Достапни линкови

Ципрас пристигна во Скопје


Зоран Заев и Алексис Ципрас во Скопје

Грчкиот премиер Алексис Ципрас денеска во Скопје е на разговори со премиерот Зоран Заев и со претседателот на Собранието Талат Џафери. За попладне е најавен и бизнис форумот на стопанствениците од двете земји

Грчкиот премиер денеска во Скопје се среќава со двајца од македонскиот државен врв и со повеќе бизнисмени.

Алексис Ципрас, по свечениот пречек во Владата, ќе се сретне со премиерот Зоран Заев, а вториот висок политичар со кој ќе се сретне е претседателот на Собранието Талат Џафери.

На агендата на Ципрас не е средба со носителот на третата висока функција- претседателот Ѓорге Иванов. Од кабинетот на Иванов за Радио Слободна Европа само кратко одговараат дека “досега во кабинетот на претседателот на Република Македонија нема пристигнато барање за таква средба”.

Претседателот и по влегувањето во сила на уставните измени официјално не го признава новото име – Република Северна Македонија, а несогласувањата најмногу излегуваат на површина со Собранието, бидејќи одбива да ги потпише законите поради употребата на новото име.

Инаку, покрај со Заев и Џафери, Ципрас кој ја предводи делегацијата во која има министри и и претставници на над 70 големи и средни компании, ќе учествува и на бизнис форум. Самиот деновиве најави дека очекува оти грчкото претприемништвото може да игра водечка улога во економскиот развој на Северна Македонија поради важниот и позитивен момент што го создаде Договорот за Преспа. Посетата е значајна и затоа што е продолжение на воспоставените односи по договорот за името, вели Зашов.

“Мислам дека оваа посета ќе биде поттик и за двете земји и за двете влади да се продолжи со реализација на договореното од Преспа”, вели Зашов.

Делегацијата, според грчките медиуми, е поддржана од грчката компанија за инвестиции и надворешната трговија Ентерпрајс Грција, а компании од енергетскиот сектор, градежништво, индустриски производи, храна и пијалоци и висока технологија веќе изразиле интерес за учество и оцениле дека постои простор за инвестиции во земјава.

  • 16x9 Image

    Фросина Димеска

    Родена е 1980 година во Скопје. Со новинарство се занимава од 2004 година кога почнува да работи како постојан дописник на Радио Слободна Европа од Скопје.
    Во периодот од 2008 година до почетокот на 2014 година работи прво како новинар во телевизијата Алсат М а потоа во дневниот весник Нова Македонија.

XS
SM
MD
LG