Достапни линкови

Германија во септември ќе одобри датум за преговори со ЕУ


Премиерот Зоран Заев и германската канцеларка Ангела Меркел во Скопје

Бундестагот во септември ќе донесе одлука за одобрување на старт на преговорите на ЕУ со Северна Македонија, соопшти владината прес служба по средбата на премиерот Зоран Заев со германската канцеларка Ангела Меркел во Берлин на која присуствуваа и заменик претседателот за европски прашања Бујар Османи и министерот за надворешни работи Никола Димитров.

„Канцеларката Меркел информираше дека Бундестагот ќе донесе одлука во септември за одобрување на старт на преговорите на ЕУ со Северна Македонија, согласно утврдените процедури на СР Германија за прашањата за проширување на Унијата. На средбата канцеларката потенцираше дека Северна Македонија го испорача очекуваното и дека таа и Берлин на тоа гледаат многу позитивно“, се наведува во соопштението.

Заев, според соопштението, порачал дека земјата има целосна доверба во Меркел и ја поддржува нејзината политика за процесот на проширување на ЕУ, како и нејзината политика кон Западен Балкан.

XS
SM
MD
LG