Достапни линкови

Уапсените борци на ИД биле радикализирани од оџата Мемиши


Илустрација: Полициска операција Ќелија за апсење осомничени исламски борци на странските боишта

Седумтемина борци за Исламска држава кои во вторникот беа депортирани и уапсени на Меѓународниот аеродром Скопје, а заробени во Сирија, биле ученици на оџата Реџеп Мемиши од чаирската џамија „Тутунсуз“, кој пак минатата година беше осуден на седум години затворска казна за учество и организирање паравојска и регрутирање војници за борба во редовите на ИД, пишува МИА.

Терористите, кои по потекло се од Скопје, Прилеп, Тетово и Гостивар, на возраст од 23 до 41 година, биле донесени со воен авион, а според полициски извори, уапсените дури биле и среќни што со лисици на рацете се вратени во матичната земја, со оглед на тоа што повеќето приведени во Сирија и Ирак биле ликвидирани.

Македонија е дел од меѓународната коалиција за борба против тероризмот, а македонските безбедносни служби во таа насока соработуваат со сите странски партнерски служби. МВР во 2014 година по измените на Кривичниот законик спроведе акции против ИД во Македонија.

XS
SM
MD
LG