Достапни линкови

Вести

Во државните институции се распределуваат 958 вработени по Рамковниот договор

Миле Бошњаковски

Владиниот портпарол Миле Бошњаковски, соопштувајќи ги одлуките од вчерашната седница на Владата, денеска информираше дека вкупно 958 рамковни вработувања треба да бидат распределени по државните институции.

„Од нив 50 во МВР, 26 во Јавното обвинителство, 39 во УЈП, 11 во Државниот завод за ревизија, 13 во Агенцијата за вработување, 20 во Министерството за правда... Постапката е комплексна, дел од овие вработувања се во тек, но треба да е усогласат решенијата“, рече Бошњаковски.

Тој нагласи дека во целиот овој процес се внимава на степенот на образование на лицата, како и на нивните вештини и дека институциите, со ваквата рамковна распределба само ќе добијат на квалитет.

„Постапката е комплексна, тие луѓе работат, но треба да се усогласат повеќе решенија меѓу повеќе институции. Дел од нив се веќе почнати. Владата на некоја од наредните седници веројатно ќе побара информација до каде се постапката и распределувањето и ќе информираме“, додаде владиниот портпарол.

види ги сите денешни вести

Шефовите на дипломатиите на ЕУ за вмешаноста на Русија во експлозиите во Чешка

чешкиот премиер Андреј Бабиш

Министрите за надворешни работи на Европската унија ќе се состанат денеска за да разговараат за наводната вмешаност на Русија во смртоносната експлозија на складиштето за муниција во Чешка во 2014 година, обвинение за кое Москва вели дека е „апсурдно“ и дека е знак за влијанието на Вашингтон врз Прага. Претходно чешката влада најави дека денеска ќе ја отстрани ознаката на строга доверливост и ќе го објави извештајот на чешката служба за безбедност БИС и докази за основано сомневање дека агенти на руската служба ГРУ учествувале во експлозии на муниција во магацини во Врбетице во 2014 година. Чешките власти протераа 18 дипломати од руската амбасада во Прага, по Што Москва протера 20 чешки дипломати.

Чешка протера 18 руски дипломати

Во моментот кога чешкиот премиер Андреј Бабиш ја објави одлуката за протерување на 18 руски дипломати, чешката полиција објави фотографии од двајца руски државјани со имиња од лажните пасоши на Русија, Молдавија и Таџикистан користени во Чешка во 2014 година. „Доказите за вмешаност на Русија се доволни. Не би користел големи зборови. Се случи да бидат убиени двајца чешки државјани и да не шпекулирам за планови или цели. Нанесена е огромна материјална штета и велиме дека зад тоа стојат двајца офицери на ГРУ“, изјави чешкиот вицепремиер и министер за внатрешни работи и привремено министер за надворешни работи Јан Хамачек кој сепак одби да оцени дали станува збор за државен руски тероризам или директна руска агресија против Чешка.

Денеска пристигнуваат вакцини на Фајзер

Кутии со вакцината на Фајзер

Денеска во Македонија ќе пристигнат 10 илјади вакцини на Фајзер, а исто толку се очекува да пристигнат и на 26 април. Според агендата што ја објави Министерството за здравство, тие ќе бидат доставени со авион што ќе слета во Софија, а попладне со специјален транспорт ќе бидат донесени во Скопје. До сега се вакцинирани над 35 илјади граѓани, од кои околу 13 илјади ја примиле вакцината на АстраЗенека, нешто помалку од три илјади има од руската Спутник V и околу илјада од кинеските вакцини.

Добра наука, лош маркетинг? Погрешните чекори околу руската вакцина

Се верува дека во земјата веќе над 45 илјади лица ја примиле прва доза од вакцината, ако тука се додадат оние кои патуваа во Србија за вакцинирање. Во меѓувреме министерот за здравство Венко Филипче изјави дека граѓаните ќе можат да испитуваат антитела на товар на Фондот, но ќе бидат потребни одредени критериуми и нема да може тоа да го прави секој.

Времето денеска: облачно и врнежливо

Ќе биде претежно облачно со врнежи од дожд, кои на повеќе места ќе бидат поројни и проследени со грмежи (локално се очекува да наврнат над 15 л/м2). На планините на северозапад ќе врне снег. Дневната температура ќе биде од 4 до 17 степени. Во Скопје и околината слично време. Дневната температура ќе биде 13 степени.

Москва и возврати на Прага, протера 20 Чеси

Илустрација Чешката амбасада во Москва

Москва протера 20 Чеси во знак на одмазда, откако Прага најави дека ќе протера 18 руски дипломати обвинувајќи ги дека се шпиони, откако чешките разузнавачи ги поврзаа руските воени агенти со експлозијата на магацин со муниција во 2014 година при што загинаа две лица.

Руското министерство за надворешни работи денеска соопшти дека на протераните Чеси им било наредено да ја напуштат Русија до крајот на утрешниот ден( 19 април).
Овој потег доаѓа на ден пред состанокот на министри на надворешни работи на ЕУ на кој е предвидено да дебатираат на темата „наводна вмешаност на руски агенти во експлозијата во Чешка во 2014 година“. Таквото обвинување од Чешка, Москва го нарече „апсудрно“ и обвини дека Прага е под влијание на Вашингтон.

Русија се закани со „одмазда“ по протерувањето на дипломати од Чешка

Случувањата се совпаѓаат со зголемувањето на тензиите во Украина поради поставувањето на воени трупи од страна на Москва долж источната граница како и во период кога Вашингтон ги зголеми санкциите кон Москва и протера 10 дипломати.

