Достапни линкови

Адеми: Ќе има поголеми плати за наставниците, дајте ни малку време


Министерот за образование и наука, Арбер Адеми

Досега покажавме дека сме заинтересирани за подобрување на материјалниот статус на вработените во образованието и имаме кредибилитет кога велиме дека ќе има идно зголемување на платите, но колкав ќе биде процентот и од кога ќе почне да се имплементира тоа зголемување зависи од разгледувањето на параметрите. Ни треба малку време, бидејќи се уште не сме почнале во Владата да дискутираме за буџетот за идната година, треба да ги направиме проекциите и заедно да одлучиме за идното зголемување на платите на наставниците.

Ова денеска го изјави министерот за образование и наука Арбер Адеми, кој рече дека отворено разговараат, отворени се и транспарентни и имаат одлична соработка со Самостојниот синдикат за образование, наука и култура (СОНК) и со вработените во образованието.

„Септемвриската плата на наставниците годинава споредено со августовската плата во 2018 година, е зголемена за 10,8 проценти. Првпат по неколку години и во високото образование и во научните институти платата е зголемена за пет проценти“, потенцира Адеми, одговарајќи на новинарско прашање пред отворањето на меѓународниот собир по повод 60 години постоење на Катедрата за италијански јазик и книжевност при Филошкиот Факултет „Блаже Конески“.Адеми:

XS
SM
MD
LG