Вести
Мијалков преку писмо на Мицкоски му порачува дека одел по погрешен пат
Поранешниот шеф на Управата за безбедност и контраразузнавање Сашо Мијалков, кого актуелното раководство на ВМРО-ДПМНЕ го обвини за нелегални активности поврзани со гласањето на уставните измени и го исклучи од партијата, денеска преку отворено писмо се обрати до партискиот претседател Христијан Мицкоски.
Во него тој наведува дека веста за неговото исклучување ја примил со големо неверување и разочарување, а дека за таквиот потег немале ниту еден доказ. Мијалков пишува дека со индигнација ги отфрлал “лажните обвинувања фрлени врз мене од луѓето кои до вчера се потпираа на мојот труд, резултати и авторитет”.
“Наместо кукавички да се подметнуваат лажни обвинувања, покажи ги Христијане доказите дека јас некого со сила сум го терал нешто да прави или сум се обидувал да го поткупам. Ајде!!” пишува Мијалков.
Тој тврди и дека вештачкото и со лажни аргументи се создавала еуфорија против него, презентирано како „Панорама 2“.
“Ако ти и неколкумина твои соработници мислите дека со мое исклучување и јавно оцрнување ќе добиете доверба на граѓаните, сакам исто така јавно да ти кажам дека сте на погрешен пат, како што сте на погрешен пат со многу други политички одлуки и чекори, за кои и самите сте свесни, нешто што го знам од личната комуникација со повеќемина од раководството” пишува Мијалков.
Мијалков, обраќајќи му се на претседателот на ВМРО-ДПМНЕ со Христијан, му упатува и неколку прашања меѓу кои и зошто ако сакал да го одбранил името, не застанал цврсто зад таа кауза, со масовно и секојдневно организирање мирни протести на кои ќе ги поведел илјадниците мотивирани граѓани и членови на партијата.
“Приказната дека некој ќе ги злоупотребел протестите за да те намести и да се повтори „27ми април“ ептен не држи. Тоа е кукавичка приказна на луѓе кои се плашат да се соочат со сопствените вредности и сопствената поддршка.По таа теорија ВМРО не треба веќе никогаш кога е во опозиција да организира протести. Ако некој мисли дека има смисла оваа теорија, нека се запраша зошто митингот од 2-ри јуни или неколкуте т.н маршови во различни градови низ Македонија не се претворија во 27-ми април?” пишува Мијалков.
Во продолжение на писмото тој го повикува Мицкоски да одговорел “ кому како претседател на партијата му се додворувал и кому му имал ветено дека масовни и секојдневни протести за името нема да има и дека ВМРО нема да го блокира процесот за решавање на името, туку само ќе изразува несогласувањe?”
“Кој и како издејствува, ти Христијан кој беше ставен во предистражната постапка за предметот Талир, поврзан со финасирање на партијата во време кога ти беше генерален секретар, да бидеш тргнат од листата? Дали ти не се испазари за самиот себе на грбот не само на другите, туку и на Македонија и на нејзиното уставно име? Зошто веднаш по твојот избор за нов претседател запреа секојдневните протести пред министерството за правда пред затворот Скопје каде беа прiтворени десетици лица со фабрикувано обвинение за тероризам? Зошто? И зошто потоа со месеци не ја отвораа таа тема во јавноста?” прашува Мијалков.
Мијалков понатаму го прашува Мицкоски зошто како што пишува на меѓусебни средби поврзани со решавањето на името говорел едно, а во јавноста друго, се до неодамна, кога пред повеќе недели нагло, како што наведува ја прекинал комуникацијата со него и по трет пат заради “лични интереси го смени курсот во многу полоша насока за државата”.
“Дали е во ред, некои свои соработници пред неколку недели да ги охрабруваш да убедат 8 пратеници да гласаат „за“ со цел да се решело прашањето ама ти да не си бил крив, а плус да глумиш храбар лидер кој бара предвремени избори фалејки се со сомнителни анкети кои ги добиваш од агенција од друга држава?” пишува Мијалков.
На крајот тој го прашува Мицкоски “како тоа како професор со 500 евра плата успеал да дојде до неколку хидроцентрали токму за време на владеењето на ВМРО.
“Колку што јас знам, професори на факултет има многу, но само еден професор во Македонија, кој претходно немал сопствен бизнис, има милионски вредни хидроцентрaли кои носат милионски заработки во евра, а сето тоа без никаков ангажман, само врз основa на добиената концесија доделена од владата на ВМРО?”, пишува Мијалков.
