Достапни линкови

Тело на загинат во бродската несреќа во Будимпешта пронајдено на 60 километри низводно во Дунав


Архивска фотографија: Обиди за извлекување на потонатиот брод во Будимпешта

Унгарската полиција соопшти дека е идентификувана и 27-та жртва на бродската несреќа во Дунав која се случи во центарот на Будимпешта во мај, која по судирот со брод за крстарење потона бротче до туристи од Јужна Кореја.

Телото на една жена, жртва од несреќата, е извлечено од Дунав во селото Макад, 58 километри низводно од местото на несреќата.

Претходно беа пронајдени 26 тела, 24 на Јужнокорејци и две на унгарски членови на екипажот на потонатиот брод. Уште еден Јужнокореец се води како исчезнат, а седуммина се спасени.

Украинскиот капетан на бродот за крстарење, кој се сомничи дека го предизвикал судирот, засега е единствен осомничен за несреќата и после притворот е пуштен да се брани од слобода со полициски надзор.

Потонатиот брод беше извлечен од Дунав на почетокот на јуни.

XS
SM
MD
LG