Пендаровски ги потпиша законите од петтиот пакет мерки

Претседателот Стево Пендаровски ги потпишa Указите за прогласување на законите кои се однесуваат на т.н. петти пакет на економски мерки

Претседателот Стево Пендаровски денеска ги потпиша Указите за прогласувањето на законите од таканаречениот петти пакет економски мерки. Во соопштението од неговиот Кабинет е наведено дека претседателот Пендаровски ги поддржува сите законски иницијативи и проекти кои се во интерес на граѓаните и тоа се однесува и на т.н. петти пакет на економски мерки со кој помош треба да добијат 60.000 граѓани и стопански субјекти, најтешко погодени за време на пандемијата.

Пендаровски, како што се наведува во соопштението, без никаква дилема ги потпишa Указите за прогласување на законите со кои ќе им се овозможи на илјадници наши граѓани да земат плата за февруари и март оваа година.

„Во однос на уставноста и законитоста во работењето на Собранието, претседателот на државата нема надлежност истата да ја преиспитува, за неа е одговорен претседателот на Собранието, а по усвојувањето на законите и Уставниот суд. Што се однесува до повикот на Мицкоски до претседателот да покаже дека е „достоен за функцијата која ја извршува”, нашите граѓани најдобро покажаа што мислат за достоинството на претседателот на изборите пред две години“ се вели во соопштението од претседателскиот кабинет.

Во него е посочено дека Пендаровски секогаш имал став за најважните прашања и проблеми со кои се соочуваат граѓаните, дури и за работи кои не се во негова директна надлежност, вклучувајќи го и повторно реактуелизираното прашање за промена на границите на Балканот.
„За жал, некои други, меѓу кои и Мицкоски „не бекнаа” за овие екстремни и многу опасни предлози“, е наведено во соопштението.

За Мицкоски денешната седница е тероризам, а не „27 април“, Заев згрозен

Претходно лидерот на опозициската ВМРО-ДПМНЕ Христијан Мицкоски упати јавен повик до Пендаровски да не ги потпишува законите донесени на денешната седница во Собранието затоа што, како што вели, тоа е акт на теророзам, а не „ 27 април“.

„Претседателе Пендаровски, доста се криеш, бекни нешто. Застани зад правото, законите и Уставот. Тоа што Заев дозволил да биде заложник на Талат Џафери, тоа што пратениците од СДСМ одлучија да бидат слуги на инаетот и фрустрацијата на еден човек, нека биде нивен срам, ти имаш можност барем еднаш да покажеш дека си достоен за функцијата која ја извршуваш и не ги потпишувај законите кои се резултат на оваа седница,“ напиша Мицкоски на Твитер.

Лидерот на ВМРО - ДПМНЕ Христијан Мицкоски обвинува дека собраниската седница е акт на тероризам
Лидерот на ВМРО - ДПМНЕ Христијан Мицкоски обвинува дека собраниската седница е акт на тероризам

Пендаровски апелира до сите политички субјекти да се однесуваат одговорно и да не најавуваат апсења и затворски казни за своите политички противници, затоа што тоа е во исклучива надлежност на правосудните органи. Тој потсетува дека најавата за поднесување на кривични пријави за претпоставени незаконити дејствија е легитимна, но, како што се вели во соопштението од Кабинетот, најавите и гаранциите за апсења кога доаѓаат од страна на политичарите асоцираат на едно друго време кога единствената партија на власт беше и полицаец и обвинител и судија.

Денеска во Собранието беа донесени низа закони на две последователни пленарани седници. Меѓу нив беа и Законот за финансиска поддршка на физички лица кои вршат самостојна дејност погодени од здравствено-економската криза предизвикана од вирусот ковид-19, за месеците февруари и март 2021 година, Законот за финансиска поддршка на работодавачите погодени од здраствено-економската криза предизвикана од вирусот ковид-19, заради исплата на платите за месеците февруари и март 2021 година и Законот за изменување на Законот за данокот на личен доход, по скратена постапка. Последниот пакет економски мерки беа изгласани со 115 гласа „за “ од пратеници од владејачкото мнозинство и од опозицијата.

За Мицкоски денешната седница е тероризам, а не „27 април“, Заев згрозен

Илустрација, средба на премиерот Зоран Заев со лидерот на опозициската ВМРО- ДПММНЕ Христијан Мицкоски на 29 март 2021 година

Лидерот на опозициската ВМРО-ДПМНЕ Христијан Мицкоски денеска на неговиот официјален твитер профил напиша дека пратеничката група од неговата партија ќе поднесе кривични пријави за сите кои денеска како што вели, го прекршиле законот поради инает и фрустрација на еден човек. Тој посочи дека потоа обвинителството ќе има можност за прв пат да покаже дека не е роб на Заев. Тој го повика и претседателот на државата Стево Пендаровски да преземе мерки.

„Претседателе Пендаровски, доста се криеш, бекни нешто. Застани зад правото, законите и Уставот. Тоа што Заев дозволил да биде заложник на Талат Џафери, тоа што пратениците од СДСМ одлучија да бидат слуги на инаетот и фрустрацијата на еден човек, нека биде нивен срам, ти имаш можност барем еднаш да покажеш дека си достоен за функцијата која ја извршуваш и не ги потпишувај законите кои се резултат на оваа седница,“ напиша Мицкоски на Твитер.