Мијалков најавува и тужба против потпретседателот на партијата.
“Многу жалам заради тоа. Бидејки јас сум во ВМРО уште кога некој од Вас беа во пелени како на пример Александар кој го пуштивте да Ви е гласноговорник, и кој деновиве ќе добие од мене тужба за клевета и навреда, па најпрвин со него ќе се видиме на суд. Нека докаже дека сум го правел тоа за што лажно ме обвини. Барем да имаше храброст ти да го кaжеше тоа, а не да пушташ други”, се наведува во писмото.
Мијалков во долг дел од своето писмо го обвинува Мицкоски дека лажел и како што вели народот го препознавал тоа.
види ги сите денешни вести
Одмазднички напади на Техеран по извештаите дека е погодена иранска нуклеарна централа
Во бараж од ирански ракети загинаа две лица во Израел, додека Техеран вети одмазда за убиството на шефот за безбедност Али Лариџани, поради извештаите дека единствената нуклеарна централа на Иран била погодена од неидентификуван проектил.
Иранските власти потврдија дека Лариџани, моќниот шеф за безбедност во земјата, е убиен. Тој беше највисоко рангираниот функционер што почина откако врховниот лидер ајатолахот Али Хамнеи беше убиен на првиот ден од воздушните напади на САД и Израел на 28 февруари.
Потоа Техеран испали неколку ракети во Израел преку ноќ, убивајќи две лица во близина на Тел Авив, велејќи дека нападите биле во „чест“ на смртта на Лариџани.
Ноќниот напад врз населба во близина на густо населените области на Тел Авив, каде што се наоѓаат и важни воени објекти, го зголеми бројот на жртви во војната во Израел на најмалку 14.
Во соопштението прочитано од Корпусот на Исламската револуционерна гарда на државната телевизија се вели дека во нападите се користени ракети „Корамшахр-4“ и „Кадр“, кои носат повеќе боеви глави.
Израел го обвини Иран дека постојано користи касетна муниција, која се дели на неколку помали бомби во лет и се шири низ широка област, што ги отежнува пресретнувањето.
Иранските медиуми на 18 март објавија напади во покраината Лорестан и градот Хамедан, обете на запад од Иран, како и во јужната покраина Фарс.
Израел, исто така, ги интензивираше нападите врз цели за кои рече дека се поврзани со Хезболах, поддржан од Иран - кој САД го сметаат за терористичка организација - во Либан. Пријавени се неколку мртви во нападите, што ги зајакнува загриженоста за проширување на конфликтот низ целиот Блиски Исток.
Во меѓувреме, Росатом, рускиот оператор на нуклеарната централа Бушер во западен Иран, соопшти дека проектил погодил област во близина на објектот на 17 март, иако не се пријавени штети, повредени или ослободување на зрачење.
Како одговор, Меѓународната агенција за атомска енергија повика на „максимална воздржаност“.
Неколку експлозии се слушнале и во Ерусалим на 18 март, по објавата на израелската војска дека детектирала нов бран ракети испукани од Иран.
Лариџани беше убиен заедно со неговиот син Мортеза, неговиот заменик Алиреза Бајат и неколку телохранители, соопшти Секретаријатот на Врховниот совет за национална безбедност на Иран во соопштение доцна на 17 март.
Одделно, Корпусот на Исламската револуционерна гарда (ИРГЦ) ја потврди смртта на Голамреза Сулејмани, командант на иранските паравоени сили Басиџ, давајќи малку детали. Израелските одбранбени сили (ИДФ) соопштија дека Сулејмани и Лариџани биле убиени во истата серија напади на 16 март.
На 18 март, израелскиот министер за одбрана Израел Кац изјави дека војската на земјата го убила и иранскиот министер за разузнавање Есмаил Хатиб. Иако нема потврда од Иран во врска со смртта на Хатиб, Израелските одбранбени сили (ИДФ) соопштија дека тој бил „елиминиран“ во целен напад во Техеран.
Кац додаде дека премиерот Бенјамин Нетанјаху и Министерството за одбрана претходно ја овластиле израелската војска да таргетира кој било висок ирански функционер без да бара дополнително одобрение.
