Достапни линкови

Средба на Заев со новата американска амбасадорка Брнс


Зоран Заев со новата амбасадорка Кејт Мари Брнс.

Премиерот Зоран Заев денеска ја прими новоименуваната амбасадорка на САД во земјава Кејт Мари Брнс, соопшти владината прес-служба. Оттаму надуваат дека двајцата соговорници се согласиле дека Северна Македонија останува стабилен стратешки партнер на САД фокусиран на заедничките заложби за безбедност, слобода и демократски просперитет во регионот, како и на заедничките активности во борбата против тероризмот и другите закани кон мирот во светот.

Во соопштението стои дека Заев и посакал добредојде и успешен мандат на амбасадорката Брнс во Северна Македонија и изразил благодарност за „одличната работа“ на претходниот американски амбасадор Џес Бејли и заменик шефот на мисијата, Микаела Швајцер Блум.

Премиерот Заев како долгорочен интерес на земјата го издвоил натамошното интензивирање на билатералната политичка и економска соработка со САД, како и посветеноста на реформската ЕУ агенда за достигнување конкретни резултати во областа на владеењето на правото, антикорупцијата, реформите во безбедноста и јавната администрација.

XS
SM
MD
LG