Тој претходно на својот фејбук профил напиша дека тоа што се случило денеска во Собранието е тероризам, а не тоа што се случи на 27 април 2017 година при насилниот упад на симпатизери на партијата во Парламентот. Според Мицкоски проблем е кога законите и правилата не важат за власта.
„Медиумите пишуваа дека човек почина затоа што немало брза помош, а денес за аздисот на власта и пратеничката има.Крајот брзо ќе им се случи, а ќе има и кривични пријави и одговорност за кршењето на протоколите, законите и Уставот, “ напиша Мицкоски.

Собранието ги донесе антикризните мерки, гласаа и пратеници во скафандери

Претходно координатор на пратеничката група на СДСМ Јован Митревски пред почетокот на седницата во Собрание на новинарско прашање одговори дека пратеничката од Битола пристигнала во Парламентот со приватно болничко возило за кое како што вели, го платила од свој џеб.
„Колешката од Битола доаѓа со амбулантно возило, во сопствена режија, на сопствен трошок со приватно амбулантно возило, само за да излеземе од оваа ситуација денеска, согласно протоколите“ изјави Митревски.

Премиерот Зоран Заев на својот официјален фејсбук профил им честиташе на пратениците за донесените закони, како и на тие кои позитивни на ковид-19 со заштитна опрема дојдоа во собранието за да учествуваат во гласањето.

„Со згрозување ја примив информацијата дека за Христијан Мицкоски овој чин бил тероризам. Мицкоски се дрзна гласањето помош за граѓаните да го нарече тероризам, а за крволочниот напад на Собранието на 27 април во кој и тој беше дел, сѐ уште не нашол начин и волја да го осуди. Очигледно е дека ваквото неодговорно однесување на ВМРО-ДПМНЕ, ваквото безобразно блокирање на народната волја во Собранието е директно мотивирано и предизвикано од Мицкоски“ напиша Заев.

Тој додава дека Мицкоски и неговиот соработник Апасиев направиле сѐ да предизвикаат проблем во владејачкото мнозинство.

„Доказ за нивната фрустрација е последниот очаен потег со кој Мицкоски бара од Претседателот на државата да не ги потпишел усвоените закони со што уште еднаш непромислено потврдува дека работи против народот и дека презема чекори народот да не добие помош. Но, попусто им е“ вели Заев.

Со кавги и довикувања помина планарната седница на која пратениците од владејачкото мнозинство и опозицијата со 115 гласови „за“ ги изгласааа законските решенија за петтиот пакет мерки со кој ќе им даде парична помош на 20 илјади компании и околу 150 илјади граѓани кои имаат потреба од тоа, поради кризата настаната од пандемијата.

Русија се закани со „одмазда“ по протерувањето на дипломати од Чешка

Протести пред руската амбасада во Прага по објавата дека чешката влада одлучи да протера руски дипломати обвинети дека се шпиони и инволвирани во експлозијата на магацинот со оружје во 2014 година

Чешките власти соопштија дека ги информирале НАТО и ЕУ за наводната вмешаност на Русија во смртоносната експлозија на складиште со муниција во 2014 година, по што одлучија да протераат 18 руски дипломати. Русија смета дека „тоа е апсурдно обвинение под влијание на Вашингтон врз Прага“. Прага протера 18 дипломати обвинувајќи ги дека се шпиони откако чешки разузнавачи ги поврзаа руските воени агенти со експлозија при која починаа две лица и настрада 50 тони муниција.

Протерувањето на дипломатите и обвинувањата на Чешка го отвора најголемиот спор со Русија по тој во 1989 година при крајот на комунистичкото владеење, кога Прага беше под доминација на Москва. САД и Велика Британија изразија поддршка на Чешка во спорот.

Чешкиот премиер Андреј Бабиш на вонредна прес конференција изјави дека одлуката за протерување на Русите е донесена врз основа на „ недвосмислени докази “ обезбедни од истражителите од чешките разузнавачи и безбедносните служни.

„Постои основано сомневање во врска со улогата на припадниците на руското воено разузнавање во експлозијата на складиштето за муниција во Врбетице во 2014 година. Чешка мораше да реагира на овие невидени откритија на соодветен начин,“ изјави Бабиш.

„Ние го подржуваме нашиот НАТО сојузник, Чешка, додека таа се справува и го истражува малигното однесување на Русија на нејзината територија“, изјави за РСЕ официјален претставник на НАТО.

Чешка протера 18 руски дипломати

Претставник на руската амбасада во Прага потврди дека за протерувањата бил известен амбасадорот Александар Змејевски и дека бил повикан на разговор во Министерството за надворешни работи.

При експлозијата на 16 октомври 2014 година во магацинот во Врбетице во источниот регион Злин на Чешка загинаа две лица, а настрадаа 50 тони муниција. Два месеци подоцна на истото место се случи уште една експлозија при што беа оштетени 13 тони муниција.

Мотивите и причините за експлозијата никогаш до сега во јавноста не беа откриени. Според досегашните објавени информаци се уште е не јасно дали станува збор за нови разузнавачки информации поради кои е донесена одлука за протерување на руските дипломати.

Руското министерство за надворешни работи денеска изјави дека обвинувањата кои доаѓаат од Прага се пример за „непријателски потези против Москва“ кои вклучуваат и преименувања на плоштадот каде што е сместена руската амбасада со име на убиениот поранешен критичар на Кремљ, како и отстранување на статуа на генерал од советското време поставен во населба во Прага.

„Ние ќе преземеме одмазднички мерки што ќе ги принуди авторите на оваа провокација во целост да ја увидат одговорноста и подледиците од уништувањето на нормалните билатерални односи“ се вели во соопштението на руското министерство за надворешни работи.