Офанзивата на САД и Израел врз Иран, која сега е во третата недела, не покажува знаци на попуштање, а сирените за воздушен напад се слушнале на неколку локации низ Блискиот Исток на 18 март.
Неколку гласни експлозии се слушнале во Дубаи рано на 18 март, додека официјални лица на Емиратите објавија дека системите за воздушна одбрана се спротивставуваат на заканата од ракети и беспилотни летала испукани од Иран.
Според официјални лица на Емиратите, повеќе од 2000 беспилотни летала и ракети се испукани кон земјата од страна на Иран од почетокот на војната.
Американската војска објави дека нападнала ирански ракетни позиции во близина на стратешкиот Ормуски теснец користејќи таканаречени бомби за разбивање бункери.
Во меѓувреме американскиот претседател Доналд Трамп побара помош за обезбедување на бродскиот сообраќај низ Ормускиот теснец, кој Техеран ефикасно го затвори со напади врз бродови и закани за уште повеќе.
Некои земји рекоа дека би разгледале таков потег, но многу други отфрлија да се вклучат во таква коалиција.
Анкара: НАТО распоредува „Патриот“ во јужна Турција
Турското Министерство за одбрана соопшти дека НАТО распоредува нова батерија ракети „Патриот“ во воздухопловната база Инџирлик, само неколку дена откако беше соборена третата балистичка ракета од Иран.
„Уште еден систем „Патриот“... се распоредува покрај постојниот шпански систем „Патриот“ стациониран таму“, изјави претставник на министерството за новинарите во турската воздухопловна база, веднаш надвор од јужниот град Адана.
Министерството не кажа кои војници од земјата ќе го управуваат новиот систем PAC-3.
Минатиот петок, Турција потврди дека третата балистичка ракета од Иран е соборена во турскиот воздушен простор од страна на силите на НАТО, што е трет таков инцидент од почетокот на војната на Блискиот Исток.
По второто пресретнување, НАТО распореди одбрана од „Патриот“ во централниот регион Малатија, каде што се наоѓа воздухопловната база Куречик, во која се наоѓа радарски систем за рано предупредување на НАТО, управуван од американски војници, кој може да детектира лансирања на ирански ракети.
„Патриот“ е мобилен систем за воздушна одбрана дизајниран да пресретнува тактички балистички ракети, крстосувачки ракети со низок лет и авиони.
Според податоците на американската армија, верзијата PAC-2 има дострел на пресретнување до 70 километри против авиони и крстосувачки ракети, додека PAC-3 има дострел од 20 до 35 километри против балистички ракети.
Заврши евакуацијата на сите пријавени македонски граѓани од Блискиот Исток
Заклучно со вчерашниот лет (17 март) целосно е завршена евакуацијата на сите македонски државјани од земјите на Блискиот Исток кои до овој момент беа пријавени и изразија подготвеност за евакуација, информира Министерството за надворешни работи и надворешна трговија.
„Со последниот, петти лет што вчера слета на Меѓународниот аеродром во Скопје, евакуирани се вкупно 147 патници, од кои 119 македонски државјани и 28 странски државјани. Со тоа државата покажа подготвеност навремено да реагира во кризни ситуации, да ја заштити безбедноста на македонските граѓани, но и да покаже солидарност кон граѓани од пријателските земји од регионот и пошироко, се наведува во соопштението од МНР.
Од таму појаснуваат дека станува збор за организирани чартер летови, при што сите трошоци за нивната реализација се на товар на државата.
Со реализацијата на овие летови, вкупниот број евакуирани македонски државјани достигна 605.
Министерството уште еднаш нагласува дека безбедноста на граѓаните е највисок приоритет, што се потврдува и со фактот дека евакуацијата на сите македонски државјани кои изразија интерес за враќање во земјата е целосно завршена.
Оттаму информираат дека дежурниот СОС телефонски број, како и контактите на дипломатско-конзуларните претставништва, и понатаму остануваат на располагање на македонските граѓани.
Експлозии во Дубаи додека Обединетите Арапски Емирати размислуваат за коалиција со САД
Неколку гласни експлозии се слушнаа во Дубаи во раните утрински часови на 18 март, додека претставници на Обединетите Арапски Емирати изјавија дека противвоздушните системи пресретнуваат ракети и беспилотни летала испукани од Иран.
Според претставници на Емиратите, Иран испукал повеќе од 2000 беспилотни летала и ракети кон земјата од почетокот на војната.
