Достапни линкови

Мицкоски и Касами – Власта ги кочи реформите


Претседателот на ВМРО-ДПМНЕ Христијан Мицкоски и генералниот секретар Игор Јанушев се сретнаа со претседателот на Движењето БЕСА Биљал Касами и генералниот секретар Арјанит Хоџа

Претседателот на ВМРО-ДПМНЕ Христијан Мицкоски се сретна со претседателот на Движењето БЕСА Биљал Касами. ВМРО-ДПМНЕ соопшти дека тие разговарале за актуелната политичка состојба, за стратешките интеграции на Македонија, како и за искористувањето на потенцијалите за соработка.

„Беше констатирано дека актуелната власт ги има закочено интеграциските процеси кои треба да се динамизираат со крупни реформи кои досега не се реализирани. На средбата беше посочено дека останува акутен проблем постоењето на корупција на високо ниво, отворени сомнежи за криминал на раководни структури на власта, како и сериозни аномалии и отсуство на волја за воспоставување на владеење на правото и правната држава“, се наведува во соопштението на ВМРО-ДПМНЕ.

На средбата присуствувале и генералните секретари на двете партии, Игор Јанушев и Арјанит Хоџа.

XS
SM
MD
LG