Во продолжение на соопштението е наведено дека овој потег е само продолжение на низата антируски активности кои ги презема Чешка во последните години, и дека е тешко, како што пишува, да не се види американската позадина на ова, имајќи ги в предвид последните нови американски санкции против Москва.

Чешкиот министер за внатрешни работи Хамчек во интервју за чешка телевизија изјави дека Русија веќе започнала процедура за реципрочно протерување на чешки дипломати од Москва, но се уште не знае за колку точно станува збор.

Според медиумски објави на чешкиот весник „Респект“ муницијата складирана во магацинот што експлодирал била намената за Украина, која во 2014 година се бореше со проруски сепаратисти за областа Крим. Во Респект, било наведено дека одреден бугарски трговец со оружје по име Емилијан Гекрет бил организатор на договорот за продажба на оружјето за Украина.

ВМРО-ДПМНЕ обвинува за нова тендерска афера во Град Скопје

Илустрација, Седница на Совет на Град Скопје

Опозициската ВМРО-ДПМНЕ обвинува за местење на тендери во Град Скопје во вредност од 162 илјади евра. Станува збор за јавна набавка на заштитна противпожарна опрема набавена од компанијата Армор Плус. Портпаролот на партијата Наум Стоилковски на прес конференција денеска објави дека сопственикот на компанијата е сопруг на сестрата на функционерката во Град Скопје Викторија Аврамовска Мадиќ.

„Значи градот каде секретар е Мадиќ, распишува тендер или јавна набавка, а зетот Димитар Петрески, зетот на Викторија Мадиќ е добитник на тој бизниси. Секоја година компанијата Армор Плус добивала јавна набавки од градот раководен од Петре Шилегов.Дали ова се единствените јавни набавки или имало и повеќе други, каде што се врзуваат вакви зетовски, снаовски, балдиски- врски, поврзани со Петре Шилегов и со секретарот на Градот Скопје? Или, дали ваквиот начин за испумпување на пари од Градот Скопје е единствен или постои нова мрежа за криминогени дејанија? “ изјави Стоилковски.

Тој јавно праша како токму компанијата на зетот од сестра на секретарот на градот Скопје е добитник на 5 јавни набавки во вредност од 10 милиони денари.

Афери и скандали го „тресат“ македонското тло

Од Град Скопје реагираат дека ВМРО-ДПМНЕ фабрикува непостоечки афери. Во нивниот писмен одговор велат дека таа фирма во времето на мандатот на претходниот градоначалник Коце Трајановски од ВМРО-ДПМНЕ склучила договори во вредност од 142 илјади евра. Според градскиот татко, опозицијата фабрикува непостоечки афери затоа што била неспособна да одговори на одобрувањето на граѓаните на проектите на Град Скопје во изминативе три години.

„ВМРО-ДПМНЕ 30 години говореше за воведување на трамвај во Скопје, но тоа никогаш не се случи. За разлика од ваквите лажни ветувања, Град Скопје годинава го започна воведувањето на БРТ системот на брз автобуски превоз. ВМРО-ДПМНЕ е неспособно да одговори зошто во времето на нивните градоначалници не се изградени и реконструирани помалку булевари и улици отколку во последните три години“, се вели во соопштението од Град Скопје.

Нови 24 починати и 364 заболени од ковид-19

Ковид-19 амбуланта во Скопје

Во последните 24 часа се регистрирани се 364 нови случаи на ковид-19 од
направени 2.379 тестирања. Бројот на починати пациенти од последиците од ковид 19 изнесува 24, од кои најмладиот бил на 40 годишна возраст, а најстариот имал 88 години. Најголемиот број на новозаразени се евидентиани во Скопје и нивниот број изнесува 161, потоа во Куманово 36 и Битола и Прилеп по 25 нови случаи на ковид-19.

Досега во земјата се направени вкупно 691.255 тестирања на Ковид-19.
Вкупната бројка на КОВИД-дијагностицирани лица во нашата земја од почетокот на епидемијата изнесува 147.094, бројката на оздравени пациенти е 122.810, на починати е 4.443, а бројот на активни случаи изнесува 19.841.

Кривична пријава против фирмата „Нефи Ик“

Охридско Езеро, илустрација

Поднесени се кривични пријави против три физички лица и еден правен субјект поради сомневање дека сториле узурпација на недвижности во заштитената зона на брегот на Охридското Езеро. Станува збор компанијата „Нефи Ик“ и двајца охриѓани и еден стружанец.

Според полицискиот записник, првопријавениот (Н.З.) од Охрид, иако знаел дека неговата катарстарска парцела во населбата „Далјан“ во близина на Охридското Езеро, се уште не е запишана во Агенцијата за катастар на недвижности на негово име, со намера да ја прошири парцелата ги ангажирал второ и трето пријавените (Н.И. и Р.Б. ) , вработени во фирмата „Нефи ИК“ и побарал дотур на земја, камен и крупен градежен шут на брегот и во водите на Охридското Езеро, јавува дописникот на новинската агенција МИА од Охрид.

Со стореното дело, осомничените се теретат дека извршиле дотур на земја и камен со што ја прошириле парцелата на 900 метри квадратни навлегувајќи во водите на Охридското Езеро.

Случајот беше пријавен уште во ноевмри минатата година, кога беше снимено и објавено во медиумите како со тешка механизација се насипува земја и шут во Охридското Езеро, во непосредна близина на новиот комплекс згради и дом за стари лица во изградба кон „Извидничкото одморалиште“ кај Далјан.