Во меѓувреме, висок функционер на ОАЕ изјави дека земјата размислува да се придружи на иницијативата предводена од САД за заштита на бродовите во Ормускиот теснец - премин за кој извори велат дека Иран ефикасно го затворил за поморски сообраќај.
Анвар Гаргаш, дипломатски советник на претседателот на ОАЕ, изјави дека преговорите за ова прашање продолжуваат, но дека конечна одлука сè уште не е донесена, нагласувајќи дека обезбедувањето на трговската и енергетската безбедност е заедничка одговорност на големите земји.
Соединетите Држави најавија создавање на Коалиција за придружба на бродови во Ормускиот теснец. „Аксиос“, цитирајќи четири извори, подоцна објави и дека американскиот претседател Доналд Трамп се надева дека ќе го објави формирањето на коалиција во следната недела и дека размислува да го заземе на Иран, кој американските сили го бомбардираа на 13 март, ако сообраќајот остане блокиран во теснецот.
Пицула: Ситуацијата во Србија се влоши, процесот на пристапување кон ЕУ стагнира
Известувачот за Србија во Европскиот парламент, Тонино Пицула, оцени дека реформите во земјата „значително се забавиле“ во некои сегменти и дека, како што рече, има назадување, особено видливо во областите на владеењето на правото и стандардите на демократијата како систем.
„Од усвојувањето на нашиот минатогодишен извештај за Србија до денес, ситуацијата во земјата дополнително се влоши. Ситуацијата е исклучително поларизирана и полна со тензии. Целокупното темпо на процесот на пристапување кон ЕУ е во стагнација со години“, рече Пицула во Комитетот за надворешна политика на Европскиот парламент (АФЕТ), каде што се дискутираше нацрт-верзијата на годишниот извештај за Србија.
Тој ја припишува стагнацијата на ограничениот напредок во дијалогот со Косово, континуираниот недостиг на почитување на заедничката надворешна и безбедносна политика на Европската Унија, општиот недостиг на вистинска политичка волја за движење напред, честата реторика против европските функционери, влошувањето на условите за слободна работа на медиумите и граѓанското општество, како и игнорирањето на препораките за реформа на изборниот процес.
Според Пицула, Србија како земја-кандидат мора систематски и решително да донесе стратешка одлука кон декларирано членство во Европската Унија.
„Декларативните одлуки во овие околности повеќе не можат да се сфаќаат како сериозна политика на гледање низ прсти и наметнување на стабилност како алиби од страна на некои европски актери. Тие не донесоа резултати во трансформацијата на земјата, туку, за жал, само ја оддалечија од членството“, рече тој.
„Иако Србија нагласи дека членството во Европската Унија е нејзина стратешка цел, гледаме дека преземените обврски честопати не се потврдуваат во пракса, како во случајот со неприсуство на самитот на Европската Унија и Западен Балкан во декември минатата година, но и учеството на воената парада во Москва минатиот мај“, додаде Пицула.
Осврнувајќи се на слободата на медиумите, известувачот за Србија оцени дека сликата за состојбата во оваа област е „застрашувачка на неколку нивоа“.
Тој ја осуди ескалацијата на нападите и заплашувањето на новинарите, кои, како што оценува, „ја враќаат земјата во некои мрачни времиња“.
За време на дискусијата, некои пратеници кои беа дел од мисијата што ја посети земјата во јануари го критикуваа недостигот на подготвеност на властите во Белград да се сретнат со членовите на делегацијата на Европскиот парламент.
Повеќето членови на делегацијата забележаа дека претседателот на земјата, Александар Вучиќ, и претседателката на српскиот парламент, Ана Брнабиќ, имале негативни коментари пред посетата, кои биле придружени со негативен тон во извештаите на провладините медиуми.
Европратеничката Марта Темидо која ја предводеше делегацијата што ја посети Србија во јануари, забележа дека имало „отворено непријателска реторика“ кон посетата на делегацијата на Европскиот парламент и ограничен интерес на претставниците на владејачката партија за дискусија за пристапувањето во ЕУ.
Претставниците на европските институции, Европската комисија и ЕЕАС, кои учествуваа во дискусијата, предупредија дека целокупното темпо на преговорите за пристапување на Србија ќе продолжи да биде одредено од напредокот во владеењето на правото и односите со Косово.
