Достапни линкови

Прв работен ден на Агенцијата за национална безбедност, УБК заминува во историјата


Директор на Агенција за национална безбедност Виктор Димовски,

Започнува со работа Агенцијата за национална безбедност, соопшти денеска деректорот на институцијата Виктор Димовски. Тој истакна дека сите капацитети на Агенцијата, согласно законот за нејзино основање и согласно внатрешните акти за оперативност, од денеска се ставени во полна функција.

Ангеловски рече дека денешниот ден е и историски, бидејќи како што наведе завршува клучната фаза во реформата на безбедносниот сектор во земјата.

„Управата за безбедност и контраразузнавање, која во изминатиот период беше злоупотребена за поединечни и групни интереси, конечно заминуваа во историјата. Велам злоупотребена, бидејќи во одредени периоди во минатото и посебно, за време на владеењето на претходната власт, граѓаните и земјата беа, на одреден начин, жртви на злоупотребата на капацитетите, ресурсите и еден дел од вработените во Управата“, рече Димовски.

Тој додаде дека од денеска почнува нова ера во оваа област, односно дека Агенцијата за национална безбедност е самостојна агенција, надвор од рамките на МВР, како дел од завршницата на реформата на безбедносно-разузнавачкиот систем во Република Северна Македонија, нагласи Димовски.

Тој исто така посочи дека Агенцијата во рамки на делокругот на своето работење ќе се посвети на имплементирањето и спроведувањето на реформите согласно европските безбедносни стандарди, со што како фактор на стабилност во регионот „ќе даде придонес во севкупниот процес за интеграција на нашата земја во НАТО и ЕУ“, рече Димовски.

XS
SM
MD
LG