Ќерката на Навални стравува за здравјето на нејзиниот татко во затвор

Протест против затворањето на рускиот опозициски лидер Алексеј Навални

Ќерката на осудениот опозициски лидер Алексеј Навални, Даша Навални упати молба до руските власти да го пуштат нејзниот татко да посети независен лекар, откако група на лекари посочија во јавноста дека е можно е да почине Навални како последица од штрајкот со глад. 44 годишниот Навални кон крајот на минатиот месец соопшти дека почнува штрајк со глад во знак на протест против како што рече, одбивањето на затворските власти да му дозволат соодветна медицинска нега поради акутните болки во грбот и нозете.

Сопругата на Навални загрижена за неговото здравје: Тој едвај зборува

Здравствената состојба на Навални брзо се влоши во последните неколку денови и тој може да добие срцев удар „секој момент“, велат дел од неговите лекари и кардиолог во писмото кое беше испратено до руската федерална служба за затвори. Во нивното писмо е наведено дека крвната анализа покажала намалени параметри на калиум кој според нив е на критично ниво, што значи и нарушена бубрежна функција што може да предизвика и сериозни проблеми со срцениот ритам.

Адвокатката на Навални осудена на „поправна работа“

Ова писмо беше објавено и на официјалниот профил на Твитер на личната лекарка на Навални, Анастасија Василева, која изјави дека тимот на лекари изразил подготвеност да оранизира преговори и консултации. Правниот тим на Навални бара независнен лекар да го прегледа, нешто што како што велат, е предвидено со рускиот закон.

Собраниската седница почна со пратеници во скафандери

Собрание на Република Северна Македонија

Со пратеници во скафандери во сместени во посебна просторија започна 32 пленарна седница со присутни од владечајкото мнозинство во салата, додека опозицијата го најави своето присуство само на 36 тата седница која ќе треба да се оддржи после оваа која е веќе започната.

Обезбеден е кворум за усвојување на законите со кои е предвидена помош за илјадници граѓани кои настрадаа од кризата предизвикана од пандемијата изјави денеска координаторот на пратеничката група на сдсм Јован Митревски на прес конференција пред почетокот на пленарната седница. Тој изјави дека сите пратеници од парламентарното мнозинство, вклучувајќи ги и тие кои се позитивни на коронавирусот со сета заштитна опрема и според протоколите се во Собранието за да се обезбеди кворум за да може да биде Собранието ефикасно.

„Опозицијата направи непромислени чекори против сопствениот народ. Затоа владејачкото мнозинство со нив или без нив ќе ја изгласа помошта за граѓаните“ изјави Митревски.

Еден час претходно опозицијата обвини дека петтиот пакет мерки трпи поради тврдоглавоста на власта . Координаторот на пратеничката група на ВМРО-ДПМНЕ Никола Мицески на прес конференција пред почетокот на собраниската седница ги обвини претседателот на Собранието Талат Џафери и премиерот Зоран Заев за намерно кочење на изгласувањето на петтиот пакет антикризини мерки.

ВМРО-ДПМНЕ: Петтиот пакет мерки трпи поради тврдоглавоста на Џафери и Заев

Тој посочи дека пратениците од опозицијата се во Собрание и ќе обезбедат кворум за гласање на петтиот пакет мерки. Стопанствениците и граѓаните два месеци чекаат помош од властата која работи на нивна штета, затоа што тој пакет стигна во Собрание на 19 февруари.

ВМРО-ДПМНЕ: Петтиот пакет мерки трпи поради тврдоглавоста на Џафери и Заев

Петтиот пакет мерки трпи поради тврдоглавоста на власта, изјави координаторот на пратеничката група на ВМРО-ДПМНЕ Никола Мицески на прес конференција пред почетокот на собраниската седница. Тој ги обвини претседателот на Собранието Талат Џафери и премиерот Зоран Заев за намерно кочење на изгласувањето на петтиот пакет антикризини мерки.
Тој посочува дека пратенците од опозицијата се во Собрание и ќе обезбедат кворум за гласање на петтиот пакет мерки. Стопанствениците и граѓаните два месеци чекаат помош од властата која работи на нивна штета, затоа што тој пакет стигна во Собрание на 19 февруари.

„Заев имаше кворум и кога сам себе си бараше гласање на доверба на Влада, и можеше тогаш да ги изгласа мерките, но тоа не го стори. Не го направи затоа што тој е кочничар и сака да направи атмосфера денеска дека некој друг ја кочи работата. Го повикуваме Џафери денеска да ја отпочне 36 -тата седница за таа веднаѓ да биде изгласаана и парите да стигнат до граѓаните и стопството. Дополнително го повикуваме Џафери во иднина да организира таканаречени ковид седници на кои ќе бидат ставени на дневен ред законски решенија потребни за справување со пандемијата. Врзувањето на закони за нужноста на справување со пандемијата со закони за кои само Заев знае зашто ги турка е безобразие и мора да престане“ изјави Мицевски.

Тој смета дека власта води борба за медиумско внимание на сметка на граѓаните и компаниите. Пристигнувањето на пратеници позитивни на ковид-19 со скафандери во собранието во ситуација кога за оддржувањето на седницата има кворум е преседан.

„Како да ги убедиме граѓаните да ги почитуваат мерките за заштита од пандемијата кога пратениците од СДСМ и ДУИ за да ги задоволат желбите на раководството есплицитно ги прекршуваат овие мерки и закони кои важат во државата“ вели Мицевски.

