгресните избори во средината на ноември, што се покажува тешко за Демократската партија на Бајден.

Врховниот суд на САД го прошири правото за носење оружје

Американските сојузни држави Калифорнија, Орегон и Вашингтон работеа заедно за да го одбранат правото на абортус.

Тие рекоа дека „ќе го заштитат пристапот до репродуктивна здравствена заштита, вклучително и абортус и контрацепција“ и ветија дека ќе ги заштитат пациентите од обидите на другите држави „да ги продолжат своите забрани за абортус во нивните три држави“.

Високиот комесар за човекови права Мишел Бачелет изјави дека укинувањето на правото на абортус, за кое одлучи Врховниот суд на САД, е страшен удар за човековите права на жените и родовата еднаквост. Таа ја опиша одлуката како голем неуспех.

Ковачевски- Секој има право на достоинство и прифаќање без предрасуди

Македонскиот премиер Димитар Ковачевски во пресрет на денешната „Парада на Гордоста “ која се оддржува под мотото „ Излези за љубов“ изјави дека секој има право на почит, достоинство, прифаќање без предрасуди и еднакви можности за самореализација.
„Затоа грижата и напорите кои ги вложуваме да обезбедиме афирмација и отворен простор за активно учество на ЛГБТИК+ заедницата остануваат наши патокази во градењето демократско општество кое практикува европски вредности и во кое има место за сите“ напиша тој на својот официјален фејсбук профил на кој сподели лого од „Парадата на Гордоста“.

Тој вели дека Владата посветено работи за да овозможи добробит на сите граѓани.

„Донесовме Закон за спречување и заштита од дискриминација каде влегоа и сексуалната ориентација и родовиот идентитет. Комисијата за заштита од дискриминација за прв пат има лица и од граѓанскиот сектор. Има уште предизвици, но заедно и посветено ќе ги решаваме и надминуваме.
Парадата на гордоста е едно од значајните демократски случувања во Северна Македонија“ напиша Ковачевски на Фејсбук.

Трета „Парада на Гордоста“ вечерва во Скопје

Претходно слична порака испрати и претседателот Стево Пендаровски.

„Имаме заедничка одговорност да овозможиме уживање на основните права и себереализација на секој, без страв од отфрленост, особено кога станува збор за ранливите заедници“, се вели во пораката на Претседателот.

Пендаровски пред Парадата на гордоста – Прифаќањето на различностите е показател за демократско општество

Првата Парада на гордоста се одржа во 2019, а втората лани по паузата поради ковид кризата.

Поради одржувањето на „Парада на гордоста“, ќе бидат преземени мерки за посебен режим на сообраќај по сообраќајниците на централното градско подрачје на Скопје, соопшти Министерството за сообраќај.

Радев обвинува дека пратениците потпишале „ бланко чек “ за Северна Македонија

Бугарскиот претседателот Румен Радев ја критикува одлуката на парламентот да ја поддржи таканаречениот француски предлог за Северна Македонија и ги обвини пратениците дека гласале „бланко чек“. Тој го обвини и бугарскиот премиер во оставка Кирил Петков дека првично рекол дека не сакал вклучувањето на Бугарите во македонскиот устав да биде услов за почеток на преговорите со ЕУ.

Македонија со три, Бугарија со четири црвени линии за конечен француски предлог

Овие коментари на Радев дојдоа денеска на само еден ден откако бугарскиот парламент донесе одлука со која и се наложува на владата во оставка да го одобри т.н. „француски предлог“ за Северна Македонија, но само доколку се промени за да се исполнат одредени услови.

„Што се однесува до гаранциите за културно-историското наследство, учебниците и против јазикот на омразата, кои се бранат во билатералниот протокол, вчера пратениците гласаа бланко за нешто со што многумина од нив никогаш не успеаја да се запознаат, што дефинитивно не ги обезбедува потребните механизми, рокови и критериуми за заштита и што ќе ги остави следните бугарски влади во сегашната ситуација да водат неплодни спорови со македонската страна“, изјави Радев.