Во нацрт-извештајот за Србија се оценува дека земјата постигнала ограничен или никаков напредок во исполнувањето на критериумите за членство во Европската Унија.
Документот потсетува на прокламираната посветеност на Србија дека членството во ЕУ е нејзина стратешка цел, но се забележува дека декларираните посветености честопати не се одразуваат во пракса, што, како што е наведено, било видливо и кога највисоките претставници на Србија не присуствуваа на самитот ЕУ-Западен Балкан во декември 2025 година.
Европскиот парламент ја повторува својата силна осуда на нелегалното апсење и депортација на граѓани на ЕУ кои дадоа изјави во поддршка на студентите што протестираат.
Изразена е и загриженост за продлабочувањето на политичката криза во земјата во контекст на масовните протести што се одржуваат низ цела Србија од ноември 2024 година и кои „ја одразуваат реакцијата на граѓаните на системската корупција и перципираниот недостиг на одговорност и транспарентност“.
Во документот, Европскиот парламент изразува загриженост за интензивирањето на вербалните напади, кампањите за клевета и притисокот врз организациите на граѓанското општество кои се залагаат за владеење на правото, како и за влошувањето на условите за работа на новинарите и медиумите, и ја повикува Србија да го промени ситуацијата со падот на слободата на изразување.
По дискусијата во Комитетот за надворешни работи, со дополнувања и измени, овој документ треба да биде усвоен од тоа тело на Европскиот парламент во јуни.
Подоцна годинава, со гласање на една од пленарните седници, документот добива форма на резолуција на Европскиот парламент.
Велика Британија и сојузниците работат на „одржлив план“ за отворање на Ормускиот теснец
Британскиот премиер Кир Стармер изјави дека работи со сојузниците на план за повторно отворање на Ормускиот теснец. Лидерот на Велика Британија се спротивстави на барањата на американскиот претседател Доналд Трамп да испрати воени бродови на Кралската морнарица за да помогнат во обезбедувањето на виталната транспортна рута за нафта и гас, која ефикасно беше затворена за танкери поради војната со Иран.
Тој рече дека Велика Британија работи со земјите, вклучувајќи ги и европските сојузници, на „одржлив план“ за ублажување на кризата, која ги зголеми глобалните цени на нафтата.
Премиерот, исто така, постави мерки за ублажување на притисокот врз трошоците за живот во Велика Британија, со план за помош на домаќинствата кои зависат од нафта за греење.
На прес-конференцијата на Даунинг стрит, Стармер рече дека нема да дозволи Велика Британија да биде вовлечена во „поширока војна“ на Блискиот Исток.
„Работиме со сите наши сојузници, вклучувајќи ги и нашите европски партнери, за да составиме одржлив колективен план што може да ја врати слободата на навигација во регионот што е можно побрзо и да ги ублажи економските влијанија“.
Американскиот претседател предупреди дека иднината на НАТО може да биде доведена во прашање доколку сојузниците не се согласат со неговото барање да обезбедат бродови. Велика Британија потенцијално би можела да испрати беспилотни летала за лов на мини во регионот, наместо воен брод, иако Стармер инсистираше дека не се донесени конечни одлуки.
Трамп рече дека НАТО се соочува со „многу лоша“ иднина доколку неговите земји-членки не помогнат, додавајќи: „Ќе видиме дали ќе ни помогнат, бидејќи долго време велев дека ние ќе бидеме таму за нив, но тие нема да бидат таму за нас“.
Во интервју за „Фајненшл тајмс“, Трамп го повтори својот повик за сојузничка помош во Ормутскиот теснец, велејќи: „Соодветно е луѓето кои се корисници на теснецот да помогнат за да се осигура дека ништо лошо не се случува таму“.
Тој претходно апелираше до Велика Британија, Кина, Франција, Јапонија и Јужна Кореја да испратат бродови за да ја обезбедат рутата.
Трамп повторно го нападна Стармер поради неговото одбивање да им дозволи на американските сили да ги користат британските бази во почетниот бран напади врз Иран.
„Велика Британија може да се смета за сојузник број еден, со најдолг стаж итн. и кога побарав да дојдат, тие не сакаа да дојдат“, изјави тој за Фајненшл тајмс.