Пратеници во скафандер најавуваат присуство на собраниската седница за антикризни мерки

Претходно пратеничката од владејачкото мнозинство Бисера Костадиновска Стојчевска која е позитивна на ковид-19 на својот фејсбук профил најави дека ќе присуствува на денешната закажана седница во Собранието и дека ќе биде облечена во заштитена опрема односно скафандер. Таа објави дека е на пат кон Собранието со целосна заштитна КОВИД-19 опрема, за да учествува на денешната седница на која треба да ги усвојат законите кои обезбедуваат финансиска помош за илјадници граѓани и компании.

Доколку Собранието, во наредните денови ги усвојат антикризните закони, Фирмите и самостојните вршители на дејност ќе може до 30 април да аплицираат за помош за плати за февруари и за март. Пролонгирањето на рокот за пријавување е предвидено со амандман што беше усвоен во Комисијата за финансирање и буџет.

Пратеници во скафандер најавуваат присуство на собраниската седница за антикризни мерки

Бисера Костадиновска Стојчевска, пратеничка од СДСМ ќе оди во Собрание да гласа, во скафандер затоа што е позитивна на ковид-19

Пратеничката од владејачкото мнозинство Бисера Костадиновска Стојчевска која е позитивна на ковид-19 на својот фејсбук профил најави дека ќе присуствува на денешната закажана седница во Собранието и дека ќе биде облечена во заштитена опрема односно скафандер. Таа објави дека е на пат кон Собранието со целосна заштитна КОВИД-19 опрема, за да учествува на денешната седница на која треба да ги усвојат законите кои обезбедуваат финансиска помош за илјадници граѓани и компании.

„Позитивна сум на КОВИД-19, но добро се чувствувам, со силна одлучност денес да победи народот. Нема да дозволиме уцени! Мојата должност како пратеничка е постојана и благородна. И здрава и болна, имам обврска да направам сѐ граѓаните да ја добијат помошта која Владата ја обезбеди за нив. А, ВМРО-ДПМНЕ и опозицијата можат и понатаму да прават сѐ што намериле против народот - но џабе им е, денес ќе ја завршиме работата“ напиша таа на Фејсбук.

Антикризните мерки во Собранието - ќе се надминат ли партиските интереси?

Пакетот антикризни мерки кои пратениците денеска ќе треба да го изгласаат, се однесува на парична помош за 20 илјади компании и околу 150 илјади граѓани. На веб страницата на Собранието во 14:15 часот е закажана 36-та пленарна седница на чиј дневен ред се законите од петтиот пакет, а претходно во 14 часот е закажана 32-та седница на која меѓудругото треба да се гласа и за Националната стратегија за борба против корупцијата 2021 до 2022 година.

Претходно кооординаторот на пратениците на СДСМ Јован Митревски за емисијата „360 степени“ изјави дека ако постигнатиот договор на премиерот Зоран Заев со лидерот на Алијансата за Албанците Зијадин Села и неговиот колега од Алтернатива, Африм Гаши за законот за државјанство не придонесе за нормализирање на работата на Собранието, тогаш ќе бидат принудени, пратениците од мнозинството кои се болни од ковид-19 да ги донесат во собраниската сала облечени во скафандери и да учествуваат во гласањето .

Лукашенко ги обвинува САД за заговор за атентат

Дел од видео инсерти на државната белоруска телевизија за наводниот заговор и обид за атентат

Белорускиот претседател Александар Лукашенко изјави дека врз него бил спроведен обид за атентат за кој смета дека е поддржан од САД. Тој истакна дека со помош на руските разузнавачи биле приведени двајца белоруски државјани во Москва за кои се верува дека биле поврзаност со заговорот. Во наводите за тоа не беа посочени докази за неговото тврдење.

Засега американските власти не одговорија на обвинувањата. Според наводите, руската безбедносна служба во Москва ги уапсила белорускиот политиколог Александар Федута и адвокатот Јури Женкович кои имаат и американско државјанство. Лукашенко кој владее во Белорусија веќе три децении чести ги обвинува западните земји дека се обидуваат да го симнат од власт, откако тој прогласи победа на претседателските избори во август минатата година.

Обвинувањата за обид за атентат доаѓаат во време кога се во пораст тензиите во соседна Украина, бидејќи Русија поставува воени трупи долж источната украинска граница, а Киев предупредува на можна воена интервенција.

Русија со години како најблизок сојузник на Белорусија се обидува да го привлече Минск во поблиско сојужништво, односно унија, но Лукашенко на тоа се противи затоа што стравува од загуба на белоруската независност но и од загуба на неговиот авторититет.

Лукашнеко во вчерашното телевизиско гостување изјави дека тој и неговите деца биле таргет на наводниот заговор за атентат. Според него обидот за атентант бил одобрен од највисокото политичко раководство на САД, но за таквото обвинување не сподели докази за поткрепа.

Вкупно 1688 хоспитализирани од ковид-19

Инфективна клиника, ковид 19 амбуланта

Вкупно 1688 пациенти заболени со ковид-19 се лекуваат во инфективите оддели во болниците низ земјава, соопшти минисерството за здравство. Од нив во ковид центрите во Скопје се лекуваат 702 пациенти заболени со коронавирусот, додека во другите ковид центри низ земјава се хоспитализирани 986 пациенти болни или суспекни на коронавирус.

Бројот на приеми во изминативе денови е стабилен и утрово до 8 часот имало 330 слободни места, а се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна подршка.

