Достапни линкови

Заврши распитот на Кичеец за случајот "Рекет"


Зградата на Јавното Обвинителство

Второосмничениот за случајот „Рекет“, Зоран Милески – Кичеец, кој се наоѓа во притвор во затворoт Шутка, денеска беше донесен на распит во Обвинителството за организиран криминал.

Денеска во ЈО за случајот „Рекет“ е сослушана и пензионерката Лилјана Тодоровски, која е потписничка на проектот за европски центар на Меѓународниот сојуз на Бојан Јовановски – Боки 13.

Кичеец и Бојан Јовановски, се засега единствените осомничени за случајот „Рекет“ и се наоѓаат во притвор во затвор Шутка. Обвинителството двајцата ги товари за кривично дело „примање награда за противзаконито влијание“, а првоосомничениот Јовановски и за „перење пари и други приноси од казниво дело“.

Утре во ЈО за случајот „Рекет“ е повикана на распит и специјалната јавна обвинителка Катица Јанева, која со обвинителката Лиле Стефанова беа спомнати во снимените разговори и видеата што ги објави интернет изданието на италијанскиот весник „Ла Верита“, а во врска со случаите „Рекет“ и „Империја“.

XS
SM
MD
LG