Достапни линкови

Кејт Мери Бирнс номинирана за нов амбасадор на САД во Македонија


Кејт Мери Бирнс, замник шефица на мисијата во амбасадата на САД во Атина, Грција

Претседателот на Соединетите Американски Држави Доналд Трамп ја номинираше Кејт Мери Бирнс за иден амбасадор во Македонија. Таа е дипломат од кариера, а во моментов е заменик шеф на мисија во амбасадата на САД во Грција.

Претходно, таа била заменик шеф на мисијата и заменик постојан претставник во мисијата на САД во седиштето на ОБСЕ во Виена. Во својата кариера таа работела во американската амбасада во Мадрид, Шпанија, потоа била на дипломатски задачи во Авганистан и во седиштето на НАТО во Брисел. Бирнс зборува шпански, унгарски и турски јазик.

Веста за нејзиното номинирање е објавена на официјалната страница на Белата куќа, а на својот профил на социјалната мрежа Твитер, ја сподели и актуелниот американски амбасадор во Македонија Џес Бејли. Тој беше потврден како Амбасадор на САД во Македонија од страна на Сенатот во декември 2014 година. Во земјава дојде од позицијатавршител на должноста амбасадор во Амбасадата на САД во Анкара каде пристигна во јули 2011 како заменик амбасадор.

XS
SM
MD
LG