Достапни линкови

Мировни преговори за Авганистан


Архивска фотографија: Американски, катарски и талибански претставници на мировни разговори за Авганистан во Доха

Авганистанската делегација составена од десетици луѓе од политичката елита и невладиниот сектор од земјата го напушти Кабул и замина на мировни разговори во Доха. Делегацијата, во која нема владини претставници, треба да се сретне со претставници на талибанците за време на дводневната Конференција за интраавганистански дијалог, која почнува утре.

Средбата, организирана од Катар и Германија, следува по одделните разговори меѓу талибанците и американски дипломати за постигнување на договор со кој ќе се нагласи повлекувањето на американските и војниците на НАТО и безбедносни гаранции од талибанците за постконфликтниот Авганистан.

Неименуван американски претставник за новинската агенција Асошиејтед прес изјави дека последната рунда разговори со талибанците била „многу продуктивна“. Тој негирал дека Вашингтон бара фиксирање на крајниот рок за повлекување на војската од Авганистан. Одговарајќи на временската рамка која ја споменуваат талибанците, тој вели дека американската делегација „дефинитивно не понудила“ повлекување за 18 месеци, како дел од мировниот договор.

Претставници на талибанците досега одбиваат директно да разговараат со владата во Кабул, која има поддршка од западот. Американските претставници бараат договор за прекин на огнот и целосни преговори меѓу талибанците и авганистанската влада пред финализирање на каков било мировен договор.

XS
SM
MD
LG