Достапни линкови

Јовески: Обвинителството има капацитет за предметите од СЈО


Државниот јавен обвинител Љубомир Јовески

Државниот јавен обвинител Љубомир Јовески соопшти дека примопредавањето на предметите од СЈО во државното јавно обвинителство ќе се врши предмет по предмет.

"Не очекувам процесот да трае долго, а обвинителството има капацитет да ги превземе и да постапува соодветно по предметите", изјави денеска Јовески за телевизијата Сител.

Јавното обвинителство вчера го прифати барањето на специјалната јавна обвинителка Катица Јанева да ги преземе предметите на СЈО.

Јанева, која е во притвор во КПУ Затвор Скопје-Скопје како осомничена за случајот „Рекет“, во средата даде полномошно сите предмети на СЈО да бидат предадени на Јавното обвинителство. Со полномошното Јанева ги овластува обвинителите во ова Јавно обвинителство да ги предадат на Јавното обвинителство предметите кои се водат во ова Јавно обвинителство и тоа: кривичните предмети во судење, во истрага и во предистрага.

XS
SM
MD
LG