Достапни линкови

Најмалку 14 загинати во ракетен напад на пазар во Авганистан


Повреден по нападот на пазарот во Авганистан.

Најмалку 14 луѓе загинаа, а неколку десетици се повредени во ракетен напад врз еден пазар на северот на Авганистан, соопшти тамошната војска, која за нападот ги обвини талибанците.

Милитантите веројатно гаѓале воен контролен пункт во близина на пазарот во провинцијата Фарјаб, наведе војската.

„Во нападот загинаа 14 цивили, а околу 40 се повредени, меѓу кои и жени и деца“, се наведува во нивното соопштение.

Талибанците засега не го коментираат нападот.

Бунтовниците секојдневно ги напаѓаат авганистанските безбедносни сили, иако во тек се мировни преговори со САД за окончување на судирите во земјата.

Авганистанските безбедносни сили се борат против талибанците од 2014 година, кога САД и НАТО официјално за завршија мисијата во таа земја.

По повлекувањето, САД планираа да остават само околу 1000 војници, но поради влошување на состојбата, во Авганистан останаа околу 8400 американски војници.

XS
SM
MD
LG