Чешка протера 18 руски дипломати

Илустрација, чешки војници поставуваат шатори во близина на експлодираниот магацин за муниција во Врбтенице во 2014 година

Чешките власти им наредија на 18 руски дипломати да ја напуштат земјата обвинувајќи ги дека се шпиони, откако чешки разузнавачи ги поврзаа руските воени агенти со масовна експлозија на складиштето со муниција во 2014 година. Чешкиот премиер Андреј Бабиш на вонредна прес конференција изјави дека одлуката за протерување на Русите е донесена врз основа на „ недвосмислени докази “ обезбедни од истражителите од чешките разузнавачи и безбедносните служни.

„Постои основано сомневање во врска со улогата на припадниците на руското воено разузнавање во експлозијата на складиштето за муниција во Врбетице во 2014 година. Чешка мораше да реагира на овие невидени откритија на соодветен начин,“ изјави Бабиш.

Министерот за внатрешни работи, Јан Хамачек кој е истовремено и вршител на должност министер за надворешни работи, изјави дека на дипломатите кои се идентификувани како разузнавачки оперативци им било наредено да ја напуштат Чешка во рок од 48 часа. Хамацек изјави дека случајот ќе биде презентиран и на состанокот на министери за надворешни работи на Европската Унија на 19 април.

При експлозијата на 16 октомври 2014 година во магацинот во Врбетице во источниот регион Злин на Чешка загинаа две лица, а настрадаа 50 тони муниција. Два месеци подоцна на истото место се случи уште една експлозија при што беа оштетени 13 тони муниција.

Два силни земјотреси го погодија Иран

Илустрација, куќа во Иран, Техеран погодена од земјотресот на 18 фебруари 2021 година

Земјотрес со јачина од 5,9 степени по Рихтеровата скала, денеска го погоди југозападниот дел на Иран долж Персискиот залив. Засега нема информации за евентуални жртви или предизвикани штети.

Иранската државна телевизија објави дека веднаш по првиот земјотрес со јачина од 5,9 степени, следувал и втор со јачина од 4,5 степени во длабочина од 10 километри.
Земјотресите со јачина над 5 степени предизвикуваат сериозна штета. Епицентарот на земјотресот е на сто километри оддалечност од иранската нуклеарна централа Бушер.

Облачно и дождливо време

Променливо облачно време со врнежи од дожд во утринските часови најавуваат синоптичарите за денеска. Од пладне на одредени места ќе биде нестабилно со пороен дожд и ретки грмежи. Ќе дува слаб до умерене ветер со променлив правец. Минималната температура ќе биде во интервал од 4 до 9, а максималната од 12 до 18 степени.

Во Скопје променливо облачно со повремени врнежи од дожд и со слаб до умерен ветер од северозападен правец. Минималната температура ќе се спушти до 6, а максималната ќе достигне до 14 степени.

Во наредните денови ќе се задржи променливото време со врнежи од дожд. На планините врнежите повремено ќе бидат од снег, особено во понеделник. Од вторник, врнежите ќе бидат од локален карактер и со помал интензитет, а времето постепено ќе се стабилизира и температурите ќе бидат во пораст.

Починати 31 пациент од ковид-19 и нови 824 случаи на заразени

Инфективна клиника, ковид 19 амбуланта

Во изминативе 24 часа се регистритрани 31 починати пациенти од последици од ковид-19, од кои најмладиот е на 38-годишна возраст. Министерството за здравство евидентира и нови 824 случаи на ковид-19 во последните 24 часа од направени 3.988 тестирања. Од новозаболените најголем број се жители на Скопје- 313, потоа во Куманови – 75 и Битола 59.

Вкупната бројка на Ковид-дијагностицирани лица во земјава од почетокот на епидемијата изнесува 146.733. Бројката на оздравени пациенти е 122.121, на починати 4.419, а бројот на активни случаи изнесува 20.193.

ССМ бара пратениците утре да покажат разумност

Сојуз на синдикати на Македонија ССМ

Сојузот на синдикати на Македонија денеска побара од сите пратеници да покажат разумност и утре да го изгласаат петтиот пакет антикризни мерки со кој меѓу другото е предвидена финансиска поддршка за плати за февруари и март. Петтиот пакет на мерки е блокиран веќе три месеци во Собранието. Од ССМ се вчудоневидени од односот на пратениците кон егзистенцијалните прашања на работниците и неизгласувањето на петтиот пакет мерки кој е неопходен за зачувување на работните места.

„За прв пат работодавачи побараа помош и поддршка од ССМ, а кои повеќе не можат да го издржат притисокот поврзан со обезбедување на нивна егзистенција и егзистенција на нивните семејства. Не дозволувајте како пратеници, подадената рака од работникот денес, да стане стисната тупаница утре,“ наведува ССМ.

Пленарната седница на која на дневен ред се ставени економските мерки е закажана за утре во 14 часот. Во соопштението од кабинетот на претседателот на Собранието Талат Џафери е наведено дека прво е закажана 32-та пленарна седница, а веднаш по неа ќе се продолжи со 36 -тата седница на која на дневен ред се економските мерки за справување со последиците врз бизнисот предвизвикани од здравствената криза поради пандемијата.

За прв пат во македонската здравствена историја пресадени коски од починат донор

Докторите и се поклонуваат на младата девојка чие семејство одлучи да ги донира нејзините органи.

На Клиниката за ортопедски болести утрово првпат во историјата на македонското здравство беше направена операција со која се пресадени коски и коскени ткива од починат донор, соопшти денеска Министерството за здравство.

Станува збор за случајот со починатата 21-годишна девојка чие семејство одлучи да ги донира нејзините органи.