Запрашан за ситуацијата со Ормускиот теснец, Стармер рече:
„Тоа е дискусија, сè уште не сме во фаза на донесување одлуки, сакам навистина да го нагласам тоа. Ќе мора да биде нешто што ќе биде договорено од што е можно повеќе партнери, тоа е мојот цврст став. Сè уште не сме во таа фаза, но работиме напорно“, изјави Стармер.
Во меѓувреме реагираше и официјален Берлин. Германската влада го отфрли повикот на Трамп до сојузниците во НАТО да помогнат во заштитата на комерцијалниот бродски превоз во Ормутскиот теснец од иранските напади кои ги зголемија цените на нафтата.
„Оваа војна нема никаква врска со НАТО. Тоа не е војна на НАТО“, изјави портпаролот на владата Стефан Корнелиус во Берлин, додека многу западни сојузници на Вашингтон сугерираат дека САД и Израел немаат никој друг освен себеси да бидат виновни за превирањата на глобалните пазари на нафта предизвикани од нивната војна против Иран.
Додека многумина во 32-члената одбранбена алијанса, вклучително и Германија, се согласија дека раководството во Техеран претставува закана, сојузниците сè повеќе го критикуваат Трамп за она што го сметаат за недостиг на стратегија за ставање крај на војната.
Премиерот на Република Српска, Саво Миниќ, поднесе оставка
Премиерот на ентитетот Република Српска во Босна и Херцеговина, Саво Миниќ, денеска, 16 март, поднесе оставка.
На прес- конференција, Миниќ изјави дека се консултирал со претседателот на РС, Синиша Каран, и дека тој повторно ќе го номинира за мандатот.
Миниќ, кој е член на Сојузот на независни социјалдемократи, партијата на Милорад Додик, додаде дека има поддршка од мнозинството во Народното собрание на РС.
Тој рече дека се одлучил за овој потег за да ја обезбеди легалноста и легитимитетот на Владата и изјави дека има забелешки и од Меѓународната заедница, без да објасни на што конкретно мисли.
Ова е втор пат во последните неколку месеци Миниќ да поднесе оставка и да објави дека повторно ќе биде избран.
Претходниот министер за земјоделство на РС, Саво Миниќ, беше назначен за премиер на ентитетот на 2 септември минатата година.
На 23 јануари, Уставниот суд на Босна и Херцеговина одлучи дека оваа влада не е уставна, бидејќи Милорад Додик, кој тогаш се претстави како претседател на РС, го предложи за мандатар минатиот август.
Според Уставот на РС, мандатарот може да го номинира само претседателот на ентитетот, а таа позиција му беше одземена откако пресудата за непочитување на одлуките на високиот претставник стана правосилна, со која му се забранува вршење политички функции во период од шест години.
Неколку дена пред одлуката на Уставниот суд на Босна и Херцеговина, Миниќ поднесе оставка, па за мандатар го предложи тогашната заменик-претседателка на РС, Ана Тришиќ Бабиќ, па тој повторно беше назначен на истата позиција.
Ќамил Дураковиќ, потпретседателот на РС, побара од Уставниот суд на РС да ја оцени уставноста на изборот на Тришиќ Бабиќ на таа позиција, со оглед на тоа што Уставот на ентитетот не ја признава функцијата вршител на должноста претседател.
На 25 февруари, Уставниот суд на РС ја суспендираше постапката за оценување на уставноста на нејзиното назначување.
Израелската војска потврди „ограничени“ копнени операции во Либан
Израелската војска во последните денови започна „ограничени и насочени копнени операции“ на југот од соседен Либан, соопшти војската во понеделник, 16 март. Целта е да се таргетираат активните членови на милицијата Хезболах, поддржана од Иран, во областа, како и нејзината инфраструктура, соопшти војската.
Се вели дека копнените операции се „дел од пошироки одбранбени мерки“ за заштита на жителите во северен Израел.
„Тајмс оф Израел“ во текот на викендот објави дека израелските копнени трупи убиле десетици припадници на милицијата Хезболах во судирите во јужен Либан. Министерството за одбрана на Израел го потврди извештајот.
Уништени се складишта за оружје, команден центар и набљудувачки места на Хезболах.
Во Либан постои загриженост за поголема копнена офанзива од страна на Израел.
Според новинскиот портал „Аксиос“, повикувајќи се на израелски и американски претставници, Израел има намера да ја преземе контролата врз целата област јужно од реката Литани за да ја демонтира воената инфраструктура на Хезболах.
