Достапни линкови

Најмногу коментари за странската поддршка за референдумот


Германската канцеларка Ангела Меркел на пречекот во Скопје
Германската канцеларка Ангела Меркел на пречекот во Скопје

Посетите на германската канцеларка Ангела Меркел и другите високи странски претставници за поддршка на референдумот за името се најкоментирани теми од нашите читатели.

Отсекогаш Македонците важеле за гостопримлив народ, но сега како нешто да се менува. Посетите на високите гости од Европа и од САД, германската канцеларка Ангела Меркел, канцеларот на Австрија Себастијан Курц и на сенаторот и специјален советник на претседателот Доналд Трамп, Рон Џонсон на земјава, како поддршка на Република Македонија пред референдумот, а по Договорот за името со Грција, наидуваат на негативни реакции, пцовки и колнења што човек дури не може да ги замисли. За Миле Мики Лазаровски, Џонсон дошол „со уцена и недемократски да го убедува народот како да гласа“, а Нада Кокаловска Попова постирала: „Бојкот на референдумот!“ Рајко Најков, пак, кратко напишал: „Бојкот на бојкотот!“, а Алајдин Ибраими вели: „Или во Европа или ние во Европа ќе идеме па тогаш нема што да смениме“.

На пораката на канцеларката Ангела Меркел граѓаните да не седат дома и да излезат на гласање, а дека таа не сака да им се меша во тоа како ќе гласаат, Борис Апостолов постирал: „Ќе одиме на пикник! Нема да седиме дома!“ Марјан Теовски, пак, порачува: „Одете копајте лојзе, ние 1 милион Македонци ќе си гласаме раат за Македонија во ЕУ и НАТО, Меркел секоја чест за тебе“. А по ова, пораката на Влатко Коле Шалја: „Што повеќе се трудат, тоа поголем отпор се создава!“

Прославата на Денот на независноста – 8 Септември и пораката на премиерот Зоран Заев до граѓаните дека е „време за европска Македонија и запечатување на независноста на 30 септември, јазикот и македонската националност се потврдени за век и векови“, како да не допираат до противниците на референдумското изјаснување, па Јане Јанев коментирал: „На детски роденден има 5 пати повеќе луѓе од тука. Брука предавничка!“, ама за Горан Тасев: „Има многу народ, многу...“

По видео снимката на РСЕ од славењето на 8 Септември на Движењето Бојкотирам со знамиња на ѕвездата од Вергина пред Собранието на Македонија, Дардан Лума забележува: „Овие што бојкотираат се предавници и не ѝ сакаат арно на Македонија“, а Игор Миленкоски прашува: „Кај се младите?“ Александар Дивчов иронично одговара: „На гроздобер во Италија“. Бранко Ангелов исто така со прашање на нашата ФБ страница: „Кој го инвестира овој маскенбал?“ Рајко Најков со одговор: „Гвујо & фемили“ Киро Николовски спомнува делови од долната облека: „Поарно маскенбал отколку симињање гаќи за да се задоволат овие европски хиени“, на што Лаки Ламалари, очигледно испровоциран, со потсетување коментира: „Гаќите од 500 евра ги носат ВМРО-чињата, како на пример Ивона Талевска“.

  • 16x9 Image

    Горица Попова

    Родена е во Кочани, дипломирала во 1976 год. на Филозофскиот факултет во Скопје. Како новинар работи над 30 години. Почнала во Македонско радио- Радио Скопје во 1978 год. Од јуни 2009 год. е соработник на Радио Слободна Европа.

XS
SM
MD
LG