Достапни линкови

Борисов во Скопје на двегодишнината од Договорот за добрососедство


Заев и Борисов заедно ќе положат цвеќе на гробот на Гоце Делчев во црквата Св. Спас.

Бугарскиот премиер Бојко Борисов на 1 август ќе престојува во посета на Скопје каде што заедно со премиерот Зоран Заев ќе ја одбележат двегодишнината од Договорот за добрососедство, пријателство и соработка.

Според најавите, Борисов и Заев ќе имаат средба на која ќе го разгледаат напредокот на соработката на билатерален и мултилатерален план, а двајцата премиери ќе учествуваат на церемонијата на полагање цвеќе на гробот на Гоце Делчев во црквата „Св. Спас“ во Скопје.

Предвидено е Борисов во Скопје да се сретне и со шефот на државата Стево Пендаровски. Потоа Борисов ќе замине во Дојран, каде со македонскиот премиер Заев ќе го откријат споменикот на полковник Константин Каварналиев.

XS
SM
MD
LG