„Откако заврши експлантацијата на срцето и бубрезите, тимот лекари од клиниката експлантираше повеќе делови од коски и меки ткива кои сега веќе се презервирани во Отсекот за експлантација, презервација, складирање и трансплантација на меки и коскени ткива при ЈЗУ ЗА ТОАРИЛУЦ, Универзитетска Клиника за ортопедски болести“ се наведува во соопштението.

Веќе наредната недела е планирана пресадување на еден сегмент од коска кај пациент со метастаза од карцином на бубрег, отстранет пред 12 години.

Листата на приматели на коски и меки ткива се пациенти коишто страдаат последици од тумор, траума, претходен оперативен зафат, вродени аномалии.

Бубрезите и коските од донорот на срцето ќе се трансплантираат кај други пациенти

Во изминативе 24 часа од почнатата донаторка на органи, 21 годишна девојка се пресадени нејзиното срце и еден бубрег. Втор пат во македонската здравствена историја денеска беше успешно пресадено човечко срце од починат пациент, со што му се овозможи втора шанса на 22 годишно момче за живот.

Успешна втора трансплатација на донирано срце

Од Министерството за здравство велат дека ткивата од еден донатор може да го подобрат животот на над 70 други личности, а на некои од нив и да го спасат.

Осуден на 10 години затвор лидерот на хакерската група ФИН7

Илустрација

Украинскиот државјанин Федир Хладир е осуден на 10 години казна затвор од американски суд, откако на судско рочиште ја призна вината за учество во хакерската група позната во јавноста како ФИН7. 35 годишниот Хладир денеска беше осуден во западно американскиот град Сиетл. Тој беше приведен во Дрезден, Германија во 2018 година и екстрадиран во САД. Тој во септември во 2019 година ја призна вината односно призна дека работел како управител и админстратор на системите на ФИН7.

Но, во своето признание тој посочи дека е виновен само да една точка од вкупно 26 точки во обвинението. Тој плати 2,6 милиони долари штета. Во затворската казна ќе бидат пресметани и трите години кои тој ги помина во притвор.

Американскиот одделот за правда проценува дека хакерската група ФИН7 „предизвикала загуба на американските граѓани од над милијарда долари“. Обвинителите на сослушувањето истакнаа дека тоа е само „конзервативна проценка“ и дека реалната загуба изнесува помеѓу 3 и 6 милијарди долари. Хакерската група во изминативе години се занимавала со незаконски активности во 50 држави во САД и украла над 20 милиони електронски записи и податоци за кредитни картички.

Вкупно 1699 пациенти со ковид-19 се лекуваат во македонските болници

Инфективна клиника, ковид 19 амбуланта

Вкупната бројка на пациенти позитивни и суспектни на корона вирусот кои се лекуваат на инфективните оддели во Скопје и во болниците низ земјава е 1699 и има околу 335 празни болнички кревети во ковид центрите, соопштија од Министерството за здравство.

Од нив вкупно 702 лица сомнителни и потврдени за ковид -19 се лекуваат на инфективните оддели во главниот град, додека во другите градови во земјава се лекуваат вкупно 998 пациенти. Голем дел од пациентите се на кислородна поддршка. Во тек на денот се прават и исписи на оздравени пациенти со што ќе се ослободат дополнителни легла.

Инаку, сите одделенија на клиничките болници располагаат со болнички места до кои има довод на кислород. Министерството има увид во состојбата со капацитети и доколку има потреба одделенијата ќе бидат дополнително проширени, се вели во соопштенијата.

Жителите на Ново Маало со петиција бараат изградба на проектот спроти Холидеј ин

Презентација на идејното решение на инвеститорите за парцелата 1.1 спроти хотелот Холидеј ин во центарот на Скопје

Жителите од Ново Маало собираат потписи за петиција со која бараат да се дозволи изградбата на висококатниците спроти Холидеј ин во центарот на Скопје. Тие најавија дека нивната петиција ќе ја достават в понеделник до сите надлежни институции. Тие во соопштението до медиумите посочија дека се разочарани од соседите и сограѓаните кои живеат во Градски Ѕид и кои ја поднеле иницијативата за стопирање на градбата спроти Холидеј Ин. Според нив со таа иницијатива нивните сограѓани сакат да ги спречат да си го решат имотноправниот долгогодишен проблем.

„Сакаме да ги потсетиме дека кога нивните кули се градеа пред 50 години, тие доаѓаа кај нас да им помагаме, земаа вода и добиваа поддршка на секој начин. Овој нивни гест на себичност е за секоја осуда. Нивното право на ниеден начин не се нарушува, но нашето да. Тие на ниеден начин нема да бидат оштетени, но ние да“, посочуваат во соопштението.

Бетонско чудовиште или урбан „зелен објект“ ќе никне спроти „Холидеј Ин“

Додаваат дека оваа битка ќе ја продолжат до крај со сите можни средства.
Рокот од две недели за издавање на дозвола за градба почна да тече, откако инвеститорот МГ Фешн уплати комуналии во општините Скопје и Центар во вредност од 2,4 милиони евра на 10 април.

Законски опции за спречување на градбата на парцелата кај Холидеј Ин

Градоначалникот на општина Центар Саша Богдановиќ се уште не го испратил до министерството за транспорт и врски елаборатот за суспенизија на спорниот Детален урбанистички план, кој е изработен уште во декември минатата година. Тој на советот на општина Центар предупреди на можни финансиски последици кон општината доколку ја почне постапката за суспензија, затоа што, како што вели, откако ќе почне суспензијата тече рокот за изготвување на нов ДУП а немало соодветни тарифници од надлежната комора.

Вчитај повеќе

XS
SM
MD
LG