Во исто време, во саботата Радев призна дека т.н „Францускиот предлог“ ги содржи главните барања на Бугарија, но го обвини премиерот Кирил Петков за „дивергентни политики“.

„Содржи голем дел од основните бугарски барања, но можеше да биде многу поуспешен доколку нашите политичари посветеа поголемо внимание на целиот овој процес. Доколку дипломатите од Министерството за надворешни работи не се потпираа само на претседателската институција и не трошеа многу време и енергија во обид да се внесат различните политики на премиерот во некоја прифатлива рамка“, рече Радев.

Претседателот го обвини и Петков и сите партии освен „Има таков народ“ дека за време на Советодавниот совет за национална безбедност не сакале како услов за почетокот на преговори да се вметнат во македонскиот Устав Бугарите, туку го прифатиле тоа кога пристигнало како предлог од францускиот претседател Емануел Макрон .

Претходно бугарското Собрание усвои декларација со која, како што се наведува во текстот, се утврдуваат условите под кои Република Бугарија може да ги поддржи следните чекори во процесот на европска интеграција на Република Северна Македонија. Во нивниот документ се додадени уште четири барања од Софија кон Скопје како услов за влез во ЕУ.

Тие се ефикасно имплементирање на Договорот за добрососедство, европски гаранции дека бугарските услови ќе биде исполнети, гаранција за правата на Бугарите во Македонија со нивното вклучување во Уставот и дека ништо во пристапниот процес на Македонија нема да биде протолкувано како признавање на македонскиот јазик од страна на Бугарија.

Прашањето како да се реши спорот на Софија со Скопје постои од ноември 2020 година, кога Бугарија стави вето на можноста Северна Македонија да започне преговори за членство во ЕУ. Тогаш премиер беше лидерот на ГЕРБ Бојко Борисов.

Бугарија ги блокира македонските евроинтеграции со тврдење дека земјава ја краде бугарската историја и дека македонскиот јазик е дијалект на бугарскиот.

Вучиќ- 16 од 27 лидери од ЕУ бараат Србија да се вклучи во санкциите против Русија

Српскиот претседател Александар Вучиќ денеска изјави дека на Самитот на лидерите на ЕУ и Западен Балкан 16 од 27 земји членки на Унијата директно или индиректно му зборувале за неопходноста Србија да се приклучи кон сакнциите за Русија . Тој во својот говор во Собранието истакна дека притисокот со кој се соочил на Самитот во врска со „воведување санкции против Русија“ не треба да оди во друга крајност.

„Гледам дека во земјава постои некоја голема хистерија против ЕУ , но не треба да мислиме дека можеме да имаме подобри партнери од ЕУ и дека можеме да имаме некој друг политички пат. Немојте да заборавите дека парите со кои располагаме, ги имаме благодарение на бројни инвестиции кои доаѓаат најмногу од ЕУ, “ изјави Вучиќ.

Хил - Србија да размисли дали е одржлива „неутралната позиција“ околу војната во Украина

Тој наведе дека во полицијата мора да постои рационален пристап, и понекогаш глас на прагматичен пристап со чија помош може да се води сметка за интересите на Србија. Вучиќ истакна дека во странските компании во земјата се вработени над 300 илјади српски државјани, а околку 500 илјади други на индиректен начин соработуваат со нив.

Вучиќ додаде дека Србија во својот европски пат има уште незавршени задачи кои до декември ќе треба да поработи на нив, особено во делот за владеење на правото.

Србија и покрај повиците од ЕУ, одбива да се приклучи кон западните санкции против Русија, кои се воведени поради неиспровоцираната инвазија на Москва врз Украина. Србија во ОН неколку пати се огласи дека ја осудува руската агресија.

Вчитај повеќе

XS
SM
MD
LG