Достапни линкови

ВМРО ДПМНЕ најавува анти владини протести, првиот е во среда


Претседателот на ВМРО ДПМНЕ Христијан Мицкоски

Извршниот комитет на ВМРО-ДПМНЕ на вчерашната редовна седница одлучил во наредниот период да организира антивладини протести.

Како што се наведува во соопштението повод за протестите, е тоа што ВМРО-ДПМНЕ, смета оти државата од СДСМ се води во целосно погрешна насока и дека таа тоне во сиромаштија, криминал и корупција.

Од партијата соопштија дека првиот протест се планира за среда, 28.11.2018 година, на една година, како што стои во соопштението од „најцрниот и најмонструозно конструиран процес“ во кој што пратеници, заедно со уметници, актери, режисери и оперски пејачи се апсеа и приведуваа за измислен тероризам.

Протестот ќе започне во 17 часот со место на тргнување од Плоштад ВМРО и ќе заврши пред владата на Република Македонија.

Извршниот комитет на ВМРО-ДПМНЕ вчера одлучил да објави и јавен повик за кандидирање на членови на Комисии на ВМРО-ДПМНЕ.

XS
SM
MD
LG