Хезболах е вооружена и политичка организација во Либан, а Израел ги напаѓа нивните објекти затоа што ги смета за воена закана и сака да го намали нивниот ракетен и воен капацитет. Израел смета дека групата е поддржана од Иран и претставува безбедносна закана.
Министрите за надворешни работи на ЕУ ќе разговараат за војните во Украина и Иран
Министрите за надворешни работи на Европската Унија в понеделник, 16 март треба да разговараат за војните во Украина и на Блискиот Исток како и за последиците од борбите.
Се очекува украинскиот министер за надворешни работи, Андриј Сибиха, да им се придружи на своите колеги од ЕУ преку видео врска за брифинг за најитните потреби на неговата земја во нејзината одбрана од Русија.
Поддршката на ЕУ за Киев претрпе неуспех минатиот месец кога 27-те земји-членки на блокот не успеаја едногласно да се договорат за нови мерки за помош на време за 4-годишнината од целосната инвазија на Русија.
Дваесеттиот пакет санкции за Русија, како и пакетот за финансиска помош во вредност од 90 милијарди евра (103 милијарди долари), сè уште се блокирани поради отпорот од Унгарија и Словачка.
ЕУ, исто така, постојано предупредува на можни последици за Украина од конфликтот на Блискиот Исток. Европската комисија вели дека Москва имала огромна корист од зголемувањето на цените на горивата откако започна војната во Иран, со дополнителни дневни заработки од 150 милиони евра од продажбата на нафта.
Ова доаѓа по години напори на ЕУ да ги ограничи приходите на Русија од фосилни горива со цел да ја ограничи нејзината способност да ја финансира војната против Украина.
Конфликтот, исто така, ги исцрпи воените ресурси, при што системите за воздушна одбрана и другите средства се повеќе се потребни надвор од воениот фронт во Украина, бидејќи Иран возвраќа на воздушните напади на САД и Израел со напади низ делови од Блискиот Исток.
Во врска со Иран, се очекува министрите на ЕУ формално да одобрат нови санкции насочени кон иранските функционери и организации, како што објави минатата недела највисокиот дипломат на блокот, Каја Калас.
„Господин Никој против Путин“ го освои Оскарот за најдобар документарен филм
Филмот „Господин Никој против Путин“ - за млад руски наставник кој тивко се спротивставува на војната на Кремљ против Украина - го освои Оскарот за најдобар документарен филм, на 98-то доделување на филмските награди „Оскар“.
Филмот, во режија на Дејвид Боренштајн и наставникот Павел Таланкин, го следи Таланкин додека работи во училиште во сиромашниот рударски град Карабаш на Урал.
Филмот користи снимки направени од Таланкин во период од две години за да покаже како руската влада на претседателот Владимир Путин ги индоктринира учениците со провоени пораки.
На барање на руското Министерство за образование, Таланкин, кој има 35 години, помогна во снимањето на провоените пропагандни напори во основно училиште во Карабаш. Но, претставниците на Министерството не се сомневаа дека тој ќе ги претвори своите снимки во документарец за руската кампања за „патриотско образование“ за учениците.
Таланкин го документира сопствениот прогон и на крајот прогон во филмот, кој The Hollywood Reporter го нарече „трогателна, интимна хроника“.
„Господин Никој против Путин“ е за тоа како ја губите вашата земја, а она што го видовме додека работевме со овој материјал е дека ја губите преку безброј мали, ситни акти на соучество“, рече режисерот Боренштајн на сцената, стоејќи до Таланкин.
„Кога сме соучесници, кога владата убива луѓе на улиците на нашите големи градови, кога не кажуваме ништо, кога олигарсите ги преземаат медиумите и го контролираат начинот на кој ги создаваме“, додаде Боренштајн.
„Нереално е“
Пред церемонијата во Лос Анџелес, Таланкин рече:
„Да ми кажевте пред две години дека работите ќе бидат вакви, ќе ви се смеев во лице. Нереално е - вакви работи едноставно не се случуваат“, рече тој.
Таланкин, познат и како Паша, избегал од Русија во летото 2024 година со хард дисковите што ќе станат основа на документарниот филм.
Таланкин се сретнал со Боренштајн преку интернет, изјавил тој за CBS, и снимал две години додека Боренштајн режирал од далечина од Европа.
Во февруари, филмот ја освои и наградата БАФТА во Лондон за најдобар документарен филм.